Gjykata Themelore Penale Shkup njoftoi se dosja ndaj ish-zëvendëskryeministrit Artan Grubi dhe shtatë personave të tjerë, të akuzuar për keqpërdorime në SHA “Lotaria Shtetërore” përmes shpërndarjes automatike, i është ndarë një gjyqtari, ndërsa shqyrtimi është planifikuar për 24 gusht.

Aktakuza ishte ngritur më herët nga Prokuroria Themelore Publike Shkup. Sipas Prokurorisë, gjatë viteve 2023 dhe 2024, Artan Grubi dhe shtatë të akuzuarit e tjerë vepruan së bashku duke kapërcyer kufijtë e autorizimeve dhe përgjegjësive të tyre të posaçme. Ata dyshohet se synuan t’i shkaktonin personit juridik të dëmtuar, Shoqërisë aksionare për organizimin e lojërave të fatit të Lotarisë Shtetërore të Republikës së Maqedonisë së Veriut, një dëm të konsiderueshëm në vlerën 507.632.173 denarë.

The post Gjykimi për çështjen e “Lotarisë Shtetërore” caktohet më 24 gusht appeared first on Albeu.com.

BDI ka reaguar ndaj aktakuzës së ngritur kundër 8 personave, të cilët akuzohen për keqpërdorim të pozitës dhe autorizimit zyrtar në Lotarinë Shtetërore. Dëmi i pretenduar ndaj Lotarisë Shtetërore të RMV-së tejkalon 507 milionë denarë.

Partia e konsideron këtë veprim një akuzë politike absurde dhe kërkon të dijë se mbi çfarë provash e argumentesh konkrete është mbështetur ajo, pas dy vitesh hetime.

Ndonëse deklaron se respekton pavarësinë e institucioneve të drejtësisë, BDI kërkon që ligji të zbatohet në mënyrë të barabartë dhe jo selektive. Sipas partisë, vendimet e marra kolektivisht nuk duhet të shfrytëzohen për të përcaktuar përgjegjësi individuale dhe për të zhvilluar ndjekje penale.

BDI kërkon gjithashtu që rasti t’i nënshtrohet një mbikëqyrjeje ndërkombëtare të hapur dhe transparente. Partia thekson se nuk synon privilegje për askënd, por një proces të drejtë, zbatim të njëjtë të ligjit dhe drejtësi të çliruar nga ndikimi politik, duke këmbëngulur se aktakuza nuk mbështetet në asnjë dëshmi, provë apo fakt.

The post BDI e kundërshton aktakuzën për Lotarinë: Pas dy vitesh hetime nuk ka prova, përgjegjësia individuale nuk mund të mbështetet në vendime kolektive appeared first on Albeu.com.