Mark Rutte, tha se Vladimir Putin ka bërë gabim të madh që ka dërguar një delegacion në nivelit të ulët, ndërsa theksoi se “topi është në fushën e tij.”

“Putin bëri gabim që dërgoi një delegacion të nivelit të ulët. Topi është në fushën e tij, ai duhet të luajë, në kuptimin që duhet të jetë serioz dhe e gjithë trysnia është mbi të.

E njoh shumë mirë Putinin që kur kam qenë kryeministër i Holandës. Është shumë mirë që Ukraina është në tryezë me një delegacion të mirë. Jam i lumtur për rolin e SHBA, rolin e Trump për të zhbllokuar të gjithë këtë situatë”, tha Rutte.

The post Mark Rutte flet nga Tirana: Topi është në fushën e Putin, duhet të jetë serioz appeared first on Albeu.com.

Si pasojë e sulmit, raportohet që në qytetin ukrainas të kenë vdekur rreth 30 persona.

Ngjarja është konfirmuar nga kreu i administratës ushtarake rajonale Kherson, Oleksandr Prokudin, përmes një postimi në rrjetin social “Telegram”.

The post Lufta në Ukrainë, Rusia sulmon qytetin e Kherson, rreth 30 të vdekur appeared first on Albeu.com.

Përktheu: Alket Goce-AlbEu.com

Ujëra të trazuara, dete shumë të nxehtë. Bota po përshkohet nga tensione gjeopolitike gjithnjë e më intensive, të cilat në një të ardhme hipotetike, mund të gjenerojnë luftëra të reja. Sikur të mos mjaftonin konfliktet e vazhdueshme që i kanë pozicionuar qeveritë në blloqe gjeopolitike kundërshtare, në horizont janë të dukshme shenjat ogurzeza, që na lejojnë të shohim që tani hijet e përplasjeve të tjera hipotetike.

Të saktësojmë diçka që në fillim:nuk është e thënë se çdo vatër e nxehtë do të shkaktojë automatikisht një konflikt ushtarak midis fuqive të ndryshme. Përkundrazi, duke shpresuar për dominimin e diplomacisë, mund të supozojmë se qeveritë e përfshira do të jenë në gjendje ta shmangin përplasjen e armatosur.

Në çdo rast, është veçanërisht e nevojshme të analizohet e gjithë skakiera globale për të kuptuar se ku ndodhen këto vatra të nxehta. Sigurisht, për të kuptuar më mirë të tashmen, por edhe dhe mbi të gjitha në funksion të përgatitjes për atë që rezervon e ardhmja.

Vatra e nxehtë e Azisë:Tensionet në Indo-Paqësor

Indo-Paqësori është rajoni që duhet të rrethohet me laps të kuq. Sepse pikërisht këtu janë përqendruar vatrat më të shumta – dhe ndoshta më të nxehta – të tensioneve në botë. Në analizën tonë, është e pamundur të mos nisesh nga Deti i Kinës Jugore, ku janë të paktën dy skenarë plot makth.

E para vë në pikëpyetje Tajvanin, që tani po detyrohet të durojë fluturimet e përditshme nga avionët dhe anijet luftarake kineze shumë pranë tij. Konteksti është ky:Pekini e konsideron ishullin një provincë rebele që do të ri-aneksohet – me të mirë apo me forcë – ndërsa Taipei e konsideron veten të pavarur dhe dëshiron që ta ruajë këtë status.

Për këtë arsye, kjo e fundit ka forcuar marrëdhëniet me Shtetet e Bashkuara dhe partnerët e tyre, që nga ana e tyre janë të lumtur të mbështesin – ushtarakisht, përmes shitjes së armëve – një bastion anti-kinez në Azinë Jugore. Sepse nga pikëpamja e SHBA-së, Tajvani përfaqëson pengesën e parë të madhe që e detyron Kinën ta kufizojë zgjerimin e saj detar drejt Oqeanit Paqësor.

Në një unazë të tillë, bazuar në parimin e një “Indo-Paqësori të lirë dhe të hapur”, SHBA-ja dërgon zakonisht anije apo aeroplanmbajtëse në Ngushticën e Tajvanit. Prandaj është e qartë se është shumë i lartë rreziku i një aksidenti në zonë, qoftë edhe aksidental, midis mjeteve kineze dhe amerikane.

