Sipas rrjetit francez “BFMTV”, rreth 400 mijë qytetarë kanë dalë në rrugët e vendit për të demonstruar edhe një herë kundërshtimin e tyre ndaj planit të qeverisë për reformimin e sistemit të sigurimeve.

Duke ndezur flakë dhe duke hedhur bomba tymi në ndërtesën Avenue Montaigne në Champs Elysees, rreth 400 protestues u mblodhën jashtë zyrave të shtëpisë së modës për t’i dërguar mesazhin e tyre qeverisë duke synuar simbolet e kapitalizmit dhe gjigantët e biznesit.

Videot e pushtimit të shkurtër të protestuesve në selinë e “Louis Vuitton” u ngarkuan në mediat sociale.

Bordeaux. Des dizaines de milliers de manifestants pour la douzième journée de mobilisation nationale. Macron remballe ta #ReformeDesRetraites. #greve13avril pic.twitter.com/8XHvdLEUSU

— Révolution Permanente (@RevPermanente) April 13, 2023

Siç raporton gazeta franceze “Le Parisien”, kritikët e planit të presidentit Macron për të rritur moshën minimale të daljes në pension në 64 vjeç nga 62 që është aktualisht, i janë përgjigjur thirrjes së sotme të sindikatës duke protestuar në Paris si dhe në qytete të tjera të vendit.

???⚡️Paris, France… Des manifestants ont pris d’assaut le siège de Louis Vuitton. Ils scandent “Nous irons jusqu’au retrait” / Paris, France… Protesters stormed the Louis Vuitton headquarters. They chant “We will go as far as withdrawal” pic.twitter.com/qyRy7gY8JE

— France Résistance (@FranceRsistanc1) April 13, 2023

Demonstratat e sotme, komenton gazeta “Le Monde”, zhvillohen një ditë përpara se Këshilli Kushtetues i Francës të vendosë nëse procedurat e ndjekura nga qeveria e Parisit në lidhje me reformën e sistemit të pensioneve ishin në përputhje me Kushtetutën.

Ndërkohë, banori i parë i Elysees pritet të takohet sot në kryeqytetin francez me krerët e Asamblesë Kombëtare të Francës dhe Senatit, si dhe me disa ministra.

Për qeverinë Macron, rritja e moshës së pensionit është thelbësore për të rritur normat e punësimit dhe për të frenuar rritjen e deficiteve në sistemin masiv të pensioneve publike përballë një popullsie në plakje.

Nga ana e tyre, sindikatat argumentojnë se ndryshimi i kufijve të moshës për të kërkuar një pension të plotë do të rëndonte në mënyrë disproporcionale më pak të pasurit dhe se ka mundësi të tjera, si taksat më të larta për bizneset dhe të pasurit./Albeu.com/

The post Parisi në flakë/ Zyrat e Louis Vuitton sulmohen nga protestuesit e zemëruar, përleshje me policinë (Video) appeared first on Albeu.com.

Patris Pustina

Në 7 janar 2023, kryeministri Edi Rama postoi në Facebook një çantë me motive të flamurit kombëtar shqiptar, me përshkrimin “Çanta e re e shtëpisë së madhe të modës Louis Vuitton”.

Postimi në Facebook i kryeministrit Rama

Ky postim i kryeminisrit, në ditët e para të janarit, u bë virale dhe u ripostua jo vetëm nga portalet, por edhe nga shumë ndjekës.

Për të verifikuar këtë pretendim, “Faktoje” iu drejtua me anë të postës elektronike shtëpisë së modës Louis Vuitton më 10 janar.

Në përgjigjen zyrtare, më 13 janar, një përfaqësuese e Louis Vuitton i shkruajti Faktojes duke saktësuar se “krijimi është nga një palë e pavarur dhe nuk është pjesë e katalogut” të tyre.

Përgjigjia e Louis Vuitton

“Ju lutem jini të informuar se produktet tona shiten ekskluzivisht në dyqanet Louis Vuitton, që janë në pronësi dhe me staf të Louis Vuitton, si dhe përmes faqes zyrtare online të Louis Vuitton. Blerja me anë të këtij rrjeti shpërndarës ekskluziv është mënyra e vetme që klientët të sigurohen se produkti i tyre është autentik. Ne nuk mund të komentojmë mbi apo garantojmë autenticitetin e produkteve të blera tjetërkund,” shpjegon më tej përgjigjia e shtëpisë së modës.

