“Në shumë aspekte, fati i Donbasit po vendoset atje,” tha ai ndërsa luftimet u ndezën në brezin industrial me forcat ruse dhe separatiste.

Ai tha se trupat e tij po u shkaktonin humbje të mëdha forcave armike.

Por forcat ukrainase janë shtyrë në periferi, sipas zyrtarit të lartë ukrainas të rajonit.

Serhiy Haidai, guvernator i rajonit të Luhanskut (i cili përbën Donbasin së bashku me rajonin fqinj të Donetskut), tha se forcat speciale ishin tërhequr pasi Rusia filloi të rrafshonte zonën me bombardime dhe sulme ajrore.

“Forcat tona tani përsëri kontrollojnë vetëm periferi të qytetit,” tha ai për mediat lokale. “Por luftimet po vazhdojnë, forcat tona po mbrojnë Severodonetsk.”

“Është e pamundur të thuhet se rusët e kontrollojnë plotësisht qytetin,” shtoi ai.

Rreth 15,000 civilë mbetën në Severodonetsk dhe në qytetin e afërt të Lysychansk, tha guvernatori.

The post Zelensky lidh fatin e Ukrainës Lindore me betejën në Severodonetsk appeared first on Albeu.com.

Forcat ruse goditën rezervuarin e acidit nitrik në Severodonetsk, duke bërë që guvernatori lokal të paralajmërojë njerëzit të qëndrojnë brenda.

Në fjalimin e tij gjatë natës, Zelensky tha: “Duke pasur parasysh praninë e prodhimit kimik në shkallë të gjerë në Severodonetsk, sulmet e ushtrisë ruse atje, duke përfshirë bombardimet e verbër ajrore, janë thjesht çmenduri”.

Beteja për Severodonetsk është bërë më intensive ditët e fundit, me viktima të rënda si nga pala ukrainase ashtu edhe nga ajo ruse./albeu.com

The post Zelensky: Bombardimi rus i fabrikës kimike, çmenduri appeared first on Albeu.com.

Skënari është i dyfishtë, bombardime shkatërruese me pëleshje në disa zona të qytetit.

Në terren, përveç komandantit rus Alexander Dvornikov, mund të jetë edhe Genadi Zhidko, zëvendësministër i mbrojtjes dhe shef i drejtorisë politike.

Lajmin e bëri të ditur e përditshmja italiane “Corriere della Sera”.

Me origjinë nga Uzbekistani, 56 vjeç, Zhidko kaloi një periudhë në Damask të Sirisë si shef i shtabit të kontingjentit në vitin 2016.

Gjatë kësaj kohe, ai drejtoi rajonin lindor të Rusisë dhe më pas u kthye në kryeqytet për t’u marrë me mobilizimin, propagandën dhe organizimin.

Burimet nga Moska theksojnë se Zhidko e ka treguar veten në të kaluarën sa i takon rimodelimit të Ushtrisë.

Ndoshta, përfshirja e tij e drejtpërdrejtë lidhet me rregullimet e “hierarkisë” pas gabimeve fillestare.

Rusët po punësojnë njësi të zgjedhura, nga ushtarët privatë të Wagner-it, deri te anëtarët e forcave speciale çeçene.

Teksa avancojnë repartet duhet të kenë kujdes për të shtëna, tanket vihen në shënjestër nga ekipe të pajisura me antitanke.

Kjo është arsyeja pse forcat ruse godasin me armë që nuk bëjnë asnjë dallim: dëmtimi i infrastrukturës civile është i pafund.

Rusia po shkatërron pjesë të mëdha të Ukrainës, ashtu si në Siri, ku “shërbyen” dy gjeneralët të cilët po drejtojnë operacionet në Severodonetsk.

The post Skenar i dyfishtë! Kush është “besniku” i Putin që po udhëheq sulmin në Severodonetsk appeared first on Albeu.com.