Shqipëria do të nisë një etapë të re në UEFA Nations League, ku katër përballjet e para do t’i zhvillojë kundër Bjellorusisë, Finlandës dhe San Marinos. Me këtë të fundit, kuqezinjtë do të luajnë dy herë.

Trajneri Rolando Maran publikoi sot listën e futbollistëve të grumbulluar. Naser Aliji, i cili prej vitesh aktivizohet me Kombëtaren shqiptare, është i vetmi lojtar i thirrur nga Superiorja.

Pas ftesës së mbrojtësit në përfaqësuese, ka ardhur edhe reagimi i Dinamos. Klubi kryeqytetas është shprehur krenar që futbollisti i tij do të jetë pjesë e kuqezinjve për ndeshjet e Nations League.

“Naser Aliji grumbullohet nga Shqipëria. Mbrojtësi dinamovit do të jetë pjesë e grupit të Rolando Maran për ndeshjet e Ligës së Kombeve”, shkruan Dinamo.

The post Dinamo shpreh krenarinë për Naser Alijin, i vetmi lojtar nga Superiorja i ftuar në Kombëtare appeared first on Albeu.com.

Trajneri Rolando Maran bëri publike sot listën e futbollistëve të grumbulluar për përballjet e Kombëtares në Nations League, ku ra në sy mungesa e sulmuesit Jasir Asani.

Lënia jashtë përfaqësueses shqiptare nuk është pritur mirë nga Asani, i cili shprehu pakënaqësinë e tij përmes dy postimeve me tone ironike në rrjetet sociale.

“Po rri urtë, se e di veten. Historia nuk harrohet kurrë. Më mirë të mos flas më…”, shkroi sulmuesi, duke e shoqëruar reagimin edhe me disa emoji të qeshurash.

The post Mungoi në listën e Kombëtares, Jasir Asani reagon me ironi: Historia nuk harrohet kurrë appeared first on Albeu.com.

“E qartë që situatat mund të bëjnë që zgjedhjet të jenë të ndryshme. Padyshim, mund të ishim në kushte të ndryshme, ka disa që janë në kushte të ndryshme dhe kjo bën që unë të bëj një listë dhe grumbullime në varësi të asaj që kam parë e monitoruar këtë javë e duke bërë reflektime të vëmendshme.

Berisha është lojtar që po tregon se është mirë, kam folur me të. Kemi edhe mungesën e Strakoshës dhe vlerësova portierët më të mirë që ishin në këto momente dhe ai hyn mes tyre, e telefonova dhe ishte i lumtur.

Sa i përket Brojës e Bajramit, vlerësova kushtet e përgjithshme, momentin, nuk është derë që mbyllet. Kam folur me ta, në këtë moment kam bërë zgjedhje të ndryshme, janë zgjedhje të diktuara nga momenti dhe kaq.

Sina dhe Kerjota? Kerjotën e kemi vëzhguar që nga sezoni i kaluar ku ka qenë protagonist me ekipin e tij. Me klubin pothuajse arritën të fitojnë kampionatin, ka karakteristika që mund të ndihmojnë skuadrën. Pak e vështirë dhe e lodhshme që të ndjekësh lojtarë që luajnë në kampionate të ndryshme. Prandaj kisha dëshirë që disa nga këto lojtarë t’i kisha në grumbullim, që t’i shikoja nga afër. Sa i përket të tjerëve që i kisha të grumbulluar, i kam parë dhe vëzhguar, dhe është lojtar interesant për të cilin kam kuriozitet që ta shoh nga afër. Sina është vendosur në evidencë në kohët e fundit, luan në një kampionat të vështirë. Ka qenë protagonist dhe ka shënuar. Në aspektin difensiv mund të kemi mungesa dhe vështirësi. Mbetet për t’u vlerësuar nëse do ketë vazhdimësi me skuadrën tonë apo mund të vazhdojë me U-21.

