Pas triumfeve në Bundesliga dhe Kupë sezonin e kaluar, Bayern Munich e ka kthyer vëmendjen te Liga e Kampionëve, një prej synimeve kryesore të klubit për këtë edicion.

Gjiganti bavarez kërkon të rikthehet fuqishëm në betejën për trofeun më prestigjioz të futbollit evropian dhe të bëjë hapin e madh gjatë këtij sezoni.

Në edicionin e kaluar, rrugëtimi i Bayern Munich përfundoi në gjysmëfinale, vetëm dy ndeshje larg finales. Tani objektivi është i qartë: skuadra synon ta çojë garën deri në fund dhe të kurorëzohet kampione e Evropës.

Luis Diaz konfirmoi në një intervistë për Sky se ambiciet e Bayern Munich mbeten të larta. Sulmuesi kolumbian vlerësoi forcën e klubit, cilësinë e ekipit dhe punën e stafit teknik, ndërsa theksoi dëshirën për të luftuar në çdo kompeticion.

Diaz deklaroi se skuadra është e vetëdijshme se përfaqëson një klub të madh dhe se ka në dispozicion një ekip dhe një staf teknik të nivelit të lartë.

Sipas kolumbianit, sukseset në arenën vendore nuk mjaftojnë, pasi Bayern Munich kërkon të fitojë çdo trofe të mundshëm, veçanërisht Ligën e Kampionëve.

Edhe pse bavarezët u eliminuan në gjysmëfinale, Diaz e cilësoi të shkëlqyer paraqitjen e tyre në Ligën e Kampionëve sezonin e kaluar. Ai shtoi se skuadra do të tentojë përsëri këtë vit ta fitojë trofeun.

The post Luis Diaz shpalos ambiciet e Bayern Munich në Ligën e Kampionëve appeared first on Albeu.com.

Portal i njohur sportiv, The Athletic, ka përpiluar listën e 10 lojtarëve që shihen si favoritët më të mëdhenj për të rrëmbyer Topin e Artë për vitin 2026, duke vendosur sulmuesin anglez Harry Kane në krye të renditjes.

Të martën, më 8 shtator, France Football publikoi zyrtarisht emrat e 30 futbollistëve që konkurrojnë këtë vit për trofeun më prestigjioz individual në botën e futbollit.

Kampioni gjerman, Bayern Munich, dominon numrin e të nominuarve me katër përfaqësues në këtë listë. Në garë për çmimin janë Harry Kane, Michael Olise, Luis Diaz dhe mbrojtësi francez Dayot Upamecano.

Në analizën e The Athletic, Harry Kane shihet si pretendenti kryesor për të triumfuar në këtë edicion. Pas tij vjen shoku i tij i skuadrës te bavarezët, Michael Olise, që renditet i dyti, ndërsa mesfushori spanjoll i Barcelonës, Rodri, mbyll treshen e parë të favoritëve.

Vijimin e renditjes së 10 pretendentëve kryesorë e plotësojnë emra të njohur si Kylian Mbappe, Erling Haaland, Khvicha Kvaratskhelia, Lamine Yamal, Luis Diaz, Jude Bellingham dhe Lionel Messi.

Ceremonia madhështore e ndarjes së çmimit “Topi i Artë” 2026 do të organizohet të hënën, në datën 26 tetor, në mjediset e Teatrit Palladium në Londër.

The post The Athletic rendit 10 pretendentët kryesorë për Topin e Artë 2026, befason me emrin në krye appeared first on Albeu.com.

Harry Kane ka veçuar tiparin kryesor që e bën Luis Diaz-in një lojtar të jashtëzakonshëm dhe bashkëpunëtorin e përsosur në vijën e parë të Bayern Munichut.

Sulmuesi britanik nuk i ka kursyer fjalët e mëdha për talentin kolumbian, duke nënvizuar një element të stilit të tij që shpesh lihet në hije nga veprimet spektakolare me top.

Për kapitenin e kombëtares angleze, arma më e fortë e Diaz qëndron në inteligjencën e lëvizjeve pa zotërim të sferës dhe instinktin për të hyrë në zonën e rrezikut në çastin e duhur.

