Skënderbeu dhe Tirana u ndanë në barazim 1-1 në përballjen e javës së 4-t të “Abissnet Superiore”, të zhvilluar në stadiumin e Korçës. Pas përfundimit të takimit, komentet e tij i dha mesfushori i Skënderbeut, Ousmane Drame, i vlerësuar si “Lojtari i Ndeshjes”.

“Kam vetëm dy muaj që jam bashkuar me ekipin, ndërsa që në fillim u përfshiva në organikë. Përshtatja ka qenë shumë e mirë dhe sa herë trajneri më jep mundësinë të luaj, përpiqem të jap maksimumin dhe të ndihmoj skuadrën.

Sa i përket golave të pësuar, duhet të punojmë më shumë. Kemi lejuar realizime që mund të ishin shmangur, por çdo ditë po angazhohemi për të korrigjuar vështirësitë që kemi shfaqur në aspektin difensiv.

Në pjesën e parë nuk arritëm të luanim me lirshmërinë që dëshironim. Gjatë pushimit analizuam situatën dhe pas rikthimit në fushë patëm një ritëm tjetër. Ndryshimet e bëra nga trajneri na dhanë më shumë besim dhe na ndihmuan të merrnim frymë”, u shpreh Drame.

The post Drame shpallet “Lojtari i Ndeshjes” ndaj Tiranës: Skënderbeu duhet të përmirësojë mbrojtjen appeared first on Albeu.com.

Partizani mori një fitore 2-3 në transfertë ndaj Vllaznisë, në takimin e javës së 3-të të “Abissnet Superiore”, të zhvilluar mbrëmjen e sotme në stadiumin “Loro Boriçi”. Pas ndeshjes, “Lojtari i Ndeshjes” dhe autori i golit të parë të të kuqve, David Fadairo, foli për paraqitjen e tij dhe skuadrën.

“Për mua nuk ishte e vështirë, pasi më parë kam luajtur me djemtë e Partizanit, edhe pse gjatë verës isha pjesë e Dinamos. Human ndodhet këtu, ndërsa edhe Doumbia është me ne, ndaj gjërat bëhen më të lehta. Trajneri më jep liri në fushë. Sigurisht, unë ndjek udhëzimet e tij, por njëkohësisht kam mundësinë të luaj duke përdorur edhe fantazinë time.

Besoj se kemi mundësi të shkojmë larg. Për ta arritur këtë, na duhet besimi, veçanërisht ai që na ndihmon të ndërtojmë lojën për të cilën po punon trajneri. Këtë fitore ia kushtoj zotit Rrok Gjoka, një mik i klubit që po përballet me probleme të vështira shëndetësore.

Sa i përket krahasimit me Dinamon, ku luajta gjatë verës në Evropë, ndryshimi për mua është se te Partizani pozicionohem më pranë portës. Në aspektin e ekipeve, Dinamo është më e orientuar te taktika. Te ajo skuadër punohej shumë në planin taktik. Trajneri Daja është tepër i vëmendshëm ndaj detajeve, por edhe ai më lejonte të isha vetvetja. Më ka ndihmuar shumë dhe dinte ta shfrytëzonte forcën time; më kërkonte të avançoja dhe të godisja.

Duhet të qëndrojmë të bashkuar të gjithë, bashkë edhe me tifozët. Edhe te Partizani po bëhet një punë e mirë, por trajneri është i ri dhe ka nevojë për kohë. Jam i bindur se, me kalimin e kohës, do të arrijmë gjithçka”, u shpreh Fadairo.

The post Fadairo shkëlqen ndaj Vllaznisë dhe tregon ndryshimet mes Partizanit e Dinamos: Daja është shumë detajist appeared first on Albeu.com.

Egnatia triumfoi 2-1 ndaj Skënderbeut në “Arena Egnatia”, në takimin e vlefshëm për javën e tretë të “Abissnet Superiore”. Pas përfundimit të ndeshjes, për mediat foli Alessandro Albanese, autori i golit të parë të kampionëve dhe i vlerësuar si “Lojtari i Ndeshjes”.

“Edhe pse kemi nisur një sezon të ri, synimet tona mbeten të pandryshuara. Do të vazhdojmë të punojmë fort dhe do të shohim se ku do të jemi në përfundim të sezonit. Sa i përket objektivit personal, jam i kënaqur me paraqitjen time sot. Natyrisht, jam i lumtur edhe për skuadrën, pasi më e rëndësishmja është fitorja. Këtë ritëm duhet ta ruajmë çdo fundjavë.

Ishte sot më e vështirë nga sa e kishit menduar? Besoj se përballja ishte e vështirë. E dinim që do të kishim përballë një kundërshtar të fortë. Ishte një ndeshje e vështirë për të dyja ekipet, por ne krijuam aksionin e fundit, shënuam dhe arritëm të merrnim fitoren bashkë me 3 pikët”, deklaroi Albanese.

The post Albanese shpallet “Lojtari i Ndeshjes” ndaj Skënderbeut: Ishte një përballje e vështirë, por jam i kënaqur me paraqitjen appeared first on Albeu.com.

