“Faleminderit të gjithëve që morën pjesë në ditën e faljes dhe agjërimit për paqe të premten e kaluar. Le të lutemi për Ukrainën, për situatën e rëndë në Palestinë , në Izrael dhe në rajone të tjera të botës”, nënvizoi ai.

“Në Gaza, në veçanti, le të lihet vend për ofrimin e ndihmës humanitare dhe për lirimin e menjëhershëm të pengjeve. Le të mos heqim dorë nga përpjekjet për të heshtur armët. Ne të gjithë themi: “Vëllezër dhe motra, ndaloni, pushoni zjarrin. Lufta është gjithmonë, gjithmonë një disfatë“, shtoi Papa.

The post “Ndaloni zjarrin”, mesazhi i Papa Françeskut për Lindjen e Mesme: Lufta është gjithmonë një disfatë appeared first on Albeu.com.

Ministri i Jashtëm i Kinës Wang Yi hat sapo ka përfunduar turin e tij të vizitave në ishujt e Paqësorit, me qëllim që këto vende të vogla të tërhiqen në varësinë e Pekinit. Këto vende duhet të miratojnë një akord për sigurinë, që mund ta zgjerojë në mënyrë masive influencën e Pekinit ndaj këtyre ishujve.

Tani për tani këto vende nuk duan marrëveshje rajonale. Megjithatë aktorë të veçantë, përfaqësuesit e ishujve Solomon, Fixhi dhe Samoa, ndërkohë kanë hyrë në marrëveshje bilaterale me Pekinin. Se çfarë është rënë dakord konkretisht, bota këtë do ta mësojë, vetëm kur ato të bëhen publike. Pavarësisht këtyre përpjekjeve obskurative, që përdor Pekini edhe në marrëveshjet lidhur me rrugën e re të mëndafshit, që është e diskutueshme, kreu i diplomacisë kineze Wang Yi u thotë shteteve skeptik ishuj, se ata nuk duhet „të jenë kaq të frikësuar” prej Kinës.

Australia, Japonia dhe SHBA-ja janë të alarmuara. Sepse qëllimi i Kinës është në radhë të parë jo përmirësimi i cilësisë së jetesës së njerëzve në ishujt e Paqësorit, por aksesi dhe kontrolli ndaj Oqeanit Paqësor. Ndaj sipas Kinës thelbi i bashkëpunimit duhet të jetë armatimi dhe stërvitja e policisë lokale, gjë që do të kushtëzonte, që Kina të dislokojë forcat e sigurisë në këto ishuj.

Nisma e Kinës e ka shqetësuar Perëndimin, sepse Kina do t’i mbështesë këto shtete edhe sa i përket sigurisë kibernetike, gjë që do të thotë, se ajo mund të kontrollojë në këtë mënyrë edhe internetin dhe telekomunikacion e këtyre ishujve. Ndonëse Pekini nuk lodhet duke përsëritur, që i vetmi interes është një zhvillim i mirë i shteteve të Paqësorit, Wang e ka ndërprerë nënshkrimin e marrëveshjes. Pekini ka intensifikuar reklamën e tij për këtë marrëveshje, duke publikuar një dokument me titullin „Respekt reciprok dhe përparim i përbashkët”. Dokumenti prej 24 pikash tani nuk ka më referim direkt për bashkëpunim me relevancë për sigurinë.

Megjithatë projektet, që Pekini do të mbështesë në kuadër të nismës për rrugën e mëdafshit, mund të përdoren edhe ushtarakisht, në rast se për këtë biehet dakord në një etapë tjetër më vonë. Për momentin Pekini mund të mjaftohet, me futjen e këmbës edhe më shumë brenda portës.

