Goskova do të vuajë 2 vjet burgim, ndërsa Kosova 2 vjet e 4 muaj, për shkak të gjykimit të shkurtuar.

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Nertina Kosova (kryesuese), Saida Dollani (anëtare) dhe Iliriana Olldashi (anëtare), më datë 12.09.2023, përfundoi shqyrtimin e çështjes së regjistruar me nr. 36 akti, datë 23.05.2023 regjistrimi, mbi ankimin e paraqitur nga ankuesit/të pandehurit Ervis Kosova, Gentian Goskova, kundër vendimit nr. 01, datë 09.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar që ka vendosur:

“1. Deklarimin fajtor të të pandehurit Gentian Goskova për veprën penale “Korrupsioni aktiv i dëshmitarit, i ekspertit ose përkthyesit” kryer në bashkëpunim, parashikuar nga nenet 312 dhe 25 të K.Penal dhe dënimin e tij me 3 (tre) vjet burgim.

2. Në aplikim të nenit 406, pika 1 të K.Pr.Penale, uljen e dënimit me 1/3 dhe dënimin përfundimtar të të pandehurit Gentian Goskova me 2 (dy) vjet burgim.

3. Vuajtja e dënimit për të pandehurin Gentian Goskova të fillojë nga data 19.02.2022, datë e ekzekutimit të masës së sigurimit “arrest në burg” dhe të vuhet në një burg të sigurisë së zakonshme.

4. Deklarimin fajtor të të pandehurit Ervis Kosova për veprën penale “Korrupsioni aktiv i dëshmitarit, i ekspertit ose përkthyesit” kryer në bashkëpunim, parashikuar nga nenet 312 dhe 25 të K.Penal dhe dënimin e tij me 3 (tre) vjet e 6 (gjashtë) muaj burgim.

5. Në aplikim të nenit 406, pika 1 të K.Pr.Penale, uljen e dënimit me 1/3 dhe dënimin përfundimtar të të pandehurit Ervis Kosova me 2 (dy) vjet e 4 (katër) muaj burgim.

6. Vuajtja e dënimit për të pandehurin Ervis Kosova të fillojë nga data e ekzekutimit të vendimit dhe të vuhet në një burg të sigurisë së zakonshme…”

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:

Lënien në fuqi të vendimit nr. 01, datë 09.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

The post Tentuan të helmonin Luftar Reçin, Apeli i GJKKO lë në burg Gentian Goskovën dhe Ervis Kosovën appeared first on Albeu.com.

Për këtë çështje prokuroria ka marrë të pandehur, Lulzim Berishën, Plaurent Dervishajn, Emiljano Shullazin, Viktor Ymerin, Indrit Taullain dhe Indrit Rusin.

Edhe seanca e së premtes është shoqëruar me debate mes dëshmitarit të drejtësisë Luftar Reçi, të pandehurve dhe avokatëve mbrojtës, madje këta të fundit janë kërcënuar nga dëshmitari Reçi.

Avokati Detar Hysi në një reagim për Abc News thotë se është ndjere i kërcënuar nga Reçi që ka deklaruar në seancë se ai është në listën e personave që do të vritej. Pas kësaj deklarate Hysi është shprehur se do i drejtohet me kallëzim prokurorisë./Albeu.com/

The post Përfundon seanca për vrasjen e Vajdin Lames dhe Klodian Saliut, Reçi kërcënon avokatin: Je në listën e personave që do të vritej appeared first on Albeu.com.

Gjyktat e Posaçme vendosit që seancën e sotme ta zhvillojë me dyer të mbyllura, ku të pandehurit të përballeshin me Luftar Reçin, ky i fundit do të pyetet në cilësinë e dëshmitarit.

Të pandehurit akuzohen për vrasjen e Klodian Saliut dhe Vajdin Lamaj. Ndërkohë, avokati i Plarent Dervishaj tha se nuk ka arsye që të zhvillohet proces i mbyllur.

Më herët Luftar Reci kundërshtoi përballjen live me Shullazin dhe anëtarët e tjerë të bandës së tij. Vetë Reçi përmes një letre nga burgu, i ka kërkuar gjykatës të dëshmonte përmes “Skype”.

Po ashtu ai ka theksuar dërgimi i tij në gjykatë mund të jetë i rrezikshëm, teksa në dëshminë e tij ka thënë: “Ardhja ime në gjykatë është si të dërgosh qengjin mes ujqërve”.

The post Shtyhet procesi për Shullazin dhe të pandehurit e tjerë appeared first on Albeu.com.

