Ky artikull shpegon disa nga arsyet dhe se çfarë mund të bëni për t’u ndier më mirë dhe të keni një performancë produktive gjatë ditës. Një ndër arsyet kryesore që mund t’ju bëjë të ndiheni të irrituar pas gjumit dhe pengon performacën tuaj gjatë ditës mund të jetë efekti i inercisë së gjumit që zgjat zakonisht 15 deri në 60 minuta, por mund të zgjasin deri në disa orë.

Inercia e gjumit dëmton aftësitë njohëse më të sofistikuara si të menduarit vlerësues, vendimmarrja, kreativiteti dhe përdorimi i rregullave, dhe përkeqësohet sa më shumë të jetë i privuar nga gjumi një person. Po ashtu mund të jetë dhe përjetimi juaj ndaj kësaj inercie e cila ndikon në cilësinë e jetës tuaj, si konsolidimi i kujtesës, rregullimi i hormoneve dhe rregullimi emocional që duhet të ndodhin gjatë gjumit.

Ja disa faktorë që ju pengojnë për të pasur performancë të mirë gjatë ditës:

Lodhje

“Ka shumë kushte që shkaktojnë lodhje, por ato jo domosdoshmërisht i bëjnë njerëzit të ndihen sikur janë gati të bien në gjumë,” tregon Jennifer Martin, një profesoreshë e mjekësisë.

Këto mund të përfshijnë gjendje kronike të dhimbjes, gjendje metabolike ose tiroide, anemi dhe sëmundje kronike pulmonare. Nëse ndjeni lodhje të pashpjegueshme, “një hap i parë i rëndësishëm mund të jetë thjesht një vizitë rutinë me mjekun tuaj të familjes,” tha Martin. Për më tepër të rriturit e shëndetshëm kanë nevojë për shtatë deri në nëntë orë gjumë gjatë natës, kështu që mund t’ju duhen më shumë se tetë orë gjumë për t’u ndjerë me energji. Mund të provoni të flini një orë më herët ose të zgjoheni një orë më vonë se zakonisht dhe të shihni nëse kjo bën një ndryshim, tha Christopher Barnes, një profesor i menaxhimit në Universitetin e Uashingtonit, i cili studion marrëdhëniet midis gjumit dhe punës.

Ankthi ose depresioni

Të kesh ankth ose depresion mund të jenë kushte që ndikojnë negativisht në kohën e nevojshme për të fjetur. Dhe ndonjëherë medikamentet e përdorura për të trajtuar depresionin ose ankthin mund të kenë efekte anësore si pagjumësia ose ndërprerja e fazave më të thella të gjumit.

Dehidratim

Më shumë se 50% e trupit tuaj përbëhet nga uji, i cili është i nevojshëm për funksione të shumta duke përfshirë tretjen e ushqimit, krijimin e hormoneve dhe neurotransmetuesve dhe shpërndarjen e oksigjenit në të gjithë trupin tuaj. Të qenit i dehidratuar është lidhur me uljen e vigjilencës dhe rritjen e përgjumjes dhe lodhjes.

Instituti i Mjekësisë rekomandon që gratë të konsumojnë 2.7 litra lëngje në ditë dhe që burrat të konsumojnë 3.7 litra (125 ons) në ditë. Ky rekomandim përfshin të gjitha lëngjet dhe ushqimet e pasura me ujë si frutat, perimet dhe supat. Meqenëse raporti mesatar i marrjes së ujit të lëngjeve ndaj ushqimeve është rreth 80:20, kjo arrin në një sasi ditore prej 9 gota për gratë dhe 12½ gota për burrat.

The post Ndjeni lodhje kronike dhe ankth pas zgjimit në mëngjes, arsyet pse ju ndodh appeared first on Albeu.com.

Fatkeqësisht, çdo ditë është e kundërta e kësaj – pavarësisht se kemi fjetur shtatë apo tetë orë, ne zgjohemi të lodhur dhe të mërzitur.

Dr. Davinder Garcha ka shpjeguar arsyet e mundshme se përse ndodh kjo, pra përse flemë mjaftueshëm e prapëseprapë zgjohemi të lodhur.

Lodhja psikologjike

Siç thotë doktori, stresi dhe ankthi janë shkaktarët më të zakonshëm të lodhjes, ndërkaq shumica që kanë probleme me gjumë kryesisht kanë probleme të tilla për shkak të stresit në punë apo problemeve financiare.

