Zyra e zëvendëskryeministrit për çështjet e komuniteteve dhe bashkëpunim po zhvillon një takim me Zyrat komunale për komunitete dhe kthim, ku në qendër të diskutimeve janë sfidat me të cilat përballen komunitetet në Kosovë dhe nevoja për bashkërendim më të madh ndërmjet institucioneve qendrore e lokale.

Kryeministri në detyrë, Albin Kurti, deklaroi se ekzekutivi do të punojë për përmirësimin e koordinimit me institucionet komunale, duke nënvizuar se shteti duhet të jetë gjithnjë në shërbim të qytetarëve.

“Takimi i sotëm shërben për të shqyrtuar përgjegjësinë e institucioneve në zbatimin e të drejtave të komuniteteve dhe rëndësinë e bashkëpunimit mes nivelit qendror dhe atij lokal. Këto të drejta nuk duhet të shihen vetëm në kuadër të zbatimit të dispozitave kushtetuese, por edhe në aspektin e përfitimeve konkrete për qytetarët. Shpeshherë, sfida qëndron pikërisht te zbatimi i të drejtave të garantuara dhe te ndikimi që ato duhet të kenë në jetën e qytetarëve. Zyrat komunale për komunitete dhe kthim duhet të kenë komunikim të vazhdueshëm me komunitetet, pasi shumë çështje që i prekin ato trajtohen në nivel lokal. Arsimi, shëndetësia, mbrojtja sociale, banimi dhe përfshirja në vendimmarrje kërkojnë masa për problemet e përsëritura dhe ndërhyrje të përshtatura me nevojat. Për këtë arsye, institucionet duhet të kenë të dhëna më të sakta për situatën në terren. Një prej çështjeve që duhet ta trajtojmë është koordinimi institucional. Është thelbësore që informacioni të mos mbetet i kufizuar brenda vetëm një niveli institucional”, ka thënë Kurti.

Zëvendëskryeministri në detyrë, Fikrim Danka, theksoi se garantimi dhe promovimi i të drejtave të komuniteteve përbën përgjegjësi të përbashkët të institucioneve qendrore dhe lokale.

“Kosova posedon një bazë të fuqishme kushtetuese për mbrojtjen dhe promovimin e komuniteteve. Megjithatë, përtej garantimit ligjor të të drejtave, matësi i suksesit është realizimi i tyre nga qytetari. Qytetarët duhet të mund të përdorin shërbimet që u garantohen nga shteti. Duhet të shkëmbejmë praktikat e mira dhe të sigurohemi që politikat e programet e hartuara në nivel qendror të mbërrijnë te qytetarët në nivel lokal. Po ashtu, politikat dhe mundësitë e ofruara nga qeveria duhet të jenë të qasshme për komunitetet. Sot synojmë të identifikojmë pengesat dhe fushat ku bashkëpunimi me institucionet duhet të forcohet. Mbrojtja dhe promovimi i të drejtave të komuniteteve është përgjegjësi si e nivelit qendror, ashtu edhe e atij lokal”, shtoi ai.

The post Qeveria dhe komunat diskutojnë forcimin e bashkëpunimit për të drejtat e komuniteteve appeared first on Albeu.com.

Pas marrjes së njoftimit, në vendngjarje kanë mbërritur menjëherë shërbimet zjarrfikëse, të cilat kanë ndërhyrë për shuarjen e flakëve dhe izolimin e vatrës.

Ndërhyrja e shpejtë e forcave zjarrfikëse ka bërë të mundur vënien e situatës nën kontroll, duke shmangur përhapjen e zjarrit në zonën pyjore.

Aktualisht, situata paraqitet e normalizuar, ndërsa vijon monitorimi i zonës.

The post Zjarri përfshin një lokal në Triport të Vlorës, rrezik për përhapjen e flakëve në Pyllin e Sodës appeared first on Albeu.com.

Tritoli dyshohet të jetë vendosur prej një konflikti të ndodhur më parë, ndërsa po hetohet nga policia, pasi pronarët nuk deklarojnë gjë.