Skenari tjetër në terren, shumë utopik, hipotetizon një përplasje të mundshme midis anijeve kineze dhe marinës së njërës prej vendeve në kufi me Detin e Kinës Jugore, e cila mund të shkaktojë një përplasje me një ndërhyrje zinxhir nga qeveritë e tjera.

Sërish në Azi, vëmendja kryesore duhet t’i kushtohet Oqeanit Indian, ku Nju Delhi po përpiqet të konsolidojë praninë e tij për të krijuar një lidhje me Afrikën Lindore. Ky kurs mund të çojë në një përplasje me ambiciet e vjetra të Pekinit për ta lidhur ekonominë e saj me atë afrikane përmes Rrugës së Re Detare të Mëndafshit.

Hapësira për manovrim rrezikon të jetë shumë e ngushtë për dy fuqi rivale si Kina dhe India. Megjithatë shumë më në lindje, qendrat e vëmendjes duhet të përqendrohen në dy zona specifike:midis Japonisë dhe gadishullit Korean. Sidomos ngushticave strategjike Tsushima dhe Soya Tsugaru, por edhe në Detin e Japonisë (apo Koresë). Në të dyja rastet, ato që shkaktojnë shkëndija me treshen Seul-Tokio-Uashington janë marina ruse dhe ajo kineze.

Nga Lindja e Mesme në Mesdhe:Vatrat e tjera të nxehta

Nga ana tjetër, sa gjasa ka të shohim shpërthimin e një lufte detare në Evropë? Pas konfliktit në Ukrainë, kanë ndryshuar ekuilibrat lokalë. Gjithçka që ishte e sigurt në të kaluarën, është bërë befas e pasigurt. Prania ruse në Detin Mesdhe, përfaqëson gjithmonë një kambanë alarmi.

Dhe ashtu si më në lindje, është e nevojshme të monitorohet se çfarë po ndodh në “xhepin” e Detit të Zi. Vëmendje i duhet kushtuar edhe Evropës Veriore. Finlanda është anëtarësuar tashmë në NATO, dhe Suedia po pret ende të shohë se cila do të jetë e ardhmja e saj. Ndërkohë, aktivitetet detare në rajon janë bërë më intensive, aq sa shpërthimi që nxori jashtë funksionit gazsjellësin “Nord Stream”, ka rikthyer në qendër të vëmendjes Detin Baltik, i cili është bërë i njohur si një zonë e ndjeshme strategjike, por edhe Arktikun, ku Kina dhe Rusia kanë vendosur të bashkëpunojnë në disa fusha, gjë që ka shkaktuar shqetësimin e bllokut perëndimor.

Ndërkohë në Lindjen e Mesme, bie në sy çështja e pazgjidhur e Iranit. Meqë marrëdhëniet midis Teheranit dhe Uashingtonit mbeten të këqija, qeveria iraniane, mund të aktivizojë gjithmonë në rastin e rritjes së tensioneve të ashtuquajturën levë të Ngushticës së Hormuzit, duke sekuestruar anijet tregtare të vendeve armike apo kufizuar kalimin e tyre.

Në një skenar hipotetik të rastit më të keq, edhe Gjiri Persik do të rrezikonte të shndërrohej në një vatër të nxehtë. Në kontinentin amerikan, situata është në dukje më e qetë. Me përjashtim të deteve që e rrethojnë SHBA-në, të vetmet zona detare kritike përfshijnë Kubën, Nikaraguan dhe një pjesë të Amerikës Latine.

Sa i përket pikës së parë, Pekini dhe Havana duket se i kanë forcuar marrëdhëniet midis tyre, teksa Dragoi është gati të përurojë ndërtimin e një ose më shumë bazave të spiunazhit në ishullin që ndodhet shumë pranë territorit të SHBA-së. Situata me Nikaraguan është e ndryshme:prej vitesh Dragoi po përpiqet të financojë ndërtimin e një kanali alternativ ndaj atij të Panamasë, Kanalin e Nikaraguas.

Por momentin ai mbetet një projekt fantazmë, por mund të konsiderohet një kërcënim nga Uashingtoni përballë një kolapsit të plotë të raporteve diplomatike Kinë-SHBA. Së fundi, në Amerikën e Jugut vëmendje duhet t’i kushtohet konsolidimit të pranisë kineze në të gjithë rajonin.