Ai zotëron artin e pozicionimit ideal për të shfrytëzuar asistentë, topat e mbetur dhe boshllëqet që hapin partnerët e skuadrës.

“Ajo çka më tërheq më tepër te Lucho është mënyra se si depërton në hapësirën e rreptësisë. Të tillë gola janë jetikë. Duhet të jesh i vendosur në shtyllën e dytë dhe të përfitosh nga rastet e topave të lirë. Pikërisht këtë Lucho e kryen me mjeshtëri të rrallë,” u shpreh Kane.

Edhe pse u përball me disa rezerva në nisje të sezonit, Kane ka marrë hapur anën e shokut të ekipit, duke evidentuar peshën e tij për formacionin bavarez.

Lidhja midis Diaz, Kane dhe Michael Olise është kthyer në një prej trumcave më të rrezikshme të Bayern Munichut në manovrat sulmuese.

Që prej kalimit të kolumbianit në kampionatin gjerman, dyshja Diaz-Kane ka ndarë fushën në 51 përballje, duke dhënë ndihmesë të drejtpërdrejtë në 13 realizime.

Ndërkaq, Kane e mban vëmendjen te synimi kryesor i vitit futbolistik – ngjitja në fronin e Ligës së Kampionëve.

Shefi i kombëtares angleze ka vënë në dukje se Bayern duhet të shfaqë më shumë ashpërsi në këtë turne dhe se ai vetë kalon një moment fizik të shkëlqyer për të vijuar betejën drejt kupës më të lakmuar të kontinentit.

The post Jo driblimet, Kane tregon veçorinë që e kthen Luis Diaz-in në sulmues të pandalshëm appeared first on Albeu.com.

Mundësia që Vinicius Junior të transferohet tek Arsenali po zbehet, ndërsa sulmuesi brazilian është gjithnjë e më afër vazhdimit të aventurës së tij me Real Madridin.

Në Madrid ka besim se marrëveshja për rinovimin e kontratës së 26-vjeçarit do të arrihet. Për këtë arsye, “Topçinjtë” kanë nisur të përqendrohen te kandidatë të tjerë për forcimin e repartit sulmues.

Edhe tentativa për Morgan Rogers nuk pati sukses, pasi ai vendosi t’i bashkohej Chelseat. Tashmë, trajneri Mikel Arteta dhe drejtuesit e Arsenalit po vlerësojnë alternativa të tjera për krahun e majtë të sulmit.

GOAL ka përzgjedhur dhe renditur tetë futbollistët që shihen si opsionet kryesore për klubin londinez.

8. Mika Godts (Ajax)

Belgu 21-vjeçar spikati gjatë sezonit me Ajaxin, duke realizuar 17 gola dhe duke dhënë 12 asistime në kampionat. Sidoqoftë, mungesa e përvojës së gjerë në nivelin më të lartë e bën afrimin e tij një zgjedhje më të rrezikshme.

7. Luis Diaz (Bayern Munich)

Sezonin e kaluar, kolumbiani u rendit mes anësorëve më të spikatur në Evropë. Një kalim tek Arsenali mbetet tepër i komplikuar, sepse Bayerni nuk synon ta shesë, ndërkohë që për të interesohet edhe Al-Hilal.

6. Rafael Leao (AC Milan)

Reprezentuesi portugez vazhdon të konsiderohet ndër sulmuesit më të talentuar të Serie A. Raportohet se Milani mund të pranojë largimin e tij për afro 50 milionë euro, por luhatjet në paraqitjet e tij ngrenë ende dyshime.

5. Kenan Yildiz (Juventus)

Arsenali e ka ndjekur prej kohësh talentin turk. Juventusi nuk planifikon ta nxjerrë në shitje dhe, sipas raportimeve, do të merrte në shqyrtim vetëm propozime që kalojnë shifrën e 100 milionë eurove.

4. Marcus Rashford (Manchester United)

Rashford është kthyer te United pas periudhës së suksesshme si i huazuar te Barcelona. Një çmim i favorshëm mund ta bëjë atë një mundësi joshëse, por rivaliteti ndërmjet klubeve angleze dhe paga e tij e lartë përbëjnë pengesa serioze.

