Ai i bëri këto komente gjatë vizitës së tij të parë në Egjipt prej vitit 2012.

Erdogani dhe homologu i vet egjiptian, Abdel Fattah al-Sisi, folën në një konferencë të përbashkët në Kajro pas bisedimeve dypalëshe, duke e ndërmarrë një hap të madh drejt rindërtimit të marrëdhënieve mes dy fuqive rajonale.

Erdogani tha se tragjedia humanitare në Gazë ishte në krye të agjendës së bisedimeve mes tyre.

“Ne do të vazhdojmë të bashkëpunojmë me vëllezërit tanë egjiptianë për t’i dhënë fund gjakderdhjes në Gazë”, tha Erdogani, duke shtuar se Turqia është e vendosur për t’i shtuar bisedimet me Egjiptin në të gjitha nivelet, në mënyrë që të vendosë paqe dhe stabilitet në rajon.

Erdogani është zotuar gjithashtu për ta rritur tregtinë me Egjiptin në 15 miliardë dollarë në afat të shkurtër kohor, duke nënvizuar se dy vendet po e shqyrtojnë bashkëpunimin në energji dhe mbrojtje.

“Do të doja ta nënvizoja lidhjen e vazhdueshme mes popujve tanë gjatë 10 vjetëve të fundit, ndërsa marrëdhënia jonë tregtare dhe investuese shënoi rritje të qëndrueshme”, tha Sisi.

Marrëdhëniet mes Ankarasë dhe Kajros u prishën në vitin 2013, pasi Sisi, atëherë shef i ushtrisë, e udhëhoqi rrëzimin e Mohamed Mursit të Vëllazërisë Myslimane, i cili ishte aleat i Turqisë që ishte bërë presidenti i parë që ishte zgjedhur në mënyrë demokratike në Egjipt një vit më herët.

Por, vitin e kaluar, këto dy vende u pajtuan për emërimin e ambasadorëve dhe këtë muaj Turqia tha se do t’i japë Egjiptit dronë luftarakë.

Erdogani ka kërkuar t’i ulë tensionet me Egjiptin, Emiratet e Bashkuara Arabe, Arabinë Saudite dhe Izraelin prej vitit 2021, por prej tetorit të kaluar ai e ka kritikuar publikisht kryeministrin izraelit, Benjamin Netanyahu, për shkak të luftës shkatërruese të Izraelit kundër Hamasit në Rripin e Gazës.

Egjipti, Izraeli, Katari dhe Shtetet e Bashkuara mbajtën bisedime jobindëse të martën në kërkim të një marrëveshjeje për armëpushim në Gazë.

Kajro e ka bërë të qartë se nuk do të lejojë eksod të palestinezëve nga Gaza brenda tokës egjiptiane.

Mursi vdiq në burg në Egjipt më 2019. Anëtarët e tjerë të lartë të Vëllazërisë Myslimane ose ndodhen në burg në Egjipt, ose kanë ikur jashtë vendit, përfshirë në Turqi.

Vëllazëria Myslimane vazhdon të jetë e jashtëligjshme në Egjipt.

The post Erdogan: Turqia e gatshme të punojë me Egjiptin për rindërtimin e Gazës appeared first on Albeu.com.

Negociatat kanë vazhduar ndërsa Izraeli kërcënoi të zgjeronte ofensivën e tij në Rafah, në skajin jugor të Gazës.

Përfaqësuesit e Katarit, SHBA-së dhe Izraelit janë takuar në kryeqytetin e Egjiptit, Kajro.

Ndërmjetësuesit kanë arritur përparim “relativisht të rëndësishëm”, tha një zyrtar i lartë egjiptian përpara bisedimeve.

Zyrtari tha se takimi do të përqëndrohet në “përpilimin e një drafti përfundimtar” të një marrëveshjeje gjashtë-javore të armëpushimit, me garanci se palët do të vazhdojnë negociatat drejt një armëpushimi të përhershëm.

Një diplomat perëndimor në kryeqytetin egjiptian paralajmëroi se duhet ende më shumë punë për të arritur një marrëveshje.

Diplomati tha se takimi i sotëm do të ishte vendimtar për të kapërcyer boshllëqet e mbetura.

Shefi i CIA-s, William Burns dhe kreu i agjencisë izraelite të spiunazhit Mossad, David Barnea, po merrnin pjesë në bisedime, të dyja kyçe në ndërmjetësimin e armëpushimit të mëparshëm.

Javët e fundit, Izraeli ka propozuar një armëpushim dy mujor, në të cilin pengjet do të lirohen në këmbim të lirimit të të burgosurve palestinezë dhe lejimit të liderëve të lartë të Hamasit në Gaza të zhvendosen në vende të tjera.

