Mediat amerikane raportojnë se Snoop Dogg mund të jetë paguar rreth 500 mijë dollarë në ditë, nga televizioni NBC, gjigandi mediatik e dërgoi për të pasqyruar Lojërat Olimpike të Parisit.

Me pak fjalë, reperi mund të fitojë një shumë prej rreth 8 milionë dollarësh nga aktiviteti në Francë.

Fansave të reperit të njohur u ka pëlqyer të shohin reagimet e tij teksa ai shikon garat e sportistëve të Team USA. Pavarësisht shumës, shumë tifozë mendojnë se paga e tij e raportuar është e merituar, duke marrë parasysh momentet e paharrueshme që ai ka dhënë gjatë ndeshjeve të këtij viti.

The post U bë viral në Lojërat Olimpike, ja shuma marramendëse që përfiton Snoop Dogg appeared first on Albeu.com.

“Fillimisht do të bëni check-in. Ne duhet të dimë se ju jeni personi i duhur në kohën e duhur. Këtu është salloni ynë i vogël i pasagjerëve. Dhe rreth 5 minuta para nisjes, atyre do t’u kërkohet të hipin në taksinë ajrore. Këtu përsëri, kemi një portë biometrike dhe më pas imbarkimi”, deklaroi Damian Kysely, kreu i Infrastrukturave për Evropën dhe Lindjen e Mesme, në Skyports, gjatë një vizite në atë që njihet si vertiporti i parë i Evropës, një terminal testimi afër Parisit.

Pas udhëtimit mund të zbrisni në një nga pesë vertiportet përreth Parisit – njëri prej tyre në qendër të qytetit, në një kontenier që lundron në Senë.

Banorët ende nuk kanë vendosur nëse do t’i pranojnë këto makineri elektrike, të cilat janë 4 herë më të pak të zhurshme se një heliKopter.

“Së pari dhe më e rëndësishmja, format e reja të lëvizshmërisë ajrore janë aviacioni me karbon të ulët. Është gjithashtu një mënyrë që bën të mundur transportimin e njerëzve, transportimin e objekteve, shërbimeve emergjente dhe mjekësore”, deklaroi Edward Arkwright, drejtor ekzekutiv i grupit ADP.

Sa i përket prodhuesve, Parisi ka zgjedhur Volocopter dhe dronët e tij me dy vende.

Kompania gjermane shpreson të marrë së shpejti dritën jeshile të Agjencisë Evropiane të Sigurisë së Aviacionit.

“Prioriteti ynë i parë sot, dhe për të cilën të gjithë po punojmë dhe i kushtojmë të gjitha burimet tona, është certifikimi i helikopterit. Pra, ne po synojmë diçka që është e realizueshme, që në të vërtetë do të ekzistojë, në vend që të bëjmë premtime që nuk do të mund t’i mbajmë kurrë”, deklaroi Jean-Christophe Drai, Comercial Lead France, Volocopter.

“A do të jetë Parisi kryeqyteti i parë në botë që do të nisë një shërbim taksi fluturues? Shumë aktorë pas projektit besojnë kështu. Ata kanë më pak se një vit përpara nises së Lojërave Olimpike për të bindur rregullatorët dhe autoritetet”, shtoi ai.

The post Pritet certifikimi i dronëve “taksi” për njerëzit gjatë Lojërave Olimpike 2024 appeared first on Albeu.com.

Komiteti Olimpik Ndërkombëtar ka rekomanduar që garuesit nga Rusia dhe Bjellorusia të marrin pjesë si neutralë në garat e ardhshme ndërkombëtare.

Ky vendim është kritikuar nga Ukraina, e cila ka folur hapur kundër pjesëmarrjes së sportistëve rusë në gara.
Sikurse edhe shtetet tjera, Rusia i ka shfrytëzuar garat ndërkombëtare për të shpërfaqur fuqinë e atletëve të saj.

Mirëpo çfarë e bën Rusinë të pazakonshme në këtë temë lidhet me nivelin e përfshirjes qeveritare dhe ushtarake për të prodhuar atletë që ftojnë çmime ndërkombëtare.

Në këto tentime përfshihet edhe programi i dopingut, që u ka kushtuar disa atletëve rusë me përjashtim prej garave.

Kampionati i tenisit Wimbledon, i ka hequr ndalesat për lojtarët rusë dhe bjellorusë, për aq kohë sa ata nuk mbështesin qeveritë apo liderët e shteteve të tyre.

Një vendim i tillë është marrë pavarësisht thirrjeve të sportistes ukrainase, Elina Svitolina, që rusët dhe bjellorusët të përjashtohen derisa “ukrainasit e pafajshëm të vazhdojnë të vriten”.

Ministria ruse e Mbrojtjes është përfshirë, me dekada, në programe të trajnimit të sportistëve, ashtu që ata të arrijnë sukses të jashtëzakonshëm.