Superiorja? Mund të kishin qenë edhe lojtarë të tjerë të grumbulluar. Në pozicione të caktuara kemi pasur mungesa të lojtarëve. Kam qenë në dyshim deri në minutat e fundit, i kam parë dhe nga afër një pjesë tjetër të lojtarëve, por i kam besuar këtij blloku që ka qenë dhe në ndeshje të tjera. Ka lojtarë interesantë kampionati shqiptar, shpresoj në vijim të kem mundësi që të grumbulloj lojtarë të tjerë.

Të rinjtë? Unë mendoj se është një reflektim që duhet bërë. Kthehem pak te 19 maji, kur presidenti më kërkoi si objektiv fillestar të fitoja grupin në Ligën e Kombeve. Kjo nuk do të thotë që nuk mund të marrim lojtarë si SIna që kanë spikatur, por duhet siguruar menjëherë edhe rezultati. Përmendni shumë lojtarë me karakteristika ofensive, ku kemi shuam lojtarë, mbeten në shtëpi alternativa të rëndësishme. Mua më është dashur të thërras ndonjë lojtar më shumë për shkak të dëmtimeve, por të merrja lojtarë që do kisha vështirësi të aktivizoja do ishte e vështirë. Objektivi është të rrit numrin e lojtarëve, kemi një grup më të kufizuar në krahasim me të tjerërt që mund të zgjedhin. Por edhe ne kemi lojtarë që mund të zgjidhen e shumë shpejt do t’i shihni. Besimi është dhe ata e dinë, e dinë se sa jam i vëmendshëm edhe ndaj tyre. E kam bërë ndryshe, duke treguar interesimin tim, dua thjesht që të jenë në kushte ideale, por interesin e dinë shumë mirë.

Berisha? Me të fola qartësisht se është një lojtar i cili nëse shkon në fushë e mbron ekipin tij do të thotë që është në formë të mirë dhe nuk është se duhet të shoh moshën, si të jetë 17 apo 37. Unë e vlerësoj mes portierëve më të aftë të Shqipërisë, nëse do ishte Strakosha, do vinte gjithsesi. Do vinte gjithsesi e do zgjidhja kush është më mirë, kam shumë besim te potenciali i tij. Do të kuptoj nëse meriton të luajë më shumë ai apo tjetër, mendoj se është pjesë e ligjit të sportit dhe është e drejtë kështu.

Sigurisht të gjithë e dinë interesin në mënyrë direkte apo indirekte. I kam krahët e hapur për të gjithë që duan të përfaqësojnë ngjyrat kuqezi. Të gjitha procedurat janë bërë. Unë preferoj të flas për lojtarët që janë pjesë e kësaj liste.

Golashënuesit? Shpresoj të kenë ruajtur disa gola dhe për ne. Nuk ka qenë e lehtë për ta bërë listën. Ka të tjerë që do kisha preferuar të ishin të grumbulluar. Besoj shumë te potenciali i tyre. Uroj të jenë protagonistë sepse prezenca e tyre është esenciale me Kombëtaren.

Në ndeshjet e qershorit janë bërë gjëra pozitive e negative. Ishte e rëndësishme që të mbërrinim në këto ndeshje me një pamje më të mirë. Ndeshjet na kanë dhënë indikacionin si pozitivisht, edhe negativisht që duhet ta mendoj e shfrytëzoj. Ideja do të jetë që të punojmë dhe në gjëra të ndryshme në varësi të lojtarëve që do hedh në fushë. Duke i vendosur në kushte për të dhënë maksimumin. Janë gjëra që duhet të rishikoja, që në këto ndeshje do të vendosja në zbatim.

Pres të shoh një skuadër që lufton, të shkojë në fushë, të bëjë ndeshjen dhe të tregojë se jemi më të aftë se kundërshtarët, nëpërmjet lojës, vuajtjes. Dua të shoh që çdo lojtar të lërë çdo pikë djerse në fushë. Nëse e bëjmë këtë, do të kemi mundësinë të gëzohemi në fund të ndeshjes.

