Duke iu drejtuar atyre që janë përgjegjës për konfliktin e vazhdueshëm midis SHBA-së dhe Izraelit dhe Iranit, Papa Leon XIV nisi një apel në emër të të krishterëve të Lindjes së Mesme.

“Pushoni zjarrin! Le të rihapen rrugët e dialogut! Dhuna nuk mund të çojë kurrë në drejtësinë, stabilitetin dhe paqen që popujt presin”, tha ai.

Mediat shkruajnë se ndërsa iu drejtua besimtarëve pas recitimit të lutjeve, Papa kujtoi se popujt e Lindjes së Mesme kanë vuajtur dhunën e tmerrshme të luftës për dy javë.

“Mijëra njerëz të pafajshëm janë vrarë dhe shumë të tjerë janë detyruar të braktisin shtëpitë e tyre. Unë ripërtërdh afërsinë time me lutje me të gjithë ata që kanë humbur të dashurit e tyre në sulmet që kanë goditur shkollat, spitalet dhe zonat e banuara”, shtoi ai.

Papa Leon shprehu gjithashtu shqetësim të madh për situatën në Liban.

“Shpresoj për rrugë dialogu që mund të mbështesin autoritetet e vendit në zbatimin e zgjidhjeve të qëndrueshme të krizës së rëndë që po ndodh, për të mirën e përbashkët të të gjithë popullit libanez”, përfundoi ai.

The post Konflikti në Lindjen e Mesme, Papa Leon XIV bën thirrje për armëpushim: Pushoni zjarrin, le të rihapen rrugët e dialogut appeared first on Albeu.com.

Sipas Wall Street Journal, e cila citon tre zyrtarë amerikanë, Sekretari i Luftës Pete Hegseth ka miratuar një kërkesë nga Komanda Qendrore (CENTOCOM).

Ai ka miratuar për të dërguar një grup beteje amfib, të shoqëruar nga një njësi e Marinës, zakonisht e përbërë nga disa anije luftarake dhe 5,000 marinsa të sprovuar.

Nuk ka informacione nëse ky mision lidhet me bombardimin e “Malit Kazmë”, në Natanz, pranë Teheranit, ku mendohet se ndodhet edhe centrali bërthamor i Iranit apo vendi sekret ku bëhen kërkimet shkencore për bombat bërthamore me uranium.

The post Lufta në Lindjen e Mesme, Pentagoni dërgon 5 mijë marinsa dhe anije luftarake shtesë në Ngushticën e Hormuzit appeared first on Albeu.com.

Dërgesat përmes pikës së ngushtë të hyrjes në Gjirin Persik, përmes së cilës kalon rreth një e pesta e naftës dhe gazit natyror të lëngshëm në botë, kanë qenë të papërfillshme që nga sulmet iraniane ndaj cisternave dhe një premtim nga udhëheqësi i ri suprem i Iranit për ta mbajtur ngushticën të mbyllur.

Kryeqytetet evropiane kanë hapur bisedime fillestare në një përpjekje për të rinisur eksportet e naftës dhe gazit, thanë tre zyrtarë të informuar mbi bisedimet, ndërsa kompanitë e transportit detar kërkojnë nga marinat perëndimore për shoqërime të mundshme për cisternat e tyre.

Franca është një nga vendet e përfshira në bisedime, thanë dy nga zyrtarët. Zyrtari i parë tha se Italia është përpjekur gjithashtu të hapë bisedime me Teheranin për këtë çështje.

Teherani shihet gjerësisht si një vend që po përpiqet të rrisë çmimet e naftës dhe gazit me qëllim që të ushtrojë presion mbi Presidentin e SHBA-së Donald Trump për t’i dhënë fund konfliktit, dhe udhëheqësi i ri suprem i Iranit, Mojtaba Khamenei, u zotua të enjten të vazhdojë bllokimin e Ngushticës.

Vendet evropiane janë përpjekur të shmangin përfshirjen e drejtpërdrejtë në konfliktin e Lindjes së Mesme, me disa që kritikojnë sulmin fillestar SHBA-Izrael që shkaktoi luftën më të gjerë rajonale.

