Në përgjigje, Çim Peka theksoi se opozita nuk ka ndalur së luftuari, por ndryshimi mund të vijë vetëm përmes një rithemelimi të politikës, duke theksuar se ka ende mundësi për një ndryshim të vërtetë. Ai shtoi se është koha që të fillojnë veprimet konkrete për të përmbysur këtë sistem të dështuar.

Pjesë nga debati:

Vangjeli: PS ka vetëm emrin e trashëguar, ka ndryshuar në formë, në përmbajtje, në qëllime dhe gjithçka tjetër. Para se të dalë jashtë ligjit, apo të shkatërrohet, kjo parti ka nevojë të themelohet dhe të kthehet në vlerat e saj të mëparshme. Më shumë se shkatërrimi i kësaj partie, ka të bëjë me rithemelimin. Dhe më shumë se vetëm emri i PS-së, ka të bëjë me sistemin politik në Shqipëri, ku të gjitha partitë politike janë kthyer në garda personale të interesave të një grushti njerëzish. Nga partitë politike në vend, nga PS buron e gjithë pushteti, pasuria, suksesi, gjithçka.

Si janë partitë, ashtu është edhe shteti vetë dhe kjo krizë…

Peka: Kur shikon këto video dhe dosje, a të vjen neveri që e ke mbështetur këtë parti?… Nuk po them se e ke votuar, po e paskë votuar.

Vangjeli: Dënim më pak në vitet e kaluara, por nuk ishte kjo ligësia. Sot nuk ka politikë. Ne jemi vëzhgues të kësaj dhe po e them, një nga dëmet më të mëdha që i ka shkaktuar ky tranzicion që s’ka mbarim në Shqipëri, është denatyrimi i forcave publike, të cilat përbetohen në emër të qytetarit, por në fakt janë zëdhënës dhe dominuese të fatit të një grupi të vogël individësh.

Peka: Unë, kur shoh këto video dhe dosje, më kujtohet vetëm një i sinqertë nga grupi Muc Nano: “Të mblidhemi të gjithë, ta rrëzojmë, të gjithë bashkë.” Ai ka thënë që Rama i ka marrë parasysh… është kjo thënie.

Vangjeli: Pavarësisht se duket kaos në këtë moment, pavarësisht defekteve të pafundme që ka sistemi dhe faktorëve lokalë, kam përshtypjen, edhe me mbështetje të faktorëve të tjerë që imagjinojmë, por nuk kemi prova, do të duhet të rithemelohet nga e para.

Nga dhjetori i ’90-s, janë vetëm dy emra aktivë në politikë: Sali Berisha dhe Edi Rama.

Peka: Në kulmin e skandalit me Ballukun, ta fyesh studion… Por banalitet, ta fyesh studion në kulmin e skandalit me Ballukun dhe Ervis Agasin… Këtu leksione pluralizmi, jo beja Bajrama Begajt. Ke marrë ndonjë shishe që nuk flet ti apo jo?

Vangjeli: Nuk kam marrë shishe.

Peka: Janë 33 milionë euro për k*rv*n e mediave, ti nuk flet dot!

Vangjeli: Unë nuk flas dot? Le të marrin çdo qindarkë…

Peka: Jeni bërë njësoj, nuk flisni dot.

Vangjeli: Të thëmë konkretisht? Kemi një shprehje, tek ajo nga kanë dalë vafshin, brenda… Denoncimin çdo maskara që ka marrë çdo qindarkë… Si e doni, morë, r*rbt ku t’ke…

Peka: Nga kjo dosje, keni ndonjë emër?

The post Balluku – Ergys Agasi/ Vangjeli dhe Peka përplasen ashpër: PS është shndërruar në një grup interesi personal appeared first on Albeu.com.

Vangjeli iu referuar rastit të ish-ministrit të Shëndetësisë Ilir Beqaj, i cili po hetohet nga SPAK për shpërdorim detyre në lidhje me koncesionin e sterilizimit.