Kjo mund të përkthehet në baza dhe mundësi të reja nga ana e Pekinit, për të lundruar në dete që më parë ishin të paarritshme për të. Në këtë rast, vështirë se Shtetet e Bashkuara do të qëndrojnë duarkryq. Zonat më të nxehta ndodhen aktualisht diku tjetër, por siç e kemi parë, ujërat e gjithë botës po vërshojnë nga tensionet.  /albeu.com

The post Detet e ngrohtë dhe përshkallëzimi global:Ku do të shpërthejnë luftërat në të ardhmen? appeared first on Albeu.com.

Përktheu: Alket Goce-AlbEu.com

Sikur udhëheqësi të mos kishte mjaftueshëm probleme me një ekonomi në tkurrje, popullsi në rënie, elitat e inatosura me të, me legjitimitetin në rënie, izolimin ndërkombëtar dhe një luftë të humbur tashmë në Ukrainë, autoritari rus Vladimir Putin përballet me një tjetër skenar të frikshëm.

Kombet jo-ruse të Federatës Ruse mund të jenë në prag të shpërfaqjes së vetes si aktorë sovranë dhe të përshpejtimit të kolapsit të saj. Ironia do të ishte shumë e ëmbël: duke sulmuar Ukrainën, Putini mund të  jetë duke nxitur shpërbërjen e Rusisë, dhe duke treguar kështu se pasojat e padëshiruara mund të jenë vdekjeprurëse.

Forumi i Kombeve të Lira të Rusisë (FNRF) është grupimi politik i emigrantëve jo-rus që shpreson të zëvendësojë Federatën Ruse me një sërë shtetesh të pavarura. FNRF u themelua në vitin 2022 nga Ilya Ponomarev, një ish-anëtar i Dumës ruse, që e kundërshtoi aneksimin e Krimesë nga Putin në vitin 2014 dhe e denoncoi pushtimin e tij të Ukrainës vitin e kaluar.

Një kundërshtar i njohur i diktatorit rus dhe i regjimit të tij fashist, Ponomarev banon aktualisht në Ukrainë. Forumi është mbledhur 5 herë, ku takimi i fundit është zhvilluar në Bruksel – në godinën e Parlamentit Evropian Paul-Henri Spaak – në fund të janarit të këtij viti.

Dy anëtarë të Grupit të Konservatorëve dhe Reformistëve Evropianë të Parlamentit (ish-ministrja polake e Punëve të Jashtme Anna Fotyga dhe Kosma Złotoëski, ish-deputet i të

dy dhomave të parlamentit polak) e drejtuan dhe moderuan takimin, që u ndal tek temat e mëposhtme: Ideologjia Perandorake (Nga Muskovi tek Miri (bota) ruse); Pushtimi dhe shfrytëzimi (nga Ivani i Tmerrshëm te Vladimir Putin); Ndikimi i sulmit të Moskës ndaj Ukrainës mbi kombet dhe rajonet në Federatën Ruse; De-imperializimi dhe De-kolonizimi; dhe Burgu i Kombeve pas Luftës dhe Politika Perëndimore ndaj Rusisë.

Në konferencë morën pjesë përfaqësues të rajoneve, për të cilat shumica e lexuesve nuk kanë dëgjuar ndoshta kurrë: Siberia, Cherkessia, Ichkeria (Çeçenia), Republika Pskov, Republika Laplandia/Murmansk, Republika Nogai, Don-Kazakia, Tatarstani, Ingria-Letonia, Republika e Moskës, Kuban, Bashkortostan, Sakha (Jakutia), Königsberg (Kaliningrad), Karelia, Ingushetia, Buryatia dhe Idel-Ural.

Ndër emrat më të rënësishëm që folën ishin Vladislav Inozemtsev, një ekonomist shumë i respektuar rus; Pavlo Klimkin, ish-ministër i Jashtëm i Ukrainës; Edëard Lucas, analist i njohur britanik; dhe Janusz Bugajski , bashkëpunëtor në The Jamestoën Foundation në Uashington dhe autor i librit të botuar së fundmi “Shteti i dështuar: Një udhëzues për këputjen e Rusisë”.

Siç raportoi uebsajti liberal rus Meduza: “Praktikisht të gjithë folën për gjenocid, dhe arritën në përfundimin se çlirimi nga shtypja e kolonizatorit (pra Moska) do të sillte zhvillimin si të rajonit që shkëputet po ashtu edhe të gjithë territorit që quhet ende zyrtarisht Rusi.

