Policia ka arrestuar Emirjan Dokon, shoferin 30-vjeçar që shkaktoi aksidentin me dy viktima te kryqëzimi i “21 Dhjetori” në Tiranë.

Kujtojmë se aksidenti ndodhi sot në orët e para të mëngjesit, ku mjeti “Citroen” i Dokos u fut me shpejtësi skëterrë në semafor të kuq dhe u përplas me makinën “Honda” të Luan Cenollarit. Ky i fundit humbi jetën së bashku me pasagjerin që ndodhej në mjetin e tij.

Nga aksidenti ka mbetur lënduar rëndë edhe Doko, i cili tashmë është arrestuar për aksidentin. Gjatë kontrollit në makinë i është gjetur një pushkë, ndërsa gjatë kontrollit fizik i është gjetur një thikë, të cilat janë sekuestruar në cilësinë e provës materiale.

“Specialistët e Qarkullimit Rrugor, në bashkëpunim me Komisariatin e Policisë Nr. 2, në përfundim të veprimeve për aksidentin e ndodhur mëngjesin e sotëm, bënë arrestimin në flagrancë të shtetasit E. D., 30 vjeç, për veprat penale “Shkelja e rregullave të qarkullimit rrugore’’, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.

Ky shtetas, më datë 11.11.2021, rreth orës 03:20, në kryqëzimin “21 Dhjetori”, duke drejtuar mjetin “Citroen” është përfshirë në një aksident me mjetin “Honda” me drejtues shtetasin L. C., 58 vjeç. Si pasojë e aksidentit ka ndërruar jetë në vendngjarje pasagjeri në mjetin “Honda”, shtetasi A. B., 59 vjeç, ndërsa drejtuesi, shtetasi L. C. ka ndërruar jetë në spital. Drejtuesi i mjetit “Citroen”, shtetasi E. D., ndodhet në spital, në gjendje të rëndë.

Gjatë kontrollit të mjetit që drejtonte shtetasi E. D., shërbimet e Policisë gjetën dhe sekuestruan një armë zjarri pushkë, ndërsa gjatë kontrollit fizik këtij shtetasi iu një armë e ftohtë (thikë)”, thuhet në njoftimin e policisë./albeu.com

The post Policia arreston shoferin që shkaktoi aksidentin me dy viktima te “21 Dhjetori” appeared first on Albeu.com.

Manja ka shprehur ngushëllimet dhe u zotua se do të bëjë përpjekjet maksimale për të ndihmuar familjen e tij që është në kushte jo të mira ekonomike.

“Me hidhërim të thellë mësova për ndarjen nga jeta të Luan Cenollarit, punonjës i Forcave Operacionale pranë Drejtorisë së Burgjeve, në një aksident automobilistik.

Prej së paku 16 vitesh në detyrë, Luani, 57 vjeç, la pas dy fëmijë, djalin 27 vjeç dhe vajzën 22 vjeç, si dhe bashkëshorten.

Jam përkrah tyre në këtë dhimbje dhe do të bëjmë gjithçka për ta lehtësuar sadopak!

Jam përkrah edhe kolegëve të tij! E di situatën, dhe po bëj përpjekjet maksimale që ajo të ndryshojë.

Ngushëllimet më të sinqerta familjes Cenollari!”, shkruan në Facebook, Manja.

Kujtojmë se orët e para të mëngjesit të ditë së sotme, drejtuesi i mjetit tip “Citroen” Emirjan Doko, 30 vjeç, në gjendje të dehur ka hyrë me semafor të kuq në kryqëzim dhe është përplasur me një mjet tip “Honda”. Për pasojë humbën jetën shoferi i “Hondas” dhe pasagjeri, Luan Cenollari dhe Ali Bejo.

“Citroeni” me të cilin po lëvizte Doko, ka ardhur nga Pallati me Shigjeta në drejtim të qendrës, ndërsa Honda ku humbën jetën dy persona vinte nga Inxhinieria e Ndërtimit.

Cenollari ishte polic i burgjeve dhe  pas punës punonte si taksist për të siguruar disa të ardhura më shumë për të siguruar një jetë më të mirë për fëmijët./albeu.com

The post Polici i burgjeve vdiq në aksident, reagon Manja: Do bëj përpjekjet maksimale për t’ia ndihmuar familjen appeared first on Albeu.com.

Burime bëjnë me dije se drejtuesi i mjetit tip “Citroen” Emirjan Doko, 30 vjeç, në gjendje të dehur ka hyrë me semafor të kuq në kryqëzim dhe është përplasur me një mjet tip “Honda”. Për pasojë humbën jetën shoferi i “Hondas” që u përplas dhe pasagjeri, Luan Cenollari dhe Ali Bejo.

“Citroeni” me të cilin po lëvizte Doko, ka ardhur nga Pallati me Shigjeta në drejtim të qendrës, ndërsa Honda ku humbën jetën dy persona vinte nga Inxhinieria e Ndërtimit.

Mësohet se Luan Cenollari është baba i dy fëmijëve. Ai po drejtonte mjetin tip “Honda” kur u godit nga “Citroeni”.

Cenollari ishte polic i burgjeve, përkatësisht forcës operacionale dhe pas punës punonte si taksist për të siguruar disa të ardhura më shumë për të siguruar një jetë më të mirë për fëmijët./albeu.com

The post Kush është polici që humbi jetën në aksidentin tragjik te “21 Dhjetori”, natën punonte taksist appeared first on Albeu.com.