Do të jemi të ndërgjegjshëm se cila është forca jonë dhe kemi karakteristika të caktuara, që duhet t’i shfrytëzojmë dhe mos kemi frikë. Nuk jam shumë pragmatist, do të shohim si do zhvillohet skuadra në fushë. Nuk varet vetëm nga sistemi i lojës, por dhe qasja që do ketë skuadra. Për të arritur besimin dhe vlerësimin, duhet paraqitje dhe rezultate shumë të mira. Jemi të bindur që duke shfrytëzuar këto karakteristika, do të bëjmë mirë.

Kam zgjedhur këto lojtarë sepse mendoj janë të duhurit aktualisht. Kemi dhe lojtarë të tjerë që mund të bëjnë rolin e mbrojtësit të djathtë. Sina dhe pse është mbrojtës qendre, mund të luajë djathtas. Bazuar dhe në modulin si luajmë, duke marrë parasysh që fokuohemi të krijojmë hapësira dhe të jemi pak më të avancuar në sulm, mendoj se mund të funksionojë.

Lojtari nga U-21 ishte i dëmtuar, kështu që kam bërë zgjedhje të ndryshme.

Objektivi? Po. Mendoj se mund t’ja dalim me lojtarët që kemi. Kemi të gjithë kartat në dorë për t’ja arritur”, u shpreh Maran.

The post Broja dhe Bajrami jashtë, trajneri Rolando Maran zbulon arsyen: Vlerësova kushtet e përgjithshme dhe momentin, nuk është derë që mbyllet… appeared first on Albeu.com.

Shqipëria do ta nisë aventurën e re në këtë kompeticion me ndeshjet kundër Bjellorusisë, Finlandës dhe San Marinos, kundërshtar me të cilin do të luajë dy herë.

Për këto katër sfida, trajneri kuqezi ka thirrur gjithsej 29 futbollistë. Risitë e listës janë mesfushori i Hearts, Sabah Kerjota, dhe mbrojtësi i Union Brescia, Samuele Sina, të cilët marrin ftesën e parë nga Kombëtarja.

Pas mungesave të shkaktuara nga dëmtimet, në grup janë rikthyer Rey Manaj, Ernest Muçi dhe Marash Kumbulla. Pjesë e skuadrës është sërish edhe portieri Etrit Berisha.

Lista e plotë e futbollistëve të grumbulluar:

Portierë: Etrit Berisha, Alen Sherri, Mario Dajsinani dhe Simon Simoni.

Mbrojtës: Berat Gjimshiti, Ardian Ismajli, Marash Kumbulla, Klisman Cake, Samuele Sina, Mario Mitaj, Naser Aliji, Stavro Pilo, Elseid Hysaj dhe Ivan Balliu.

Mesfushorë: Kristjan Asllani, Ylber Ramadani, Juljan Shehu, Qazim Laçi, Luis Hasa, Adrion Pajaziti, Arbër Hoxha, Taulant Seferi, Anis Mehmeti, Ernest Muçi dhe Sabah Kerjota.

Sulmues: Rey Manaj, Mirlind Daku, Myrto Uzuni dhe Cristian Shpendi.

Grumbullimi i Kombëtares shqiptare, do të fillojë zyrtarisht të hënën, më 21 shtator, ndërsa seancat stërvitore do të zhvillohen në “Shtëpinë e Futbollit”.

Biletat për ndeshjet me Bjellorusinë dhe San Marino,  mund të sigurohen online në ebileta.al ose në pikën fizike pranë stadiumit “Air Albania”.

The post Mungon Broja dhe Bajrami! Del lista zyrtare e Kombëtares, surpriza dhe risi te kuqezinjtë nga Maran appeared first on Albeu.com.