Në kamerat e sigurisë dallohet një person që vjen pranë lokalit, lë lëndën plasëse dhe largohet në këmbë. Po punohet me pamjet e kamerave për ta gjurmuar autorin tritolit.

The post Shpërthim me tritol në një lokal pranë Komisariatit nr.4! Kamerat e sigurisë kapën autorin që la lëndën plasëse appeared first on Albeu.com.

Sipas burimeve, protagonist në incident ka qenë edhe një efektiv i Forcës së Ndërhyrjes së Shpejtë, i cili ndodhej jashtë shërbimit dhe po konsumonte kafe me dy persona të tjerë. Në një moment, në lokal kanë hyrë disa persona që janë konfliktuar fizikisht me një prej personave që ndodhej në tavolinë me efektivin.

Mësohet se punonjësi i policisë ka ndërhyrë për të shuar sherrin dhe për të ndarë palët, ndërsa dëshmitarët okularë kanë njoftuar menjëherë policinë për ngjarjen.

Rasti është trajtuar fillimisht si një konflikt banal, por gjatë verifikimeve janë konstatuar mangësi në veprimet procedurale. Për këtë arsye, dy oficerë të Komisariatit të Kamzës janë pezulluar nga detyra deri në sqarimin e plotë të rrethanave, pasi dyshohet se nuk kanë kryer veprimet e nevojshme për identifikimin e të gjithë personave të përfshirë në konflikt.

Në hetime është përfshirë edhe Agjencia e Mbikëqyrjes Policore, ndërsa grupi hetimor po verifikon pamjet e kamerave të sigurisë për të zbardhur plotësisht dinamikën e ngjarjes, e cila ka ndodhur mbrëmjen e së hënës.

The post Konflikt mes disa personave në një lokal në Kamëz, i përfshirë edhe një efektiv i FNSH, pezullohen nga detyra dy policë appeared first on Albeu.com.

Ky shtetas dyshohet se pasditen e djeshme, në ambientet e jashtme të një lokali, në rrugën “Myslym Keta”, është konfliktuar për motive të dobëta me shtetasin me inicialet I. D., 38-vjeç, dhe ka tentuar ta vrasë atë, me armë zjarri pistoletë me mulli, që e mbante pa leje.

Njoftimi:

“Tiranë/Finalizohet operacioni i koduar “Responde”.

Tentoi të vriste me armë zjarri, një 38-vjeçar, gjatë një konflikti për motive të dobëta, kapet menjëherë pas ngjarjes dhe arrestohet 50-vjeçari Agim Visha. Sekuestrohet arma e zjarrit (pistoletë me mulli) me municion.

Shërbimet e Komisariatit të Policisë Nr. 4, menjëherë pas njoftimit se në rrugën “Myslym Keta”, po konflikteshin dy shtetas, njëri prej të cilëve mbante armë zjarri, kanë organizuar punën për parandalimin e përshkallëzimit të konfliktit, identifikimin dhe kapjen e shtetasve të përfshirë.

Si rezultat i veprimeve të shpejta policore të kryera në kuadër të operacionit të koduar “Respond”, u arrestua shtetasi A. V., 50-vjeç, banues në Tiranë.

Ky shtetas dyshohet se pasditen e djeshme, në ambientet e jashtme të një lokali, në rrugën “Myslym Keta”, është konfliktuar për motive të dobëta me shtetasin I. D., 38-vjeç, dhe ka tentuar ta vrasë atë, me armë zjarri pistoletë me mulli, që e mbante pa leje.

Shtetasi A. V. ka tentuar të largohet, por është kapur dhe vënë në pranga nga shërbimet e Policisë, menjëherë pas ngjarjes.

Materialet procedurale i kaluan Prokurorisë, për veprime të metejshme”, sqaron policia.

The post VIDEO/ Momente paniku në një lokal në Tiranë, tentoi të vriste me armë një 38-vjeçar, arrestohet 50-vjeçari (EMRI) appeared first on Albeu.com.

Aksioni u kodua “Gaminator” dhe u zhvillua në Fushë Arrëz, një lokal ku zhvillohej veprimtaria e paligjshme e lojërave të fatit.