Një kërkim pak më i thelluar mbi këtë dizajn, zbulon se ai ekziston prej së paku 4 vitesh.

Në fakt, ajo ishte pjesë e një koleksioni të limituar të vitit 2018 nga marka JAY AHR e stilistit Jonathan Riss, që përfshin thuajse 130 flamuj nga shtete të ndryshme të botës. Çantat e këtij koleksioni janë çanta vintazh Louis Vuitton, të ripërdorura nga Jay Ahr.

Kështu, çanta e dizenjuar me flamurin shqiptarnë fjalë nuk është e re, ajo ka ekzistuar që në vitin 2018. Për më tepër, ajo nuk është hedhur në treg dhe nuk mban autorësinë e shtëpisë së modës Louis Vuitton, por është një ripunim i firmës JAY AHR mbi një çantë klasike LV.

Kjo nuk është hera e parë që kryeministri Rama bëhet përçues i keqinformimit.

Në 16 shtator 2022 Faktoje përgënjeshtroi pretendimin se Zvicra do të dënonte qytetarët e saj me burg për ata që ngrohin më shumë se 19 gradë shtëpinë e tyre, siç deklaroi Rama në 8 shtator, dhe Ministrja e Energjisë Belinda Balluku në 14 shtator. Një ditë pas botimit të këtij artikulli, Rama kërkoi ndjesë që kishte “rënë viktimë e një informacioni jo të plotë dhe të saktë”.

Në 14 tetor 2021 Faktoje publikoi një artikull mbi deklaratën e kryeministrit Rama se Britania kishte bërë një plan për kufizimin e energjisë. Por një përgjigje nga qeveria britanike për Faktojen e rrëzonte këtë pretendim.

Në 29 shtator 2021 një tjetër artikull i Faktoje, ku përfshiheshin edhe përgjigjet nga qeveria gjermane rrëzoi një tjetër pretendim të kryeministrit në lidhje me agjencinë e mediave si një model i suksesshëm gjerman.

Në 21 mars të 2020 Faktoje verifikoi një video të shpërndarë nga kryeministri Rama duke iu referuar si ndërhyrje e policisë spanjolle për të shpërndarë njerëzit gjatë pandemisë. Videoja i përkiste zhvillimeve në Alegjeri dhe nuk kishte asnjë lidhje me pandeminë./faktoje

The post Louis Vuitton i shkruan Faktoje: Çanta me flamurin shqiptar nuk u krijua nga ne appeared first on Albeu.com.

Fotografia e një çante “Louis Vuitton” dizenjuar me flamurin kombëtar, deri më tani ka marrë në Facebook-un e kryeministrit rreth 21 mijë pëlqime, 1400 komente dhe 900 shpërndarje. Numri i pëlqimeve në Instagram është edhe më i lartë (27225), pa përllogaritur këtu edhe bilancin e reagimeve nëpër platformat e tjera mediatike ku u pasqyrua.

Te pëlqimet krahas anëtarëve të qeverisë që natyrisht zgjohen e ngrysen në profilin e KM, spikasin kryebashkiakë apo edhe Inspektoriati Shtetëror i Mbrojtjes së territorit, ambasada shqiptare Kanada, ambasada shqiptare Sofie, ambasada shqiptare Riad, konsullata e përgjithshme e nderit Finlandë…

Meqë jemi në sezonin e gripit nuk mbesin pas me pëlqime as qendra shëndetësore Petrelë, qendra shëndetësore nr.5 Tiranë dhe dhjetëra institucione që mesa duket kanë prioritet pëlqimet, komentet dhe shpërndarjen e postimeve të kryeministrit.

Nuk ja vlen të përmendësh këtu ushtrinë e ndjekësve fallco apo patronazhisëve që dihet se gjenden “gati tu” kurdoherë pa lexuar atë çka shkruhet, por në këtë dehje servilizmi të shëmtuar duhen përmendur dy fakte për të zgjuar nga dalldia atë që dëshiron.

