Pas fitores, italiani foli për “Sky Sport”, ku u shpreh se Diogo Jota e ndihmoi nga lart që të shënonte gol.

“Pas golit, mendimet e mia të para shkuan te Diogo (Zhota), vëllai i tij dhe familja e tij. Dua të besoj se që nga atje lart ai më ndihmoi të shënoja gol”, tha ai.

Pas kësaj, Kieza mori një moment për t’u çliruar nga barra, duke pasur parasysh dështimin e sezonit të kaluar me të kuqtë, dhe për të shijuar rikthimin e tij me stil.

“Goli më shpërblen për punën që kam bërë. Arrita në kushte të vështira sepse nuk u stërvita me Juven dhe kjo më penalizoi. Pas një viti, po marr njëfarë kënaqësie”, sulmoi ai bardhezinjtë.

“Falenderoj mjekët dhe trajnerin (Arne Slot) që më dhanë këtë shans dhe që kanë qenë gjithmonë të shkëlqyer me mua. Goli është edhe për të”.

Në fund ai u ndal edhe te e ardhmja e tij duke pasur parasysh Kupën e Botës 2026 verën e ardhshme dhe nevojën e tij për minuta në këmbë: “Do të flasim me Liverpulin, por jam i lumtur këtu. Jam në një nga ekipet më të mira në botë. Jam i lumtur që e vesh këtë fanellë. Duhet të jem gjithmonë gati dhe të provoj se mund të luaj për këtë ekip”.

The post Diogo Jota më ndihmoi nga lart që të shënoja gol/ Kieza sulmon hapur Juventusin: Më penalizoi, arrita te Liverpuli në rrethana të vështira appeared first on Albeu.com.

Edhe sot pas 10 vitesh luajnë akoma në nivele të larta…”. Këto janë fjalët e Adriano Galianit, ish-administratorit të deleguar të kuqezinjve, i cili ka rrëfyer edhe një prapaskenë me Gatuzon pas humbjes dramatike në finalen e Champions në Stamboll kundër Liverpulit.

“Kur shitëm Ibrën dhe Tiago Silvën e kuptova që Milani madhështor nuk ishte më. U tregua i zoti Alegri që na mbajti edhe dy vite në Champions, por thellë brenda vetes e kuptova se kishte perënduar koha kur Milani ishte i pari në renditjen botërore të klubeve. Unë nuk jam gënjeshtar: pata një raport të vështirë me Barbara Berluskonin. Për shumë motive, por mbi të gjitha për financat.

Gatuzo? I fundit që e kapërdiu humbjen me Liverpulin në Stamboll. Më thoshte se i dilte në ëndërr ajo ndeshje dhe se donte të largohej nga Milani. ‘Mbase po të ndërroj fanellë nuk do mendoj kaq shumë për atë finale të humbur’, më tha kur erdhi në zyrën time. Unë iu afrova dhe i thashë: “Rino, të siguroj se një ditë t’i do të fitosh Champions-in, madje mund të marrësh hak edhe kundër Liverpulit. Nuk më besoi deri sa pas dy vitesh arritëm sërish në finale kundër tyre.

Para ndeshjes e pashë që lëshonte zjarr nga sytë. Ishte i tërbuar. Mendova me vete: “Ky ose merr kupën sonte ose dikush do lërë kockat në fushë…(qesh)”. Më mungojnë 8 finalet e luajtura në Champions, më mungojnë vërtetë shumë ato ndeshje”, ka rrëfyer Galiani për mediat italiane.

The post Rrëfehet Galliani: Milani i madh mbaroi kur shitëm 2 kampionë, Gattuso shihte ëndrra me Liverpulin appeared first on Albeu.com.