Pra, kjo nuk do të thotë domosdoshmërish se keni mungesë të gjumit, por mungesë të gjumit kualitativ.

Kështu, ai rekomandon që të gjeni mënyra për t’i ulur nivelet e stresit dhe ankthit dhe do të bëni gjumë më kualitativ – rrjedhimisht të zgjoheni më pak të lodhur.

Dieta dhe stili i jetesës

Konsumimi i tepërt i alkoolit dhe konsumimi i ushqimeve me shumë sheqer janë shpeshherë të ndërlidhura me gjumë të dobët.

Kjo nënkupton se pas konsumimit të tyre ju do të ndiheni më të lodhur ditën e nesërme.

Një studim i vitit 2016 e ka konfirmuar faktin se sasitë e mëdha të sheqerit dhe yndyrave të ngopura, si dhe sasive të ulëta të fibrave, janë të ndërlidhura me gjumë shumë më të dobët.

Kështu, mundohuni që në dietën tuaj të përfshini më shumë fibra, e njëkohësisht ta zvogëloni sasinë e sheqerit dhe alkoolit që e konsumoni.

Edhe ushtrimet e rregullta fizike janë të rekomanduara për një gjumë kualitativ dhe shëndet më të mirë.

The post Dy arsye pse ndiheni gjithmonë të lodhur, edhe pse keni fjetur mjaftueshëm appeared first on Albeu.com.

Lavamanët që kanë rrjedhje, dritaret e izoluara dobët, kuzhina, bodrumi dhe dushi janë disa nga vendet më të zakonshme ku krijohet myku.

Llojet e dëmshme të mykut mund të shkaktojnë alergji, helmim ose infeksione patogjene, shrkuan meteokosova.

Si ndikon myku në trupin tuaj?

Simptomat më të shpeshta të lidhura me mykun, janë alergjitë dhe astma. Simptomat e ekspozimit ndaj mykut varen nga personi, gjatësia e ekspozimit dhe llojet e mykut.

Gjithashtu ato ndryshojnë nga njëri person në tjetrin, sepse gjenetika individuale luan një rol në mënyrën se si trupi juaj reagon kur ekspozoheni ndaj tij. Por mbetet e vështirë t’i atribuohet çdo simptomë vetëm pranisë së lagështirës dhe mykut.

Kjo për shkak se ekspozimi ndaj mykut mund të shoqërohet njëkohësisht me ekspozimin ndaj mikrobeve ose baktereve, të cilat mund të shkaktojnë probleme më vete, ose mund të përkeqësojnë sëmundjet ekzistuese. Kjo është arsyeja se pse mund të jetë sfiduese marrja e një diagnoze.

Sidoqoftë, studime të ndryshme kanë zbuluar lidhje të mundshme midis simptomave të mëposhtme dhe ekspozimit ndaj mykut.

Probleme me frymëmarrjen dhe mushkëritë

Kollitja, rrjedhja e hundëve, ethet ose gulçimi shoqërohen zakonisht me ekspozimin e mykut të të gjitha llojeve.

Kujtesë e dobët

Ekspozimi i vazhdueshëm ndaj mykut në ambientet e banimit ose të punës, mund të dobësojnë kujtesën tuaj dhe të përkeqësojnë sëmundje të tilla si ajo e Alzheimerit. Megjithatë studimet ende nuk kanë dalë në përfundime të sigurta.

Lodhje kronike

Sindroma e lodhjes kronike, ka një lidhje të fortë mes pranisë së baktereve ose mikrobeve dhe ekspozimin ndaj mykut. Një studim i vitit 2013 zbuloi se 93% e atyre me lodhje kronike rezultuan pozitivë për praninë e tyre në organizëm.

Probleme me sistemin tretës

Të vjellat, diarreja dhe dhimbjet e barkut janë simptoma të problemeve me tretjen, që lidhen edhe me ekspozimin ndaj ambienteve me prani të mykut.

Sa më gjatë të jetoni ose të punoni në ambiente ku ka prani të mykut, aq më serioze mund të bëhen simptomat tuaja. Nëse keni prani të mykut në shtëpi, duhet të merrni masat e duhura paraprake dhe të kuptoni që ekspozimi i vazhdueshëm ndaj tij, mund të shkaktojë probleme shëndetësore ose të përkeqësojë ato aktualet.

The post Lagështira në shtëpi, këto janë sëmundjet që ju shkakton appeared first on Albeu.com.