3. Nico Williams (Athletic Bilabao)

Futbollisti spanjoll mbetet prej kohësh në planet e Arsenalit. Klauzola e lirimit, me vlerë 90 milionë euro, e bën të mundur realizimin e marrëveshjes, ndonëse dëmtimet që pësoi sezonin e kaluar kanë shkaktuar pikëpyetje.

2. Bradley Barcola (Paris Saint-Germain)

Francezi vlerësohet si një prej anësorëve më të mirë të futbollit evropian. Paris Saint-Germain kërkon rreth 170 milionë euro për kartonin e tij, ndërsa interes për shërbimet e lojtarit ka shfaqur edhe Liverpooli.

1. Eli Junior Kroupi (Bournemouth)

Në vendin e parë të listës qëndron sulmuesi francez. Paraqitjet mbresëlënëse me Bournemouthin gjatë sezonit e kanë kthyer atë në një investim të përshtatshëm si për të tashmen, ashtu edhe për të ardhmen. Megjithatë, klubi anglez kërkon më shumë se 110 milionë funte për ta lejuar të largohet.

Francezi, i cili sapo ka festuar 20-vjetorin, në disa qarqe është etiketuar tashmë si “Thierry Henry i ardhshëm”. Legjenda e Arsenalit ishte shpesh shkatërruese kur aktivizohej nga krahu i majtë, veçanërisht gjatë periudhës së tij te Barcelona. /Telegrafi/

The post Arsenali largohet nga pista Vinicius, tetë emrat që mund të përforcojnë krahun e majtë appeared first on Albeu.com.

Bavarezët nuk kanë aspak ndërmend të ndahen me dyshen e tyre të sulmit, Luis Diaz dhe Michael Olise, pavarësisht thashethemeve që i lidhin me klube të mëdha.

Jan-Christian Dreesen, drejtori ekzekutiv i kampionëve gjermanë, i ka cilësuar si të pabazuara zërat për një transferim të dyshes, duke këmbëngulur se të dy lojtarët do të vijojnë të veshin fanellën e klubit edhe gjatë edicionit të ardhshëm.

Olise, i cili bëri një paraqitje mbresëlënëse me Francën në Kupën e Botës, së fundi është përfolur për një kalim te Real Madridi, teksa Diaz raportohet se ka tërhequr një ofertë financiarisht të rëndësishme nga Arabia Saudite.

Megjithatë, Dreesen ka sqaruar se asnjë komunikim formal nuk ka mbërritur në zyrat e klubit. “Të habit ajo që qarkullon kur ti e njeh realitetin. Është kurioze”, u shpreh ai.

Për sa i përket Olises, numri një i klubit bavarez nuk la shteg për dyshime: “Ai me siguri do të jetë pjesë e Bayernit sezonin e ardhshëm. Nuk kam marrë asnjë telefonatë nga Real Madridi, asnjë shkresë, faks apo mesazh elektronik”.

Një qëndrim po aq i vendosur u mbajt edhe për Luis Diazin. “E njëjta gjë vlen dhe këtu: zero telefonata, zero të tjera. Të lëshonim të ikte do të ishte thjesht budallallëk. Ne disponojmë një ekip shumë cilësor, ndaj le t’i lemë të luajnë dhe të realizojnë gola”.

Të dy lojtarët janë të lidhur me kontratë afatgjatë me Bayernin, e cila skadon në vitin 2029, dhe projekti i klubit parashikon që Diaz dhe Olise të mbeten shtylla të rëndësishme të formacionit.

Dreesen trajtoi shkurtimisht edhe çështjen e Harry Kane, duke u shfaqur optimist se sulmuesi dhe kapiteni i Anglisë do të vërë firmën në një marrëveshje të re, teksa kontrata aktuale përfundon në fund të sezonit të ardhshëm.

“Të dyja palët kanë një vullnet të fortë për të ecur përpara. Tani mbetet për t’u parë se si do të harmonizohet ky vullnet”, deklaroi ai.

