“Unë nuk e kuptoj VAR-in, gjyqtari kishte parë gjithçka, pastaj ta lëmë mënjanë simulimin e lojtarit që u hodh në tokë”, tha dukshëm i acaruar në studion e “Sky Sport” trajneri i njohur italian.

“Për të anuluar golin e Liverpulit, VAR-it iu deshën tre minuta për të rishikuar aksionin, në këtë rast ka thirrur gjyqtarin për një mbajtje që shihet në çdo goditje nga këndi. Kjo krijon një precedent… por është një turp të vërshëllesh një penallti si kjo”, ishin fjalët e Kapelos pas ndeshjes.

“Do të thonë është rregullorja”, tha Alesandro Kostakurta i pranishëm në studio, “por atëherë do të ketë 18 si puna e këtij”.

The post “Penallti skandaloze”/ Fabio Kapelo e ka me gjyqtarin pas humbjes së Interit: Është turp të vërshëllesh një si kjo appeared first on Albeu.com.

“Nuk di çfarë të them. Është paksa qesharake, nuk mund ta besoja. Është një rezultat zhgënjyes për ne si ekip. Pësuam gola qesharakë. Nuk munda t’i ndihmoja shokët e ekipit sepse jam në stol.

Nuk mund ta besoja që jam ulur në stol për 90 minuta. Kjo është hera e tretë. Mendoj se është hera e parë në karrierën time.

Shumë i zhgënjyer, kam bërë kaq shumë për këtë klub gjatë viteve, veçanërisht sezonin e kaluar. Duket sikur klubi më ka hedhur në rrugë. Kështu ndihem.

Dikush do që unë të marr të gjithë fajin. Klubi më premtoi shumë në verë. Tani jam në stol, kështu që mund të them se nuk i kanë mbajtur ato premtime.

Kisha një marrëdhënie të mirë (me Slot). Tani nuk kemi asnjë marrëdhënie dhe nuk e di pse.

Duket sikur dikush nuk më do në klub.

I telefonova mamasë dhe babait tim dhe u thashë të vinin në ndeshjen kundër Brajton. Nuk ka rëndësi nëse luaj apo jo. Do ta shijoj. Do të jem në “Anfield” dhe do t’u them lamtumirë tifozëve para Kupës së Afrikës, sepse nuk e di çfarë do të ndodhë kur të jem atje.

Nuk është e pranueshme për mua, të them të drejtën. Nëse do të isha diku tjetër, çdo klub do t’i mbronte lojtarët e tij. Tani, është “Hidheni Mo nën autobus” sepse ai është një problem në ekip. Nuk mendoj se jam problem. Nuk po luftoj për pozicionin tim çdo ditë sepse e kam fituar. Nuk jam më i madh se klubi. Nuk jam më i madh se asgjë. Por e kam fituar.

Është ajo që është. Në futboll nuk i dihet kurrë, por unë nuk e pranoj këtë situatë. Kam bërë kaq shumë për këtë klub. Më vjen keq, e dua Haland sepse e dua. Jam golashënuesi më i mirë aktual në Premier Ligë. Fito ligën me stil.

Absolutisht, më dhemb. Me atë që kam bërë, më dhemb. E njoh mirë klubin, kam qenë këtu për shumë vite. Nesër, Karrager do të më kritikojë, por kjo është në rregull.

Kam bërë kaq shumë për këtë klub. I dua shumë tifozët dhe e dua klubin, nuk e di se çfarë do të ndodhë më pas.

Po shënoj më shumë se kushdo në këtë brez që kur erdha në Premier Ligë. Nuk mendoj se dikush tjetër ka shënuar më shumë. A mund të jap një shembull? Është budallallëk. Herri Kejn nuk shënoi për 10 ndeshje, ndoshta bëri një ose dy. Të gjithë në media thoshin: ‘Herri do të shënojë me siguri.’ Tani është: ‘Mo duhet të jetë në stol’.

Nuk e di nëse dikush do që të largohem. Mos më vini fjalë në gojë, ju lutem. Thjesht kështu ndihem.

Trajneri? E pyeta, por nuk shoh një shpjegim. E dija që nuk do të luaja, thjesht merre dhe gëlltite. Arne ma tha dje. Pata një takim dje. Ai i di ndjenjat e mia.

A jam penduar? Sa keq që duhet t’i përgjigjem kësaj. Edhe pyetja dhemb, nuk do të pendohem kurrë që kam nënshkruar për këtë klub. Mendova se po nënshkruaja dhe po e mbyllja karrierën time këtu. Tani kjo nuk është sipas planit.

