Skënderbeu ka konfirmuar ardhjen e një fytyre të re në repartin e prapavijës. Bëhet fjalë për mbrojtësin e talentuar 20-vjeçar, Luan Lleshi, transferimi i të cilit u bë publik nga klubi korçar nëpërmjet kanaleve zyrtare në platformat sociale. Talenti i ri do të fillojë menjëherë punën nën drejtimin e trajnerit Julian Ahmataj, i cili tashmë mund të llogarisë në shërbimet e një elementi premtues për formacionin e tij.

I gjatë dhe i fuqishëm në duelet ajrore, Lleshi mbërrin në Korçë pas një eksperience në Superligën e Kosovës, aty ku së fundi mbante veshur fanellën e KF Llapit. Formimi i tij si futbollist ka kaluar nëpër të gjitha grupmoshat e ekipeve kombëtare të Kosovës, duke u brumosur në radhët e përfaqësueseve zinxhirë dardane.

Njoftimi i klubit korçar ishte i shkurtër dhe direkt, duke i uruar lojtarit suksese me fanellën bardhekuqe dhe duke theksuar origjinën e tij nga futbolli kosovar.

The post Skënderbeu prezanton mbrojtësin e ri, Luan Lleshi i bashkohet ekipit të Julian Ahmatajt appeared first on Albeu.com.