Kane, i cili festoi 33-vjetorin, pati një sezon fantastik me bavarezët, duke grumbulluar 61 gola dhe 7 pasime vendimtare në 51 sfida në të gjitha kompeticionet.

The post Bayern paralajmëron Real Madridin dhe Arabinë Saudite: Të lëshonim Diaz dhe Olise do të ishte marrëzi appeared first on Albeu.com.

Luis Diaz është kthyer në objektivin e Al Hilal, që synon të realizojë një prej lëvizjeve më të mëdha të merkatos së verës. Klubi saudit po përpiqet ta shkëpusë yllin kolumbian nga Bayern Munich.

Gazetari i njohur Sacha Tavolieri raporton se Al Hilal mund të vendosë në tryezë deri në 130 milionë euro për të bindur bavarezët. Ndërkohë, për futbollistin është parashikuar një pagë prej 25 milionë eurosh për sezon.

Mbetet për t’u parë se cili do të jetë përfundimi i këtij operacioni, megjithëse rekordmenët gjermanë vështirë se pritet të pranojnë largimin e lojtarit që e blenë sezonin e kaluar për 70 milionë euro.

Në sezonin e tij të parë me Bayern Munich, 29-vjeçari ka regjistruar paraqitje mjaft të mira. Diaz ka luajtur në 51 ndeshje, duke realizuar 26 gola dhe duke dhënë 23 asistime.

The post Al Hilal synon yllin e Bayern Munich, në tryezë afro 130 milionë euro appeared first on Albeu.com.

Al-Hilal ka vendosur Luis Díazin në krye të listës së objektivave për afatin kalimtar të verës, ndërsa transferimi i sulmuesit të Bayern Munich mund të kthehet në më të kushtueshmin në historinë e futbollit saudit.

Kolumbiani konsiderohet përforcimi i duhur për sulmin, ndaj klubi nga Arabia Saudite po planifikon të paraqesë një ofertë me shifra rekord.

Gazetari Sacha Tavolieri raporton se drejtuesit e Al-Hilal synojnë fillimisht të gjejnë gjuhën e përbashkët me futbollistin dhe përfaqësuesit e tij. Vetëm pas arritjes së marrëveshjes për kushtet personale do të hapeshin bisedimet zyrtare me Bayernin për kartonin e lojtarit.

Një ndikim të rëndësishëm në këtë proces raportohet se ka Richard Hughes. Drejtori aktual sportiv i Liverpoolit pritet të marrë një detyrë të ngjashme te Al-Hilal pasi të mbyllet afati kalimtar.

Për ta bindur Luis Díazin të vazhdojë karrierën në Arabinë Saudite, Al-Hilal është gati t’i ofrojë një pagë vjetore prej afërsisht 25 milionë eurosh.

Nëse sulmuesi i pranon këto kushte, negociatat me Bayernin pritet të fillojnë menjëherë. Oferta e klubit saudit për transferimin mund të lëvizë nga 120 deri në 150 milionë dollarë.

Realizimi i operacionit financiar brenda këtij intervali do ta bënte Luis Diazin blerjen më të shtrenjtë të të gjitha kohërave në Ligën Saudite.

Aktualisht, rekordi i përket Neymarit. Për transferimin e tij nga Paris Saint-Germain FC, Al-Hilal pagoi rreth 90 milionë euro në vitin 2023.

Ambiciet e klubit pasqyrohen edhe në fondet e planifikuara për merkaton e verës. Sipas raportimeve, Al-Hilal ka në dispozicion rreth 350 milionë dollarë për të përforcuar skuadrën.

Ekipi saudit ka lëvizur tashmë në tregun e transferimeve, duke siguruar gjashtë afrime të reja.

Krahas mundësisë për të transferuar Crysencio Summerville nga West Ham United FC, Al-Hilal ka afruar Mohammed Al-Owais, Sabri Dahl, Abdullah Al-Anzi, Mohammed Al-Sarnukh dhe Nawaf Al-Habashi.