Sipas analistit Vangjeli, thupra dhe gurët simbolizojnë drejtësinë si në Jemen, Sudan, Irak etj. ku bëhen gjykime popullore dhe nuk pritet vendimi i drejtësisë në përfundim.

Pjesë nga diskutimi

Lorenc Vangjeli: Është thupër kurse këta janë gurë. Ajo është thupra me të cilën unë dua të rrah Ilir Beqajn, i cili është shpallur…

Pyetje: Do rrahësh ti Ilir Beqajn? Pse?

Lorenc Vangjeli: Njësoj si në Sudan, si në Irak, si në Jemen, sepse unë lexoj portale.

Pyetje: Po pse kjo dhembshuri sepse nuk është vetëm Ilir Beqaj… çdo njeri që akuzon SPAK-u, edhe portalet, edhe televizionet.

Lorenc Vangjeli: Ka thupra plot. Me aq sa ka lexuar dhe kam parë nëpër studio, me Beqaj është ‘kry punë’, thuhet në zhargon. Drejtësia popullore ka mbaruar punë me të.

Pyetje: Po pse te Beqaj qënka drejtësi popullore dhe të personat e tjerë që SPAK ka akuzuar nuk ka mbaruar pumnë?

Lorenc Vangjeli: Edhe për Saliun vjen kjo. Më shumë se gjysma e shqiptarëve mendojnë që ai është grabitës. Po flas për mentalitetin. Ne shqiptarët jemi të paduruar. Përpara se ta thotë fjalën drejtësia e themi ne. Problemi është të sillesh si reformator. Me gurë do ta vrasim. Kjo është urrejtja jonë. Unë dua që të shplaj shpirtin si kori i madh i njerëzve. Sic kemi muzikantë, vallëtare, kemi edhe juristë popullorë që e kanë dhënë verdiktin, unë dua të jem si ta, të them që e urrej. Dhe kur e them këtë për Ilirin, natyrisht e them edhe për z.Sali. Sepse ajo që di unë, është Perëndimi që të konsideron të pafajshëm…

The post “Dua të rrah Ilir Beqajn”- Habit analisti, shfaqet në emision me thupër dhe gurë: Kjo vlen edhe për Sali Berishën appeared first on Albeu.com.

Janë skaje të një drejtëze. Krejtësisht të ndryshëm në traditë, tipologji dhe mendësi. Ata do të mbeten pas si trashëgimi e këtyre tre dekadave e kusur pluralizëm, njëri si ngulm ecjeje përpara me mëkate të shumta ndërmjet dhe tjetri si autor i mëkatit fillestar në politikë me zigzage të pabesueshme në anë.

Njëri dashnor i shqipes së pazakontë, tjetri përdorues i kateve të poshtëm të fjalorit të saj, njëri narcizist kur flet për t’i pëlqyer vetes sepse nuk rri dot heshtur, tjetri që vuan kur hesht duke folur me veten.

Njëri që kur përmend pafund mullarin, ka në mendje strumbullarin, kurse tjetri e di se në mullarin e të ligës që po del në shesh, është strumbullari i parë. Njëri është veprim e lëvizje, tjetri është ideologji e pathos. Njëri unik, por pa ndjekës, tjetri frymë edhe përtej frymës së ndjekësve.

I pari rreket t’i ngjajë Imzot Nolit, tjetri ka për idhull Ahmet Beun, ish-Mbret të shqiptarëve. Të ndryshëm për tmerr, Edi Rama dhe Sali Berisha bashkohen vetëm në një pikë: janë dy shqiptarët më të zëshëm të pluralizmit.

Ata janë dy të panjohurat e vetme të mëdha, pa të cilat nuk mund të kuptohet kjo pjesëz e historisë moderne të vendit.

