Cen Aliçkaj, është lindur më 29.04.1964 në Lybeniq, rrjedh nga një familje patriotike dhe kombëtare. Qysh në moshën 14-vjeçare ka marrë pjesë në aksione kombëtare, siç ka qenë vendosja e parullave per shkrimet e kohës “Nini rren e Ylli s’rren”.

Ai ka qenë aktiv në veprimet kombëtare të viteve 1981, 1982 dhe gjatë gjithë jetës. Më 1982 burgosur politik dhe nuk ka qenë hera e parë.

Në fund të viteve 80 dhe në fillim të viteve 90, Cen Aliçkaj ka qenë njëri ndër organizatoret kryesor të Lëvizjes së Studentëve dhe të aksionit të pajtimit të gjaqeve. Për shkak të ndjekjeve nga pushteti i atëhershëm, në fillim të viteve të 90-ta, ka migruar në Gjermani.

Ai edhe atje e ka vazhduar veprimtarinë kombëtare, bashkë me shumë veprimtarë të tjerë. Veprimet ushtarake të Cenës kanë qenë të një niveli të lartë të trimërisë dhe atdhedashurisë. Në ditët e fundit të luftës, ai ishte plagosur, duke e tërhequr kufomën e bashkëluftëtarit Xhemajl Fetahaj.

Veprimtarinë patriotike dhe kombëtare, Cen Aliçkaj e ka vazhduar gjatë gjithë jetës së tij.

Ai ka shërbyer edhe në TMK dhe FSK. Cena ka qenë prej atyre luftëtarëve që i ka dhënë krejt çka ka pasur për atdheun e nuk ka kërkuar asgjë prej tij. Cen Aliçkaj ka mbrojtur deri në fund idealet dhe parimet e tij dhe nuk ka bërë kurrë kompromis me dinjitetin dhe krenarinë e tij prej luftëtari.

Kryetari i AAK-së, Ramush Haradinaj ka deklaruar se Cen Aliçkaj ka qenë njëri prej luftëtarëve më të zotë të UÇK-së në Dukagjin.

“Kur po i formonim rreshtat e parë të UÇK-së, ndër të parët që hyri në rreshtin e ushtarëve ishte edhe Cen Aliçkaj. Ishte luftëtar i fortë, njëri prej luftëtarëve më të zotë të UÇK-së në Dukagjin! Sot, në paqe, Cena na u nda nga rreshti për t’ju bashkuar shumë burrave të kombit që i kishte përkrah luftës për liri.”, ka shkruar Hardinaj në Facebook, duke shtuar, pusho i qetë në tokën për të cilën luftove, Cen.

The post Ndërron jetë në moshën 58-vjeçare luftëtari i orëve të para të UÇK-së appeared first on Albeu.com.

Sipas informacioneve jozyrtare të mediave, Qerimi ka pësuar goditje në tru dhe ka ndërruar jetë gjatë dërgimit në spital.

Vdekja e tij është konfirmuar edhe nga familjarët.

Trupi i pajetë i Rexhail Qerimit pritet të kthehet në burgun e Idrizovës dhe më pas t’u dorëzohet familjarëve për varrim.

Ish-pjesëtari i UÇK-së, Rexhail Qerimi ishte dënuar me burgim të përjetshëm për vrasjen e një pjesëtari të njësitit special “Alfa” në vitin 2010.

Në këtë rast ishte dënuar me nëntë vjet burg Ramadan Shaqiri si bashkëpunëtorë në krim, ndërsa me burgim të përjetshëm ishin dënuar Rexhail Qerimi dhe Almir Drpljani./albeu.com/

The post Ishte dënuar përjetësisht për rastin “Alfa”, luftëtari i UÇK-së ndërronë jetë në burgun e Maqedonisë appeared first on Albeu.com.