Të pandehurit akuzohen për vrasjen e Klodian Saliut dhe Vajdin Lamaj.

Gazetarja Klodiana Lala raporton se SPAK teksa argumentohet vendimi për mbajtjen e gjyqit me dyer të mbyllura, theksoi se cënohet siguria e dëshmitarit dhe dëshmitarëve të tjerë në proces.

Ndërkohë, avokati i Plarent Dervishaj tha se nuk ka arsye që të zhvillohet proces i mbyllur.

“S’ka asnjë arsye të zhvillohet proces i mbyllur. S’ka të dhëna sekrete, pasi dëshmia e Reçit është e rremë”, tha avokati. I kundërt ka qenë argumenti i avokatja e Shullzit, i cili ka qenë pro vendimit të GJKKO. “Procesi me dyer të mbyllura. Mjaft me publicitet!”, tha përfaqësuesja ligjore e Shullazit.

Më herët Luftar Reci kundërshtoi përballjen live me Shullazin dhe anëtarët e tjerë të bandës së tij. Vetë Reçi përmes një letre nga burgu, i ka kërkuar gjykatës të dëshmonte përmes “Skype”.

Po ashtu ai ka theksuar dërgimi i tij në gjykatë mund të jetë i rrezikshëm, teksa në dëshminë e tij ka thënë: “Ardhja ime në gjykatë është si të dërgosh qengjin mes ujqërve”

“Nuk kam më mundësi e as fuqi të paraqitem në gjyq. Kam ardhur 5 herë dhe gjyqi është shtyrë. Unë jam paraqitur për respekt të drejtësisë. Jam i sëmurë prej vitesh me diabet dhe probleme të tjera shëndetësore. Kërkoj të dëshmoj me skype. Nëse avokatët kanë dyshime, të jenë prezentë tek unë dhe 2-3 gazetarë. Kam arsye shëndetësore dhe sigurie vajtje-ardhje. Ardhja ime në gjykatë është si të dërgosh qengjin mes ujqërve”, thuhej në deklaratën e Reçit./bw

The post Përballja në gjyq e Luftar Reçit me Emiljano Shullazin do të zhvillohet me dyer të mbyllura, SPAK: Rrezikohet dëshmitari appeared first on Albeu.com.

Mësohet se SPAK është kërkuar që dëshmia e të dënuaritt Reçi të jepet me “Skype”, po ashtu edhe nga e këtij të fundit është bërë e njëjta kërkesë.

“Të më sjellësh mua ne gjykate është sikur t’u sjellësh qengjin ujqërve”, ka thënë Reçi, duke refuzuar kështu dhe duke bërë që seanca sërish të dështojë.

Seanca tjetër u la në datën 20 mars, ora 09:00.

Luftar Reçi është i penduari i drejtësisë që me dëshminë e tij dhënë në prokurorinë e posaçme SPAK, i ka hapur mjaft probleme emrave të njohur të botës së krimit në Shqipëri, që veprojnë në Tiranë, Durrës dhe Vlorë.

Reçi, një i dënuar me 25 vite burgim nga gjykata e Burrelit, për vrasjen e Maksim alias Aleks Lalës, ka treguar në tre rëfime atë të datës 21 tetor, 31 tetor dhe 26 nëntor 2020, të gjithë veprimtarinë kriminale që ka pasur me Lulzim Berishën dhe anëtarët e tjerë të bandës së tij si dhe të vrasjes së biznesmenit Vajdin Lamaj.

Për t’i shpëtuar dënimit me 25 vite burgim Luftar Reçi, pretendoi se ditën e krimit dhe në momentin e krimit ka qënë tek e dashura e tij bullgare në Tiranë dhe jo në fshatin Shkopet, ku ndodhi vrasja e më pas djegia e trupit të Aleks Lalës./albeu.com

The post “Doni të më çoni si qengji te ujku”, GJKKO rrëzon kërkesën e Luftar Reçit për të dëshmuar me “Skype”, urdhëron shoqërimin e detyrueshëm të tij appeared first on Albeu.com.