U sekuestruan 2 makineta, 1 pajisje kompjuterike, 1 celular dhe 140 000 lekë.

“U arrestua në flagrancë shtetasi P. P., 30-vjeç, banues në Fushë-Arrëz, punonjës i lokalit. U shpallën në kërkim shtetasit I. T., 30-vjeç dhe G. P., 39-vjeç, të dy banues në Tiranë, të cilët dyshohet se janë organizatorët e kësaj veprimtarie të paligjshme. Gjatë kontrollit në lokal, u gjetën dhe u sekuestruan në cilësinë e provës materiale, 2 makineta, 1 pajisje kompjuterike, 1 celular dhe 140 000 lekë që dyshohet se janë përfituar nga kjo veprimtari e paligjshme”, thuhet në njoftim.

The post Aktivitet i paligjshëm i lojërave të fatit në Fushë-Arrëz/ Arrestohet punonjësi, arratisen 2 organizatorët, ja çfarë u sekuestrua appeared first on Albeu.com.

Shkolla 9-vjeçare e fshatit, është mbyllur me pretendimin se kishte rrezik shembjeje për shkak të një plasaritjeje në mur, por banorët thonë se kjo u bë vetëm për të plotësuar tekat e një banori, ndërsa sot oborri i shkollës përdoret për të kullotur delet.

Aktualisht, në lokalin e përshtatur mësojnë vetëm 53 nxënës, të shpërndarë në 6 klasa, të cilët ndahen nga njëri-tjetri vetëm me perde.

Nxënësit shprehen se kushtet janë të papranueshme, pasi dëgjojnë mësimin e klasës tjetër, zhurmat nga rruga, bagëtitë jashtë dhe madje edhe gjarpërinj brenda ambienteve.

“Kushtet janë shumë të këqija, dëgjojmë edhe klasat e tjera dhe nuk kuptojmë asgjë. Na dalin edhe gjarpërinj brenda”, – shprehen nxënësit.

Problemet nuk prekin vetëm shkollën 9-vjeçare, por edhe kopshtin, ku 20 fëmijë janë vendosur në një shtëpi të marrë me qira nga bashkia.

Banorët pohojnë se mbyllja e shkollës, është e padrejtë dhe kërkojnë rihapjen e saj urgjentisht.

Kryeplaku i fshatit, Shaban Metohu, deklaron se arsyeja e vërtetë e mbylljes nuk është tërmeti, por dëshira e një banori.

“Shkolla është mbyllur për tekat e një personi. Plasaritjet kanë qenë që në vitin 1982. Ajo shkollë ka 3 metër themel dhe ka nevojë vetëm për lyerje”, thotë ai.

Banorët theksojnë se dikur në këtë shkollë mësonin rreth 600 nxënës nga fshatrat Donofrosë, Allambrez, Bistrivicë, Skrevan dhe Pobrat, ndërsa sot shumica detyrohen të shkojnë në shkolla private në Rroskovec.

Ndërkohë, oborri i shkollës përdoret për kullotjen e deleve nga një banor, emrin e të cilit askush nuk guxon ta përmendë./Syri.net

The post Dimal/ Fëmijët në Donofrosë mësojnë në një lokal të marrë me qira appeared first on Albeu.com.

Raportimet nga terreni bëjnë me dije se fillimisht flakët kanë nisur nga një sipërfaqe me shkurre pranë rrugës Laç–Lezhë. Era e fortë bëri që zjarri të përhapej me shumë shpejtësi, duke përfshirë fillimisht një magazinë ngjitur, dhe më pas edhe lokalin e dasmave. Për fat të mirë, nuk raportohet për asnjë person të lënduar, edhe pse në momentin e rënies së zjarrit brenda magazinës ndodheshin disa punonjës, por për fat të mirë ata arritën të dalin në kohë.

Forcat zjarrfikëse u angazhuan menjëherë në vendngjarje, duke arritur kështu ta vendosin nën kontroll vatrën kryesore. Ministria e Mbrojtjes konfirmoi përmes një deklarate zyrtare se ndërhyrja e shpejtë në vendngjarje shmangu përhapjen e mëtejshme të flakëve, ndërsa bëri me dije se puna në terren vijon dhe do të vijojë deri në shuarjen e plotë të zjarrit.