Eshtë ende herët për të kuptuar se përmbysja që po ndodh këtë verë në Tiranë e ka të ngjashmen e saj vetëm në dhjetorin e largët 1991, në kohën e përmbysjes së sistemit. Revolucioni që ka nisur një grup prokurorësh me Altin Dumanin në krye, ka në shënjestër një aradhë të pafund dushmanësh të Shqipërisë. Nga ata të politikës dhe të krimit dhe ata që i përkasin edhe politikës, edhe krimit.

Edhe pse shumica dërmuese e shqiptarëve, me rroba banjo e mohito në duar, gëzojnë nën diellin e mrekullueshëm të Mesdheut, një grusht shqiptarësh të “elitës”, po përjetojnë ferrin. Fundi i tmerrshëm për disa dhe tmerri pafund për ata që presin radhën drejt fundit të tmerrshëm, është menyja e papritur për të gjithë. Perëndia jo vetëm që nuk e dëgjoi lutjen: “Bëje, Zot, ëndërr”!, por e ktheu vetë ëndrrën në makth.

Të pafuqishëm për të ndryshuar fatin e tyre, ata thjesht presin t’iu vijë radha dhe në radhë janë të gjithë. Mes tyre gjen të majtë e të djathtë, ministra dhe ish-ministra, anëtarë të gjykatës kushtetuese dhe të lartë, deputetë dhe ish-deputetë, gazetarë të rëndësishëm të politikës dhe dishepuj të kronikës apo edhe biznesmenë që kanë më shumë miliona euro sesa dinë të mbledhin e të zbresin kur bëjnë llogari me gishta.

Gjithë kategoria e njerëzve që e mendonte Shqipërinë si një parajsë për këdo që ishte esnaf dhe kishte bindjen se të qenurit esnaf dhe ligji, ishin sërish dy skaje drejtëzash, kanë marrë provat e para se e kanë pasur krejtësisht gabim. Rama ka sëmundjen e zakontë të çdo lideri shqiptar. Jetëgjatësia në pushtet i ka dhënë largpamësi, por i ka turbulluar shikimin pas shpine. Aq sa është largësia nga karrigia e kryeministrit me karriget e ministrave.

“Klinika okulistike” SPAK e ka bërë tashmë të vetën, ndaj Rama, falë syzeve të reja, tani hesht për të prodhuar në rastin më të mirë dy lajme të këqija: një për njerëzit pranë tij dhe një për kundërshtarët që do ta shohin të rilindur nga e para. Nga Dhërmiu ku ai mbyllet si eremit, me shumë gjasa ka dalluar konturet e një aleance të pabesueshme të ca të vetëve me Doktorin.

Një aleancë që në fakt ka nisur shumë vite më parë me pagesën otomane të së dhjetës dhe “xhizjes” nga disa ministra që të mos hynin në gojën e Doktorit dhe që vjeshtë kjo aleancë mund të shkojë deri dhe në aksione konkrete në parlament, aty ku Rama do ta këtë për zahmet të shkojë.

Berisha ka bërë dy herë të njëjtin mëkat. Herën e parë pati fatin e Shën Llazarit që u ringjall jo nga mrekullia e Hyjnisë, por nga një mëkatar si Fatos Nano. Herën e dytë, humbja e tij në 2013-ën që normalisht duhet të ishte shpëtimi, u shndërrua në mallkim. Iku duke qenë brenda. Fali pronën duke mbajtur në xhep hipotekën e saj.

Doli pas perdes, por mbeti në skenë duke i pëshpëritur Lulit në vesh: Ec përpara! Ti je trupi, unë jam shpirti, ti je goja, unë jam fjala, ti je shpata, unë jam krahu! Duke bërë kështu gabimin naiv të llogarisë për sot duke shpresuar se nuk vjen e nesërmja. Berisha nuk kuptonte atëherë se basti për kalin dembel vret kalorësin dhe jo kalin. Ndaj në këtë pjesë të parë të gushtit, Berisha vazhdon të flasë duke fshehur pas gishtit ankthin e tij për skeletët që po i lëvizin në dollapin ku i ka fshehur. Një gjë është e sigurt.

