Ai u bëri thirrje banorëve, pavarësisht bindjeve politike, që ta kundërshtojnë nismën, ndërsa deklaroi se do t’i mbështesë në çdo vendim që do të marrin.

Sipas Baçit, shqetësimi i ngritur nga qytetarët është i ligjshëm dhe kërkesa e tyre që këto dy njësi vendore të mos shpërbëhen duhet të merret parasysh.

Gjithashtu, ai tha se i njëjti qëndrim vlen edhe për bashkitë e tjera që Partia Socialiste kërkon të shkrijë: Fushë-Arrëz, Klos, Rrogozhinë, Dimal, Poliçan, Selenicë, Maliq, Këlcyrë, Memaliaj, Libohovë, Cërrik, Belsh dhe Prrenjas.

Deputeti demokrat kujtoi se qarku Fier përfaqësohet nga 16 deputetë, në një Parlament me gjithsej 140 ligjvënës.

Sipas tij, nëse të 16 deputetët e qarkut shprehen publikisht në mbështetje të qytetarëve, kundërshtojnë shkrirjen e Patosit dhe Divjakës dhe konfirmojnë se do të votojnë kundër këtij propozimi, ashtu siç janë deklaruar të gjithë deputetët e opozitës, çështja do të zgjidhej menjëherë.

Baçi theksoi se ligjvënësit duhet të përmbushin përgjegjësinë që u kanë besuar zgjedhësit, duke i përfaqësuar ata në Parlament dhe duke votuar sipas vullnetit të tyre.

Ai pretendoi se qëndrimi i banorëve të Patosit dhe Divjakës është unanim, përfshirë demokratët, socialistët, mbështetësit e partive të tjera dhe qytetarët e paangazhuar politikisht: të dyja bashkitë nuk duhet të pushojnë së ekzistuari.

Në reagimin e tij, deputeti iu drejtua posaçërisht 12 përfaqësuesve të Partisë Socialiste nga qarku Fier. Ai u kërkoi të sqarojnë publikisht nëse janë dakord që Patosi t’i bashkohet Bashkisë Fier dhe Divjaka të kalojë në Bashkinë Lushnjë.

Sipas Baçit, cilido qoftë qëndrimi i tyre, deputetët socialistë duhet ta argumentojnë atë me fakte. Nëse e mbështesin bashkimin, duhet të shpjegojnë arsyet pse Patosi dhe Divjaka duhet të shkrihen; nëse e kundërshtojnë, duhet të paraqesin argumentet për ruajtjen e tyre si bashki më vete.

Ai tha se në protestën kundër propozimit të PS-së pjesëmarrësit socialistë kanë qenë në shumicë dërrmuese. Baçi shtoi se nuk ka dëgjuar asnjë socialist të shprehet në favor të shkrirjes së dy bashkive të qarkut Fier.

Për këtë arsye, ai pyeti 12 deputetët e PS-së nëse do të rreshtohen me socialistët që i kanë votuar dhe që kërkojnë vazhdimin e ekzistencës së bashkive Patos dhe Divjakë, apo me ato që ai i cilësoi si vendime absurde të një udhëheqjeje të korruptuar.

Baçi deklaroi se dëshiron të besojë se ligjvënësit socialistë mbështesin votuesit dhe anëtarët e partisë së tyre. Në këtë rast, sipas tij, ata duhet t’i sigurojnë qytetarët se vota e tyre në Parlament do të jetë në favor të zgjedhësve dhe jo, siç u shpreh ai, në mbështetje të korrupsionit të qeverisë.

Në reagim u përmend edhe Belinda Balluku, të cilën Baçi e quajti “të plotfuqishmen” e socialistëve dhe “të pandehurën e drejtësisë”. Ai pretendoi se ajo mbrohet me kartonët e mazhorancës në Parlament dhe nuk i dorëzohet drejtësisë.

Deputeti demokrat rikujtoi se, gjatë konsultimit të përbashkët me qytetarët e qarkut në Fier, Balluku kishte folur në emër të deputetëve socialistë dhe u kishte garantuar votuesve se qarku Fier kishte gjashtë bashki dhe do të vazhdonte të mbetej me gjashtë të tilla. Sipas këtij zotimi, si Patosi, ashtu edhe Divjaka, nuk do të zhdukeshin, por do të ruanin statusin e bashkive.

Baçi kërkoi të dijë se çfarë ka ndryshuar që prej asaj deklarate dhe pse deputetët e PS-së tashmë nuk po flasin. Ai e cilësoi qëndrimin e tyre si “as mish, as peshk”, duke thënë se një sjellje e tillë nuk i nderon.

Në përfundim, ligjvënësi i PD-së nënvizoi se shkrirja e Patosit dhe Divjakës ende nuk është realizuar dhe se e ardhmja e tyre varet nga 12 votat e deputetëve socialistë të qarkut Fier në Parlament.

