“Kjo është një shkelje flagrante e së drejtës ndërkombëtare dhe integritetit territorial të Lituanisë.Edhe një herë konfirmohet rëndësia e forcimit të gatishmërisë së mbrojtjes ajrore evropiane. Ministria e Jashtme lituaneze do të thërrasë përfaqësuesit e ambasadës ruse për të protestuar ndaj sjelljes së pamatur dhe të rrezikshme”, tha Presidenti i vendit Gitanas Nauseda.

Mediat e huaja shkruajnë se avionët luftarakë të NATO-s të cilët patrullonin nga Polonia janë thirrur për t’iu përgjigjur kërcënimit.

The post NATO ngre alarmin/ Dy avionë rusë shkelin hapësirën ajrore të Lituanisë appeared first on Albeu.com.

Autoritetet e Lituanisë kanë pranuar informacione të martën e javës së kaluar se ushtarët janë zhdukur gjatë stërvitjeve ushtarake në një qendër trajnimi në qytetin lindor Pabrade, afër kufirit me Bjellorusinë.

Ekipet e kërkim-shpëtimit kanë punuar me pajisje të rënda dhe ekskavatorë për të hequr llumin prej makinës së mbushur me ujë, dhe më pas kanë arritur ta nxjerrin ata nga gropa.

“Tre ushtarë amerikanë janë gjetur të vdekur sot në Lituani”, ka thënë Zyra e ushtrisë amerikane për Evropën dhe Afrikën, përmes një komunikate.

Në të është thënë se “operacionet e kërkim-shpëtimit janë duke vazhduar për ushtarin e katërt”, ndërsa identitetet nuk u janë bërë publike derisa të njoftohen familjarët dhe të merret konfirmimi i tyre.

“Zemrat tona janë të rënduara nga dhimbja. Por, kërkimet tona nuk përfundojnë derisa secili të kthehet në shtëpi”, ka thënë gjenerali komandues amerikan, Christopher Norrie.

Qindra punëtorë lokalë dhe të huaj, dhe pjesëtarë të kërkim-shpëtimit, përfshirë inxhinierë dhe zhytës janë të përfshirë në kërkimet për të gjetur edhe pjesëtarin e katërt që ka qenë në makinën e blinduar, M88 Hercules.

Lituania, vend anëtar i NATO-s dhe BE-së, është nikoqire e mbi 1.000 trupave amerikane që janë të stacionuara në baza rotative./REL

The post Gjenden të vdekur tre prej katër ushtarëve amerikanë të zhdukur në Lituani appeared first on Albeu.com.

“Institucionet e të dy vendeve tashmë kanë filluar të punojnë për këtë çështje dhe shpresoj se ne mund të jemi vërtet një shembull tjetër i miqësisë midis Lituanisë dhe Polonisë”, u tha Nauseda gazetarëve pas Forumit të Industrisë së Mbrojtjes në Poloni.

Ai deklaroi se si Polonia ashtu edhe Lituania po planifikojnë të blejnë sistemet HIMARS.

 “Me sa di unë, një pjesë e HIMARS-it tashmë ka mbërritur në Poloni, ne jemi ende në pritje, por do ta kemi në vitet në vijim. Prandaj do të ishte me të vërtetë e përshtatshme të krijonim një qendër rajonale që mund ta përdorim”, tha lideri lituanez i pyetur nga gazetarët nëse e ka diskutuar këtë çështje me presidentin polak Andrzej Duda.

Duda theksoi se kjo temë është duke u diskutuar, por se zbatimi i një projekti të tillë mund të marrë pak kohë, pasi dërgimi i sistemeve të artilerisë sapo ka filluar.

Ai shtoi se Lituania dhe Polonia kanë “interesa të përbashkëta të sigurisë”.

The post Autoritetet lituaneze dhe polake kanë nisur punën për qendrën logjistike të sistemeve HIMARS appeared first on Albeu.com.

Më shumë se 3 500 mjete luftarake të NATO-s dhe 20 mijë trupa do të simulojnë një sulm rus në zonën e quajtur “Korridori Suwalki”.

Ajo është pika më e afërt e Bjellorusisë me Kaliningradin rus, e cila nëse kapet nga forcat armike të NATO-s do të bllokonte në veri tre shtete aleate si Lituania, Letonia dhe Estonia.

Ekspertët e sigurisë e kanë cilësuar këtë zonë si “thembrën e Akilit” në rast të ndonjë çmendurie të Putinit për të sulmuar NATO-n.

