Gjithçka do të xhirohet në kujdesin e aktorit dhe regjisorit të njohur Louis Mandylor. Për mediet shprehet emocionues për rolin që do të ketë.

“Te gjithë e dimë historinë. Unë vete tani po zhytem thelle ne historinë e Kosovës dhe ngjarjet e kësaj lufte te viteve 98 – 98. Me duket një histori magjepsëse. Ne do ta pasqyrojmë ngjarjen ashtu saç ndodhi, tmerret qe ndodhen mbi ata fëmije dhe sfidat qe shume familje kaluan”

Kelly Lynn Reiter serish një aktore e njohur hollivudiane dëshiron qe bota ta njohe historinë e Kosoves.

“Unë mendoj se bota e meriton ta dëgjojë këtë histori dhe shpresoj te na ndihmoni qe te nxjerrim ne pah historinë tuaj. Sepse ky është një vend i bukur me kulturë te bukur dhe do ta shijoj këtë udhëtim.”

Filmi do te pasqyrojë ngjarjet para, gjatë dhe pas lufte. Fitim Krasniqi, producenti ekzekutiv i filmit jep detaje ku do te përfshihen aktore hollivudian e shqiptarë.

Bes Kallaku do të jetë një prej aktorëve shqiptar. Xhirimet do te organizohen ne Amerike, Kosove, por edhe ne Shqipëri.

Aktoret shtuan se do te tregohen te kujdesshëm te përcjellin çdo emocion qe përjetoi Kosova.

The post “The liberation war” Filmi Hollivudian për luftën e Kosovës, pjesëmarrës aktorë të huaj dhe shqiptarë appeared first on Albeu.com.

Pas një viti e gjysmë qëndrimi në paraburgim, dy krerët e Organizatës së Veteranëve të Luftës së Ushtrisë Clirimtare të Kosovës, Hysni Gucati dhe Nasim Haradinaj janë shpallur fajtorë dhe janë dënuar me katër vjet e gjysmë, raporton Gazeta Express.

Nasim Haradinaj, me një kollare me flamurin kombëtar të shqiptarëve dhe i buzëqeshur, po e priste dënimin ndaj tij, pak minuta pasi shoku i tij veçse ishte shpallur fajtor. Haradinaj po buzëqeshte derisa gjyqtari në Hagë po ia lexonte akuzat, për të cilat gjykata atje e ka gjetur fajtor.

Në aktakuzën ndaj Gucatit e Haradinaj, parashtrohej se midis më së paku 7 dhe 25 shtatorit 2020, në tri konferenca për shtyp dhe transmetime të tjera televizive, si dhe përmes shpërndarjes së mëtejshme, Hysni Gucati dhe Nasim Haradinaj zbuluan, pa autorizim, informacion të mbrojtur nga Ligji për Dhomat e Specializuara dhe Zyrën e Prokurorit të Specializuar, përfshirë  të dhëna personale të disa dëshmitarëve (të mundshëm). Gjithashtu, të akuzuarit bënë komente nënçmuese dhe akuzime kundër dëshmitarëve (të mundshëm) dhe në mënyrë të përsëritur shprehën synimin e tyre për të dëmtuar Dhomat e Specializuara.

Akuzat përfshijnë dy pika për kryerjen e veprave penale kundër rendit publik, konkretisht pengimin e personave zyrtarë në kryerjen e detyrave zyrtare (Pika 1 dhe 2) dhe katër pika të veprave penale kundër administrimit të drejtësisë dhe administrimit publik.  Këto janë frikësimi gjatë procedurës penale (Pika 3), hakmarrja (Pika 4) dhe shkelja e fshehtësisë së procedurës (Pikat 5 dhe 6).

Hysni Gucati dhe Nasim Haradinaj u arrestuan më 25 shtator 2020 në Prishtinë, Kosovë, dhe u transferuan në objektin e paraburgimit të Dhomave të Specializuara të Kosovës, përkatësisht më 25 dhe 26 shtator 2020.

The post Me flamurin kuqezi në kollare dhe i buzëqeshur, si e priti Haradinaj dënimin në Hagë (VIDEO) appeared first on Albeu.com.