Dëmet materiale mbeten të konsiderueshme, ndërsa autoritetet po hetojnë të gjitha rrethanat që çuan në përhapjen e flakëve në objektet e biznesit. Sakaq, ende nuk ka asnjë deklaratë zyrtare nga vetë këngëtari i muzikës popullore Zef Beka.

The post Përfshihet nga flakët lokali i këngëtarit të njohur appeared first on Albeu.com.

Lajmin e konfirmuan të enjten autoritetet e shtetit Tamaulipas, pranë kufirit me Shtetet e Bashkuara. Sipas prokurorit të shtetit, Irving Barrios, trupat e pajetë të muzikantëve u gjetën pas disa ditësh hetimesh, ndërsa në kuadër të çështjes janë arrestuar nëntë persona.

Pesë muzikantët, të moshës 20 deri në 40 vjeç, ishin raportuar të zhdukur pasi kishin shkuar për të performuar në një lokal në qytetin Reynosa të dielën, ku do të luanin muzikë tradicionale norteña. Sipas familjarëve, vendi ku ishin thirrur rezultoi të ishte një tokë e zbrazët.

Një nga motrat e viktimave deklaroi për mediat se ishte kërcënuar me telefonata nga persona të panjohur dhe kishte raportuar gjithashtu vjedhjen e dy automjeteve që i përkisnin grupit. Tronditur nga ngjarja, familjarët dhe muzikantë të tjerë organizuan një protestë para bashkisë së Reynosa-s, madje përkohësisht bllokuan edhe urën që lidh qytetin me Farr, në Teksas.

Karteli i Gjirit, i dyshuar si autor i ngjarjes, është një nga tetë organizatat kriminale latino-amerikane që u përfshinë në shkurt në listën e zezë të “organizatave terroriste të huaja” nga administrata e ish-presidentit Donald Trump.

Muzikantët janë shpesh shënjestra të bandave kriminale në Meksikë, veçanërisht kur refuzojnë të krijojnë ose interpretojnë të ashtuquajturat narkokorridos – këngë që lavdërojnë figurat e karteleve. Ndërsa disa qytete kanë ndaluar publikimin apo interpretimin e këtyre këngëve, autoritetet përpiqen të promovojnë alternativa.

Presidentja e zgjedhur Claudia Sheinbaum ka theksuar se dëshiron që Meksika të “këndojë për paqen”, dhe përmes Ministrisë së Kulturës ka lançuar një konkurs muzikor që synon të përqendrohet te dashuria, shpresa dhe vlerat kombëtare. Më shumë se 6,000 artistë janë regjistruar për të marrë pjesë.

Ndërkohë, dhuna ndaj muzikantëve mbetet një realitet i rrezikshëm. Edhe artistë të njohur si Los Ángeles Azules, Molotov dhe Café Tacvba janë shënjestruar nga kriminelët, në disa raste për grabitje instrumentesh e pajisjesh.

The post I prenotuan të këndonin në një lokal, por në fakt lokacioni ishte tokë e zbrazët! Si u vra grupi muzikor nga karteli kriminal meksikan appeared first on Albeu.com.

Policia sqaron se ngjarja u regjistrua rreth orës 4 të mëngjesit në lagjen “Çlirim”, ndërsa lokali është në pronësi të shtetasit me iniciale S.F.

Nga shpërthimi raportohet vetëm për dëme materiale, ndërsa policia dhe grupi hetimor po punon për zbardhjen e ngjarjes dhe identifikimin e kapjen e autorit.

“Rreth orës 04:00, në lagjen “Çlirim”, në derën e lokalit të shtetasit S. F., dyshohet se ka shpërthyer një sasi e vogël lënde plasëse. Si pasojë janë shkaktuar vetëm dëme materiale.

Grupi hetimor vijon veprimet me qëllim zbardhjen e rrethanave të rastit identifikimin dhe kapjen e autorit/ve”, thote policia.

The post Tronditet Berati/ Shpërthim me tritol në derën e një lokali appeared first on Albeu.com.