Megjithatë, qeveritë janë thellësisht të shqetësuara për mundësinë e një bllokimi të zgjatur të ngushticës, pasi kjo do të rriste kostot e energjisë për bizneset dhe familjet, duke përkeqësuar më tej problemet ekonomike të kontinentit dhe duke ushtruar presion të mëtejshëm mbi buxhetet kombëtare tashmë të tendosura.

Çmimet e naftës janë rritur në rreth 100 dollarë për fuçi nga 60 dollarë në fillim të vitit, ndërsa çmimet e gazit natyror në Evropë janë rritur me 75% gjatë së njëjtës periudhë.

The post Lufta në Lindjen e Mesme, Italia dhe Franca hapin bisedime me Teheranin për sigurimin e Ngushticës së Hormuzit appeared first on Albeu.com.

Nga mbikëqyrja e pikave të karburanteve në vendin tonë, shihet se çmimi i naftës është rritur në krahasim me një ditë më parë.

Në Tiranë çmimi i naftës është rritur nga 182 në 184 lekë për naftën dhe 185 për benzinën, duke shënuar rritje në krahasim me një ditë më parë.

Bëhet me dije se në Elbasan, një litër naftë kushton 195 lekë, duke iu afruar kështu shifrës së 200 lekëve.

Kujtojmë që qeveria pak ditë me parë zhvilloi një takim me kompanitë e hidrokarbureve, por akoma nuk ka marrë një vendim.

The post Lufta në Lindjen e Mesme, vijon rritja e çmimit të naftës në Shqipëri, arrin afër 200 lekë për litër appeared first on Albeu.com.

“Ajo ditë po afron. Dhe kur të vijë, Izraeli dhe Shtetet e Bashkuara do të jenë atje, së bashku me popullin iranian. Dhe është e rëndësishme që populli iranian të jetë atje me ne. Varet prej tyre; ne do të jemi atje”, u tha Netanyahu gazetarëve në një fjalim televiziv gjatë vizitës së tij në një vend të goditur nga një raketë iraniane.

Që kur Izraeli dhe Shtetet e Bashkuara nisën sulmet e tyre të para kundër Iranit të shtunën, Netanyahu ka thënë se është koha që iranianët të “hedhin poshtë zgjedhën e tiranisë” dhe Presidenti i SHBA-së Donald Trump u ka thënë atyre të “marrin mbrapsht vendin e tyre”.

The post Lufta në Lindjen e Mesme, Netanyahu: Dita kur iranianët do të përmbysin qeverinë, është afër appeared first on Albeu.com.

Ushtria izraelite tha se ishte një operacion i kufizuar që synonte gjetjen e pengjeve të marra nga Hamasi. Hamasi është grupi palestinez i shpallur organizatë terroriste nga Shtetet e Bashkuara dhe Bashkimi Evropian.

Bastisja në spital ndodhi një ditë pasi ushtria izraelite tentoi të evakuonte mijëra persona të zhvendosur që kanë gjetur strehim në spitalin Nasser në Han Junis. Ky qytet jugor i Gazës javët e fundit ka qenë caku kryesor i ofensivës izraelite kundër Hamasit.

Ushtria tha se kishte “inteligjencë të besueshme” se Hamasi po mbante pengje në spital dhe se brenda këtij objekti mund të ketë edhe mbetje trupore të pengjeve.

Zëdhënësi i ushtrisë izraelite, Daniel Hagari, tha se forcat po kryejnë operacion “preciz dhe të kufizuar”, duke shtuar se nuk do të ketë evakuim me forcë të mjekëve apo pacientëve.

Izraeli e akuzon Hamasin se përdor spitalet dhe infrastrukturat e tjera civile për të mbrojtur luftëtarët e tij.

Zëdhënësi i Ministrisë së Shëndetësisë në Gazën e udhëhequr nga Hamasi, Ashraf al-Qidra, tha se Izraeli ka kryer “një inkursion masiv” me të shtëna masive që kanë plagosur shumë persona që po strehoheshin në këtë spital. Ai tha se ushtria izraelite ka urdhëruar mjekët të zhvendosin në një ndërtesë tjetër të gjithë pacientët, por ky objekt, sipas tij, nuk ishte i pajisur për trajtimin e pacientëve.