Sot Tirana është si Kievi ku askush nuk di se kur do të sulmojnë raketat dhe se ku do të bien ato. Ka vetëm një ndryshim. Në Tiranë pultet e tyre nuk i ka Putini, por i mbajnë ca dyzina me shqiptarë të mirë, që kuptojnë anglisht. Falë tyre, raketat e të vërtetave ngjethëse që i dinin të gjithë, por nuk i përmendte askush, kanë pikasur objektivat.

Për t’u kuptuar më pas se shqiptarët jo vetëm i kanë vjedhur, por edhe i kanë detyruar t’i duatrokasin grabitësit. Kjo është arsyeja që mban mbyllur këtë gusht shqipen politike të Ramës dhe detyron Doktorin të verojë përpara kamerave duke folur për çdo gjë duke pasur më mend krejt tjetër gjë!

Ndaj partnerët dhe kundërshtarët e të dyve duhet të bëjnë një llogari të dyfishtë me atë çfarë nuk thotë njëri dhe atë çfarë bërtet tjetri.

Ka ardhur koha.

Si në 1991-shin.

The post Lorenc Vangjeli: Elita e Tiranës është tmerruar, nuk dihet ku do të bien “raketat” appeared first on Albeu.com.

Ai tha se edhe pse situata në Partinë Socialiste duket e qetë, nëse do të “hapnim kamerat” tha ai do shikonim thika pas shpine nga secili për secilin.

“Nëse ndizen kamerat në PS, do shikojmë se selia rozë nuk është aq rozë, por ka lumenj tmerri e vreri, zilie e xhelozie, interesa që përplasen njëri me tjetrin, thika nga secili ndaj shpinës së gjithësecilit, të cilat si rezultat në fund fare kanë njeriun të cilit i blatojnë të paktën dy fitore të njëpasnjëshme, ky është Edi Rama. Koston e paguan Edi Rama, njeriu që i solli dhe po i mban në pushtet. Janë disa njerëz si Elisa Spiropali, Taulant Balla e madje edhe Damian Gjiknuri është nga këta njerëz”,-tha Lorenc Vangjeli./euronews

The post “Thika pas shpine në PS”, Vangjeli për Asamblenë: Situata s’është aq rozë, terr e vrer mes socialistëve appeared first on Albeu.com.

Vangjeli tha në emisionin “Të Paekspozuarit” se shantazhi ndaj ish-zyrtarit nuk është bërë vetëm për përfitime materiale, por edhe për qëllime politike.=

“Shantazhi nuk është vetëm për përfitime materiale, por të llojeve të ndryshme. I shërbehet parasë. Ende nuk ka prova, por ajo që thuhet është që ky ndoshta është seksi oral më i shtrenjtë në Republikën e Shqipërisë, disa qindra mijëra euro.

Ky është përfitimi i parë.

I dyti është politik. Ra një bashki e rëndësishme ne veri dhe pati një komponent të qartë politik.

Transkripti që nxorrët, gjithmonë duke marrë për bazë faktin dhe duke e vënë në dyshim, që është apo jo i saktë, ka shumë gjasa të jetë.

Ndoshta edhe më i gjatë se aq dhe me të vërteta të tjera që mund të thuhen më pas.

Edhe aq, rrëfen disa gjëra. Duke nisur me pyetjen e madhe, kush e ka realizuar?

Kjo e rrëzon idenë që audio është përgjuar nga organet ligjzbatuese. Logjika e kërkon, që vajza, në kushtet e mungesës së besimit ndaj partnerit të saj anonim, personazhi A, vajza besohet që është autorja e regjistrimit të kësaj audio.

Si ka rrjedhur? Pak rëndësi ka.

Ka qenë një mënyrë për vetëmbrojtje të kësaj vajzës.