Dyshohet se mbetjet mortore i takojnë periudhës së luftës së fundit në Kosovë, thuhet në raportin 24-orësh të Policisë së Kosovës.

Njoftimi i plotë i policisë:

GJETJE E MBETJEVE MORTORE /Rr. Shefqet Berisha, Prizren, 19.03.2021 – 09:45. Punëtorët e Eko Regjionit, gjatë gërmimit për të hapur një varr në varrezat myslimane në qytetin e Prizrenit, kanë hasur në mbetje mortore të një kufome e cila ishte e mbështjellë me rroba si dhe një batanije. Dyshohet se mbetjet mortore i takojnë periudhës së luftës së fundit në Kosovë. Në vendin e ngjarjes kanë dalë njësitë përkatëse policore si dhe për rastin është njoftuar prokurori i shtetit. Tërheqja e mbetjeve mortore është bërë nga njësia e krimeve te luftës./Express

The post Gjendet eshtrat e një personi në Prizren, dyshohet se i takojnë luftës së fundit në Kosovë appeared first on Albeu.com.

Rrëfimin ai e bëri ditën e sotme, me rastin e Pavarësisë të Kosovës.

Konomi shtoi më tej se ajo kohë ka qenë një tmerr i vërtetë për popullin e Kosovës, pasi sipas tij atëherë shqiptarët kishin frikë të jetonin edhe në shtëpitë e tyre.

“Mendoj që aty ishte gjithçka e pashpresë të shikoje një popull që jetonte në vendin e tij duke mos pasur asnjë lloj lirie duke pasur frikë të dilte nga shtëpia. Unë kam parë situata të tmerrshme. Në Gjakovë ka qenë situata shumë e rrezikshme ku së bashku me kryetarin e bashkisë së Gjakovës dhe vëllanë e tij dëshmor të luftës më kanë strehuar në shtëpi dhe më pas më kanë nxjerrë nga Gjakova”, tha Konomi për “Shqipëria Live”.

Më tej, Arjni shtoi: “Të kishe frikë të jetoje në shtëpinë tënde. Jam me fat që jam gjallë”./albeu.com/

The post Arjan Konomi: Serbët donin të më “hiqnin qafe”, jam me fat që jam gjallë appeared first on Albeu.com.

Këto dekorime vijnë në 14 vjetorin e pavarësisë së Kosovës dhe Meta ka shpehur vlerësimin për rolin që Ushtria Çlirimtare e Kosovës luajti në luftën kundër agresionit serb.

Në takim morën pjesë edhe disa prej familjarëve të të rënëve në luftën e Kosovës.

Presidenti Ilir Meta:

KOSOVA ËSHTË GJAKU YNË, QË NUK FALET KURRË.

Lufta e UÇK-së, që iu imponua popullit të Kosovës nga shtypja dhe gjenocidi kriminal i regjimit të Millosheviçit rezultoi se ishte e drejtë dhe vendimtare për Lirinë dhe Pavarësinë e Kosovës.

Djemtë dhe vajzat më të mira të kombit, që morën armët në dorë për të luftuar për liri, duke flijuar edhe jetën, janë emrat më të nderuar të historisë më të re të shqiptarëve.

Në themel të 17 shkurtit, Ditës së Pavarësisë së Kosovës, që mbarë kombi feston sot, qëndron gjaku dhe sakrificat më sublime të tyre.

Në këto beteja historike, e dhanë jetën me armë në dorë edhe dy luftëtarët e shquar të lirisë, Dëshmorët e paharruar Selman dhe Besnik Lajçi nga treva e Rugovës, të cilët në këtë ditë të shënuar për të gjithë ne, pata privilegjin t’i vlerësoj me Dekoratën e lartë “Nderi i Kombit”.

Të gjithë ata që dhanë jetën për lirinë e Kosovës, meritojnë vlerësimin dhe respektin tonë të përjetshëm.

Lavdi përjetë Komandantit legjendar të UÇK, Adem Jasharit dhe të gjithë Heronjve të Kosovës!/albeu.com/

The post “Kosova është gjaku ynë, nuk falet kurrë!”, Meta dekoron 2 dëshmorët e trevës së Rugovës në 14 vjetorin e pavarësisë së Kosovës (FOTO LAJM) appeared first on Albeu.com.