“Shumë nuk mund të evakuohen, sikurse pacientët që kanë gjymtyrë të amputuara, kanë djegie të shkallës së lartë apo janë në moshë të shtyrë”, tha ai gjatë një interviste për rrjetin Al Jazeera.

Lufta në Gazë nisi pasi më 7 tetor, Hamasi sulmoi jugun e Izraelit, duke vrarë afër 1.200 persona, shumica civilë, dhe duke rrëmbyer afër 250 të tjerë. Izraeli është kundërpërgjigjur me ofensivë tokësore dhe ajrore në Gazë, që deri më tani kanë lënë të vrarë mbi 28.000 palestinezë.

Izraeli së fundi po ashtu ka paralajmëruar se do të zhvendosë ofensivën e saj në qytezën Rafah, në kufi me Egjiptin, ku shumica e popullsisë së Gazës është zhvendosur për shkak të luftimeve në pjesën tjetër të këtij territorit.

The post Forcat izraelite bastisin spitalin kryesor në jug të Gazës, ndërron jetë një pacient dhe plagosen 6 të tjerë appeared first on Albeu.com.

Të paktën katër persona, përfshirë dy fëmijë, u vranë dhe nëntë të tjerë u plagosën në sulmet ajrore izraelite në Libanin jugor, sipas agjencisë së mbrojtjes civile të vendit.

Sulmet erdhën pasi një breshëri raketash nga Libani jugor në një bazë ushtarake në Safad në veri të Izraelit la të vdekur një person dhe plagosi shtatë të tjerë.

“Agresioni i sotëm, i cili vrau disa civilë dhe fëmijë, nuk do të mbetet pa përgjigje”, tha Hashem Safieddine, një nga udhëheqësit e Hezbollahut.

“Në mënyrë të pashmangshme do të ketë një përgjigje dhe kjo përgjigje do të jetë në nivelin e duhur”, shtoi ai.

Tensionet kufitare midis Libanit dhe Izraelit janë rritur në një nivel të lartë pas ofensivës ushtarake izraelite në Rripin e Gazës që ka vrarë më shumë se 28.500 njerëz pas një sulmi të Hamasit më 7 tetor.

The post Grupi libanez Hezbollah: Sulmet izraelite nuk do të mbeten pa përgjigje appeared first on Albeu.com.

Afrika e Jugut i kërkoi gjykatës së OKB-së të shqyrtonte nëse operacionet ushtarake të Izraelit do të përbënin shkelje të urdhrave të përkohshëm të dhëna nga gjykatësit muajin e kaluar.

Duke reaguar, Izraeli e hodhi poshtë si “të pabazuar” kërkesën e paraqitur nga Afrika e Jugut në Gjykatën Ndërkombëtare për të ndërhyrë në planet e saj për të nisur një ofensivë në Rafah.

Zëdhënësi i Ministrisë së Jashtme izraelite Lior Hayat akuzoi Afrikën e Jugut se vepron si “krahu ligjor” i Hamasit.

“Afrika e Jugut vazhdon të përfaqësojë interesat e organizatës terroriste Hamas dhe po përpiqet t’i mohojë Izraelit të drejtën themelore për të mbrojtur veten dhe qytetarët e tij.

“Izraeli është i përkushtuar të respektojë ligjin ndërkombëtar, duke përfshirë lehtësimin e transferimit të ndihmës humanitare dhe parandalimin e dëmtimit të të pafajshmëve.”

Afrika e Jugut parashtroi më parë akuza për gjenocid kundër Izraelit në gjykatë – të mohuara me forcë nga Izraeli – për të cilat gjykata ka të ngjarë të marrë vite për të vendosur.

Por në një vendim të përkohshëm muajin e kaluar, gjykata urdhëroi Izraelin të marrë masa më të mëdha për të mbrojtur civilët.

The post Afrika e Jugut çon Izraelin në Gjykatën Ndërkombëtare për ofensivën e paralajmëruar në Rafah appeared first on Albeu.com.