Në kokën time, pse duhet të përfundojë kështu? Pesë muaj më parë fitoja çmime, tani pse të shkoj në këtë drejtim? Të gjithë në ekip nuk janë në formë, por unë jam ai që duhet të mbroj veten.

Marrëdhënia me Slot? Nuk ka marrëdhënie. Ishte një marrëdhënie shumë e mirë. Tani nuk ka marrëdhënie.

Nuk ndihem i zhgënjyer nga shokët e ekipit. Këta djem e dinë sa shumë i dua dhe sa shumë i mbështes. Ka shumë dashuri midis nesh”, ishin fjalët e Salah që në këtë mënyrë ka bërë thuajse zyrtar largimin nga Liverpuli.

The post Klubi më ka hedhur në rrugë/ Mohamed Salah lëshon deklaratën e rëndë kundër drejtuesve të Liverpulit dhe trajnerit Slot: Dikush nuk më do këtu appeared first on Albeu.com.

Bëhet fjalë për Florian Virc, i cili do të mungojë këtë fundjavë për shkak të një dëmtimi muskulor, ndërsa gjithashtu edhe Konor Bradli pritet të qëndrojë jashtë për rreth tre javë.

Trajneri Arne Slot, para ndeshjes së sotme me Notingemin, ka konfirmuar se Virc pritet të rikthehet më shpejt se Bredli, por të dy lojtarët do të mungojnë në ndeshjet e ardhshme në kampionat e Champions, duke lënë boshllëqe të ndjeshme në formacionin e teknikut holandez.Ndërkaq, ylli egjiptian Mohamed Salah pritet të shënojë një tjetër moment historik këtë fundjavë, duke bërë paraqitjen e tij të 300- të në Premier Ligë me fanellën e Liverpulit.

Ky moment e forcon edhe më shumë statusin e Salah, si një nga lojtarët më të mëdhenj të historisë së “Reds”, duke u renditur pranë emrave legjendarë të klubit.

Me këtë arritje, Salah bëhet lojtari i pestë në historinë e klubit që arrin këtë shifër, duke iu bashkuar ikonave të mëdha të “Reds”.

The post Slot humbet dy lojtarë të rëndësishëm, Liverpuli kërkon të ngjitet në renditjen e Premier Ligës appeared first on Albeu.com.

Siti shkatërroi Borusia Dortmundin 4-1, ndërsa Liverpuli regjistroi një fitore 1-0 ndaj Real Madridit.

GJENDJA – Siti është një pikë përpara “Reds” para përballjes së të dielës – një shenjë e përmirësimit të tyre nga sezoni i kaluar.

Skuadra e Pep Guardiolës është bërë më pak e orientuar drejt posedimit të topit sesa në sezonet e mëparshme, duke u renditur e katërta në mesataren e posedimit për ndeshje në kampionat.

Por ata krenohen me sulmin më të mirë, ndërsa vetëm Arsenali ka pësuar më pak gola se të besuarit e Guardiolas.

Nga ana tjetër, të Kuqtë kanë pasur një fillim të dobët të sezonit, duke humbur katër ndeshje radhazi në kampionat, përpara se të ktheheshin në fitore kundër Aston Vilas fundjavën e kaluar.

Liverpuli ka një nga sulmet më të mira, por dobësitë e tyre mbrojtëse i kanë kushtuar shtrenjtë.

Pavarësisht se kanë mbajtur portën e paprekur në dy ndeshjet e fundit, problemet mbrojtëse mund të ekspozohen kundër Sitit, sulmi i të cilit udhëhiqet nga Haland.

PRECEDENTËT – Siti ka fituar 60, ka barazuar 58 dhe ka humbur 110 ndeshje kundër Liverpulit në të gjithë kompeticionet. Veçanërisht, Mohamed Salah ka shënuar 13 gola kundër “Citizens”, teksa vetëm kundër Totenhem dhe Junaitid ka shënuar më shumë. Erling Braut Haland kujtojmë që është golashënuesi më i mirë i Premier Ligës me 13 gola në 10 ndeshje. Ndërsa Dominik Sobozlai është për momentin lojtari plus i “Reds” këtë sezon dhe një nga mesfushorët më të mirë në Angli.

ARRITJA – Pep Guardiola, do të drejtojë ndeshjen e 1000-të të karrierës së tij legjendare si trajner në përballjen e së dielës në stadiumin “Etihad”.

