Trajneri i Kosovës, Franco Foda, ka përsëritur se objektivi kryesor i përfaqësueses është pjesëmarrja në Kampionatin Evropian “Euro 2028”.

Kosova do të luajë nesër ndaj Austrisë në një ndeshje me rëndësi për promovimin në Ligën A të Ligës së Kombeve, ku austriakët konsiderohen favoritët kryesorë.

Gjatë konferencës për media, Foda u kërkoi futbollistëve të paraqiten me besim, por nënvizoi se kalimi në Ligën A nuk është synimi parësor i ekipit, pasi fokusi mbetet te Evropiani i vitit 2028.

“Jam i kënaqur nëse loja shkon mirë. Në fund të ditës, do të shohim se çfarë po ndodhë. Me rëndësi është të luajmë me vetëbesim, e njohim Austrinë. Janë favorit, por kjo nuk do të thotë ta ulim vetë-vetën. Qëllimi im është Kampionati Evropian 2028, kjo ka qenë objektivi nga dita ime e parë”, deklaroi ai.

Foda u pyet gjithashtu për mundësinë që Lorent Tolaj i Bristol Cityt dhe Arijanet Fazlija i Prishtinës të afrohen me ekipin e parë të Kosovës, duke marrë parasysh paraqitjet e tyre.

“Lorent Tolaj dhe Arijanet Fazlija te Kosova? I njoh të dy lojtarët dhe e di kualitetin e tyre. Mendoj se është me rëndësi të koncentrohemi te loja e nesërme. Kemi 27 lojtarë dhe ndoshta një ditë do të luajnë për Kosovën edhe ata”, u shpreh trajneri.

Ndeshja Austri–Kosovë do të nisë në orën 18:00.

The post Foda: Synimi i Kosovës mbetet Euro 2028, Tolaj dhe Fazlija mund të grumbullohen në të ardhmen appeared first on Albeu.com.

Lorent Tolaj ishte protagonist në takimin e djeshëm, edhe pse skuadra e tij, Bristol City, u mposht 4-1 në transfertën ndaj Southampton. Përballja ishte e vlefshme për javën e 7-të të Championship.

Goli i vetëm i Bristol City u realizua nga sulmuesi me origjinë shqiptare. Edhe pse rrjeta e tij pati vetëm vlerë statistikore për ekipin, Tolaj regjistroi një tjetër paraqitje pozitive në planin individual.

24-vjeçari vazhdon të jetë një alternativë e mundshme për Kombëtaren shqiptare. Megjithatë, konkurrenca për shërbimet e tij mbetet e fortë, pasi interes për sulmuesin kanë edhe Kosova dhe Zvicra.

The post VIDEO/ Lorent Tolaj shkëlqen sërish në Angli, 24-vjeçari mbetet alternativë për Shqipërinë appeared first on Albeu.com.

Lorent Tolaj po kalon një formë të shkëlqyer, teksa ka shënuar edhe në ndeshjen miqësore përballë Newcastle Unitedit.

Që pas transferimit te Bristoli, sulmuesi me prejardhje nga Kosova është dalluar me paraqitjet e tij, duke realizuar tri herë në dy takime miqësore.

Në përballjen me Newcastle, Tolaj mori një pasim të bukur dhe në minutën e 29-të mposhti portierin kundërshtar, duke e lënë atë të shtangur.

Për më shumë, mund ta shikoni golin.

Tolaj ka përfaqësuar më herët grupmoshat e Zvicrës, ndërsa në nivel ndërkombëtar gëzon të drejtën të luajë për Kosovën ose Shqipërinë.

The post Lorent Tolaj shkëlqen me Bristolin, gjen rrjetën edhe kundër Newcastle Unitedit appeared first on Albeu.com.

Lorent Tolaj është përforcimi më i ri i Bristol City. Sulmuesi 24-vjeçar është larguar nga Plymouth për të vijuar karrierën në Championship, niveli i dytë i futbollit anglez.

Klubi anglez ka paguar 5 milionë euro për shërbimet e tij, ndërsa Tolaj ka nënshkruar një marrëveshje katërvjeçare, e cila do të jetë në fuqi deri në verën e vitit 2030.

Futbollisti shqiptar zhvilloi një sezon të spikatur në League One, kampionati i tretë për nga rëndësia në Angli. Ai e mbylli edicionin e kaluar me 22 gola të shënuar dhe 8 asistime.

Tolaj është aktivizuar më parë me përfaqësueset e moshave të Zvicrës, por ende nuk ka marrë një vendim për të ardhmen e tij në nivel kombëtar. Sulmuesi vazhdon të ketë mundësinë të zgjedhë mes Shqipërisë dhe Kosovës.

The post Bristol City transferon sulmuesin shqiptar që realizoi 22 gola sezonin e kaluar appeared first on Albeu.com.

Në ndeshjen e fundit, Tolaj shënoi dy gola në fitoren 5 me 2 ndaj Kardifit. Tolaj po synon të bëhet golashënuesi më i mirë në ligë këtë sezon, pasi në total ka 14 gola dhe katër asiste, vetëm tri më shumë ka vendi i parë i mbajtur nga Uoton i Stockport (17 gola).

Sulmuesi shqiptar te Plymuthi u transferua nga Port Vale, kurse më parë ka qenë pjesë e Aldershot, Dunde, Salford dhe Brajton U21.

Tolaj nuk është ftuar ende nga ekipi i parë i Zvicrës, andaj i lejohet të luajë për fanellën e Kosovës apo Shqipërisë në të ardhmen.

The post Në formë të shkëlqyer, kush është sulmuesi shqiptar që synon të bëhet golashënuesi më i mirë në Angli appeared first on Albeu.com.