Halevi është shprehur se ushtria është e aftë të kryejë çdo detyrë që i caktohet.

The post Izraeli bëhet gati për operacion tokësor në Rafah, Netanyahu kërkon gatishmërinë e ushtrisë appeared first on Albeu.com.

Zyrtari, duke informuar gazetarët në kushte anonimiteti, tha se i dërguari diplomatik i Shteteve të Bashkuara, Amos Hochstein do të udhëtojë gjithashtu në Izrael për të punuar për uljen e tensioneve midis Izraelit dhe Hezbollahut.

Sekretari Blinken niset të enjten në mbrëmje “për takime në një numër vendesh të rajonit, duke përfshirë Izraelin”, tha zyrtari. Sipas mediave turke, Ministri i Jashtëm turk Hakan Fidan u tha gazetarëve se Sekretari Blinken do të zhvillojë takime me zyrtarët e Turqisë të shtunën.

Turneu i zyrtarëve të lartë amerikanë në Lindjen e Mesme vjen në një kohë kur rreziku për një përshkallëzim rajonal të konfliktit u rrit pas vrasjes së zyrtarit të lartë të Hamasit, Saleh al-Arouri në Bejrut të martën.

Ushtria izraelite tha se ishte në gatishmëri të lartë për sulme të mundshme të grupit militant libanez Hezbollah. Vendimi për rritjen e gatishmërisë së ushtrisë izraelite pason njoftimet për një sulm me dron në Bejrut, në të cilin u vra Saleh al-Arouri, i cili ishte i lidhur ngushtë me Sekretarin e Përgjithshëm të Hezbollahut, Hassan Nasrallah. Në një fjalim televiziv, Hasan Nasrallah tha se do të ketë një “përgjigje dhe ndëshkim”, por ai nuk deklaroi qartë se forcat e tij do të përshkallëzonin sulmet kundër Izraelit.

Shtetet e Bashkuara që nga 7 tetori i kanë dërguar një “mesazh shumë të drejtpërdrejtë Hezbollahut” dhe grupeve të tjera në rajon se “tani nuk është koha për të menduar për përshkallëzim të mëtejshëm”, tha zëdhënësi i Departamentit të Shtetit. Izraeli nisi ofensivën në Rripin e Gazës menjëherë pas sulmit të 7 tetorit nga militantët e Hamasit.

“Ju i keni parë hapat tanë frenues, duke dërguar atë mesazh. Ju keni parë hapat diplomatikë, që janë marrë për ta realizuar atë. Ne do të vazhdojmë ta bëjmë këtë”, u tha gazetarëve zëdhënësi i Departamentit të Shtetit, Matthew Miller, gjatë një konference shtypi të mërkurën.

Forca e Përkohshme e Kombeve të Bashkuara në Liban (UNIFIL) gjithashtu ka shprehur shqetësim të thellë për mundësinë e përshkallëzimit të konfliktit dhe u ka bërë thirrje të gjitha palëve që të tregohen të përmbajtura.

Në fillim të kësaj jave, kryeministri i përkohshëm i Libanit, Najib Mikati, dënoi sulmin izraelit që rezultoi në vdekjen e zyrtarit të Hamasit Saleh al-Arouri, duke e quajtur atë një “krim” që synon qëllimisht të tërheqë Libanin në një fazë të re konfrontimesh.

Hamasi dhe Hezbollahu mbështeten nga Irani, aleatët militantë të të cilit në Siri, Irak dhe Jemen gjithashtu kanë kryer sulme me raketa me rreze më të gjatë veprimi kundër Izraelit.

Presidenti amerikan Joe Biden ka zhvilluar biseda telefonike me kryeministrin izraelit Benjamin Netanyahu ditët e fundit, ndërsa ai po punon për të përmirësuar rrugët e dërgimit të ndihmave humanitare në Rripin e Gazës dhe për të siguruar lirimin e pengjeve të mbajtura nga Hamasi./voa

The post Blinken, turne në Lindjen e Mesme për të frenuar përhapjen e luftës Izrael-Hamas appeared first on Albeu.com.