Sipas Football Insider, 23-vjeçari ka hyrë në listën e emrave që po vëzhgohen nga klubi londinez, ndërsa Xabi Alonso konsiderohet si një prej admiruesve më të mëdhenj të talentit të tij.

Trajneri spanjoll, që më herët pati një bashkëpunim shumë të suksesshëm me Wirtz te Bayer Leverkuseni, raportohet se do ta mirëpriste një ribashkim me lojtarin gjerman.

Gjithsesi, një hap konkret nga Chelsea do të kushtëzohej në masë të madhe nga situata e Enzo Fernandezit.

Argjentinasi vazhdon të përflitet për një kalim të mundshëm te Real Madridi, dhe një largim i tij do t’i krijonte Chelseat jo vetëm një boshllëk të rëndësishëm në skuadër, por edhe hapësirën financiare për të tentuar një marrëveshje të madhe si ajo për Wirtz.

Pavarësisht kësaj, raportimet për një lëvizje të mundshme ndaj futbollistit të Liverpoolit janë hedhur poshtë shpejt nga burime pranë klubit nga Londra.

Gazetari Bobby Vincent ka bërë të ditur se drejtuesit e Chelseat e kanë mohuar prerazi pretendimin se Xabi Alonso po punon për ta transferuar Wirtz në ‘Stamford Bridge’.

Sipas burimeve të klubit, këto raportime konsiderohen thjesht spekulime të merkatos, me theksin se në këtë moment nuk ka negociata dhe as kontakte konkrete për yllin gjerman.

Fokusi i drejtuesve mbetet te mbajtja e lojtarëve më të rëndësishëm dhe organizimi i kujdesshëm i afatit kalimtar.

Ndërkohë, me Kupën e Botës 2026 që po hyn në fazat vendimtare, edhe merkatoja e verës pritet të sjellë lëvizje të shumta.

Tani mbetet të shihet nëse emri i Florian Wirtz do të vazhdojë të përmendet në lidhje me Chelsean, apo nëse gjithçka do të mbetet vetëm në kuadër të spekulimeve të verës.

The post Chelsea mban në vëzhgim Florian Wirtz, por mohon kontaktet për yllin e Liverpoolit appeared first on Albeu.com.

Minutat e para ishin të tensionuara, me Newcastle dhe Liverpool, që po luftojnë për Alexandre Isak.

Liverpool nisi më mirë takimin, duke kaluar në avantazh në minutën e 35-të me një goditje të fuqishme nga distanca e Ryan Gravenberch, e cila përfundoi në qoshen e poshtme të portës, duke lënë portierin Nick Pope pa mundësi reagimi.

Para fundit të pjesës së parë, Anthony Gordon i Newcastle provon një ndërhyrje të rrezikshme, që fillimisht u ndëshkua me karton të verdhë, por VAR e shndërroi në karton të kuq direkt, duke lënë skuadrën e tij me një lojtar më pak.

Në pjesën e dytë, Liverpooli arriti të dyfishojë avantazhin në 2-0 në minutën e 46-të, me një pasim të mprehtë nga Cody Gakpo për Hugo Ekitike, i cili shënoi me një goditje të ulët nga kufiri i zonës, duke lënë portierin pa reagim.

Bruno Guimaraes, ngushtoi rezultatin për Newcastle në minutën e 57-të pas një asistimi perfekt të Valentino Livramento për 2-1.

Në minutën e 88-të, William Osula, barazoi rezultatin për Newcastle pas një pasimi të gjatë që kaloi mbrojtjen e Liverpoolit.

Gjyqtari dha 11 minuta shtesë dhe në minutat e fundit, Rio Ngumohas shënoi golin vendimtar pas një aksioni model, duke i dhënë Liverpoolit fitoren 3-2 dhe tre pikët e vlefshme në një përballje të jashtëzakonshme në Ligën Premier.

Ndeshja u karakterizua nga momente të tensionuara, përfshirë kartonë të verdhë dhe lëndime, ndërsa të dyja skuadrat treguan intensitet dhe vendosmëri për të kërkuar fitoren deri në sekondat e fundit.

Kjo fitore i jep Liverpoolit një fillim të shkëlqyer të sezonit me dy fitore, ndërsa Newcastle mbetet me një barazim, nga dy përballjet e para të sezonit.

The post Liverpooli fiton falë një 16-vjeçari ndaj Newcastle appeared first on Albeu.com.

Sipas mediave portugeze A Bola dhe O Jogo, oferta e parë e Liverpoolit 70+30 milionë euro u refuzua menjëherë nga Benfica. Klubi anglez e riformuloi shpejt ofertën dhe tani jep 80+20 milionë euro për sulmuesin 22-vjeçar. Benfica po e shqyrton këtë opsion.

Vihet re se klubi portugez do të tentojë të marrë një shumë edhe më të madhe nga Liverpool.

Palët janë afër një marrëveshjeje për transferimin. Marrëveshja përfundimtare mund të arrihet në ditët në vijim. Në rast transferimi, Darvini do të nënshkruajë kontratë me Liverpoolin deri në vitin 2027.

Lojtari është gjithashtu me interes për Manchester United, Newcastle, Atletico dhe klube të tjera.

Sezonin e kaluar, uruguaiani shënoi 34 gola dhe dha 4 asistime në 41 ndeshje për Benfikën në të gjitha garat. Në veçanti, ai shënoi dy herë në ndeshjet kundër Liverpool-it në 1/4 e finales së Ligës së Kampionëve. /albeu.com/

The post Liverpooli pranë bomberit të Benfica-s, është rënë dakord kontrata deri në vitin 2027 appeared first on Albeu.com.

“Nëse analizoni Liverpool-in tim në atë kohë, kush ishte më i miri? Gerrard, një djalë i ri që luante në pozicione të ndryshme, dhe nuk kishte shumë lojtarë të tjerë të klasit botëror.

Ndër lojtarët më të mirë është Fernando Torres, i cili shënoi 15 ose 20 gola në Spanjë dhe me ne arriti në 33 gola. Ne ndihmuam të rritej Mascherano, i cili ishte zëvendësues i West Hamit, Lucas Leiva , i cili kaloi 10 vjet në klub, Agger, i cili u ble për 6 milionë euro, apo dhe Xabi Alonso.

Njerëzit e mbajnë mend këtë ekip, Reina për shembull, por e krahasojnë me Liverpool-in, i cili shpenzoi një miliard, i shpenzoi me shumë mençuri, është e vërtetë, por ata kanë lojtarë për 40 milionë në stol. Kjo është arsyeja pse ju nuk mund të krahasoni Liverpool-in tim dhe ekipin e Klopp, ju duhet të analizoni kontekstin.

Kam pasur një buxhet 20 milionë euro. Më thuaj kë mund të nënshkruajë Liverpooli tani për 20 milionë eur”, tha ish-trajneri i Reds.

Spanjolli ishte trajner i Liverpoolit nga viti 2004 deri në vitin 2010. Ai fitoi 4 trofe me ekipin, duke përfshirë edhe 1 Champions League. /abcnews.al/

The post Benitez: Liverpooli im dhe Klopp nuk mund të krahasohen, shpenzuan një miliard, unë kisha buxhet 20 milionë euro appeared first on Albeu.com.

The post Liverpooli e nis me golin sfidën ndaj Benfica (VIDEO) appeared first on Albeu.com.