Për vrasjen e Klodian Salihut dhe Vajdin Lames, Reçi është dëshmitari kryesor i prokurorisë që ka pranuar për të treguar prapaskenat (sipas versionit të tij) për vrasjet në shkurt të vitit 2005. Gazetari Elton Qyno shkruan për “OraNews” se thirrja e dëshmitarit, njëherësh dhe bashkë të pandehurit Reçi në këtë proces ka ardhur menjëherë sapo gjykata pranoi kërkesat e avokatëve mbrojtës, të cilët dorëzuan 7 procesverbale pyetjesh që Reçi ka dhënë disa kohë më parë, teksa të 7 të pandehurit, po përballen me akuzat e rënda të “Vrasjes në rrethana cilësuese”, “Vrasje me dashje”, “Vrasje me Paramendim” të kryer në formën e “Grupit të strukturuar kriminal” dhe “Falsifikimit të dokumenteve”.

Ndërkohë që avokatët mbrojtës të 6 të pandehurve të akuzuar për vrasjet e Klodian Salliut dhe Vajdin Lames, ngjarje të ndodhura më vitin 2005, kërkuan që të quhet i pavlershëm ekspertimi mjeko-ligjor ndaj dëshmitarit te drejtësisë Luftar Reçi. Sipas avokatëve Reçi vuan nga sëmundja e mitomanisë, që njihet si mashtrimi në mënyrë të vazhdueshme. Në aktekspetimin e parë, mjekët kanë dalë në konkluzion se Reçi ka çrregullime të ankthit, por deklarimet e dhëna prej tij, në lidhje me zbardhjen e 2 ngjarjeve kriminale mund të merren si prove nga prokuroria.

Mirëpo, pavarësisht kërkesës së 6 avokatëve, Gjykata e Posaçme rrëzoi kërkesat e të pandehurve për vrasjet e Vajdin Lames e Klodian Saliut. Trupi gjykues i rrëzoi këto pretendime, ndërsa ia kaloi fjalën prokurorëve të çështjes për të komunikuar gjetjet hetimore mbi të cilat ngrihen akuzat ndaj të pandehurve Viktor Imeri, Emiljano Shullazi, Indrit Rusi dhe Indrit Taullai. Akuza nuk i përfundoi dot të gjitha gjetjet për shkak se trupa gjykuese kërkoi ndërprerjen e seancës dhe shtyrë në datën 21 nëntor.

Te pandehur për dy vrasjet e bujshme te vitit 2005, janë marrë, Lulzim Berisha, Indrit Rusi, Viktor Ymeri, Emiljano Shullazi dhe Imdrit Tallau e Indrit Rusi. Ata u vunë nën akuzë pas dëshmisë së Luftar Reçit, pas marrjes së statusit të bashkëpunëtorit të drejtësis

The post Tregoi në SPAK vrasjen e Vajdin Lames dhe Salihut, Luftar Reçi thirret të dëshmojë në gjyq përballë 6 “të fortëve” appeared first on Albeu.com.

Njoftimi i SPAK:

“Lidhur me përfundimin e hetimeve për procedimin penal nr.252/4, viti 2022”
Prokuroria e Posaçme kundër Korrupsionit dhe Krimit të Organizuar, Tiranë, në bashkëpunim me Byronë Kombëtare të Hetimit, ka përfunduar hetimet paraprake për procedimin penal nr.252/4 të vitit 2022.

Në përfundim të hetimeve paraprake, janë marrë të pandehur dhe dërguar për gjykim të pandehurit:

1. Gentian Goskova, i akuzuar se ka kryer veprën penale të “Korrupsioni aktiv i dëshmitarit, i ekspertit ose përkthyesit”, kryer në bashkëpunim, parashikuar nga neni 312 dhe 25 i Kodit Penal.

2. Ervis Kosova, i akuzuar se ka kryer veprën penale të “Korrupsioni aktiv i dëshmitarit, i ekspertit ose përkthyesit”, kryer në bashkëpunim, parashikuar nga neni 312 dhe 25 i Kodit Penal.

Hetimi i deritanishëm ka provuar se të pandehurit Gentian Goskova i njohur me pseudonimin (Reqi) dhe i pandehuri Ervis Kosova, në bashkëpunim mes tyre dhe me persona të tjerë, kanë konsumuar elementët e veprave penale të “Korrupsioni aktiv i dëshmitarit, i ekspertit ose përkthyesit”, në formën e propozimit dhe premtimit të përfitimit të parregullt të dëshmitarit, për të siguruar nga ky i fundit deklarime të rreme (deklarime të marra në funksion të procedimit penal nr.252/2020), duke konsumuar në këtë mënyrë veprat penale të parashikuara nga nenet 312-25 i Kodit Penal.

Sqarim: Kërkesa për gjykim është pjesë e ushtrimit të ndjekjes penale. Gjithkush prezumohet i pafajshëm derisa nuk vërtetohet fajësia e tij me vendim të formës së formës së prerë.