Ai u kërkoi atyre ta deklarojnë votën në favor të qytetarëve dhe zgjedhësve, ndërsa paralajmëroi se, në të kundërt, nuk duhet të vazhdojnë, sipas tij, t’i gënjejnë dhe mashtrojnë ata siç kanë bërë gjithmonë.

The post Luan Baçi: Patosi dhe Divjaka të mos shkrihen, 12 deputetët e PS-së të bëjnë publik qëndrimin appeared first on Albeu.com.

Dhjetëra hektarë tokë bujqësore dhe disa stalla janë përmbytur, duke rrezikuar jetën e fermerëve dhe bagëtive.

Sipas deputetit të PD-së, Luan Baçi, rreth 50 krerë lopë ndodhen të bllokuara nga uji dhe rrezikojnë të mbyten, ndërsa niveli i ujit vazhdon të rritet dhe mungon ndërhyrja.

Banorët kërkojnë ndihmë urgjente nga institucionet për të shmangur dëme të rënda dhe humbje të pakthyeshme.

The post Luan Baçi publikon pamjet nga përmbytjet në Fier: Rreth 50 krerë rrezikojnë të mbyten, mungesë ndërhyrjeje appeared first on Albeu.com.

Baçi e akuzoi Ramën për abuzim me pushtetin dhe përpjekje për të mbuluar aferat korruptive.

Sipas tij, dorëheqjet e disa drejtorëve janë një mënyrë për të shmangur hetimet dhe përgjegjësitë ligjore.

Ai kërkoi që Prokuroria të nisë sa më parë hetime, veçanërisht në qytetin e Fierit dhe në kompaninë shtetërore Albpetrol.

Deputeti demokrat paralajmëroi gjithashtu se; opozita do të vijë me një agjendë të qartë në shtator, ndërsa akuzoi qeverinë për manipulim të zgjedhjeve.

Luan Baçi: Rama tregoi dhe njëherë se i duket vetja perëndi, kur shkarkoi drejtorët nëpër Bashki. Prokuroria të hetojë të gjithë drejtuesit lokalë, mund të kenë qenë për burg. Prandaj edhe kryeministri Edi Rama donte t’i shkarkonte. Kur jep dorëheqjen vërteton se je i korruptuar. Këta drejtorë japin dorëheqje sepse ata që e dinë se janë për në qeli. Sa i përket asaj që do të bëjë PD, presim shtatorin për të përcaktuar agjendën e opozitës.

Këto nuk ishin zgjedhje. Rama nuk ka zhvilluar zgjedhje, por kishim makineri-shtet që ka paguar dhe ka bërë çdo pisllëk që mund të bëhet për të marrë zgjedhjet. Aq shumë vjedhje ka bërë, sa dolën llogaritë përtej pritshmërive, shkuan 83 deputetë. Ishte grabitje ditën për diell. Kjo qeveri nuk do e ketë të gjatë. Nëse Prokuroria sidomos në Fier, te Bashkia dhe tek Albpetrol, nis hetime, do të gjejë afera të tmerrshme korruptive.

The post Dorëheqjet e drejtorëve në Bashki, Luan Baçi: Kanë frikë burgun, Prokuroria t’i hetojë të gjithë appeared first on Albeu.com.

Gjatë intervistës, Baçi u ndal te rezultati i dobët i PD-së në qarkun e Fierit, duke pranuar përgjegjësinë për performancën e partisë në këtë zonë dhe duke kërkuar reflektim të brendshëm.

“Lista e mbyllur e PD ishte një përzgjedhje që u bazua te vota e anëtarësisë, përmes procesit të primareve, duke marrë parasysh përfaqësimin gjeografik dhe karakteristikat e çdo zone. Kishte një logjikë të brendshme për mënyrën si u ndërtua. Por është e vërtetë që shumë kandidatë të listës së hapur, që ishin të shumëvotuar, janë dëmtuar për shkak të manipulimeve – votat e tyre janë vjedhur”, tha Baçi.

Gjithashtu, deputeti demokrat shtoi se ndonëse lista ishte rezultat i një procesi demokratik të brendshëm, ajo nuk arriti të përfaqësonte sa duhet vullnetin e elektoratit për shkak të parregullsive zgjedhore.

“Çdokush që ishte pjesë e asaj fushate, si në listën e mbyllur ashtu edhe në të hapur, ka përgjegjësinë e vet për rezultatin. Personalisht ndihem keq dhe përgjegjës për atë që ndodhi në Fier”, theksoi ai.

Baçi nënvizoi se PD duhet të hyjë në një fazë të re reflektimi dhe reformimi pas kësaj humbjeje.

