Në një njoftim të prokurorisë thuhet se i ndaluri i përkatësisë kombëtare shqiptare “shtetas i Republikës së Serbisë, dyshohet se ka marr pjesë në masakrën e Izbicës, gjatë luftës në Kosovë”.

Më 28 mars të vitit 1999, forcat serbe kryen një nga masakrat më të rënda në fshatin Izbicë të rajonit të Drenicës në Kosovën qendrore, duke vrarë mbi 140 shqiptarë.

Trupat e të vrarëve që ishin varrosur nga të mbijetuarit, ishin zhvarrosur më pas nga forcat serbe dhe ishin shpërndarë në vende të ndryshme në Kosovë dhe në Serbi për të fshehur gjurmët e mizorive të tyre.

Edhe më tej nuk janë gjetur trupat e 15 prej të vrarëve në fshatin Izbicë.

Kosova po shënon njëzet vjetorin e bombardimeve të NATO-s ndaj forcave serbe dhe pothuajse çdo ditë shënohet një nga datat e mizorive të kryera nga forcat serbe. Ajo doli nga lufta me mbi 10 mijë të vrarë e mijëra të zhdukur, për fatin e 1 mijë e 600 prej të cilëve, ende nuk dihet asgjë./VOA

The post Mori pjesë në masakrën e 140 shqiptarëve, kush është serbi i arrestuar në Kosovë appeared first on Albeu.com.

Hajzer Duraku ka marrë 5 plumba gjatë luftës në Kosovë, në vitin 1999, të cilat, edhe sot i mban në trup.

Hajzeri tregon se në fillim nuk kishte mundësi për t’i hequr ndërsa tani, po t’i heqë do të ketë më shumë probleme.

Djali i tij, Isa Duraku ishte 15 vjeç, kur babai u plagos nga forcat armike. “Babai ka qenë me komandandin, unë isha pas tyre, nuk e pashë, pastaj kur duhet të fshiheshim,  i thashë babit ec më shpejt, më tha nuki mundem se më kanë prekur plumbat. U larguam në një fshat tjetër, derisa një dentist ia pastroi plagët. Tani është mirë, kur ndryshon moti, e ndjen më shumë”.

Me humor, Isai tregon rastet kur babai udhëton jashtë shtetit dhe paisja e kontrollit ndez sinjalin, për shkak të metaleve(plumbave), që ka brenda në trup. “Kur kemi shkuar në Zvicër, nuk kalon dot te qendra e kontrollit, derisa i tregon se ka qenë në luftë dhe ka plumba”.

Dikush që ka jetuar mbi 20 vite me plumba në trup, duket e logjikshme që edhe betejën me koronavirusin do ta fitonte. “E ka kaluar Covid 19 dhe as nuk e ka ndjerë”, thotë djali. /tch

The post Kaloi COVID-19, kush është veterani i luftës së Kosovës që jeton me 5 plumba në trup appeared first on Albeu.com.