SHBA e kopjon kursin e Kinës me një dallim deçiziv, që ajo e konsideron veten si drejtuese e një rendi botëror të lirisë, ndryshe nga Pekini, që do t’i tërheqë vendet kontraktuese në varësinë e vet. Gjatë udhëtimit të tij presidenti i SHBA-së Joe Biden u takua në një samit me anëtarë të tjerë të të ashtuquajturit grupi Quad (quadrilateral security dialogue), ku bëjnë pjesë India, Japonia dhe Australia. Qëllimi ishte forcimi i një bashkëpunimi të theluar e të integruar ekonomik.

SHBA reagojnë

Në fund të këtij takimi u deklarua marrëveshja për Indo-Pacific Economic Framework, ku krahas katër vendeve të sipërpërmendura bëjnë pjesë edhe Brunai, Indonezia, Koreja e Jugut, Zelanda e Re, Filipinet, Singapuri, Tajlanda dhe Vietnami. Qëllimi i kësaj nisme të re është, që të ofrohet një alternativë ndaj tregtisë me Republikën Popullore të Kinës. 13 vendet përfaqësojnë bashkarisht 40 përqind të ekonomisë botërore. Kjo marrëveshje e re është përpjekja e Uashingtonit për ta rikuperuar raportin me marrëveshjen e tregtisë së lirë Trans-Pacific Partnership, prej nga SHBA nën presidentin Donald Trump u tërhoq.

Njëkohësisht me vizitën e Biden në Azi, ministri Jashtëm Anthony Blinken shpalosi direktivat e politikës së qeverisë tij ndaj Kinës. Në këtë kontekst ai bëri të qartë, se ka tema për të cilat ne duam dhe duhet të bashkëpunojmë me Republikën Popullore, por ka edhe sektorë të tjerë ku ne ndodhemi qartazi në konkurrencë. Hapësira kryesore e kësaj gare është dhe mbetet Azia.

Se ç’kurs ndjek Pekini atje afatgjatë, kjo bëhet e qartë në perëndim të Paqësorit. Atje janë krijuar ishuj artificialë të militarizuar. Mercenarët kinezë kanë pushtuar pjesë të ishujve Spratly, që u përkasin Filipineve. Pekini pretendon, se ato janë territor kinez. Gjykata Ndërkombëtare në fund të procesit sqaroi, se Pekini nuk ka të drejtë.

Por kjo nuk i bën aspak përshtypje diktaturës. Për presidentin kinez Xi Jinping e drejta i përket me të fortit. Ndaj ai me 15 fqinjët e tij janë hapur grindjet territoriale, ndër këto konflikte më i spikaturi është ai me ishullin demokratik të Tajvanit, të cilin Kina e ka kërcënuar me invazion dhe pushtim. Për këtë arsye Biden javën e kaluar gjatë turit në Azi deklaroi, se në rast të një lufte sulmuese do ta mbështesë ushtarakisht ushtrinë popullore çlirimtare të Tajvanit.

Kina do të vendosë hegjemoni në Paqësor, që të mund të diktojë kushtet e tregtisë botërore dhe në rast nevoje për ta manipuluar atë në interes të vet ose për ta ndaluar atë. Kjo strategji po del gjithnjë e më shumë në pah. Pasi SHBA javën e kaluar e modifikoi politikën Tajvanit, një hap i tillë duhet të ndërmerret edhe në kryeqytetet e tjera, ndër to edhe në Berlin. Shembulli i Vladimir Putinit dhe luftës së tij kundër Ukrainës po tregon, se kostot rriten, sa më shumë që pritet për ndryshimin e kursit./DW

The post Ambiciet e Kinës në Paqësor appeared first on Albeu.com.

Videon e shkatërrimit të Tankut rus e kanë publikuar vetë forcat ukrainase, teksa duket se si tanku shpërthen në flakë pas sulmit.

“Loja mbaroi”, përshkruajnë forcat ukrainase videon e publikuar./albeu.com/

The post Momenti kur tanku rus “zhytet” në flakë pas një shpërthimi në Ukrainë (VIDEO) appeared first on Albeu.com.