Hamasi i hodhi poshtë këto kushte. Ai parashtroi një plan trefazor prej 45 ditësh secila në të cilin pengjet do të liroheshin në faza, Izraeli do të lironte qindra palestinezë të burgosur, duke përfshirë militantë të lartë, dhe lufta do të mbyllej, me Izraelin që të tërhiqte trupat e tij.

Kjo u pa si një gjë jo-nisëse për Izraelin, i cili dëshiron të rrëzojë Hamasin përpara se të përfundojë luftën.

The post Negociatat për një armëpushim 6-javor në Gaza, ndërmjetësuesit takohen për të hartuar “draftin përfundimtar” appeared first on Albeu.com.

Shumë gazetarë brenda Gazës tani jetojnë në Rafah, pranë kufirit me Egjiptin, ku popullsia është rritur më shumë se pesë herë që nga fillimi i luftës në tetor. Banorët e Gazës vazhdojnë të shkojnë në këtë qytet ndërsa forcat e armatosura izraelite lëvizin drejt jugut.

Gazetarët që punojnë këtu thonë se çdo artikull mund të jetë i fundit, ashtu siç mund të jetë çdo dalje për të blerë ushqim ose karburant, një vizitë në spital për të kërkuar të zhdukurit, të plagosurit ose në kërkim të trupave të viktimave.

“Situata në Gazë është shumë e vështirë. Një person mund të vritet duke raportuar çdo lajm apo duke xhiruar”, thotë Mortasem Mortaja, gazetar palestinez.

Numri i gazetarëve të vrarë në më shumë se katër muaj luftë vlerësohet se është më i lartë se në çdo luftë tjetër në kohërat e fundit.

Komiteti për Mbrojtjen e Gazetarëve njofton për 85 vdekje ndërsa Kombet e Bashkuara thonë se 122 gazetarë janë vrarë. Gazetarët brenda Gazës thonë se numri është rritur në 130 që nga hera e fundit kur u publikua një shifër për këtë.

Moatasim Moshtaha thotë se vështirësia në rritje e raportimit nga ky territor e ka bërë çdo pjesë të informacionit që ata mund të publikojnë me rëndësi të madhe që bota të kuptojë luftën nga këndvështrimi i njerëzve në Gazë.

“Duke kufizuar gazetarët ata mund t’i ndalojnë ata të japin lajmet në mënyrë profesionale. Por kur ata vrasin një gazetar, kjo gjithashtu rrit vendosmërinë tonë për të dhënë vazhdimisht të vërtetën”, thotë zoti Moshtaha.

Qeveria izraelite e ka ndaluar hyrjen e shtypit ndërkombëtar në Gazë. Në dhjetor Shoqata e Shtypit të Huaj në Jeruzalem i kërkoi Gjykatës së Lartë izraelite për qasje në territor përtej udhëtimeve të kontrolluara nga ushtria e vendit.

Gjykata e hodhi poshtë kërkesën, duke thënë se do të shkaktonte një barrë të panevojshme për Forcat e Mbrojtjes izraelite.

Brenda Gazës, gazetarët thonë se aftësia e tyre për të dhënë lajmet po zvogëlohet me shpejtësi.

“Është një luftë nga të gjitha drejtimet ndaj gazetarëve dhe ndaj gjithë komunitetit. Pushtimi izraelit ndërpret shpesh komunikimet si pjesë e sulmeve të tyre, duke tkurrur aftësinë tonë për të marrë informacion nga vendet e kufizuara nga të cilat u detyruam të iknim në veri”, thotë Islam Ezzanoun, e cila punon për një kanal të madh televiziv palestinez.

Qeveria izraelite ka thënë vazhdimisht se nuk i vë në shënjestër gazetarët apo civilët e tjerë, një pretendim që grupet ndërkombëtare të të drejtave dhe gazetarët palestinezë e vënë në dyshim.

The post Gazetarët në Gazë i bien “kambanës së alarmit” për rrezikun ndaj tyre appeared first on Albeu.com.

Ekspertët thonë se është hera e parë që shteti hebre po gjykohet sipas Konventës së Kombeve të Bashkuara për gjenocidin, e cila u hartua pas Luftës së Dytë Botërore në dritën e mizorive të kryera kundër popullit hebre gjatë Holokaustit.

Qeveria e Afrikës së Jugut, pasardhëse e regjimit të aparteidit, ngriti çështjen kundër Izraelit, duke e akuzuar atë për shkelje të detyrimeve të tij sipas konventës në luftën e tij kundër Hamasit në Gaza.

