E vërteta është se mjaftojmë të bëjmë disa ndryshime të vogla në stilin tonë të ushqyerjes dhe gjallëria do të kthehet një herë e mirë. Po ju mësojmë si të mposhtni plogështinë e të jeni energjikë në mënyrë natyrale.

Ndiheni të pangopur me gjumë dhe nuk mendoni dot për asgjë tjetër përveç se rehatisë së shtratit? Ndiqni këshillat e mëposhtme që të transformoni trupin tuaj dhe të gjallëroni mendjen.

Lëvizni

Vetëm 10 minuta ecje dhe do të ndiheni energjikë për të paktën 2 orë, thonë studimet.

Provoni shtriqjen

Qëndroni në prag të derës me këmbët e ndara pak centimetra. Përpiquni të kapni pjesën e sipërme të derës.

Mbajini gishtat të puthitur fort dhe ngrijeni kraharorin lart deri sa të ndieni shtriqjen e trupit. Qëndroni në atë pozicion për 30 sekonda.

Kjo metodë stimulon sistemin nervor, që është më aktivi, ndaj do të kuptoni menjëherë rikthimin e energjisë në trup dhe në tru.

Aktiviteti fizik

Të dhënat tregojnë se 60% e njerëzve ndihen më energjikë pas stërvitjes ose aktivitetit fizik.

Hani shëndetshëm

Studimet kanë treguar se acidet yndyrore Omega-3 përmirësojnë funksionet e trurit, humorin dhe janë thelbësorë kundër plogështisë së mesditës. Energjia do ushqim

Nëse dëshironi të përmirësoni energjinë tuaj çdo ditë, zëvëndësoni proteinat shtazore me ato bimore. Proteinat bimore janë të dobishme për bakteret e mira në aparatin tretës dhe forcojnë imunitetin. Ato kanë aftësinë të përmirësojnë humorin. Po ju tregojmë një menu të thjeshtë për ditën ideale.

Mëngjesi: Një lëng me fruta pylli. Përzieni në mikser gjysmë gote me fruta pylli, avokado dhe dhe një gotë qumësht soje. Ky lëng do t’ju plotësojë nevojën për fibër dhe proteina dhe do të mbajë nivelet e sheqerit në gjak të qëndrueshme deri në drekë.

Dreka: Supë me thjerëza dhe sallatë jeshile. Thjerëzat dhe sallata jeshile janë një kombinim fantastik që ofron proteina, fibër, hekur, kalium, zink, folat dhe shumë të tjera.

Zemra: Fruta dhe arrorë. Kjo dyshe fantastike përbën ekuilibrin e duhur të karbohidrateve, proteinave dhe yndyrnave që do ju japin fuqi deri pasdite.

Darka: Perime. Kombinoni pak fasule, sallatën jeshile, domatet, avokadon në një pite të hollë misri. Ky është një vakt i lehtë që nuk do t’ju prishë gjumin. Duhet të hani të paktën 2 orë përpara gjumit.

Mos e injoroni lodhjen!

Ndonjëherë gjumi nuk mjafton për të zgjidhur problemin e lodhjes. Më poshtë, do të gjeni disa shpjegime mjekësore për energjinë e munguar.

Anemia. Kjo sëmundje shfaqet kryesisht te femrat. Anemia ndodh kur organizmi nuk ka mjaftueshëm qeliza të kuqe gjaku të shëndetshme që të transportojnë oksigjenin. Nëse analizat e gjakut tregojnë se vuani nga anemia atëherë duhet të shtoni dozën e suplmenteve të hekurit.

Sëmundja e celiakisë. Një nga simptomat kryesore të kësaj sëmundjeje është lodhja. Kjo sëmundje shkaktohet nga reagimet imunitare ndaj dëmit që shkakton gluteni në sistemin tretës. Nëse analizat e gjakut sugjerojnë se vuani nga kjo sëmundje, terapia më e mirë janë ushqimet pa gluten.

Sëmundjet e zemrës. 70 përqind e njerëzve që kanë vuajtur nga një atak në zemër, kanë treguar se kanë përjetuar një lodhje të pazakontë, pothuaj një muaj përpara goditjes.

Hipotiroidizimi. Nëse organizmi nuk prodhon mjaftueshëm hormonin e tiroides, atëherë do të përjetoni një lodhje dhe këputje të vazhdueshme. Ky çrregullim mund të trajtohet me mjekime, sipas këshillës së mjekëve.

The post Keni lodhje gjatë ditës? Zbuloni shkaqet dhe ushqimet që të japin energji appeared first on Albeu.com.

Gështenjat janë të shijshme dhe të gjithanshme në kuzhinë. Ato mund të përgatiten në shumë mënyra: të pjekura në zjarr, të ziera, të gatuara në furrë ose në mikrovalë, ose mund të bëhen pjesë e shumë pjatave me mish ose peshk.

Gështenjat, të gjitha vetitë e frutave të stinës

Nuk duhet harruar as kontributin që japin për sa i përket fibrave: rekomandohet shumë, pra, për ata që vuajnë nga kapsllëku. Por kini kujdes me gatimin: nëse mbeten të papërpunuara, mund të bëhet e vështirë tretja e tyre ose shkaktimi i gastritit. Duke qenë pa gluten, gështenjat janë perfekte për ata që vuajnë nga celiakia. Nuk është rastësi që nga gështenjat del një miell i shkëlqyer për t’u përdorur në përgatitjen e pjatave të ndryshme të ëmbla dhe të shijshme.

Shumë përfitime, por edhe disa rekomandime: duke pasur parasysh marrjen e rëndësishme të kalorive, ato nuk rekomandohen për njerëzit me diabet, kolit apo obezitet. Në çdo rast, kushtojini vëmendje porcioneve: këshilla është të mos i kaloni 100 gram nëse i zieni ose 60 gram nëse i preferoni të pjekura.

The post Luftoni aneminë dhe lodhjen me gështenja, të gjitha vetitë dhe përfitimet e frutit të vjeshtës appeared first on Albeu.com.

Megjithatë, në shumicën e rasteve, shkaku nuk është serioz dhe mund të trajtohet.

Arsyet që i bëjnë gjymtyrët tona të dridhen mund të jenë të shumta dhe të ndryshme. Në çdo rast, nëse e arrini në një shkallë të tepruar, është më mirë të shkoni te mjeku.

Jeni në ankth dhe ju dridhen duart

Çdo person ka një ndjenjë të lehtë, themelore dhe pothuajse të padukshme dridhjeje, e cila lind nga ritmi i zemrës, rrjedha e gjakut dhe proceset e tjera që ndodhin në trupin tuaj. Ky dridhje është normale. Megjithatë, ajo bëhet më intensive në momentet kur keni shumë stres ose jeni nën presion më të madh se normalja. Provoni të meditoni, joga ose të relaksoheni në çdo mënyrë që ju përshtatet.

Keni pirë shumë kafe

Ashtu si stresi, kafeina mund të rrisë dridhjet tuaja normale në diçka më intensive. Nëse vëreni se duart po ju dridhen pas kafesë ose ndonjë burimi tjetër kafeine, atëherë duhet ta reduktoni atë.

Jeni të lodhur

Nëse jeni të lodhur sepse ju mungon gjumi, ose sepse keni bërë stërvitje intensive, rraskapitja dhe dridhja lidhen drejtpërdrejt. Përmirësoni dietën tuaj, flini më shumë dhe më mirë dhe do të shihni përmirësim të menjëhershëm./albeu.com

The post Ju dridhen duar? Zbuloni arsyen pse ju ndodh appeared first on Albeu.com.