Ukraina ende nuk e njeh zyrtarisht Kosovës si shtet të pavarur, teksa më herët ka deklaruar mbështetjen për Serbinë. Aleksandrovich ka thënë se pozicioni i Ukrainës karshi pavarësisë së Republikës së Kosovës mbetet i pandryshueshëm dhe se “respektojnë integritetin territorial të Serbisë”.

“Pozicioni i Ukrainës për respektimin e integritetit territorial të vendeve të tjera, përfshirë Serbinë, është i ditur dhe i pandryshueshëm”, ka thënë Alexandrovich.

Në konfliktin mes Ukrainës dhe Rusisë, Serbia ka mbajtur një qëndrim të paqartë, teksa është shprehur se respekton integritetin territorial të Ukrainës, por ndërkohë nuk ka pranuar të bashkohet me vendet që vendosën sanksione ndaj Rusisë.

Pjesa nga intervista:

ALO: Institucionet e Prishtinës kanë bërë thirrje që Ukraina ta njohë shtetin e Kosovës. A do ta ndryshojë Ukraina pozicionin e saj për këtë çështje?

Alexandrovich: Dua të sqaroj diçka. Me sa unë di, ne s’kemi pranuar një kërkesë të tillë.  Qëndrimi parimor i Ukrainës për respektimin e integritetit territorial të vendeve të tjera, përfshirë Serbinë, është i njohur dhe i pandryshueshëm.

The post Ukraina ‘zhgënjen’ sërish Kosovën: Respektojmë integritetin territorial të Serbisë appeared first on Albeu.com.

Babai i saj u nis nga Shqipëria dhe e gjeti atë në Ukrainë, për ta kaluar më pas përtej kufirit drejt Moldavisë. Kjo është vajza e mbetur në Kiev dhe e rrezikuar mbase për mos ta parë më kurrë babain e saj.

TCh dy ditë më parë solli historinë e përpjekjeve të ethshme të babait të saj nga Shkodra për ta nxjerrë vajzën nga ferri i luftës. Me shumë vështirësi dhe mundim ia doli ta ketë vajzën në krahët e tij e ti thotë: “Vetëm Zoti mund të na ndante”.

“Pas 7 ditë luftë në Ukrainë dhe 7 ditë luftë personale për të shpëtuar princeshën time, ja ku e kam tani. Falenderoj miqtë e mi që pavarësisht nacionaliteteve ruse dhe ukrainase u bënë bashkë dhe harruan për një moment luftën dhe ja ku e kam princeshën time. I falenderoj nga zemra, tani po udhëtojmë në drejtim të Moldavisë dhe pastaj në drejtim të Shqipërisë”, tha i lumtur babai.

The post Historia e rrallë! Nga Shkodra në Kiev, babai shqiptar shpëton të bijën nga bombardimet ruse appeared first on Albeu.com.

Përmes një videoje të publikuar disa minuta më parë, Klotschko thotë se armiku është shumë pranë dhe se ata duhet të rezistojnë. Kryebashkiaku apelon që të shmanget paniku dhe qytetarët të qëndrojnë në strehimore.

“Të dashur miq! Situata jonë është e komplikuar. Armiku është në hyrje të kryeqytetit. Forcat tona të armatosura po luftojnë heroikisht për vendin tonë. Jemi përgatitur që të mbrojmë Kievin.

Janë vendosur barrikada dhe postblloqe në qytet. U kujtoj njerëzve që të jenë të vëmendshëm dhe të mos dalin kur nuk është e nevojshme. Rrini në strehime kur bie alarmi. Transporti publik është i limituar deri në orën 19:00.

Duke filluar nga orën 20:00, do të ndalohet lëvizja. Vetëm mjetet me leje speciale nga ushtria do të lejohet të lëvizë nëpër Kiev. Mbyllja zgjat deri në orën 7 të mëngjesit. Situata është kritike. Armiku do të marrë zemrën e qytetit, por ne do të luftojmë dhe nuk do të dorëzohemi.