Pas konferencës, 5 pjesëmarrës deklaruan se më 16 shkurt do të mbajnë referendume online për shkëputjen e rajoneve të tyre. Ndjenja të tilla mund të jenë fisnike dhe vendi mund të jetë mbresëlënës, por kush e thotë se Forumi përfaqëson dikë në vendet në fjalë?

Emigrantët politikë në mbarë botën kanë një histori të gjatë të bërjes së pretendimeve bombastike, që tek e fundit nuk kanë asnjë peshë. Londra, Parisi, Berlini dhe Vjena kanë parë përgjatë historisë më shumë princër dhe pretendentë të rëndësishëm për pushtet.

Madje atë e kanë pasur dhe shumë emigrantë politikë. Udhëheqësi bolshevik Vladimir Lenin e kaloi pjesën më të madhe të jetës së tij jashtë vendit, dhe u rikthye në një Rusi revolucionare vetëm në pranverën e vitit 1917, siç bëri edhe revolucionari tjetër rus Leon Trotsky.

Ajatollah Ruhollah Khomeini kaloi mbi 14 vjet në mërgim. Udhëheqësi komunist vietnamez, Ho Chi Minh, ishte një emigrant për pjesën më të madhe të jetës së tij të hershme. Mohandas Gandhi e ushtroi për 2 dekada profesionin e avokatit në Afrikën e Jugut përpara se të kthehej në Indi.

Pra do të ishte e parakohshme që ky forum të shpërfillet si një organizim absurd i disa emigrantëve. Megjithëse toni i raportit të Meduza-s ishte skeptik, gazetari i këtij rrjeti informativ mori pjesë vetë në atë aktivitet dhe shkroi një artikull të gjatë, duke sugjeruar se çështjet që u trajtuan atje ia vlenin që t’u kushtohej vëmendje.

Shefi i propagandës së Putinit, Vladimir Solovyov, u përpoqe të tallej me këtë takim. Një shenjë kjo e sigurt se ai është i shqetësuar. Ashtu si Putin, i cili ka shpenzuar dy dekada duke hequr dorë nga prerogativat e njësive administrative jo-ruse të Rusisë. Së fundmi, ai e reduktoi Tataristanin në një provincë të Federatës ruse.

Fakt është se pavarësisht nga vetë-perceptimet dhe deklaratat disi ekzaltuese të Forumit, Rusia ka në fakt një problem serioz me provincat e saj të shumta dhe republikat autonome. Ky vend është thjesht shumë i madh dhe me shumë pakënaqësi rajonale ndaj Moskës dhe shpeshherë diktatet e saj nuk mund të mos jenë në rendin e ditës.

Çështja e vetme është se kur kjo pakënaqësi do të përkthehet në një përpjekje për shkëputje. Këtu hyn në skenë Putin. Ashtu si Mikhail Gorbachev dikur, që e “plagosi” për vdekje shtetin totalitar sovjetik me anë të Glasnostit dhe Perestrojkës, edhe Putin e ka plagosur për vdekje Rusinë fashiste me anë të luftës së tij gjenocidale kundër Ukrainës.

Shumë analistë të pavarur rusë bien dakord se Putin, regjimi i tij dhe shteti rus janë në telashe serioze. Telashe që vetëm sa do të shtohet me vazhdimin e luftës, shtimin e ushtarëve rusë të vdekur që kalojnë shifrën 200.000 dhe teksa humbja në fushën e betejës duket e pashmangshme.

Kombet jo-ruse të Rusisë kanë mbajtur deri tani peshën kryesore të viktimave. Disa analistë rusë thonë se jo rusët nuk e vlerësojnë aq shumë jetën sa rusët urbanë. Por jo-rusët dinë më mirë sesa vetëm t’u besojnë pikëpamjeve të tilla raciste.

Në një moment ata do të pyesin nëse është më mirë t’i nënshtrohen skemave shkatërruese të Putinit apo të rebelohen. Dhe kjo jo sepse do të jenë ndikuar domosdoshmërisht nga Forumi i Kombeve të Lira të Rusisë, por sepse shkëputja do të jetë garancia e vetme e mbijetesës në kaosin vdekjeprurës që duket se është e ardhmja e pashmangshme e Rusisë. /albeu.com

Shënim:Alexander J.Motyl, profesor i shkencave politike në Universitetin Rutgers-Neëark.

The post Rusia drejt shpërbërjes, qindra popuj pritet të ngrenë krye ndaj Moskës? appeared first on Albeu.com.