Trajneri i Kombëtares shqiptare, Rolando Maran, do të dalë sot në orën 11:00 përpara mediave. Gjatë prononcimit, tekniku kuqezi do të bëjë publike listën e futbollistëve të grumbulluar dhe më pas do t’u përgjigjet pyetjeve të gazetarëve.

Publikimi i listës në kuadër të këtij prononcimi përbën një risi për Shqipërinë, pasi më parë emrat e të thirrurve njoftoheshin veçmas. Në media është përfolur mundësia e afrimit të lojtarëve të rinj, por çdo paqartësi pritet të marrë fund pas disa orësh.

Kuqezinjtë do të luajnë kundër Bjellorusisë më 26 shtator, ndërsa tri ditë më vonë do të udhëtojnë drejt San Marinos. Të dyja sfidat janë të vlefshme për Ligën C të Ligës së Kombeve.

The post Maran zbulon sot të përzgjedhurit e Kombëtares, priten përgjigjet për emrat e rinj appeared first on Albeu.com.

Shqipëria U-17 do të përballet dy herë me Malin e Zi në kuadër të përgatitjeve për raundin e parë të kualifikueseve të Europianit për këtë grupmoshë. Takimet do të zhvillohen më 25 dhe 28 shtator.

Trajneri Armand Dama do ta shfrytëzojë këtë përballje ndërkombëtare për të provuar ekipin dhe për të vlerësuar më nga afër lojtarët që ka në dispozicion.

Për dy sfidat miqësore, tekniku kuqezi ka grumbulluar 21 futbollistë, të cilët do të synojnë të bindin me paraqitjet e tyre në fanellën e Shqipërisë.

Lista e lojtarëve të përzgjedhur nga trajneri Armand Dama është si më poshtë:

Portierë: Bleron Celiku, Rei Shpuza.

Mbrojtës: Drilon Ibrahimi, Denis Nikolli, Rian Neza, Albion Muji, Jon Ajvazi, Aendi Cekrezi.

Mesfushorë: Eldin Veliu, Tom Keqi, Sebastian Sina, Angelos Como, Rajan Dybeli, Heldi Kopliku, Roan Laze.

Sulmues: Sebastian Gjeka, Haxhi Rrena, Fabio Hyseni, Lorent Zhara, Gentjan Sharka.

Grumbullimi i skuadrës do të nisë më 21 shtator në Shkodër. Sfida e parë kundër Malit të Zi do të luhet në Podgoricë, më 25 shtator në orën 16:00. Tri ditë më pas, më 28 shtator, Shqipëria U-17 do të presë malazezët në stadiumin “Loro Boriçi”, me ndeshjen që do të nisë në ora 11:00.

The post Shqipëria U-17, publikohet lista për dy miqësoret e shtatorit ndaj Malit të Zi appeared first on Albeu.com.

Kombëtarja shqiptare do të fillojë këtë fundjavë përgatitjet për takimet e UEFA Nations League. Kuqezinjtë i pret një program i ngjeshur, me katër ndeshje që do të zhvillohen gjatë muajve shtator dhe tetor.

Lista e futbollistëve të grumbulluar për këto përballje do të bëhet publike nga trajneri Rolando Maran të shtunën, më 19 shtator, në orën 11:00, në Shtëpinë e Futbollit.

Tekniku italian do t’i prezantojë zgjedhjet e tij në një konferencë për media, gjatë së cilës do të komentojë vendimet e marra dhe do t’u përgjigjet pyetjeve të gazetarëve për sfidat e ardhshme.

Grumbullimi i skuadrës është parashikuar të nisë të hënën. Lojtarët e ftuar do t’i bashkohen ekipit, ndërsa pasditen e së njëjtës ditë do të zhvillojnë seancën e parë stërvitore në Shtëpinë e Futbollit.

Shqipëria do ta hapë këtë seri ndeshjesh në shtëpi kundër Bjellorusisë, më 26 shtator. Tri ditë më vonë, kuqezinjtë do të udhëtojnë drejt San Marinos për takimin e 29 shtatorit.