Çantat me flamuj të vendeve të ndryshme të botës përfshirë dhe të Shqipërisë, u prodhuan në korrik 2018 dhe këtë vit ky dizenjim feston 5 vjetorin. Fatkeqësisht kjo strategji nuk pati suksesin që menduan mjeshtrat e shtëpisë së modës. Megjithëse për kompaninë është një prudukt i vjetër, për ne është një delir i ri ku shumë as nuk e dinë as si zë fill kjo markë.

-Louis Vuitton ka ndërruar jetë në 1892, 20 vjet para se flamuri ynë të ngrihej në Vlorë.
-Më 1871 atelienë e tij dhe dyqanin në Paris ia rrafshuan revolucionarët e Komunës së Parisit.
-Më 1992, LV ka hapur dyqan në Kinë dhe me 2003, në Moskë.
-Dyqanin më të madh në rajon e ka në Beograd.
-Babai i LV ishte me profesion mullixhi, ndërsa vetë LV ka punuar që në moshën 14 vjeç si çirak.
-Nga banesa e tij deri në Paris ku gjeti punën e pare, iu desh të ecte 400 km në këmbë. (u largua nga familja se e keqtrajtonte njerka)

Por le të kthehemi te çanta “patriotike” e cila ka çmimin 9900 euro. Ka njerëz në Shqipëri që e pëlqejnë këtë çantë se ua mban xhepi ta blejnë, mund të ketë edhe institucione qe kanë fonde dhe nuk e shohin si problem që ta porositin.

Pyetja është se çfarë kuptimi ka që kësaj foto i bëjnë like: PS Gramsh, PS Mallakastër, PS Ndrq, PS Zejmen, PS Lushnjë, dhe PS Gjirokastër?!…

Megjithëse jam i bindur që PS Gjirokastër do të tërheqë pëlqimin sapo të marrë vesh çmimin.
P.S. Dhe të mendosh që sot është e shtunë, ditë pushimi!

*Marrë nga Facebook i autorit

The post Kur budallallëku vërshon jashtë çantës appeared first on Albeu.com.

Në videon e siguruar nga mediat e huaja, shihen se si 14 persona të armatosur “rrëmbejnë” me shpejtësi rekord dyqanin.

Policia përcaktoi se 14 të dyshuar u futën me në dyqan, morën një sasi ende të papërcaktuar të mallit që ndodhej në dyqan dhe më pas u larguan me vrap.

Ata janë larguar nga vendi i ngjarjes me tre automjete. Policia vlerëson se janë vjedhur çantat me vlerë 100 mijë dollarë.

Kishte një moment kur roja i sigurisë u përlesh me disa të dyshuar, por edhe pse i armatosur ai nuk qëlloi me armë.

Shefi i policisë, James Kruger tha se po vijojnë hetimet  për identifikimin e autorëve dhe ka të dhëna për automjetet me të cilat ata u larguan, por nuk dha më shumë informacione./albeu.com/

The post “Në vetëm pak sekonda!” Grabitje spektakolare në dyqanin Louis Vuitton, 14 persona të armatosur bëjnë “kërdinë” (VIDEO) appeared first on Albeu.com.

Ai është gjithmonë i kuruar deri në detaj, duke mos anashkaluar asnjë dalje publike.

Së fundmi, këngëtari ka udhëtuar drejt bregdetit, teksa ka ndarë fotografitë e para nga vendi ku po pushon.

Ai shfaqet me maskë në fytyrë, duke respektuar masat anti-COVID. Por, ishte pikërisht maska e tij që mori vëmendjen e fansave, pasi i përkiste brendit të njohur “Louis Vuitton”.

Çmimi i saj është plot 74 euro, por që Butrinti me të ardhurat nga muzika duket se e justifikon.

Kujtojmë se projekti i fundit muzikor nga Imeri është “Phantom”, ndërsa pritet që shumë shpejt të kthehet me këngë të re.

The post Butrint Imeri shfaqet me maskë “Louis Vuitton”, sa është çmimi i saj appeared first on Albeu.com.