Talenti, emri i të cilit nuk mund të bëhet i ditur për arsye ligjore, u arrestua për herë të parë të hënën në një bastisje në orën 3 të mëngjesit. Gjashtë makina policie ndaluan përpara rezidencës së tij ndërsa ai ishte në gjumë.

Një grua u kishte thënë oficerëve se ishte përdhunuar nga ai gjatë pushimeve një javë më parë dhe u tregoi atyre prova të dhunës që ajo pretendonte se kishte pësuar gjatë sulmit.

Megjithatë, ajo gjithashtu i tha policisë se ishte kontaktuar nga viktima e dytë e supozuar.

Një burim tha mbrëmë për “The Sun”: “Gruaja mori një mesazh privat në Instagram. Ajo pretendoi se ishte përdhunuar nga ky futbollist në vitin 2021. Kur gruaja po jepte deklaratën e saj në polici për sulmin e supozuar gjatë pushimeve të muajit të kaluar, ajo gjithashtu u tregoi policëve mesazhet që kishte marrë.

Policia i mori shumë seriozisht pretendimet e veçanta dhe e arrestoi lojtarin edhe për ato mesazhe. Ky është tani një hetim me shumë aspekte.”

Lojtari i cili cilësohet si një ng më të mirët të ligës dhe ekipit, u mbajt në paraburgim për më hsumë se 24 orë. Mbrëmë ai u lirua me kusht deri në një datë në gusht. Karriera e lojtarit tashmë është në ekuilibër. Ai do t’i bashkohej skuadrës së tij në Premier League për një turne para-sezonal javën e ardhshme, ku gjithashtu do të merrte pjesë edhe në Kupën e Botës në Katar 2022./ h.ll/albeu.com

The post Tashmë janë dy akuza për abuzim seksual, lojtari i njohur i Premier League në telashe appeared first on Albeu.com.

Akuzat janë raportuar nga ‘The Sun’, i cili thotë se situata është shumë serioze dhe pretendohet se ka të paktën disa akuza. Thuhet se policia në vitin 2019 ka shkuar te shtëpia e lojtarit për ta arrestuar por për një shumë të konsiderueshme parash të dhëna nga lojtari, i ka dhënë fund çështjes.

Futbollisti, emri i të cilit nuk bëhet i ditur për arsye ligjore, ka angazhuar avokatët e tij të cilët kanë bërë propozimin e pagesës.

Themeluesja e fushatës së Futbollit të Bashkuar Kundër Dhunës në Familje, Teresa Parker tha për The Sun: “Ky rast tregon se si sasia e konsiderueshme e pushtetit dhe e parave brenda futbollit mund të nënkuptojë se akuzat për abuzim në familje  ose forma të tjera të dhunës ndaj grave nga lojtarët, shihen si çështjet që duhen menaxhuar”.

“Si në këtë rast, ajo që mund të ndodhë është që të bëhet çdo përpjekje që ajo që shihet si problem të largohet”.

“Të gjitha klubet dhe organizatat e futbollit duhet të kenë politika të abuzimit në familje, për t’u siguruar që ata të mos bëhen mundësues dhe justifikues të meshkujve që abuzojnë me partneret e tyre”, thuhet më tej nga ajo.

Lajmet për arrestimin vijnë pasi Mason Greenwood i Manchester United u arrestua muajin e kaluar nën dyshimin për përdhunim, sulm dhe kërcënime për vrasje përpara se të lirohej me kusht.

Megjithatë, nuk ka asnjë sugjerim që lojtari i paidentifikuar në raportin e ‘The Sun’ është Greenwood./ h.ll/albeu.com

The post Ylli i Premier League arrestohet për sulm ndaj të dashurës appeared first on Albeu.com.