Programi do të vijojë me transfertën ndaj Finlandës më 3 tetor, ndërsa më 6 tetor Kombëtarja do të rikthehet në shtëpi për përballjen e dytë me San Marinon.

Këto katër sfida të shtatorit dhe tetorit përbëjnë një tjetër fazë të rëndësishme në rrugëtimin e Shqipërisë në UEFA Nations League, ku synimi është përgatitja maksimale dhe angazhimi i plotë në çdo ndeshje.

The post FSHF publikon axhendën e Kombëtares, nga lista e Rolando Maran te përgatitjet për Nations League appeared first on Albeu.com.

Pas konstituimit të Kuvendit të Kosovës, në një seancë ku munguan deputetët e PDK-së, ka reaguar ministri në detyrë i Financave, Hekuran Murati.

Ai u ndal edhe te mbështetja që deputetët e VV-së i dhanë kandidates së Listës Serbe, Tanja Vujoviq, për postin e nënkryetares së Kuvendit.

Murati deklaroi se Lista Serbe, si përfaqësuese e shumicës së deputetëve të komunitetit serb, e ka këtë pozitë në përbërjen drejtuese të Kuvendit. Sipas tij, vota për Vujoviqin ishte e domosdoshme për përmbylljen e procesit të konstituimit.

“Nuk është se të gjithë i votuam, por kandidatja e fundit që ishte në radhë dhe nuk kishte tjetër, ishte zonja që u prezantua. E votuam në mënyrë që të konstituohet Kuvendi, sepse nuk mund të bëhej peng konstituimi i Kuvendit”, tha Murati.

The post Murati shpjegon votën e VV-së për kandidaten e Listës Serbe appeared first on Albeu.com.

Gjatë fjalës së tij, Balla deklaroi se ritmi i punës së Kuvendit gjatë këtij sesioni duhet të ndryshojë, në përputhje me kërkesat e procesit të negociatave për anëtarësimin në Bashkimin Europian.

Ai bëri të ditur se grupi parlamentar i Partisë Demokratike kishte kërkuar nga qeveria listën e plotë të projektligjeve që duhet të miratohen gjatë këtij sesioni.

Sipas tij, lista do t’i përcillej zyrtarisht opozitës, përmes ministres së Marrëdhënieve të Parlamentit.

Kërkesa është plotësuar në përfundim të seancës, kur Taulant Balla i ka dorëzuar grupit parlamentar të Partisë Demokratike listën e akteve ligjore që duhet të përafrohen me legjislacionin e Bashkimit Europian.

Dokumenti përmban 41 projektligje. Ato pritet të shqyrtohen fillimisht në komisionet parlamentare dhe më pas të votohen në Kuvend, me synim avancimin e procesit dhe mbylljen e kapitujve të negociatave.

Kapitulli 13 – Peshkimi dhe Akuakultura

1. Projektligj “Për disa shtesa dhe ndryshime në “Ligjin Nr.64/2012 “Për Peshkimin”” – Ministria e Bujqësisë dhe Zhvillimit Rural

Kapitulli 7 – Pronësia Intelektuale

2. Projektligji “Për ndryshime në Ligjin nr. 35/2016 “Për të drejtën e autorit” (i ndryshuar)” – Ministria e Turizmit, Kulturës dhe Sportit

3. Projektligji “Për disenjot” – Ministria e Ekonomisë dhe Inovacionit

4. Projektligji “Për Treguesit Gjeografikë dhe Produktet Artizanale dhe Industriale” – Ministria e Ekonomisë dhe Inovacionit

5. Projektligji për disa ndryshime dhe shtesa në ligjin nr. 52/2025 “Për markat tregtare” – Ministria e Ekonomisë dhe Inovacionit

6. Projektligji “Për disa ndryshime dhe shtesa në ligjin nr. 53/2025 “Për patentat, modelet e përdorimit dhe certifikatat e mbrojtjes shtesë” – Ministria e Ekonomisë dhe Inovacionit