Trajneri katalanas mori drejtimin e një skuadre për herë të parë 18 vjet më parë me Barcelona B dhe që atëherë ka revolucionarizuar futbollin modern përmes punës së tij në tre nga klubet më dominuese të Evropës: Barcelona, Bajern Mynih dhe tani Mançester Siti.

I konsideruar gjerësisht si një nga trajnerët më të mëdhenj të të gjitha kohërave, Guardiola mori drejtimin e ekipit për ndeshjen e tij të 999- të si trajner të mërkurën në mbrëmje, kur skuadra e tij, “Qytetarëve”, siguroi një fitore 4-1 në shtëpi ndaj Borusia Dortmund-it në UEFA Champions League.

The post Siti i Guardiolës, testi i së vërtetës për Salah & Co te Liverpuli appeared first on Albeu.com.

Prandaj, bordi drejtues i “Reds” tashmë po punon për një lëvizje që largimi i mundshëm i egjiptianit, të ketë sa më pak pasoja. Dhe emri që ka dalë fuqishëm, sipas “Daily Mail”, është ai i Olize, lojtari aktual i Bajern Mynih, i cili në moshën 23-vjeçare është konsoliduar si një nga lojtarët më të dëshiruar në futbollin evropian. Ikja e Salah shihet një skenar që klubi nuk dëshiron ta improvizojë.

Egjiptiani, një pikë referimi ofensive për kampionët anglezë që nga viti 2017, ka qenë shumë më tepër sesa një golashënues.

Aftësia e tij për të bërë diferencën në ndeshjet vendimtare, vazhdimësia në Premier Ligë dhe lidershipi në skuadër, e kanë bërë atë një lojtar praktikisht të pazëvendësueshëm.

Megjithatë, në futbollin modern është e nevojshme të parashikosh dhe këtu “hyn” në lojë futbollisti premtues francez.

Olize konsiderohet një sulmues i gjithanshëm, në gjendje për të luajtur si krahun e djathtë, ashtu edhe në role të tjera të repartit sulmuese.

Driblimi i tij, vizioni i lojës dhe goditja me këmbën e majtë e bëjnë një profil shumë tërheqës për një klub që kërkon të ruajë një stil loje dinamik dhe të paparashikueshëm.

Për më tepër, francezi ka shkëlqyer te Bajern me paraqitje që e kanë pozicionuar si një nga talentet e rinj më vendimtarë në kontinent.

Liverpul e di se nuk do të jetë e lehtë ta rrëmbejë nga bavarezët, por gjithashtu kupton se merkatoja e transferimeve ofron mundësi, sidomos kur vetë lojtari mund të jetë i hapur për të bërë një hap në karrierë, drejt një kampionati më elitar se Bundesliga, siç është Premier Liga.

Kështu që financiarisht, “Reds” janë të gatshëm të bëjnë një investim me peshë, edhe duke ditur se nuk do të jetë e lehtë të zëvendësohet një si Salah.

Mirëpo pikërisht Salah shihet si trashëgimtari natyral, përderisa ka persoanlitet, cilësi dhe ambicje të larta. Emri i francezit duket i duhuri për të hapur një tjetër kapitull fitues në “Anfield”, si vazhdimësi e këtyre aktualëve.

The post Liverpuli ka gati emrin që zëvendëson Salah, të kuqtë hedhin sytë drejt Bajernit appeared first on Albeu.com.

Egjiptiani realizoi lehtësisht brenda zonës pas gjuajtjes së Oxlade-Chamberlain. /albeu.com/

The post Befasohet Milani, nuk fal Liverpoli (VIDEO) appeared first on Albeu.com.

Skuadra e Klop ishte dominuese gjatë gjithë takimit duke realizuar nga një gol për pjesë. Diego Zhota i dha avantazhin skuadrës së tij pas vetëm 18 minutash lojë duke realizuar pas një asisti të Tsimikas.

Në minutën e 27-të Salah u bë protagonist duke shënuar golin e dytë, por gjyqtari e anuloi për pozicion jashtë loje vetëm pasi u konsultua me VAR-in.

Në minutën e 69-të të takimit, Sadio Mane realizoi të dytin për redsat pas një aksioni fantastik të nisur nga këmbë e mbrojtësit Van Dajk. Liverpuli merr vendin e parë pas dy javësh kampionat me 6 pikë të plota në dy ndeshje të luajtura.

The post Spektakël dhe dominim, Liverpool mposht Burnley në shtëpi (VIDEO) appeared first on Albeu.com.