The post Tentuan të korruptonin Luftar Reçin, SPAK mbyll hetimet ndaj Gentian Goskovës dhe Ervis Kosovës appeared first on Albeu.com.

Të pandehur për dy vrasjet e bujshme të vitit 2005, janë marrë, Lulzim Berisha, Indrit Rusi, Viktor Ymeri, Emiljano Shullazi dhe Indrit Tallau.

Çështja tashmë ka kaluar për gjykim ku shtetasit e lartëpërmendur do përballen me akuzat e Vrasjes me paramendim” kryer në bashkëpunim në formën e grupit të strukturuar kriminal, “Mbajtjes pa leje të armëve luftarake me pasoja të rënda”, “Grup i strukturuar kriminal”, si dhe të “Vrasjes në rrethana të tjera cilësuese”, kundër dy ose më shumë personave, të kryer në bashkëpunim në formën e grupit të strukturuar kriminal.

Të pandehurit pretenduan gjatë seancës këtë të premte, se dëshmia e Luftar Reçit janë të pavërteta.

“Janë të pabesueshme dhe nuk ka prova me të cilat ti vërtetojë” mësohet të kenë thënë të pandehurit.

The post Vrasja e Vajdin Lamajt dhe Klodian Saliut, të pandehurit: Dëshmitë e Luftar Reçit, të rreme appeared first on Albeu.com.

Në një prononcim për gazetaren e Express për Shqipërinë Beklie Koltraka, motra e Lul Berishës Luljeta Berisha tha se do të shkonte të tërhiqte vendimin. “Unë ende nuk jam njohur me vendimin. Sot do të shkoj me avokatin te Gjykata Kushtetuese të tërheq vendimin sepse në Gjykatë Kushtetuese jam përfaqësuar nga avokati”, tha ajo për Express.

Luljeta Berisha shprehet se çështja në Gjykatën e Lartë sipas saj rezulton se është dërguar nga vetë Lulzim Berisha, ndërsa akuzon se kërkesa është bërë nga dikush tjetër.

“Pse s’më morën në pyetje gazetarët në Gjykatën e Lartë se përse u zhvillua gjyqi kundër Lul Berishës? Pse s’ma bënë këtë pyetje kur Lul Berisha ishte i lirë? Kur Lul Berisha ishte me shërbim prove. Në Gjykatën e Lartë u zhvillua me avokat i cili ka marrë pjesë ditën e fundit kur një portal shkruante po gjykohet Lul Berisha. Po të hysh te Gjykata e Lartë kërkuesi për t’u zhvilluar gjyqi qenka Lul Berisha. Ke parë ndonjë budalla në botë që ka dalë nga burgu dhe kërkon që t’i zhvillohet gjyqi për ta futur në burg?

Është bërë një kërkesë me emër të vëllait tim pa firmën e vëllait tim, firmë fallso. Unë e kam gjetur se kush është por s’do e them emrin. Unë ia kam lënë zotit dhe zoti po ia merr hakun.  Në Gjykatën e Lartë po të hysh duhet ta shohësh dhe thotë kërkuesi Lul Berisha. Në botë s’ka mundësi. Prandaj e çuam në Gjykatë Kushtetuese. Kush është ai person në botë që thotë hajde më fut në burg? E kanë bërë se nuk e donin të lire”, u shpreh më tej Luljeta Berisha për gazetën Express.

Luljeta Berisha thotë se e vetmja gjë që e mban Lulzim Berishën dhe vetë atë në Shqipëri është beteja ligjore.

“Vetëm se ishte vëllai me shërbim prove po ne nuk rrimë një minutë këtej. Vëllai e ka familjen në Suedi unë e kam familjen time në Gjermani. Unë kam ardhur vetëm për këto halle”, deklaroi ajo.

Rihapja e çështjes sipas saj është bërë me qëllim përpara se Lul Berisha të mbaronte shërbimin e provës.

“Vëllai im s’do jetonte këtu. Vendimi i Gjykatës së Lartë është dhënë përpara se vëllai të mbaronte shërbimin e provës. Të gjitha këto janë bërë me keqdashje për vëllanë tim. Po ta harrojnë se sa të jem unë gjallë vëllait tim s’kanë çfarë t’i bëjnë. Sepse vëllai im s’ka shkelur ligjin”.