Kapitulli 6 – Legjislacioni për shoqëritë tregtare

7. Projektligji “Për disa shtesa dhe ndryshime në ligjin nr. 9901, date 14.4.2008, “Për tregtarët dhe shoqëritë tregtare”, të ndryshuar” – Ministria e Ekonomisë dhe Inovacionit

8. Projektligji “Për disa shtesa dhe ndryshime në ligjin nr. 9723, datë 3.5.2007, “Për regjistrimin e biznesit”, të ndryshuar” – Ministria e Ekonomisë dhe Inovacionit

9. Projektligji “Për shndërrimin, bashkimin dhe ndarjen ndërkufitare të shoqërive tregtare” – Ministria e Ekonomisë dhe Inovacionit

10. Projektligji “Për disa shtesa dhe ndryshime në ligjin nr. 131/2015 “Për Qendrën Kombëtare të Biznesit”, të ndryshuar” – Ministria e Ekonomisë dhe Inovacionit

11. Projektligji “Për disa shtesa dhe ndryshime në ligjin nr. 10 236, datë 18.2.2010, “Për marrjen në kontroll të shoqërive me ofertë publike” – Ministria e Ekonomisë dhe Inovacionit

Kapitulli 17 – Politika Ekonomike dhe Monetare

12. Projektligj “Për Bankën e Shqiperisë” – Ministria e Financave

13. Projektligji “Për krijimin e Këshillit Fiskal” – Ministria e Financave

Kapitulli 4 – Levizja e Lire e Kapitalit

14. Projektligj “Për një ndryshim në ligjin nr.133/2013 “Për sistemin e pagesave” – Ministria e Financave

15. Projektligj “Për disa shtesa dhe ndryshime në ligjin nr.55/2020 “Për shërbimet e pagesave” – Ministria e Financave

Projektligji “Për Parandalimin e Pastrimit të Parave” – Ministria e Financave

Kapitulli 5 – Prokurimi Publik

17. Projektligj “Për disa shtesa e ndryshime të Ligjit nr. 162/2020 “Për Prokurimin Publik”, i ndryshuar” – Agjencia e Prokurimit Publik

18. Projektligj “Për disa shtesa dhe ndryshime në ligjin nr. 36/2020 “Për prokurimet në fushën e mbrojtjes dhe të sigurisë” – Ministria e Mbrojtjes

Kapitulli 16 – Tatimet

19. Projektligji “Për bashkëpunimin administrativ në fushën e tatimeve dhe shkëmbimin e informacionit tatimor” (DAC 1) – Ministria e Financave

20. Projektligji “Për disa shtesa dhe ndryshime në ligjin nr. 4/2020 “Për shkëmbimin automatik të informacionit të llogarive financiare” (DAC2) – Ministria e Financave

21. Projektligji “Për shkëmbimin automatik të vendimeve tatimore ndërkufitare në avancë dhe Marrëveshjeve të Çmimit në Avancë (MÇA)” (DAC3) – Ministria e Financave

22. Projektligji “Për shkëmbimin automatik të detyrueshëm të informacionit mbi marrëveshjet ndërkufitare të raportueshme” (DAC 6) – Ministria e Financave

23. Projektligji “Shkëmbimi automatik i informacionit nga operatorët e platformave digjitale” (DAC7) – Ministria e Financave

24. Projektligji “Për shkëmbimin automatik të informacionit mbi kripto asetet” (DAC 8) – Ministria e Financave

25. Projektligji “Për deklaratën informative të tatimit shtesë dhe shkëmbimin automatik të saj” (DAC9) – Ministria e Financave

Kapitulli 9 – Shërbimet financiare

26. Projektligji “Për mbikëqyrjen plotësuese të institucioneve të kreditit, ndërmarrjeve të sigurimeve dhe firmave të investimit në një konglomerat financiar” – Ministria e Financave

