Pas raporteve të mediave se viktimat janë me origjinë shqiptare, Hajdaraga u shpreh se ende nuk kanë një informacion të saktë nga policia për identitetin e të vrarëve.

“Akoma nuk kemi informacion të saktë nga policia, dimë që janë shtetas të huaj. Nuk është bërë ende identifikimi, është në proces zbardhja e ngjarjes”, u përgjigj ambasadorja.

Gjashtë persona mbetën të vrarë nga të shtënat me armë zjarri që ndodhën pasditen e sotme në zonën e Artemis në Athinë.

CNN grek shkruan se është qëlluar ndaj një automjeti me targa gjermane, të cilat rezultuan false. Brenda në mjet janë gjetur 5 persona të vdekur, ndërsa një person i 6 i vdekur jashtë mjetit.

The post 6 shqiptarë të vrarë në Greqi? Reagon ambasada: Është në proces zbardhja e ngjarjes appeared first on Albeu.com.

“Gjatë një takimi të frytshëm, të dytin në radhë, Ambasadorja Hajdaraga zhvilloi sot një bisedim konstruktiv me Ministrin e Jashtëm Grek, z. Dendias.

Bashkëbiseduesit diskutuan mbi marrëdhëniet dypalëshe, luftën e përbashkët kundër Covid-19, hapjen graduale të kufijve, si dhe çeljen e procedurave për bashkimet familjare, një çështje që ka mbajtur të ndarë familjet për një periudhë kohore të gjatë.

Greqia është vendi ynë mik me të cilin kemi sfida të përbashkëta në bashkëpunimin rajonal dhe në kuadër të integrimit europian ku siç dihet do të kemi mbështetjen pa rezerva të Athinës në këtë proces” mbyllet postimi i ambasadës shqiptare.

Ndërkohë që Nikos Dendias u shpreh se “Ne biseduam për bashkëpunimin dypalësh, si dhe zhvillimet rajonale”.

The post Takoi Ministrin e Jashtëm grek, ambasadorja shqiptare me lajm të mirë për emigrantët shqiptarë appeared first on Albeu.com.

“Unë u takova me ambasadoren e Shqipërisë Luela Hajdaraga. Ne biseduam për bashkëpunimin dypalësh, si dhe zhvillimet rajonale” deklaroi Dendias.

Mediat në Athinë shkruajnë se në këtë takim u diskutua për marrëdhëniet Shqipëri-Greqi dhe perspektivën e thellimit të bashkëpunimit midis dy vendeve në fusha me interes të përbashkët, zhvillimet politike në vendet përkatëse, fillimin e negociatave të anëtarësimit të Shqipërisë në BE, situata aktuale e pandemisë Covid-19 dhe bashkëpunimi midis vendeve, lehtësimi i lëvizjes në pikat e përbashkëta të kalimit kufitar, si dhe në lidhje me komunitetin shqiptar në Greqi dhe mbështetjen e tij.

The post Ministri i Jashtëm grek takon ambasadoren shqiptare, çfarë u fol appeared first on Albeu.com.