Qazim Tuqi e nisi sipërmarrjen 15 vite më parë ku familja ktheu 4 dhoma të një shtëpie ku banonte në një bujtinë për të pritur turistët, në zemër të Qendërs Historike të Gjirokastrës që mbrohet nga UNESCO .

Më pas erdhën edhe 4 dhoma të tjera në një shtëpi tjetër karaketristike të restauruar pak metra larg dhe tani Qazimi përgatitet të hapë edhe njësinë e tretë ku gjithësejt në 15 vite bëhen 30 dhoma për të pritur turistët.

“E vështirë ka qenë, luftë ka qenë, jo vetëm për mua por për gjithë familjarët që kanë punuar fort. Puna është e bukur se ke të bësh me njërëz shumë të mirë por vështirësitë kanë qenë sidomos se e kemi nisur nga zero.”

Ky vit ka nisur mbarë pasi kufijtë janë hapur dhe nuk ndihet frika e pandemisë, thotë më tej Qazimi, por sipas tij mungojnë turistët nga Ukraina dhe një tjetër sfidë është me rritjen e çmimeve.

“Na kujtohet viti i vjetsëhm, kemi pasur turistë të shumtë në grupe nga Ukraina dhe kemi shumë miq atje pasi kemi pasur kontakte edhe me agjensi dhe operatorë turistike. Lufta ka ndikuar, nuk di ta them me shifra, por ka ndikuar. Edhe rritja e çmimeve ka ndikuar shumë edhe tek ne edhe tek turistët. Unë nuk i kam rritur deri tani çmimet por mendoj se diçka duhet rritur sado e vogël.”

Tregu turistik në Gjirokastër, por edhe në zonat e Qarkut dhe më gjerë këtë vit po e ndien mungesën e turistëve nga veriu i Europës dhe nga disa vende te Evropës Lindore prej luftës në Ukrainë thotë Kristina Fidhi që drejton platformën “Visit Gjirokastra”.

Konflikti zbehu dëshirën për të udhëtuar dhe rriti nivelin e pasigurisë dhe e kemi ende këtë situatë. Niveli i rezervimeve nga vendet e Veriut të Evropës është shumë i uëlt, sigurisht kjo është kompesuar nga prujet e tjera që po e rrisin tendencën, por besoj do e kemi këtë situatë par aq kohë sa konflikti atje do të vazhdojë.”

Sipas Kryetarit të Bashkisë së Gjirokastrës Flamur Golemi, në Gjirokastër kanë ardhur këtë vit rreth 10 mijë turistë nga disa vende evropiane dhe Shtetet e Bashkuara.

Numri i turistëve për këto dy muaj ka qenë më shumë se 10 mijë, krahasur me vitet e shkuara është më i lartë.

Zoti Golemi thotë se këtë vit ka një kalendar aktivitetesh.

“Gjirokastra ofron atë që ka afruar gjithmonë, turizëm, histori,trashëgimi, por këtë vit ne kemi filluar me një kalendar aktivitetesh të shtrira jo vetëm fundjavave por edhe ditëve të tjera dhe ky kalendar do vazhdojë përgjatë gjithë vitit”.

Gjirokastra ka pasuruar këtë vit ofertën e saj turistike dhe sipas specialistit të trashëgimisë kulturore Ilir Lluri ky sezon turistik ka disa risi. Njëra prej tyre lidhet me një guidë të posaçme që bazohet në veprat letrare të shkrimtarit të shquar Ismail Kadare ndërsa risia tjetër lidhet me përpjekjet për të ritkhyer në pazarin historik mjeshtërinë e punimit të qilimave.

“Një gudië në Gjirokastër mbështetur në veprën e Ismail Kadaresë. Unë mendoj që kjo është një nga risitë e këtij sezoni turistik. Është mbështetur në vepra që flasin pikërisht për qytetin e Gjirokastrës, në personazhe por edhe në arkitekturën e shtëpive të Gjirokastrës që shkrimtari ka përshkruar në këto vepra.”

Sipas të dhënave zyrtare nëntë në dhjetë turistë në Shqipëri hyjnë nga kufir tokësor. Blerim Kore që drejton zyrën e turizmit në Bashkinë e Gjirokastrës thotë se lehtësimi i masave kundër koronavirusit në kufirin shqiptaro grek në Pikën e kakavijës ka ndihmuar prurjet më të mëdha. Ai thotë se edhe përmes Portit të Sarandës janë rritur ardhjet e turistëve.

