Shqipëria U19 regjistroi suksesin e dytë radhazi ndaj Lituanisë U19, duke fituar 2-1 në stadiumin e Vorës. Kuqezinjtë zhvilluan një paraqitje pozitive dhe arritën të marrin maksimumin edhe në këtë përballje.

Fatjon Tafaj e nisi takimin me Raffaele Hulin, Spasian Naston, Dion Vatan, Afrim Gashin, Stiven Nikollin, Armend Muslikën, Amir Boriçin, Oliver Blinin, Elson Himallarin, Francesco Matjanin dhe Alen Vukajn. Gjatë fraksionit të dytë në fushë u aktivizuan gjithashtu Leon Sylejmani, Grei Kuqi, Klevi Ajazi, Sokol Uldedaj dhe Petro Marku.

Avantazhi në pjesën e parë i takoi skuadrës lituaneze, e cila shfrytëzoi një nga rastet e pakta të krijuara. Pas pushimit, Shqipëria reagoi dhe u tregua më efikase përpara portës, duke përmbysur rezultatin brenda pak minutash.

Heroi i kuqezinjve ishte Elson Himallari. Sulmuesi i Partizanit shënoi dy golat e Shqipërisë U19 dhe u bë lojtari vendimtar në triumfin e ekipit.

Me dy fitore ndaj Lituanisë U19 në ndeshjet e zhvilluara në Vorë, kuqezinjtë e mbyllën me bilanc maksimal këtë grumbullim. Tafaj mori sinjale të mira nga futbollistët e grumbulluar, të cilët pritet të jenë pjesë e bazës së skuadrës edhe në grumbullimet e ardhshme, përpara sfidave zyrtare.

GOLAT:

The post VIDEO/ Shqipëria U19 përmbys Lituaninë, dopieta e sulmuesit të Partizanit sjell fitoren appeared first on Albeu.com.