Bashkëbiseduesi rrezikon zbulimin e identitetit dhe zbulimin e rolit të tij”-tha Vangjeli.

The post “Seksi oral më i shtrenjtë në Shqipëri”, Lorenc Vangjeli tregon si ia “futën” Safet Gjicit appeared first on Albeu.com.

Vangjeli tha se hetimi mund të nxjerrë detaje të tjera, mes të cilave sipas analistit, do të dëshmohej roli i krimit dhe segmenteve të politikës në publikimin e këtij skandali.

Lorenc Vangjeli: Kam përshtypjen që çfarë kemi dëgjuar është zhurma, është një stuhi që vetëtimën e sheh në Tiranë dhe Durrës, bubullima dëgjohet në Kukës. Është ende herët për të folur. Kush e ka furnizuar dhe frymëzuar këtë makineri? Cilët janë përfituesit?

Logjika dhe informacioni më thonë se nuk kemi parë asgjë akoma. Ka patur një frazë në njoftim, është thënë përveç arrestit të protagonistëve, janë identifikuar dhe personazhe të tjerë që janë pas. Kjo është një nga sprovat më të mëdha të SPAK.

Artan Hoxha: Thelbi është korrupsioni dhe ku ka arritur. Atij nuk i ka vënë njeri pistoletën në kokë që të bëjë këtë gjë.

Lorenc Vangjeli: Nuk i vuri njeri pistoletën në kokë për të zbërthyer pantallonat. Por, po të them, me shumë gjasa kjo do të jetë prova drithëruese për bashkëjetesën e segmenteve të politikës me segmentet e krimit. Tentativa për të përfituar nga posti ka patur dhe do të ketë. Tentativa për të bërë shantazh ka patur dhe do të ketë.

Por mund të kemi provë dramatike të bashkëjetesës së politikës me ato të krimit. Kjo do të thotë, vepra më e rëndë penale i thith të gjithë të tjerat.

Në këtë seri dyshimesh, veprash penale, deri tani ende nuk ka dalë diçka tjetër dhe ishalla nuk ekziston, që të jetë më e rëndë se këto. Deri tani po shohim pjesën e sipërme të ajsbergut. Poshtë, ende nuk e dimë se çfarë ka. Është një simbiozë e frikshme mes krimit dhe segmenteve të politikës. Kjo duhet të na shqetësojë.

The post Vangjeli paralajmëron “bomba” të reja: Nuk kemi parë gjë ende, priten bubullima të forta appeared first on Albeu.com.

I ftuar në emisionin “Të Paekspozuarit”, Vangjeli tha se nxjerrja e kandidatit në Mallakstër, është një përpjekje e Alibeajt për mbijetesë.

“Ajo që po tenton të bëjë Alibeaj është një lojë për mbijetesë. Nuk i intereson nëse fiton Rama, por i duhet të humbasë Berisha.

Demokratët, një përqindje e vogël e tyre nuk besojnë te Berisha. Nëse votojnë nën siglën e opozitës, mbase nuk fitojnë, por bëjnë që Berisha të humbasë. Është krijuar kjo situatë, opozitë e opozitës, e cila mendon si të humbasë pjesa tjetër. Pra, largimin e Berishës për tu rifaktorizuar. Dy njerëzit që e duan këtë më shumë, janë Alibeaj dhe Lulzim Basha.

Presim, sepse me kulturën e ngulitur që kemi ne, humbe, rri e prit se mbase të vjen rradha, ata do të qëndrojnë atje.

Në këtë situatë, për 1001 arsye Berisha e ka të pamundur të vijë në pushtet dhe ata do të kenë pronësinë e një marke”, deklaroi Vangjeli.

The post “Alibeaj punon për humbjen e Berishës”, Vangjeli: Nuk e ka problem nëse fiton Rama appeared first on Albeu.com.