Izraeli e ka hedhur poshtë me vendosmëri akuzën, ndërsa kryeministri Benjamin Netanyahu e quajti atë një “akuzë të rreme”. Presidenti izraelit Isaac Herzog tha të martën se vendi i tij do të paraqesë një rast “duke përdorur vetëmbrojtje” për të treguar se po bën “maksimumin” në “rrethana jashtëzakonisht të ndërlikuara” për të shmangur viktimat civile në Gaza.

Eliav Lieblich, profesor i së drejtës ndërkombëtare në Universitetin e Tel Avivit, tha për CNN se rasti është i rëndësishëm politikisht dhe ligjërisht. “Një pretendim për gjenocid është akuza më e rëndë ligjore ndërkombëtare që mund të bëhet kundër një shteti,” tha ai.

Afrika e Jugut po e çon Izraelin në GJND, e njohur gjithashtu si Gjykata Botërore, me pretendimet se po kryen gjenocid kundër palestinezëve në Gaza dhe se po dështon të parandalojë gjenocidin.

“Akoma më e rëndë, Izraeli është përfshirë, po angazhohet dhe rrezikon të përfshihet më tej në akte gjenocidale kundër popullit palestinez në Gaza”, tha Afrika e Jugut në dosjen e saj prej 84 faqesh në gjykatë.

Afrika e Jugut thotë se aktet e Izraelit në Gaza janë gjenocidale “sepse ato synojnë të sjellin shkatërrimin e një pjese të konsiderueshme të grupit kombëtar, racor dhe etnik palestinez”.

“Aktet në fjalë përfshijnë vrasjen e palestinezëve në Gaza, shkaktimin e tyre të lëndimeve të rënda trupore dhe mendore, dhe shkaktimin e kushteve të jetës që llogariten të sjellin shkatërrimin e tyre fizik”, thuhet në dosje.

Më shumë se 23,000 njerëz janë vrarë në Gaza që nga 7 tetori, sipas Ministrisë së Shëndetësisë në Gaza të drejtuar nga Hamasi. Kombet e Bashkuara e përkufizojnë gjenocidin si një akt “i kryer me qëllim për të shkatërruar, tërësisht ose pjesërisht, një grup kombëtar, etnik, racor ose fetar”.

OKB -ja thotë se ajo u zhvillua “pjesërisht në përgjigje të politikave naziste të vrasjeve sistematike të popullit hebre gjatë Holokaustit”.

Në tetë faqe, dosja në ICJ detajon atë që Afrika e Jugut përshkruan si “shprehje të qëllimit gjenocidal” nga udhëheqësit izraelitë, duke përfshirë kryeministrin Benjamin Netanyahu dhe anëtarët e kabinetit të tij.

Afrika e Jugut gjithashtu i ka kërkuar gjykatës të nxjerrë “masa të përkohshme” duke urdhëruar Izraelin të ndalojë luftën e tij në Gaza, për të cilën tha se ishte “e nevojshme në këtë rast për të mbrojtur kundër dëmeve të mëtejshme, të rënda dhe të pariparueshme ndaj të drejtave të popullit palestinez”.

Një masë e përkohshme është një urdhër i përkohshëm për të ndaluar veprimet, ose një urdhër, në pritje të një vendimi përfundimtar.

Organizata e Bashkëpunimit Islamik, një grup prej 57 vendeve myslimane, si dhe Jordania, Turqia dhe Malajzia e kanë mbështetur deri më tani rastin.

The post Izraeli përballet për herë të parë me akuzat për gjenocid në gjykatën ndërkombëtare appeared first on Albeu.com.

Zoti Netanyahu mbajti një konferencë shtypi ndërsa lufta kundër Hamasit në Gazë futet në javën e 13. Konflikti ka nxitur dhunë në Bregun Perëndimor të pushtuar dhe ka shkaktuar sulme nga grupet e mbështetura nga Irani në Liban, Siri, Irak dhe Jemen.

“Korridori ‘Philadelphi, ose për ta thënë më saktë, pika jugore (e Gazës) duhet të jetë nën kontrollin tonë. Duhet të mbyllet. Është e qartë se çdo marrëveshje tjetër nuk do të siguronte çmilitarizimin që ne kërkojmë”, tha ai.

Izraeli ka thënë se synon ta shkatërrojë Hamasin në Gaza dhe ta çmilitarizojë dhe zhdukë radikalizmin në mënyrë që të parandalojë çdo përsëritje të vrasjeve dhe rrëmbimeve të 7 tetorit në Izrael nga grupi militant palestinez që shkaktoi luftën.