Lidhjet ushtarake

Programi më i njohur ushtarak në Rusi njihet si Klubi Qendror i Sporteve të Ushtrisë.

Në atë program janë të punësuar qindra trajnerë dhe besohet se në të trajnohen mbi 10.000 atletë.

Klubi – që së shpejti mbush 100 vjet – ka qenë aq i suksesshëm, saqë anëtarët e saj kanë arritur të fitojnë shumicën e medaljeve në garat e fundit olimpike verore, të mbajtura në Tokio më 2021.

Në ato gara, atletët rusë kanë garuar në kuadër të ekipit ROC (Komiteti olimpik rus), pasi ekipi kombëtar ka pasur ndalesë, për shkak të pretendimeve për doping të sponsoruar shtetëror.

Ministri rus i Mbrojtjes, Sergei Shoigu, është takuar me atletët ushtarakë në një ceremoni, pas garës, për t’iu dhënë atyre çmime, dhe u ka thënë që të nisin menjëherë përgatitjet për Olimpiadën e radhës.

“Nuk ka kohë për të humbur, duhet të nisni punën”, u ka thënë ai atletëve.

“Ne do të bëjmë gjithçka që mundemi, në mënyrë që ju të jeni të përgatitur për garat e radhës”.

Një tjetër program i njohur i sportit, i lidhur me ushtrinë ruse, është DOSAAF (Shoqata vullnetare për Asistim në Ushtri, Aviacion dhe Flotë), e cila daton prej viteve 1920.

Ministria e Mbrojtjes është e përfshirë në financim dhe udhëheqje të kësaj shoqate, e cila drejtohet nga një gjeneral.

Presidenti rus, Vladimir Putin, e ka përshkruar atë si “shkollë të vërtetë të guximtarëve”, të cilët kanë ndihmuar në trajnim të shumë komandantëve ushtarakë, kozmonautëve dhe pilotëve.

Kjo shoqatë ka prodhuar edhe disa medalistë olimpikë, përfshirë Vitalina Batsarashkinan, atleten e parë ruse që ka fituar medalje të artë në Olimpiadën e Tokios.

Ajo është trajnuar në Klubin për teknika ushtarake dhe praktike të sporteve, në qytetin e Omskut, në Siberi.

Duke festuar medaljen e artë, DOSAAF e ka quajtur fitoren “formën më të lartë të patriotizmit”.

Dopingu

Uria e Qeverisë ruse për fitore në sport ndoshta dëshmohet më së miri nga programi i dopingut.

Ky program është zbuluar në Lojërat Olimpike Dimërore të vitit 2014, që janë mbajtur në Soçi, në të cilat Rusia e ka kryesuar listën e medalistëve.

Në nëntor të atij viti, në hetimet e kryera nga Agjencia Botërore kundër-Dopingut, Rusia është akuzuar për “mashtrime të mëdha”.

Agjencia ka thënë se ka gjetur dëshmi të “ndërhyrjes direkte të shtetit rus” në operacionet laboratorike, ku janë marrë mostrat e atletëve.

Më 2016, një tjetër raport i kësaj agjencie, ka nxjerrë në pah që më shumë se 1.000 rusë – përfshirë medalistët olimpikë – kanë përfituar nga programi i sponsoruar shtetëror për doping, në periudhën 2011-2015.
Pas këtyre zbulimeve, Rusia është përjashtuar nga garat ndërkombëtare.

Moska e ka mohuar se udhëheq sistem të dopingut për atletë, dhe presidenti Putin vetëm ka thënë se “sistemi i kontrollit të dopingut në Rusi, nuk ka funksionuar”.

Por pse është kaq e rëndësishme për shtetin rus që të korrë fitore në arenën sportive?

Gazeta e famshme Vedomosti, ka argumentuar se Qeveria ruse dëshiron të përdorë fitoret e atletëve, për të mbajtur rusët të kënaqur dhe të bashkuar, kur gjërat nuk ecin mirë në fushat tjera.

“Neve na duhen fitore si rrugë drejt patriotizmit me doza dopingu”, ka thënë gazeta.

“Fitoret janë pjesë e politikës shtetërore”.

Mirëpo kjo politikë ka rënë në ujë, pasi program shtetëror i dopingut është vënë në pah, dhe Rusisë i është vënë ndalesë në garat ndërkombëtare.

Rusia është përjashtuar më vonë nga garat, edhe për shkak të sanksioneve që i ka vënë Perëndimi për luftën e Moskës të nisur në Ukrainë, në shkurt të vitit 2022.

Sipas Vyacheslav Fetisov, ish-lojtar i famshëm i hokejit, kampion i dyfishtë olimpik, dhe tani pjesëtar i partisë në pushtet, Rusia e Bashkuar: “Ne jemi vendi më i turpëruar në historinë e sportit ndërkombëtar”./rel

The post Pse për Putinin ka rëndësi që atletët rusë të garojnë jashtë shtetit? appeared first on Albeu.com.