“Lehtësimi masave antikovid sin ë anë shqipatre dhe atë greke ka ndikuar në rritjen e lehtësisë së lëvizjes dhe rritjen e vizitueshmërisë. Nuk ka vonesa në kufi dhe kjo ndikon shumë.

Gjirokastra ka shtuar dy vitet fundit kapacitete turistike dhe sidomos hotelet, por edne ka sfida sipas drejtueses së platformës “Visit Gjirokastra” Kristina Fidhi.

“Meritojnë të përmenden problemet infrastrukturës, ndonjëherë të sinjalistikës dhe ndonjëherë edhe të shërbimeve që nuk mjaftojnë.”

Gjatë katër muajve të këtij viti në Shqipëri është rritur me mbi 50% pruja e të huajve krahasuar me një vit më parë. Sezoni aktual lidhet më shumë me turizmin kulturor dhe atë të natyrës ku grupet e turistëve janë të vogla./VOA

The post VOA: Sezoni turistik në Shqipëri dhe pasojat e luftës në Ukrainë appeared first on Albeu.com.

Si në Srebrenicë, si në Reçak, si në teatrin Bataclan, Bucha do të jetë një nga emrat që do të mbetet si simbol i tragjedisë së luftës dhe i zhvlerësimit të njeriut në ketë lloj situate.

Varre masive me qindra civilë, përballë kishës ku ata zakonisht luteshin, kufoma në çdo cep, në çdo rrugicë, shpesh herë me duart e lidhura dhe një plumb pas shpine, pasojë e një ekzekutimi me gjak të ftohtë.

“Një skenë filmi horror”, dëshmojnë gazetarët e parë që u dërguan në Kucha, pas tërheqjes së trupave ruse. Por kush janë autorët e kësaj masakre, që po shtyn vendet perëndimor edhe SHBA të cilësojnë Vladimir Putin si kriminel lufte?

Sipas disa grupeve aktivistësh në terren, të bazuar a në dëshmitë e të mbijetuarve por edhe në pamjet satelitore, me shumë gjasa lideri i “kasapëve” mund të jetë koloneli Omurekov Azatbek Asanbekovich, që drejton njësinë 51460, pjesë e brigadës së 64-t të artilerisë së motorizuar.

Një njësi që vjen nga larg, nga skajet më të largëta ruse, në atë Siberinë aziatike ku panorama është po e njëjtë dhe asgjë nuk ndodh dhe do të ndodhë ndonjëherë.

Sipas burimeve, njësia 51460 vinte nga fshati Knyaze-Volkonskoye, në territorin e Çabarovskit, sipër Koresë së Veriut.

Dhe pamjet e para që qarkullojnë në rrjet të kësaj njësie, tregon pikërisht të rinj me karakteristikat fizike të atyre zonave, teksa valëvisin flamurin e republikës ruse të Sahasë (ose Jakutia), një territor i stërmadh që kronikat ndërkombëtare njohin më së shumti për të ftohtin e madh dhe për fildishin e mamutëve prehistorikë që zbulohet herë pas here nga shkrirja e permafrostit.

Duket e pabesueshme që në ato fytyra të qeshura mund të kenë kryer vrasje, përdhunime dhe ekzekutime brutale grash, të moshuarish dhe fëmijësh, por të dhënat tregojnë pikërisht për praninë e kësaj njësie në Bucha. Emrat e tyre po shpërndahen në rrjet nga aktivistët, dhe nuk do të kalojë shumë kohë para se ata të përballen me akuzën e krimeve të luftës.

Ndoshta, është thjesht një rastësi, por nuk mund të mos rrëqethë koincidenca, e hulumtuar nga A2 CNN, që fshati Knyaze-Volkonskoye, ku zakonisht rri njësia, është kryesisht i njohur në mediat ruse për një ushtarë i asaj kazerme, Artyom Grabovoi, i njohur si maniaku i Knyaze-Volkonskoye dhe i akuzuar për përdhunimin dhe vrasjen me metoda brutale të disa grave në vitin 2014./A2News/

The post Njësia 51460, “kasapët” që akuzohen për masakrën që tronditi botën në Bucha (FOTO LAJM) appeared first on Albeu.com.

Gjatë  kohës se bisedimeve në Antalya, qyteti i Mariupolit në Ukrainë është përfshirë nga sulme ajrore ruse.