Zona ndodhet në kufirin që ndaj Poloninë me Lituaninë dhe për pak kilometra mund të lidhet me tokë me Bjellorusinë dhe rrjedhimisht Rusinë.

Prandaj edhe NATO ka vendosur një numër të madh trupash në këtë zonë dhe bën stërvitjen më të madhe të dekadave të fundit, raporton Albeu.com

The post HARTA/ “Korridori Suwalki”: Pse NATO po blindon kufirin e Polonisë dhe Lituanisë, çfarë rrezikohet në këtë pikë të globit? appeared first on Albeu.com.

Ahmeti njoftoi homologen e tij për zhvillimet e fundit dhe progresin që ka shënuar Kosova në dy vitet e fundit, derisa gjatë takimit u diskutua edhe për ngritjen e bashkëpunimit në fushën e mbrojtjes, ekonomisë dhe ambientit, njofton MPJD.

Në kuadër të marrëdhënieve multilaterale, sipas të njëjtit njoftim, është biseduar edhe lidhur me agjendën evropiane të Kosovës si dhe mbështetjen që mund të ofrojë Lituania përgjatë procesit integrues të Kosovës në organizata të ndryshme ndërkombëtare, me theks të veçantë në Këshillin e Evropës, Bashkimin Evropian dhe NATO.

Agresioni i paprovokuar i Federatës Ruse mbi Ukrainën ishte po ashtu një nga temat e takimit. “Të dyja palët diskutuan ndikimin e këtij agresioni në rajonet përkatëse dhe rëndësinë e vendosjes së sanksioneve ndaj Federatës Ruse”.

Zëvendësministri Ahmeti, ndërkaq e ka falënderuar homologen Neliupšienė për mbështetjen e vazhdueshme të Lituanisë për Kosovën dhe të dy u pajtuan që të thellojnë bashkëpunimin mes të dyja vendeve.

The post Mbahen konsultimet e para politike mes Kosovës e Lituanisë appeared first on Albeu.com.

“Inspektimet e para tregojnë se mund të ketë problem me një kyçje”, ka thënë Nemunas Biknius, shef i kompanisë Amber Grid, që mirëmban gazsjellësin.

Si pasojë e shpërthimit të së premtes, është raportuar për zjarr në gazsjellës.

Sipas mediave të Lituanisë, nuk ka raportime për të plagosur, ndonëse banorët e fshatit në afërsi janë evakuuar për disa orë si masë mbrojtëse.

Në disa pamje në rrjete sociale, flakët kanë qenë mbi 50 metra dhe janë parë prej disa kilometrave.

Sipas kompanisë mirëmbajtëse, furnizimet me gaz janë ndaluar dhe transporti për në Letoni është pezulluar përkohësisht.

Biknius ka thënë se gazsjellësi është ndërtuar 40 vjet më parë dhe vazhdimisht u është nënshtruar kontrolleve.

Punimet për riparime në rrjet është thënë se do të nisin të shtunën dhe do të përfundojnë brenda ditësh.

The post Shpërthimi në gazsjellësin Lituani-Letoni, zbulohet shkaku appeared first on Albeu.com.

“Ne i bëjmë thirrje Rusisë që të mos marrë asnjë masë që shkel ligjin ndërkombëtar”, tha zëdhënësi i qeverisë gjermane, Steffen Hebestreit.

Ai tha se Lituania i kishte ndërmarrë këto veprime brenda kornizës së sanksioneve të Bashkimit Evropian ndaj Rusisë. Vetëm disa mallra preken nga sanksionet dhe asnjë person nuk është sanksionuar.

“Prandaj ne refuzojmë qartë kundërmasat e shpallura nga Rusia”, tha Hebestreit gjatë një konference të planifikuar rregullisht për shtyp të qeverisë në Berlin.

Kujtojmë se Kremlini ka thënë se ndalimi i tranzitit nga Lituania për mallrat e sanksionuara nga Bashkimi Evropian drejt Rusisë përmes Kaliningradit është “i papranueshëm”.

“Ne jemi të bindur se sanksionet e miratuara nga BE-ja janë absolutisht të papranueshme. Zbatimi i këtyre sanksioneve në lidhje me tranzitin në Kaliningrad dhe mbrapa thjesht bie ndesh me marrëveshjet themelore”, tha të mërkurën zëdhënësi i Kremlinit Dmitry Peskov, duke shtuar se masat hakmarrëse po diskutohen.

Peskov refuzoi të shtjellojë se çfarë mund të përfshijnë këto masa dhe tha se nuk kishte një afat kohor të saktë për përgjigjen e Moskës, por se ajo do t’i shpallë ato kur të jenë gati.