“Kjo është një periudhë që do të marrë kohën e vet për të bërë analizën e duhur. Duhet të gjejmë arsyet e brendshme që ndikuan në këtë rezultat, dhe të ndihmojmë në rindërtimin e partisë mbi baza më të forta e më të drejta”, përfundoi ai.

The post Çfarë nuk funksionoi brenda PD në zgjedhjet e 11 majit? Baçi: Ndihem përgjegjës për rezultatin e Fierit appeared first on Albeu.com.

Gjithashtu, ai deklaroi se kjo qeveri nuk mendon për të varfërit, pasi nuk miratoi as minimumin jetik prej 200 eurosh.

“Amendamentet e PD u rrëzuan, pasi PS ka marrë vendim politik. Amendamentet e Partisë Demokratike nuk janë populiste. Nëse do kishim minimum jetik 200 euro, asnjë pension apo ndihmë ekonomike nuk do ishte nën 200 euro. Rama na ka kthyer në “Republikë kryeministrore”.

Rrëzojnë minimumin jetik, rrëzojnë subvencionet bujqësore. Qeveria do japë para për inceneratorin, kur inceneratori nuk ekziston. Propozimi ynë është që këto 1.3 milionë dollar, të mos jepen tek “inceneratori” se do vidhen e këto para të kalojnë tek përkrahja sociale. Qeveria nuk dërgon paratë tek të varfërit”, tha Baçi.

The post Kuvendi rrëzoi amendamentet e PD, flet Luan Baçi: Rama ka kthyer Shqipërinë në “Republikë kryeministrore” appeared first on Albeu.com.

Pas daljes nga SPAK, Baçi është shprehur se për këtë çështje është hetuar më herët dhe është mbyllur, por sipas tij, SPAK ka dëshirë t’i thërrasë deputetët e opozitës për kallëzime qesharake.

“Dhashë deklarime për llogari të një kallëzimi të bërë kundër meje për “fshehje të pasurisë”. I njëjti kallëzim i bërë nga një patronazhist bravist është hetuar më herët dhe është vendosur pushimi. Por SPAK duket se e ka më dëshirë t’i thërrasë deputetët r PD edhe për kallëzime qesharake”, u shpreh Baçi pasi doli nga SPAK.

The post Luan Baçi pas daljes nga SPAK: Kanë dëshirë t’i thërrasin deputetët e PD për kallëzime qesharake appeared first on Albeu.com.

Mësohet se arsyeja e thirrjes së tij, është kallëzimi i bërë nga shtetasi Aredin Behari nga Fieri, lidhur me pasuritë.

Konkretisht, bëhet fjalë për aksionet dhe kapitalin që deputeti demokrat gëzon tek kompleksi turistik “Diamond Hill”, i cili ndodhet në zonën e “Ujit të Ftohtë” në Vlorë.

The post Deputeti i PD-së Luan Baçi paraqitet në SPAK appeared first on Albeu.com.

“Në burgun e Fier vjen sot një koleg dhe mik i imi, koleg i PD i dënuar politikisht nga kjo mazhorancë dhe ky kryeministër. Absolutish do të jemi pranë tij dhe në krah të tij. Strukturat e degës së qarkut Fier do të jenë në dispozicion të tij. Është detyrimi ynë meqë institucioni u vuajtjes së dënimit të tij është në Fier.

Kushdo mund të ishte sot në vend të tij. Salianji përveçse ka bërë një dënim që u vërtetua katërçipërisht i vërtetë, sepse vëllai i Xhafajt u dënua ë Itali, si mund të themi që Salianji është dënuar me të drejtë. Është një i dënuar politik, është një goditje ndaj opozitës”, tha Baçi

The post “Do të jemi pranë tij” Baçi para burgut të Fierit: Salianji i dënuar politik, çdokush nga ne mund të ishte sot në vendin e tij appeared first on Albeu.com.

Baçi është parë mëngjesin e sotëm, të hyjë brenda ambienteve të SPAK.

Nuk dihet ende arsyeja e thirrjes së deputetit të Partise Demokratike në SPAK.

The post Deputeti Luan Baçi paraqitet në SPAK appeared first on Albeu.com.

“O sot, o kurrë”, thekson ai në një shënim të shkurtër në Fb, në të cilin ka publikuar foto të protestuesve që mblidhen çdo mbrëmje pranë godinës ku lideri i opozitës mbahet në arrest.

“Çdo ditë në orën 18 te rrugica e shpresës, aty ku në mënyrë hakmarrëse, të qëllimtë, kanë izoluar politikisht, nga frika dhe tmerri që kanë, Kryetarin e PD, Profesor Doktor Sali Berishën! Në 20 shkurt, ora 17:30, të gjithë në protestë në Tiranë! O sot, o kurrë!” bën thirrje ai.

The post Baçi: Çdo ditë te rruga e shpresës dhe më 20 Shkurt, të gjithë në protestë në Tiranë! appeared first on Albeu.com.