Gjithçka çfarë duhet të dini deri më tani nga lufta në Ukrainë:

• Sekretarja britanike e Brendshme është zotuar të thjeshtojë sistemin e aplikimit për viza në internet për ukrainasit pas kritikave të rënda për reagimin e saj ndaj krizës. Priti Patel tha se nga e marta, refugjatët ukrainas nuk do të duhet të shkojnë në një qendër aplikimi për viza për të siguruar biometrinë e tyre përpara se të vijnë në MB.
• Një autokolonë humanitare që po përpiqej të arrinte në Mariupol sot është detyruar të kthehet për shkak të luftimeve, raporton Reuters, zëvendëskryeministri ukrainas.
• Ministri i Jashtëm rus Sergei Lavrov tha se Rusia do të përpiqet të mos jetë më kurrë e varur nga perëndimi . Në një konferencë shtypi në Turqi, ai pohoi gjithashtu se të drejtat pronësore të Rusisë janë vulosur nga perëndimi, se ata do të durojnë krizën dhe se Ukraina duket se dëshiron të ketë takime për hir të takimeve.
• Një takim midis ministrave të jashtëm rus dhe ukrainas, Sergei Lavrov dhe Dmytro Kuleba, në Turqi përfundoi me pak përparim që duket se ishte bërë. Në një konferencë shtypi më pas, Reuters raporton se Kuleba tha se nuk ishte bërë përparim në një armëpushim dhe se Lavrov nuk u angazhua për një korridor humanitar në Mariupol, ku tha se situata ishte më e vështira.
• Zëvendëspresidentja e SHBA, Kamala Harris, thotë se do të diskutojë me Poloninë çështje që do ta detyrojnë Rusinë të paguajë një çmim për pushtimin e saj në Ukrainë , raporton Reuters. Duke folur sot gjatë një vizite në Varshavë, ajo tha gjithashtu se Polonia po bën “punë të jashtëzakonshme” për të ndihmuar refugjatët ukrainas.
• Një sulm ajror në një spital në Mariupol dje vrau tre persona , duke përfshirë një fëmijë, tha sot këshilli i qytetit, raporton Associated Press. Sulmi plagosi 17 persona në qytetin port të rrethuar, duke përfshirë gra që prisnin të lindnin, mjekë dhe fëmijë.
• Më shumë se 2.3 milionë njerëz janë larguar nga Ukraina deri më tani që nga fillimi i pushtimit rus dy javë më parë, tha sot OKB. Agjencia e OKB-së për migracionin tha se nga ata që janë detyruar të strehohen në vendet fqinje, 112,000 persona janë shtetas të vendeve të treta.
• Mbretëria e Bashkuar ka ngrirë asetet e shtatë biznesmenëve rusë, duke përfshirë Roman Abramovich, Igor Sechin, Oleg Deripaska dhe Dmitri Lebedev pasi ato u shtuan në listën e sanksioneve të vendit, raporton Reuters. Abramovich është pronar i Chelsea Football Club, Deripaska ka aksione në En+ Group, Sechin është shefi ekzekutiv i Rosneft dhe Lebedev është kryetar i bordit të drejtorëve të Bank Rossiya.
• Ministria e Jashtme e Rusisë ka thënë se ata nuk do të marrin më pjesë në Këshillin e Evropës, organizatën kryesore të të drejtave të njeriut në kontinent, e themeluar në përgjigje të zemërimit humanitar të Luftës së Dytë Botërore.
• Ukraina hapi shtatë korridore humanitare , duke përfshirë një nga Mariupol, mes raporteve se trupat ruse kanë pushtuar disa pjesë të qytetit. Zëvendëskryeministri i vendit tha se ishin hapur shtatë korridore humanitare, raporton Reuters. Guvernatori i Sumy tha se tre kolona të evakuuarish po largoheshin pasi u ra dakord për një armëpushim.

The post PËRMBLEDHJE/ Dështimi i takimit në Turqi dhe sulmi ajror në Mariupol, gjithçka çfarë duhet të dini deri më tani nga lufta në Ukrainë appeared first on Albeu.com.

Kjo armë amerikane kushton US$175,203, peshon rreth 8.4 kg dhe arrin cakun deri në distanca 2,5 km.

Ajo madje arrin të çajë tankun më dysh. /albeu.com/

The post Ky është Anti-tanku që po shkatërron rusët në Ukrainë, peshon 8.4 kg (VIDEO) appeared first on Albeu.com.