Zëdhënësi i Ministrisë së Jashtme Zhao Lijian tha se Kina do të marrë “kundërmasa të vendosura”, por nuk dha detaje të mëtejshme.

Të hënën, SHBA tha se nuk do të dërgonte diplomatë në Pekin për shqetësimet në lidhje me të dhënat e Kinës për të drejtat e njeriut.

Ai shtoi se atletët amerikanë mund të shkojnë dhe do të kenë mbështetjen e plotë të qeverisë.

Në një konferencë për media të martën, Zhao akuzoi SHBA-në për shkelje të “neutralitetit politik në sport” dhe tha se bojkoti i propozuar ishte “i bazuar në gënjeshtra dhe thashetheme”.

Tensionet janë të larta mes dy vendeve. SHBA-ja e ka akuzuar Kinën për gjenocid në shtypjen e saj ndaj pakicës kryesisht myslimane ujgure në rajonin perëndimor të Xinjiang – një akuzë që Kina e ka mohuar fuqishëm.

Marrëdhëniet janë gjithashtu të tensionuara lidhur me shtypjen e lirive politike nga Kina në Hong Kong, dhe për shkak të shqetësimeve për tenisten kineze Peng Shuai, e cila nuk u pa për javë të tëra pasi akuzoi një zyrtar të lartë qeveritar për sulm./albeu.com

The post SHBA u bën bojkot diplomatik Lojërave Olimpike në Pekin, Kina e kritikon ashpër dhe paralajmëron hakmarrje appeared first on Albeu.com.

“Ne u bëjmë thirrje zyrtarëve të Republikës Popullore të Kinës që të mos kufizojnë lirinë e lëvizjes dhe aksesin e gazetarëve dhe të sigurojnë që ata të mbeten të sigurt dhe të aftë për të publikuar lirisht,” tha zëdhënësi i Departamentit të Shtetit Ned Price në një konferencë për shtyp.

Kjo kërkesë ka ardhur pasi, klubi i Korrespondentëve të Huaj të Kinës në fillim të javës kishte shprehur shqetësimin për mungesën e transparencës nga organizatorët e Lojërave./albeu.com

The post SHBA i kërkon Kinës të mos kufizojë lirinë e gazetarëve në Lojërat Olimpike Dimërore appeared first on Albeu.com.

22-vjeçarja kreu një garë pozitive, të cilën e mbylli në vend të tretë, por nuk ia doli të kualifikohej në raundin final.

Merizaj regjistroi kohën 26 sekonda e 21 të qindat në 50 metra stil i lirë.

The post Garimi në 50 metra stil i lirë, Nikol Merizaj e treta në baterinë e saj appeared first on Albeu.com.

Tashmë, Nora,  është në zonën e medaljeve, përkatësisht në gjysmëfinale. Ajo realizoi hedhje për uazari ndaj Kajzerit, ndërsa në fund arriti edhe Ippon falë një mbërthimi shembullor, që edhe e ka prej anëve më të forta.

The post Tjetër sukses për Kosovën në Lojërat Olimpike, Nora Gjakova kalon në gjysmëfinale appeared first on Albeu.com.

Petrov grumbulloi 14,733 pikë në garën kualifikuese në divizionin e dytë në kaluç me doreza. Një garë pozitive, por që nuk solli kualifikimin në finale.

Pas dy baterive të para kualifikuese, Petrov renditej i teti me pikë, por për shkak se ishin tre japonezë në tetëshen e parë, njëri prej tyre nuk shkonte dot në finale me rregullore.

Në këto kushte Petrov ngjitej i shtati dhe shpresonte që në baterinë e tretë kualifikuese vetëm një të grumbullonte pikë më shumë se ai.

Nuk ndodhi kështu, Petrov zbriti në vendin e 10-të dhe mbeti jashtë finales, pasi Lee Chih-kai (Taipei) dhe Alec Yoder (SHBA) grumbulluan më shumë pikë se rusi.

The post Shuhet ëndrra për medalje, rusi që përfaqëson Shqipërinë nuk e kap finalen appeared first on Albeu.com.

Për suksesin më të madh në karrierë, Distria nuk ka mundur të rezervojë vend më të mirë dhe kundërshtare më të mirë. Fitoi në finale ndaj japonezes Funa Tonaki në arenën “Nippon Budokan” në Tokio të Japonisë.

The post Distria Krasniqi kampione olimpike, Kosova merr medalje ari në “Tokio 2020” appeared first on Albeu.com.

Distria është në finale të kategorisë deri 48 kilogramë në xhudo dhe kështu e ka të sigurt medaljen. Ajo në gjysmëfinale e mposhti mongolezen Urantsetseg Munkhbat. Ndaj saj fitoi me “Waza-Ari” të cilin e realizoi në mes të lufës.

The post Kosova siguron medaljen olimpike, xhudistja Distria Krasniqi kalon në finale appeared first on Albeu.com.