Më e rëndësishmja vjen nga ishulli ‘Shën Lucia’ në Karaibe, vend ky i cili me atleten Julien Alfred fitoi të artën në garën e 100 metrave dhe të argjendtën në garën e 200 metrave.
Një tjetër ishull i Karaibeve fitoi medaljen e parë. Dominika hyri në listë me medaljen e artë të Tea Lafond, e cila triumfoi në garën e tre-hapëshit në atletikë.
Ndërkohë, Kepi i Gjelbër, ishulli i vogël pranë Afrikës, siguroi një medalje të bronztë në boks, ku David De Pina hyri mes medalistëve në peshën deri në 51 kg.

The post Ja shtetet që siguruan medaljet e para në histori gjatë Lojërave Olimpike në Paris appeared first on Albeu.com.

Federata Ndërkombëtare për administrimin e garave sportive në ujë World Aquatics e mori vendimin për anulimin e provës pas një mbledhjeje herët në mëngjes, njoftoi organizata përmes një deklarate.

Nivelet e luhatshme të baktereve në ujë kanë qenë një shqetësim i vazhdueshëm gjatë gjithë Lojërave Olimpike, ndërsa tregarëshi dhe maratona e notit janë planifikuar të mbahen në lumin Senë.

Tregarëshi përfshin kokurim në not, çiklizëm dhe vrapim.

Një provë tjetër për maratonën e notit është planifikuar për të mërkurën dhe organizatorët do të vendosin herët atë mëngjes nëse do të realizohet apo jo, thuhet në deklaratë. Gara për femra është caktuar për të enjten, ndërsa për meshkujt të premten.

Anulimi i provës së sotme vjen një ditë pas tregarëshit të përzier, meshkuj dhe femra, që u zhvillua dje në lumin që përshkon qendrën e kryeqytetit francez. Organizatorët publikuan të martën të dhëna që tregojnë se ditën e djeshme nivelet e baktereve ‘E. Coli’ dhe enterokoku ishin brenda niveleve të pranueshme në gjatësinë që përshkohet për këtë garë.

Mostrat e ujit të nxjerra herët të hënën treguan se niveli i baktereve ‘E. Coli’ varionte nga “mirë” në “shumë mirë” në katër pika në lumë, ku u morën mostrat, tha organizata ‘World Aquatics’.

Duhet më shumë kohë për të kultivuar mostrat e bakterit enterokok, kështu që vendimi për të anuluar stërvitjen e së martës u mbështet në mostrat e marra të dielën, thanë organizatorët.

Rezulteti mbi nivelet e bakterit enterokok të marra të hënën u bënë gati mesditën e së martës. Ato treguan një përmirësim në cilësinë e ujit të lumit, por një nga katër mostrat nuk i përmbushte standardet.

Organizatorët thanë se “kanë besim” se garat e maratonës së notit do të mbahen në Senë siç ishte planifikuar.

Kryetarja e bashkisë së Parisit, Anne Hidalgo, e cila notoi në lumin Senë muajin e kaluar për të zbutur frikën rreth cilësisë së ujit përpara Lojrave Olimpike, u shpreh në të njëjtën linjë.

“Sigurisht që do të presim të marrim rezultatet e cilësisë së ujit, por gara do të zhvillohet, sepse ka pasur një përmirësim të qartë të motit këto ditët e fundit”, tha ajo. “Kështu që unë jam vërtet krenare dhe e lumtur dhe të gjithë atyre që duan të vazhdojnë të thonë se është e pamundur të pastrohet një lumë u them që “po është e mundur, ne e bëmë”.

Me disa përjashtime, noti në Senë është i ndaluar që nga viti 1923, sepse uji ka qenë shumë i ndotur. Parisi ndërmori një plan ambicioz, duke investuar 1.4 miliardë euro për të bërë ndërhyrje në infrastrukturë për të siguruar që disa gara noti të mund të mbaheshin në lumë. Kjo përfshinte ndërtimin e një baseni gjigand për të mbledhur ujin e tepërt të shiut dhe për të mos lejuar që ujërat e zeza të derdheshin në lumë, si edhe duke rinovuar infrastrukturën e kanalizimeve dhe duke përmirësuar impiantet e trajtimit të ujërave të zeza.

Cilësia e ujit në lumin Senë është e lidhur ngushtë me motin. Shirat e dendur mund të bëjnë që ujërat e zeza dhe mbetjet që rrjedhin në lumë, të rrisin nivelin e baktereve, ndërsa temperaturat e ngrohta dhe rrezet e diellit mund të vrasin mikrobet dhe bakteret në nivele më të ulëta.

Ndërsa moti ka qenë kryesisht i nxehtë dhe me diell gjatë Lojërave Olimpike, ka pasur disa raste shirash të dendur. Shqetësimet për cilësinë e ujit shkaktuan anulimin e provave në Senë përpara dy garave të tregarëshit individual dhe të përzier dhe çuan në shtyrjen me një ditë të tregarëshit individual për meshkuj.