Përmes këtij investimi të madh, Al-Hilal kërkon ta rrisë ndjeshëm forcën e ekipit dhe të vijojë betejën për epërsi në futbollin aziatik. Një transferim i Luis Diazit në Riad do të vendoste një tjetër rekord në periudhën e shpenzimeve marramendëse të futbollit saudit.

The post Al-Hilal synon Luis Díazin për një marrëveshje rekord në Ligën Saudite appeared first on Albeu.com.

Humbja e Kolumbisë në fazën e 1/8-tës së Kupës së Botës 2026 la pasoja të mëdha emocionale te përfaqësuesja nga Amerika e Jugut, që nuk arriti t’i përmbante lotët pas disfatës 4-3 me penallti përballë Zvicrës.

Pas 120 minutave lojë pa asnjë gol, fati i ndeshjes u vendos nga pika e bardhë, aty ku gabimet në ekzekutim i kushtuan shtrenjtë Los Cafeteros dhe i dhanë fund shpresave të tyre për një vend në çerekfinale.

Zvicra siguroi kualifikimin me rezultatin 4-3 në penallti dhe në fazën tjetër do të përballet me Argjentinën.

Eliminimi goditi fort futbollistët kolumbianë, sidomos figurat kryesore të skuadrës, të cilët kishin objektiv ta çonin kombëtaren e tyre mes tetë më të mirave.

Ndër momentet më prekëse pas ndeshjes ishte reagimi i kapitenit James Rodriguez dhe i yllit të ekipit, Luis Diaz.

Në stadiumin BC Place të Vancouverit, të dy lojtarët u panë duke qarë në fushë pas serisë së penalltive, ndërsa më pas u ngushëlluan nga stafi i trajnerëve.

The post James Rodriguez dhe Luis Diaz shpërthejnë në lot pas daljes së Kolumbisë ndaj Zvicrës në Kupën e Botës appeared first on Albeu.com.

Videoja doli në qarkullim pak para ndeshjes së Kolumbisë dhe shfaq babanë e sulmuesit të gjunjëzuar pranë një shtrati në dhomën e hotelit, teksa lutej përballë disa fanellave të përfaqësueses kolumbiane, përfshirë edhe atë me emrin e djalit të tij.

Këto pamje prekëse emocionuan mijëra tifozë, të cilët vlerësuan besimin dhe mbështetjen e fortë që familja i jep yllit të Bayern Munichut.

Publikimi i videos erdhi menjëherë pas paraqitjes së shkëlqyer të Luis Diaz në suksesin 3-1 të Kolumbisë kundër Uzbekistanit në stadiumin “Azteca”.

Gjatë ndeshjes, sulmuesi kolumbian shënoi golin e dytë për ekipin e tij dhe dha asistin për golin e parë të realizuar nga Daniel Munoz, duke u renditur mes figurave kryesore në startin pozitiv të “Los Cafeteros” në këtë turne.

Si rezultat i kësaj performance, Diaz u vlerësua si lojtari më i mirë i takimit dhe mori çmimin MVP në debutimin e tij në Kupën e Botës.

Pamjet me babanë e tij i dhanë edhe më shumë peshë emocionale një dite që tashmë është bërë e paharrueshme për Luis Diaz dhe familjen e tij.

The post Babai i Luis Diaz prek rrjetin me një moment lutjeje gjatë Kupës së Botës 2026 appeared first on Albeu.com.

Latino-amerikanët, ashtu siç pritej dominuan ndeshjen dhe gjetën avantazhin në pjesën e parë më anë të Munjoz. Por në mënyrë të papritur, Fejzullaev barazoi shifrat për ekipin e drejtuar nga Fabio Kanavaro në minutën e 60, duke shqetësuar jo pak kolumbianët.

Megjithatë, i zakonshmi Luis Diaz, gjeti pak minuta më vonë rrjetën për të kthyer përsëri në avantazh të tijtë, të cilët kërkuan me ngulm një tjetër gol derisa e gjetën me Kampaz në fund, për të vulosur suksesin 3-1.

The post Kolumbia e nis me fitore Botërorin, Luis Diaz bën liderin ndaj Uzbekistanit appeared first on Albeu.com.