Teuta siguroi një përmbysje të rëndësishme ndaj Tiranës në stadiumin “Niko Dovana”, në ndeshjen e javës së 2-të të Abissnet Superiore, duke triumfuar me rezultatin 3 – 1. Në këtë sukses, eurogoli i Muço Boçit pati një rol vendimtar.

Doçi u shpall “Lojtari i Ndeshjes” dhe pas përfundimit të takimit foli për mediat rreth fitores dhe paraqitjes së tij.

“Jam shumë i lumtur për fitoren dhe 3 pikët. Do vazhdojmë përpara. Kjo është skema perfekte për mua. Tani të vazhdojmë stërvitjen dita-ditës dhe të përmirësohemi. Mendoj se do kem më shumë hapësira për të bërë më mira akoma”.

The post Muço Boçi vendimtar në përmbysjen e Teutës ndaj Tiranës: “Jam shumë i lumtur për fitoren dhe 3 pikët appeared first on Albeu.com.

Laçi regjistroi një sukses 1-2 ndaj Partizanit në përballjen e javës së dytë të “Abissnet Superiore”. Ndeshja u luajt në Rrogozhinë, ndërsa kurbinasit dolën fitues falë paraqitjes së Stiven Bibos, autorit të dy golave vendimtarë dhe lojtarit të ndeshjes.

Pas përfundimit të takimit, Bibo u shpreh se objektivi i tij është të japë më të mirën çdo ditë dhe në çdo sfidë, ndërsa koha do të tregojë nëse ky do të jetë viti i duhur për të.

Talenti i Laçit vlerësoi edhe mbështetjen e shokëve të skuadrës, duke theksuar se ekipi është ruajtur dhe se ai njeh prej vitesh Henrin. Sipas tij, kontributi i lojtarëve është i rëndësishëm për ta ndihmuar të japë maksimumin, ndërsa trajneri i ri u krijon futbollistëve hapësirë për t’u shprehur në fushë.

The post Stiven Bibo vendosi fitoren e Laçit ndaj Partizanit: Do të jap maksimumin në çdo ndeshje, trajneri na jep liri appeared first on Albeu.com.

Elbasani dhe Vllaznia u ndanë në barazim 1-1 në përballjen e javës së dytë të “Abissnet Superiore”, zhvilluar në stadiumin “Elbasan Arena”. Për ekipin shkodran shënoi Edon Murataj, i cili pas ndeshjes u vlerësua si “Lojtari i Ndeshjes”.

Murataj deklaroi se skuadra është përgatitur mirë dhe se pjesa më e madhe e lojtarëve gëzon një gjendje të mirë fizike. Ai shtoi se ndihet mirë personalisht dhe se do të japë maksimumin për të qenë në ndihmë të ekipit, ndërsa pranoi se emocionet ishin të forta.

Futbollisti theksoi gjithashtu se është mësuar të luajë në mesfushë, ndaj aktivizimi në një rol tjetër nuk përbënte vështirësi të madhe për të. Murataj u shpreh se është i gatshëm të përshtatet në çdo pozicion ku e vendos trajneri dhe të vrapojë më shumë nëse kjo i shërben skuadrës.

The post Murataj shpallet “Lojtari i Ndeshjes” pas golit ndaj Elbasanit: Prioriteti është suksesi i Vllaznisë appeared first on Albeu.com.

Vllaznia dhe Skënderbeu e nisën sezonin e ri të “Abissnet Superiore” me një barazim 2-2 në stadiumin “Loro Boriçi”. Pas përfundimit të takimit, “Lojtari i Ndeshjes”, sulmuesi i Skënderbeut Charles Bismark, foli për paraqitjen e tij.

“Nuk u ndjeva çuditshëm, edhe pse vitin e kaluar Shkodra ishte shtëpia ime. Jam mësuar në këtë stadium dhe ishte gjithçka në rregull me mua. Sa i përket mbrojtjes, ky është futbolli. Ndonjëherë nuk e di se ku do të luash, ndaj duhet të jesh i gatshëm për gjithçka”, u shpreh Bismark.

Ai theksoi se skuadra korçare ka objektiva të mëdha këtë sezon. “Kemi lojtarë të rinj dhe po luftojmë që të jemi në top 6, por edhe të fitojmë titullin. Detyra ime është të shënoj dhe këtë dua të bëj. Sezonin e kaluar nuk luajta shumë, ndaj synoj të shënoj më tepër. Korça apo Shkodra? I dua të dy qytetet”, tha Bismark.

The post Bismark shënoi dhe luajti në mbrojtje, sulmuesi i Skënderbeut: Synojmë edhe titullin kampion appeared first on Albeu.com.

Asllani u vlerësua me notën 8.3 nga faqja e specializuar e statistikave “Sofa Score”, ndërkohë që podiumin e plotësojnë Juljan Shehu, me notën 7.9 dhe Berat Gjimshti me 7.8.

Nga titullarët, Broja dhe Strakosha rezultojnë lojtarët me notën më të ulët. Për më tepër shikoni të gjitha notat e futbollistëve të Kombëtares ndaj Andorrës, sipas “Sofa Score”.

The post Notat e lojtarëve të Kombëtares, Asllani lojtari i ndeshjes, Shehu dhe Gjimshiti plotësojnë “podiumin” appeared first on Albeu.com.