Katër atletë, nga më shumë se 100 që konkurruan në garat individuale të meshkujve dhe femrave javën e kaluar, u sëmurën në ditët në vazhdim, megjithëse është e paqartë nëse shkak ishte uji.

The post Lojërat Olimpike në Paris, anulohet prova për maratonën e notit mes shqetësimeve për cilësinë e ujit në lumin Senë appeared first on Albeu.com.

Me statusin e saj të nënshtetësisë pezull në Mbretërinë e Bashkuar, e cila do ta lejonte atë të konkurronte për ekipin britanik, shanset e saj për t’u kualifikuar në Lojërat Olimpike u rritën kur asaj iu dha statusi i refugjatit.

Vitin e kaluar, ajo u bë boksierja e parë në Ekipin Olimpik të Refugjatëve që siguroi Parisin përmes kualifikimit dhe jo me ftesë.
Ekipi olimpik i refugjatëve u paraqit për herë të parë në Lojërat Olimpike të Rio 2016. Në Brazil ekipi u përfaqësua me 10 sportistë, në Olimpiadën e fundit në Tokio 2020 kishte 29, ndërsa në Paris numri ka shkuar në 37.

The post Shkruhet historia në “Paris 2024”, ekipi i refugjatëve siguroi medaljen e parë appeared first on Albeu.com.

Ndërsa ekipi kombëtar i futbollit i Izraelit doli në fushë për ndeshjen e tyre hapëse nw lojrat olimpike në Paris të enjten, himni i tyre kombëtar u përshëndet me brohoritje nga pjesë të audiencës.

U brohoritën thirrjet e “Palestinës së lirë”.

88 atletët e Izraelit janë në mesin e më shumë se 10,500 sportistëve nga rreth 200 vende që do të marrin pjesë në Lojërat Olimpike, që do të fillojnë zyrtarisht me ceremoninë e hapjes të premten. Në Paris, atletët izraelitë do të marrin mbrojtje gjatë gjithë kohës nga një njësi elitare e specializuar e policisë franceze, përveç masave të tyre të shtuara të sigurisë.

Pjesëmarrja e vendit në lojëra në mes të luftës së tij brutale kundër Gazës, në të cilën janë vrarë më shumë se 39,000 njerëz, ka provokuar kritika ndaj organizatorëve të Olimpiadës, të cilët kanë një histori të gjatë të ndalimit të kombeve që mendohet se kanë kryer akte që bien ndesh me frymën e lojëra.

Dy vende do të mungojnë në Lojërat Olimpike të këtij viti: Rusia dhe Bjellorusia , si pasojë e luftës së vazhdueshme në Ukrainë.

Ata që kërkojnë ndalimin thonë se Izraeli, i cili është akuzuar për gjenocid nga Afrika e Jugut në rastin e tij në Gjykatën Ndërkombëtare të Drejtësisë, duhet të përballet me pasojat e veprimeve të tij.

The post Cilat shtete u ndaluan të marrin pjesë në Lojërat Olimpike? appeared first on Albeu.com.

I pyetur në lidhje me perceptimin e gjerë që publiku kishte për Albin para se të hynte në BBV, si një person intiligjent që ka provokuar nëpër panele e ka ngjallur debate, Albi komentoi:

“Unë e kam ngritur zërin në atë shtëpi disa herë duke thënë rolin e Ilnisës me Merin dhe rolin e Ilnisës me Meritonin, por jo me të bërtitur siç bërtisnin të tjerët pasi unë nuk bërtas. Aty janë pesë veta që kanë bërë një marrëveshje me sy ose mund ta kenë bërë edhe më përpara që “topin“ do ta kemi neve dhe do t’ia gjuajmë kujt të duam. Unë e kam vërtetuar edhe kur kam dalë nga shtëpia këtë gjë sepse kam dëgjuar një moment Gazin që i thoshte Julit mos e zgjo nga gjumi këtë që do të thotë mos i jep vëmendje. Unë i shikoja këto gjëra dhe vetë, kur ti mundohesh të hedhësh diçka apo të provokosh dhe ata të injorojnë”.

Lidhur me eksperiencën e tij në BBV, ai shtoi:

“Unë kam kuptuar, që në momentin që unë doja të ngrija një bisedë, të krijoja një urë komunikimi me dikë, qoftë tendencioze për lojë dhe qoftë jo për lojë, ata kishin një taktikë që e ndalnin këtë bisedë duke krijuar një mbivendosje zërash duet. Të parët ishin Juli me Gazin, dy personazhe që në atë kohë dukeshin miq dhe unë i shihja treshe ata në fakt: Juli, Gazi dhe Romeo, të tre bashkë të kudo ndodhur në fillim, dhe krijonin këto mbivendosjet e zërave. Juli ka zë të fortë dhe unë i them zë mitingu, zë sheshi. Ajo është natyra e Julit, siç është edhe natyra e Romeos me zë të fortë, bariton. Gazi është bass-bariton. (qesh)“

“Me aq sa kam ndjekur, këta do tentojnë të trazojnë ujërat duke i lejuar kasti i banorëve të vjetër për ti trazuar këto ujëra por nuk mendoj se do ti vendosin në rrezik çiftet aktuale dhe grupet në shtëpi. Mendoj që banorët e rinj nuk janë për ti vendosur në rrezik çiftet. Çiftet e kanë të qartë grafikun e tyre në kokë. Një çift që funksionon në mënyrë lineare brenda asaj shtëpie nuk përbën kuriozitet për publikun. Besoj isha qartë për këtë të fundit”.