“Masat janë duke u përgatitur. Pasi të kemi peshuar me kujdes gjithçka, do të flasim për këtë”, tha ai./albeu.com

The post Qeveria gjermane paralajmëron Rusinë kundër masave hakmarrëse për mosmarrëveshjen e Kaliningradit appeared first on Albeu.com.

Ministri i saj i Energjisë tha se blerjet e gazit, naftës dhe energjisë elektrike nga Moska po ndaleshin për të treguar “solidaritet” me Ukrainën dhe për të shkurtuar fondet për “makinerinë ruse të luftës”.

Ai shpreson se kërkesat për energji elektrike mund të plotësohen nëpërmjet prodhimit vendor të energjisë së gjelbër.

Lituania, një ish-shtet sovjetik dhe një anëtar i NATO-s, është një aleat i fortë i Ukrainës.

Pavarësisht pushtimit të Ukrainës, Rusia vazhdon të sigurojë karburant për shumë vende evropiane.

Megjithatë, furnizimi me gaz i Finlandës u ndërpre dje pasi ajo refuzoi kërkesën e Moskës për të paguar në rubla./albeu.com

The post Lituania ndalon blerjen e energjisë nga Rusia appeared first on Albeu.com.

Gitanas Nausėda thotë se ka në plan të dërgojë ushtrinë për të mbrojtur kufijtë e saj në përgjigje të “shqetësimeve dhe provokimeve të mundshme për shkak të forcave të mëdha ushtarake të grumbulluara në Rusi dhe Bjellorusi”.

Ndërkohë Kaja Kallas, kryeministrja e Estonisë, e cila kufizohet me Rusinë , i tha BBC News “ne do të ndihmojmë Ukrainën me të gjitha mjetet që mundemi”, duke përfshirë mbështetjen politike dhe duke dërguar armë.

Kallas thotë se “duhet të bëjmë gjithçka në nivel BE dhe NATO që ky agresion të mos zgjerohet”.

Ajo ka këshilluar estonezët të qëndrojnë të qetë dhe thotë se aktualisht nuk ka asnjë kërcënim në kufijtë e Estonisë. /albeu.com

The post Pushtimi rus i Ukrainës, presidenti i Lituanisë shpall gjendjen e jashtëzakonshme appeared first on Albeu.com.

Doganat kineze kanë vënë ndalesë në importet e mishit, produkteve të qumështit dhe alkoolit me këtë vend anëtar të BE-së, kanë thënë zyrtarë të Pekinit të premten.

Ky përshkallëzim vjen pasi Bashkimi Evropian ka nisur një rast kundër Kinës në Organizatën Botërore të Tregtisë, lidhur me kufizimet tregtare që Pekini tashmë ka vendosur ndaj Lituanisë.

Doganat kineze nuk kanë dhënë arsye për ndalesën në importet e mishit.

Megjithatë, gazeta e Hong Kongut, South China Morning Post, ka cituar një letër nga doganat se autoritetet e Lituanisë nuk kanë ofruar informacione të mjaftueshme për produktet e mishit dhe qumështit.
Eksportuesit e Lituanisë kanë raportuar më herët se janë larguar nga sistemi kinez i doganave dhe nuk kanë qenë në gjendje të dërgojnë furnizime.

Zëdhënësja e Ministrisë së Jashtme të Tajvanit, Joanne Ou, i ka përshkruar sanksionet ekonomike të Pekinit ndaj Lituanisë si “të neveritshme” dhe si “përçarje të rregullave globale dhe rregullit të tregtisë”.

Zëdhënësi i Ministrisë së Jashtme kineze, Zhao Lijian, ka thënë se Lituania “duhet të përballet me faktet, të rregullojë gabimet e veta dhe zbatojë parimin e një Kine, në vend q të hutohet nga e drejta dhe e gabuara”.

Kina është zemëruar me Lituaninë, e cila i ka mundësuar Tajvanit të hapë një zyrë përfaqësuese me emrin e tij në kryeqytetin e Lituanisë, Vilnius.

Pekini veçse ka zvogëluar marrëdhëniet diplomatike me Lituaninë në muajin nëntor, duke tërhequr ambasadorin e tij dhe duke u përfaqësuar vetëm me një të ngarkuar me punë prej atëherë.

Pekini e konsideron Tajvanin si pjesë të Republikës Popullore të Kinës dhe jo vend të pavarur, andaj synon ta izolojë atë në skenën ndërkombëtare.

The post Kina rrit konfliktin detar me Lituaninë appeared first on Albeu.com.