Sipas Rothschild, reduktimi me 800 akra (rreth 324 hektarë) i territorit të Parkut Kombëtar të Butrintit, së bashku me legjislacionin e vitit 2024 për investimet strategjike, bie në kundërshtim me detyrimet ndërkombëtare të Shqipërisë.

Ai argumenton se këto veprime janë në kundërshtim me Konventën e Trashëgimisë Botërore të UNESCO-s, me angazhimet e Shqipërisë për anëtarësim në Bashkimin Evropian, si edhe me frymën e mbrojtjeve mjedisore të ndërtuara gjatë tre dekadave të fundit.

“Edi Rama është një politikan unik, dikush që unë e admiroj, dhe ka bërë kaq shumë gjëra të mira për Shqipërinë. Por reduktimi me 800 akra i Parkut Kombëtar të Butrintit në vitin 2022 dhe legjislacioni i vitit 2024 për investimet strategjike, ashtu siç zbatohet për parqet kombëtare dhe zonat e mbrojtura, është në kundërshtim me detyrimet e Shqipërisë sipas Konventës së Trashëgimisë Botërore të UNESCO-s, angazhimet e saj për anëtarësim në Bashkimin Evropian dhe frymën e mbrojtjeve mjedisore që janë ndërtuar me kaq kujdes gjatë tre dekadave të fundit”, thekson Lordi Rothschild.

The post E prezantoi me Kushner, Lordi Rothschild kritikon Ramën: Reduktimi i Parkut të Butrintit dhe ligji për investimet strategjike bien ndesh me detyrimet ndaj UNESCO-s dhe BE-së appeared first on Albeu.com.