“Tani fillon loja“, a luajti apo nuk luajti Albi brenda shtëpisë së BBV?

“Unë kam bërë disi lojë por jo komplet. Ka dhe lojë në heshtje do thoja. Mund të përmend rastin e letrave anonime kur unë i çova një letër Françeskës se nëse ajo ka ardhur me mision për të ndarë Romeon dhe Heidin. Pas disa ditësh ia kam thënë unë vetë që isha ai që ia kishte bërë atë pyetje dhe në një farë mënyre duke e mobilizuar lojën e saj pasi në ato momente Françeska ishte e çmobilizuar në lojë”.

Nëse do të jepej mundësia të riktheheshe në Big Brother Vip siç është bërë në edicionet e kaluara, çfarë do të bëje?

“Nëse mua do më jepej mundësia të rifutem në Big Brother Vip do të them: “Tani nuk fillon loja“. Nëse e mbani mend kur dola thashë: “Tani fillon loja“, ndërsa tani do them: “Tani nuk fillon loja“”.

The post “Këta 5 banorë kanë bërë marrëveshje…”, Albi Nako zbardh prapaskena nga BBV3 appeared first on Albeu.com.

Bylent ‘Bill’ Troshupa, 53 vjeç me prejardhje nga Prishtina, i cili u largua nga Kosova për shkak të regjimit të ish-Jugosllavisë drejt Londrës, ishte zemëruar dhe i çrregulluar pasi kishte humbur mijëra baste 12 orë në ditë gjatë pandemisë me firma përfshirë “William Hill” dhe “888”.

Pas kësaj situate martesa e tij ishte prishur dhe sipas një urdhri, atij i ishte ndaluar ta vizitonte gruan Julie Martin, 51 vjeç, dhe djalin e tyre 16-vjeçar.

Por babai i dy fëmijëve kishte mbërritur me një thikë, kanaçe me karburant dhe zarf plot me para, ndërsa djali i tij ishte i vetëm në shtëpi nëntorin e kaluar.

Ai filloi ta përplaste derën duke kërkuar që të futej brenda para se t’i linte paratë përmes kutisë së letrës, duke u larguar dhe duke ia vënë flakën vetes.

Djali i shqetësuar e kishte telefonuar nënën e tij ndërsa ajo po kthehej me veturë në Waltham Abbey, Essex, nga puna rreth orës 20:30 duke i thënë se babai i tij po digjej në zjarr jashtë.

51-vjeçarja nxitoi në shtëpi për ta gjetur Troshupan “në zjarr, duke bërtitur ndërsa binte në dysheme”.

Një fqinj ishte përpjekur ta parandalonte tragjedinë, por djegiet e tij ishin shumë të rënda.

Shërbimet e urgjencës luftuan për 90 minuta në vendngjarje përpara se ai të intubohej dhe të fluturonte me helikopter drejt spitalit Broomfield.

Dr Niall Martin, nga njësia e djegieve, tha se ai pësoi arrest kardio-pulmonar dhe vdiq në orën 1:30 të mëngjesit. Mjeku ligjor i lartë Lincoln Brookes e cilësoi aktin si vetëvrasje në gjykatën e mjekëve të Chelmsford.

Martin, e cila gjithashtu ka një vajzë, 22 vjeçe, u ul në seancën 1-orëshe me lot duke shtrënguar duart e dy miqve të saj. Hetimi vjen pasi ministrat janë kritikuar për vonimin e një lidhur me çështjen e rregullores së lojërave të fatit.

Më pas, Martin, e cila është bërë një aktiviste e zëshme për viktimat e varësisë ndaj lojërave të fatit, tha për Daily Mail se “Qeveria duhet t’i përshpejtojë veprimet”.

“Kjo nuk ka të bëjë me vdekjen e burrit tim. Kjo më ka prekur mua, ka prekur fëmijët tanë, ka prekur familjen e tij. Por kjo është vetëm maja e ajsbergut, ka mbi 400 vetëvrasje çdo vit dhe mijëra të tjera me anti-depresivë dhe probleme të shëndetit mendor që vuajnë”.

The post Babai shqiptar i vë flakën vetes para syve të djalit, si e “morën në qafë” lojërat e fatit appeared first on Albeu.com.