Dua të falënderoj forcat e armatosura. Të dashur qytetarë, mos t’ju zërë paniku. E ardhmja e popullit tonë do të jetë vetëm me njerëz të fortë, me patriotë të vërtetë. Me ata që po e tregojnë tani karakterin e tyre. Së bashku do të mbijetojmë. Rroftë Kievi! Rroftë Ukraina!” ka thënë Klitschko./albeu.com/

 

View this post on Instagram

 

A post shared by Віталій Кличко (@vitaliyklitschko)

The post “Armiku është pranë, kërkon zemrën e qytetit”, kryebashkiku i Kievit: Jo panik! Do të mbijetojmë (VIDEO) appeared first on Albeu.com.

Presidenti Putin ka zbuluar çështjet që do të çonin në arritjen e një marrëveshje mes Rusisë e Perëndimit për t’i dhënë fund luftës.

Gjatë një bisede telefonike me presidentin francez Macron, Putin është shprehur se marrëveshja me Kievin mund të arrihet pas çmilitarizimit dhe denazifikimit të Ukrainës dhe kur ky vend të ketë një status neutral.

Gjithashtu, një tjetër kusht i Putin është njohja ndërkombëtar e Krimesë si territor rus./albeu.com/

The post Putin zbulon kushtet për tërheqjen e trupave nga Ukraina appeared first on Albeu.com.

Mbretëria e Bashkuar ka qenë ajo që ka dërguar një numër të madh forcash ushtarake dhe armatimesh në Europën Lundore, ku përfshihen anijet luftarake të Marinës Mbretërore, trupat e Ushtrisë Britanike dhe Forcat Ajrore Mbretërore.

Anija HMS Trent ndodhet tashmë në Mesdheun lindor, sipas Ministrisë së Mbrojtjes, me helikopterë dhe avionë të shumtë patrullimi.

Tanke dhe njësi të blinduara nga Mbretëria e Bashkuar dhe 1000 trupa kanë mbërritur në Estoni nga Gjermania.

Kjo do të thotë se forcat ushtarake britanike do të dyfishohen, pas vendimit të Putinit për të pushtuar Ukrainën./albeu.com/

The post Rrethohet Rusia, forcat britanike zbarkojnë në Europën Lindore appeared first on Albeu.com.

Nga Serbia po thonë se ky veprim e shkel Marrëveshjen për Bashkëpunim Ushtarak e Teknik të nënshkruar në Kumanovë në mes të ushtrisë jugosllave dhe KFOR-it.

“Kjo në mënyrë të drejtpërdrejtë shkel Marrëveshjen për Bashkëpunim Ushtarak-Teknik nga Kumanova e nënshkruar në mes të Ushtrisë Jugosllave dhe KFOR-it, e cila përcakton se brezi prej një kilometër nga vija administrative trajtohet si zonë e gjelbër ku lejohet vetëm KFOR-i dhe asnjë ligj tjetër. agjencitë e të ashtuquajturës Kosova” , njoftojnë nga kjo zyrë, shkruan Kosovo Online.

Ata theksojnë se e vetmja pikë ku lejohet prania e Policisë së Kosovës është në pikën administrative .

Më tutje sipas tyre, ky parim është shkelur edhe dy ditë më parë kur pjesëtarët e Policisë së Kosovës tentuan të mbyllin, siç thonë ata një linjë administrative që nuk është nën juridiksionin e Kosovës.

Ata janë ankuar edhe për prezencën e Policisë së Kosovës në veri të Kosovë.