Në 8 dhjetor të 2020 SPAK njoftoi zbardhjen e 2 ngjarjeve kriminale të ndodhura 15 vite më parë ku fillimisht do të ekzekutohej Klodian Saliu dhe më pas me eksploziv Vajdin Lamaj dhe miku i tij Artan Arsi. Sipas dosjes hetimore zbulimi i personave të përfshirë në këto dy ngjarje u bë përmes një prej të akuzuarve, Luftar Reçit i cili tha disa emra që sipas tij ishin të përfshirë. Ndër to ai përmendi dhe Lulzim Berishën.

Në dosje thuhet: “Në fillim të shkurtit kam takuar në Tiranë Lul Berishën. Takimi u realizua ne vendin e quajtur stacioni i trenit ne Tirane, vend ku une kisha nje kazino timen. Gjatë takimit Luli më ofroi një marrëveshje sipas së cilës unë duhej të vrisja shtetasin Klodian Saliu dhe ai në këmbim do të vriste hasmin tim. Ata më thanë se Klodian Saliu e kishte kundershtuar dhe kishin frike se mos i vriste.” Kam pasur lidhje shoqërore ne Lul Berishën, Indrit Taulla, Lenti (Plarent Dervishi)”.

“Berishën e kam njohur në 1994, ndërsa Plarent Dervishin dhe Indrit Taullain i kam njohur vonë sepse ishte njohje dhe miqësi e ngushtë e Lulëzim Berishës. Kujtoj se ka qenë muaji shkurt i vitit 2005, besoj nga mesi i muajit, më ka telefonuar nga numri i tij celular te numri im celular shtetasi Lulzim Berisha. Luli më tha më gjej mua nga ato të “nëntat” (që ishin kallëpe tritoli) ku bëhej fjalë për një atentat të përgatitur nga unë për hasmit e mi në Dibër, atentat i parealizuar nga unë për arsye se hasmi im mbante me vete fëmijët e tij dhe unë nuk lejova shpërthimin sepse nuk doja të vrisja fëmijët. Luli ishte në dijeni të kësaj ngjarje se më kishte treguar vetë dhe kishte mësuar nga unë se J… më kishte përgatitu minat për ngjarjen e Dibrës dhe për këtë arsye më kërkoi një minë për veten e tij. Për të përgatitur minat me telekomandë më ka ndihmuar nipi im që quhet… i cili është vrarë në vitin 2002”, shprehet Reçi.

Sipas avokatëve mbrojtës, dëshmitari Luftar Rreçi është i pa besueshëm. Luljeta rrëfen për Express-Shqipëri se edhe Lulzim Berisha i ka thënë se nuk e njeh Luftar Reçin.

“Vëllai im që ka qenë në burg 11 vitem del ky personi dhe thotë është shoku im Lul Berishës, a e ka taku naj herë Berisha në burg këtë shokun e “ngushtë” në thonjëza, a ka ngrënë ndonjëherë drekë me të Berisha siç ka ngrënë me të burgosurit e tjerë, se plot të burgosur të tjerë kanë ngrënë drekë me vëllanë tim. Se i çoja unë ushqime ditë për ditë. Problemi qëndron se del ky, nga një fshat i Dibrës edhe thotë jam shoku Lul Berishës dhe pa pikë turpi thotë në 23 shkurt të 2005 kam takuar Lul Berishën në shtëpi.

Me 21 shkurt Lul Berisha ka udhëtuar për në Turqi. Pra s’ka qenë. Vëllai im kur është kthyer nga Turqia e ka marrë në pyetje një prokuror i krimeve të rënda ia ka marrë dhe celularin dhe ia ka kontrolluar të gjitha.

Vëllai im më thotë më vdektë çuni motër s’e njoh. Këto i bëjnë sepse nuk e duan të lirë vëllanë tim. E shohin për të mençur. Kush të sulmon? Budallai, i padituri”, tha Luljeta Berisha./GazetaExpress

The post Lulzim Berisha: S’e njoh Luftar Reçin! E motra: Vendimi i “Kushtetueses” dhe plani për të ikur jashtë shtetit appeared first on Albeu.com.

Shtyrja e seancës gjyqësore është bërë pasi nuk ishte paraqitur dëshmitari i prokurorisë, Luftar Reçi.

Luftar Reçi, kishte paraqitur një kërkesë se s’mund të paraqitej pasi ndihej i kërcënuar dhe rënduar psikologjikisht.

The post Dëshmitari nuk paraqitet se është kërcënuar, shtyhet gjyqi ndaj Emiljano Shullazit dhe grupit të tij appeared first on Albeu.com.