Në një bashkëbisedim me gazetaren Sibora Bitri, Vangjeli u shpreh që opozita duhej të shërbente si purgator për pastrimin e opozitës, por mesa duket ajo nuk ka nxjerrë mësimet e duhura dhe nuk kanë dëshirë të vijnë në pushtet. Grupi ‘Alibeaj’ mund të kishte edhe 4 ose 5 emra që mund të ishin të pranueshëm për publikun por megjithatë është ricikluar gjithshka, ‘ka ndryshuar kostumi, por jo thelbi, kjo është traditë e PD, na rrëfen pamjen e një fushe ku spikat vetëm një man i madh, nën hijen e manit mbin vetëm bar. Edhe të socialistët është e njëjta gjë, por dicka më ndryshe’, u shpreh Vangjeli.

Për të, duke marrë vetëm Tiranën, në zgjedhjet e fundit, PS e vetme ishte 18 mijë vota përpara, dhe sipas tij negociatat brenda PD bëhen më shumë për fate individuale sesa për zgjedhjet e nesërme politike.

Sipas analistit të njohur Lorenc Vangjeli, grupimi ‘’Alibeaj’, nuk ka fuqi në elektorat dhe nga ana tjetër edhe grupi i Berishës nuk ofron asgjë, vetëm garanci për fatin individual të 4 ose 5 anëtarëve të këtij grupi.

‘Është një lloj shfaqjeje, me mirë se kushdo tjetër e di Z. Berisha rezultatin e zgjedhjeve të majit 2023’, u shpreh Lorenc Vangjeli.

The post Kriza e PD, Vangjeli: Grupi “Alibeaj” nuk ka elektorat, Berisha e di rezultatin e zgjedhjeve të ardhshme appeared first on Albeu.com.

I ftuar në emisionin “Të Paekspozuarit” në MCN TV, Vangjeli tha se kandidatura e Alimehmetit është aprovuar edhe nga Berisha.

Megjithatë primaret ende nuk janë mbajtur dhe doktor Alimehmeti nuk e ka zyrtarizuar kandidaturën e tij në këto primare ende.

Lorenc Vangjeli: Primaret janë bërë dhe kam përshtypjen që edhe doktori (Berisha) ka votuar. Unë po të them, me atë që dëgjova nga doktor Alimehmeti, kemi mes nesh kandidatin e nesërm të opozitës në zgjedhje vendore. Do takohemi pas një muaji. Këtu jemi. Në pjesën e fundit, doktor Alimehmeti foli si kandidati zyrtar i Partisë Demokratike.

Neritan Sejamini: Nuk ja vlen të tregohemi cinikë me primaret. Është fantastike që të garohet. Nuk ka asgjë të keqe nga askush që të kandidohet.

Lorenc Vangjeli: Unë po të tregoj rezultatin përpara.

The post “Kandidati i opozitës për Bashkinë e Tiranës është vendosur”, Lorenc Vangjeli: Është aprovuar edhe nga Berisha, primaret kanë mbaruar appeared first on Albeu.com.

Ai tha se në zgjedhjet lokale të vitit të ardhshëm do të kemi dy PD, në njërën anë do të jetë grupi i Berishës me partitë aleate, dhe nga ana tjetër grupimi i Bashës.

Sipas tij Basha dhe grupi i tij kanë vetëm një qëllim në këto zgjedhje, të marrin nga elektorati i djathtë për t’i thënë Berishës se dhe ai është humbës.

“Do të ketë dy PD që do të hyjnë në zgjedhje, njëra me Berishën dhe PL-në, dhe e dyta grupimi i zotit Basha, e cila do të hyj ë në zgjedhje me vetëm një arsye, të heqë një fetë nga torta opozitare, për tu barazuar me doktorin për t’i thënë ti je njësoj si unë, dhe shko drejt votëbesimit poshtërues në Këshillin kombëtar”, tha Vangjeli.

The post Vangjeli: Pse në zgjedhjet vendore do të ketë dy PD, mesazhi që Basha do t’i japë Berishës appeared first on Albeu.com.