“Veprime të tilla të njëanshme dhe të papërgjegjshme të Prishtinës kanë vetëm një qëllim, dhe ai është të provokojnë një destabilizim të ri të situatës në terren në momentin shumë të ndjeshëm të sigurisë me të cilin po përballet e gjithë bota. Një skenar i tillë nuk do të funksionojë, sepse janë serbët që e dinë çmimin e paqes dhe nuk bien pre e provokimeve të forcave të Kurtit, për të cilët konfliktet dhe pushtimi i veriut janë obsesioni më i madh. Të mos provokojë dhe provokojë Beogradin dhe serbët në Kosovë e Metohi dhe të mos rrezikojë paqen dhe sigurinë duke shkelur marrëveshjen, sepse në atë rast e gjithë përgjegjësia është e Prishtinës dhe e ndërkombëtarëve”, thuhet në tutje në reagimin e tyre./Express

The post Vendosja e bazës policore në Bërnjak, reagon Serbia appeared first on Albeu.com.

Xhaçka ka dhënë informacion për shqiptarët që ndodhen momentalisht në zonat e konfliktit.

Gjatë fjalës së saj në Kuvend, Xhaçka është shprehur se tre shqiptarë kanë kërkuar ndihmë në Ambasadën Shqiptare atje, dhe u është mundësuar largimi i tyre nga Ukraina.

Gjithashtu, ministrja tha se janë 11 shqiptarë që punojnë pranë misionit të OSBE në Kiev. Prej tyre 6 janë larguar dhe 5 të tjerë vazhdojnë të qëndrojnë.

“Ndonëse në numër të vogël, që para 10 ditësh ministria ka bërë thirrje për largim nga Ukraina. Që prej atëherë ambasada jonë në Varshavë ka qenë në kontakt të vazhdueshëm. Deri më sot ata nuk kanë kërkuar asistencë. Vetëm sot 3 qytetarë kanë kërkuar asistencë. U kemi siguruar kalimin në rrugë tokësore.

Sa i përket shtetasve shqiptarë në misionin e OSBE në Ukrainë, 6 janë largua dhe 5 janë ende në Ukrainë. Jemi në kontakt me OSBE”, tha Xhaçka.

Ndërkaq, në fjalën e saj në Kuvend, Xhaçka tha se pushtimi i Ukrainës është shkelje flagrante e ligjit ndërkombëtar, duke dënuar kështu agresion rus. Ministrja tha se Shqipëria ka bërë të  qartë edhe si anëtare e përkohshme e Këshillit të Sigurimit në OKB.

“Mëngjesi i sotëm solli  lajmin më të keq të mundshëm. Një shtet anëtar i OKB, anëtar i përhershëm i këshillit të sigurimit u kthye në agresor dhe shkelës së pavarësisë territoriale. Ky veprim është agresion jo vetëm ndaj Ukrainës. Pushtimi i Ukrainës është shkelje flagrante, i të drejtës ndërkombëtare. Në kundërshtim me të gjithë historinë e pas Luftës së Dytë Botërore, sulmi për pushtimin kërkon ti imponojë botës parimin forcës. Shqipëria mbështet me vendosmëri pavarësinë territoriale të Ukrainës. Dënon aktin e agresionit rus. Situata e paprecedentë i jep peshë edhe rolit tonë si anëtare e këshillit të sigurimit.

Shqipëria vazhdon të lobojë për të siguruar një mbështetje sa më të gjerë. Si bashkëpenëmbajtëse me SHBA-në Shqipëria mori fjalën e para në mbledhjen e këshillit të sigurimit. Shqipëria po jep kontribut të mirëfilltë. Në kuadër të OSBE Shqipëria ka mbajtur qëndrim të fortë në mbështetje të pavarësisë së Ukrainës. Po vazhdon të koordinohet në takimet e nivelit të lartë.

Sulmi ndaj sigurisë evropiane e bën edhe më të domosdoshëm një front të përbashkët. Në rajon ne jemi jo vetëm vend anëtar i NATO.

Shqipëria ka mbajtur një qëndrim të qartë që përputhet me atë të SHBA dhe BE, duke e bërë të dallueshme në rajon. Po ndjekim me vëmendje qëndrimet e vendeve të rajonit”, deklaroi ministrja./albeu.com/

The post Sulmi rus në Ukrainë, ministrja Xhaçka tregon si është gjendja e shqiptarëve atje appeared first on Albeu.com.