“Beteja është në kulmin e saj dhe po luftojmë në të gjitha frontet. Arritja e fitores do të kërkojë kohë. Siç ka thënë shefi i shtabit (IDF), lufta do të vazhdojë edhe për shumë muaj të tjerë”, tha zoti Netanyahu.

Kryeministri izraelit kërcënoi me një sulm të drejtpërdrejt ndaj Iranit lidhur me sulmet pothuajse të përditshme nga Libani.

“Nëse Hezbollahu e zgjeron luftën, do të pësojë goditje që nuk i ka parë as në ëndërr, po ashtu edhe Irani”, tha zoti Netanyahu pa dhënë detaje.

The post Lufta me Hamasin, Netanyahu: Zona kufitare Gazë-Egjipt duhet të jetë nën kontrollin e Izraelit appeared first on Albeu.com.

Duke folur në një konferencë shtypi të fundvitit, zoti Blinken tha se sapo të ndodhë ky ndryshim, dëmet ndaj popullatës civile duhet të ulen ndjeshëm. Ai ripërsëriti thirrjen që Izraeli t’i kushtojë vëmendje detyrimeve për të minimizuar viktimat civile ndërsa vazhdon të ndjekë objektivin për të shkatërruar Hamasin.

“Është e qartë se konflikti duhet të kalojë në një fazë me intensitet më të ulët“, u tha zoti Blinken gazetarëve. “Ne presim të shohim dhe duam të shohim një zhvendosje drejt operacioneve më të fokusuara, me një numër më të vogël forcash, që janë realisht të përqendruara tek udhëheqësit e Hamasit, ndaj rrjetit të tij të tuneleve dhe disa aspekteve të tjera kritike”, tha ai.

“Ndërsa një gjë e tillë ndodh, mendoj se do të shihni dhe ulje të ndjeshme të dëmit të shkaktuar ndaj civilëve”.

Izraeli është përballur me trysni në rritje nga aleatët e tij perëndimorë për të frenuar sulmin ushtarak në Gazë, i cili ka shkatërruar pjesën më të madhe të rajonit me një popullatë të dendur. Operacionet nisën si kundërpërgjigje ndaj sulmit terrorist të Hamasit më 7 tetor, gjatë të cilit grupi militant vrau 1200 persona si dhe mori peng rreth 240 të tjerë.

Uashingtoni, aleati më i afërt i Izraelit, ka kërkuar publikisht gjatë javës së kaluar që ky vend të ulë intensitetin e operacionit zvogëlojë gjithëpërfshirës në një fushatë që ka në shënjestër udhëheqësit e Hamasit si dhe t’i japë fund atyre që Presidenti amerikan Joe Biden, i quajti “bombardime pa dallim”.

“Ne vazhdojmë të besojmë se Izraeli nuk ka nevojë të zgjedhë mes eliminimit të rrezikut që paraqet Hamasi dhe minimizimit të numrit të civilëve në Gazë”, tha zoti Blinken. “Ai ka një detyrim t’i bëjë të dyja dhe ka një interes strategjik t’i bëjë të dyja“.

Por ai shtoi se ishte gjithashtu i befasuar nga ajo që ai e cilësoi si mungesë e kërkesave nga vendet e tjera që Hamasi të dorëzojë armët dhe të dorëzohet dhe ai bëri thirrje për trysni ndaj grupit për të ndërmarrë këto hapa e për t’i dhënë fund luftës.

“Ne dëgjojmë shumë vende që kërkojnë t’i jepet fund konfliktit, një gjë që e duam të gjithë, por praktikisht nuk dëgjoj asnjë t’i kërkojë Hamasit, që të mos vazhdojë të fshihet pas popullatës civilëve, të hedhë armët, e të dorëzohet“, tha ai.

“Lufta do të përfundonte që nesër nëse Hamasi e bën një gjë të tillë“, tha zoti Blinken.

The post Blinken: Izraeli të përqendrohet tek operacionet që kanë në shënjestër udhëheqësit e Hamasit appeared first on Albeu.com.

Disa njerëz hipën mbi kamionë dhe u hodhën kuti atyre që vraponin pas kamionëve. Në një skenë mund të shihet një kamion duke u kthyer duke bërë që kutitë e ndihmës të rrëzohen nga mbrapa.

Në fotot e tjera, dhjetëra njerëz u përpoqën për të shpëtuar kutitë e shpërndara të ndihmës në mes të rrugës.

Në një konferencë për shtyp të enjten, OKB-ja tha se njerëzit e uritur po ndalonin kamionët që transportonin furnizime dhe po përpiqeshin menjëherë ndihma ushqimore.

The post VIDEO/ Skena kaotike teksa njerëzit vrapojnë pas kamionëve që transportonin ndihma në Gaza appeared first on Albeu.com.