27. Projektligji “Për tregjet e kripto-aseteteve” – Ministria e Ekonomisë dhe Inovacionit

28. Projektligji “Për disa ndryshime në ligjin nr.9662, datë 18.12.2006, “Për Bankat në Republikën e Shqipërisë” – Ministria e Financave

Kapitulli 15 – Energjia

29. Projektligji “Për efiçiencën e energjisë” – Ministria e Infrastrukturës dhe Energjisë

30. Projektligji “Për përcaktimin e kërkesave për projektimin ekologjik të produkteve me ndikim në energji” (Ekodizajn) – Ministria e Ekonomisë dhe Inovacionit

31. Projektligji “Për krijimin, mbajtjen dhe menaxhimin e rezervave minimale të sigurisë të naftës bruto dhe nënprodukteve të saj” – Ministria e Infrastrukturës dhe Energjisë

Kapitulli 14 – Politika e Transportit

32. Projektligji “Për ndryshimin e Ligjit nr.118/2012 “Për transportin e mallrave të rrezikshme” – Ministria e Infrastrukturës dhe Energjisë

Kapitulli 10 – Shoqëria e Informacionit dhe Media

33. Projektligji “Për disa shtesa dhe ndryshime në Ligjin nr. 54/2024 “Për komunikimet elektronike në Republikën e Shqipërisë” – Ministria e Infrastrukturës dhe Energjisë

34. Projektligji “Për shërbimet digjitale në Republikën e Shqipërisë” – Ministria e Infrastrukturës dhe Energjisë

35. Projektligji “Për masat për të ulur koston e vendosjes së rrjeteve të komunikimit gigabit” – Ministria e Infrastrukturës dhe Energjisë

36. Projektligji “Për bllokimin gjeografik dhe format e tjera të diskriminimit bazuar në kombësinë, vendbanimin ose vendin e themelimit të klientëve brenda tregut të brendshëm” – Ministria e Infrastrukturës dhe Energjisë

37. Projetligji “Për rregullat e harmonizuara mbi inteligjencën artificiale” – Ministria e Infrastrukturës dhe Energjisë

Kapitulli 32 – Kontrolli Financiar

38. Projektligji “Për disa shtesa dhe ndryshime në ligjin nr. 7895, datë 27.1.1995, ‘Kodi Penal i Republikës së Shqipërisë’, i ndryshuar” – Ministria e Drejtësisë

Kapitulli 8 – Politika e Konkurrencës

39. Projektligji për ndryshime në Ligjin nr. 9374/2005 “Për ndihmën shtetërore”, i ndryshuar – Ministria e Ekonomisë dhe Inovacionit

Kapitulli 23 – Gjyqësori dhe të Drejtat Themelore

40. Projekligji “Për financimin e partive politike” – Kuvendi

41. Projektligj “Për donacionet dhe sponsorizimet” – Ministri i Shtetit për Administratën Publike dhe Antikorrupsionin

The post PS i dorëzon opozitës listën me 41 projektligje për integrimin europian appeared first on Albeu.com.

Analisti politik Rron Gjinovci ka reaguar pas fjalimit të përfaqësuesve të Listës Serbe në Kuvend, të cilët u shprehën se po flisnin “në emër të popullit serb”.

Përmes një postimi në Facebook, Gjinovci e kundërshtoi këtë qëndrim dhe deklaroi se ndaj përfaqësuesve serbë nuk duhet të ketë më tolerime.

“Serbëve s’bon asnji lëshim mo me jau bo.

Tu ja lëshu rrugën krejt bota, kena mbërri te pika ku ta mbrojnë gjenocidin dhe t’i nderojnë kriminelat. Hiç bre, as deklaratë as hiç”, ka shkruar ai.

The post Gjinovci kundër deklaratës së Listës Serbe: S’duhen bërë më lëshime appeared first on Albeu.com.