“Presidenti (Vladimir Putin) ka marrë vendimin e duhur (për të hyrë në Ukrainë) dhe ne do të zbatojmë urdhrat e tij në çdo rrethanë”, tha Kadyrov në një video të postuar në internet.

Udhëheqësi çeçen është i njohur për mbështetjen dhe promovimin me pandëshkueshmëri të plotë të shkeljeve të përsëritura të të drejtave të njeriut të kryera nga Garda Kombëtare në Republikën Çeçene. Kadirov gjithashtu shfrytëzoi rastin për të theksuar se qëllimi i tij është “të garantojë sigurinë e popullatës”.

“Ne nuk kemi dëshirë të luftojmë Ukrainën apo popullin ukrainas. Ne jemi kundër atyre që na vranë dhe atyre që duan të na vrasin. Qëndrimi ynë është të garantojmë sigurinë e shtetit tonë dhe popullit tonë. Ne nuk duam që Rusia të sulmohet duke përdorur Ukrainën”, shtoi ai, shkruan albeu.com.

Kush janë çeçenët?

Çeçenët janë një nga popujt më të vjetër në Kaukaz. Në mesin e shekullit të 19-të (ndërmjet viteve 1855 dhe 1856) të gjitha grupet etnike myslimane në rajon u bashkuan dhe formuan Çeçeninë. Afërsia e saj me Rusinë ka shkaktuar disa mosmarrëveshje midis dy territoreve. Pas disa luftërave me Rusinë në vitet 1990, Çeçenia u bë pjesë e 83 republikave të vendit.

Aktualisht thuhet se rreth 10,000 ushtarë nga forcat e armatosura të republikës ruse të Çeçenisë do të shkojnë në Ukrainë për të përforcuar pjesën tjetër të ushtrisë ruse. Nuk është vetëm ndonjë përforcim: ata njihen si ushtarët më gjakatarë që ka Rusia.

Çfarë ndodhi në Çeçeni?

Republika Çeçene është një republikë e vogël ruse në Kaukaz. Historia e saj shënohet nga lufta e saj për autonomi që nga shekulli i 19-të. Rajoni shpalli pavarësinë e tij në nëntor 1991, një muaj para shpërbërjes së Bashkimit Sovjetik (26 dhjetor 1991). Disa vjet më vonë, në dhjetor 1994, ushtria ruse ndërhyri në Çeçeni, duke shkaktuar Luftën e Parë Çeçene. Konflikti zgjati deri në vitin 1996. Rezultati ishte fitorja çeçene dhe shpallja e pavarësisë së saj.

Megjithatë, në tetor 1999 trupat ruse u rihynë në Çeçeni dhe filluan Luftën e Dytë Çeçene. Në shkurt 2000, Rusia arriti të marrë kryeqytetin çeçen, Grozny. Në vitin 2009 Moska shpalli fundin e konfliktit, duke kuptuar se operacioni antiterror kishte përfunduar, pavarësisht se rebelimi vazhdonte të vazhdonte. Në total, llogaritet se lufta do të kishte lënë 9000 të vdekur. Megjithëse, sipas Memorialit të OJQ-ve, numri i të vdekurve gjatë konfliktit të dytë është midis 15,000 dhe 25,000 civilë.

Çfarë roli mund të luajnë ata në Ukrainë?

Roli i forcave çeçene në pushtimin rus të Ukrainës mbetet një mister. Shfaqja e trupave çeçene në Ukrainë ishte një surprizë. Askush nuk mund ta imagjinonte se ata do të shfaqeshin në vijën e parë të betejës. Shumica e ushtarëve mendohet se janë nga Batalioni Jugor i Shërbimit të Gardës Federale, me bazë në Çeçeni.

Disa anëtarë të “Skuadrës së Vdekjes ” janë vëzhguar dhe fotografuar gjithashtu duke bërë formacione ushtarake në një pyll ukrainas ndërsa kryenin ritualet e lutjes përpara një lufte të mundshme. Shumë spekulojnë se kjo skuadër ka për qëllim kapjen e drejtuesve më të lartë të qeverisë ukrainase. Megjithatë, hipoteza më e madhe është se Rusia është atje për të minuar psikologjikisht luftëtarët ukrainas dhe për t’i bërë ata të dorëzohen, pasi ky grup çeçenësh është i njohur për brutalitetin e tij. Përktheu nga AS G.D /albeu.com/

The post Kush janë çeçenët dhe çfarë roli mund të luajnë ata në luftën Ukrainë-Rusi? appeared first on Albeu.com.