Sipas Panorama TV, Prokuroria ka ngritur akuza për shtetasit Eni Qirjako, Andi Agaraj, Klodian Sota dhe Endri Ikonomi për veprat penale “shpërdorim detyre” dhe korrupsion të zyrtarëve që ushtrojnë funksione publike.

Më konkretisht organi i akuzës kërkon dënimin e Eni Qirjakon, Klodian Sotën dhe Endri Ikonomin me 16 muaj burg, e cila të konvertohet në shërbim prove për 32 muaj.

Ndërsa për Andi Agarajn prokuroria kërkon dënimin me 36 muaj burg, por në aplikim të nenit 59 të Kodit penal, kërkon vënien në provë për një periudhe prej 4 vitesh.

The post Skandali me rrjedhjen e listës së pagave, Prokuroria jep pretencën, çfarë dënimi kërkon për 4 të akuzuarit appeared first on Albeu.com.

Sipas INSTAT, pagat më të mira në Shqipëri i parrin punonjësit që janë të punësuar në sektorin bankar dhe atë të sigurimeve, ndërkohë që më pas renditen sektori i informacionit dhe komunikacionit; punonjësit e agjencive imobiliare dhe administrata publike.

Në fund të listës si më pak të paguarit janë ata që punojnë në bujqësi.

Dy janë periudhat e rritjes së fortë të pagave gjatë vitit të fundit siç duket edhe në grafikun e INSTAT. Momenti i parë lidhet me tremujorin e fundit 2021, e cila përkon edhe me periudhën e publikimit të pagave të më shumë se 660 mijë shqiptarëve duke shkaktuar kështu një presion nga punonjësit në drejtim të menaxherëve për rritje, kurse momenti i dytë është tremujori i parë 2022, periudhë gjatë të cilës presionit të punonjësve iu shtua edhe rritja e fortë e çmimeve për shkak të luftës në Ukrainë./abcnews.al

The post Publikimi i listës rriti ndjeshëm pagat në Shqipëri, sa është rroga mesatare tani dhe kush janë profesionet më të paguara appeared first on Albeu.com.

Njoftimi:

Vendime të miratuara në mbledhjen e Këshillit të Ministrave, datë 10 Janar 2022:

V E N D I M

PËR

MIRATIMIN E MEMORANDUMIT TË MIRËKUPTIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE GRUPIT JONES INTERNATIONAL, PËR FORCIMIN E SIGURISË KIBERNETIKE TË INFRASTRUKTURËS KRITIKE PËR SHQIPËRINË

Në mbështetje të nenit 100 të Kushtetutës dhe të ligjit nr.2/2017, “Për sigurinë kibernetike”, me propozimin e ministrit të Infrastrukturës dhe Energjisë, Këshilli i Ministrave

V E N D O S I:

Miratimin e memorandumit të mirëkuptimit, ndërmjet Këshillit të Ministrave të Republikës së Shqipërisë dhe Grupit Jones International, për forcimin e sigurisë kibernetike të infrastrukturës kritike për Shqipërinë, sipas tekstit që i bashkëlidhet këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

ARBEN AHMETAJ./albeu.com

The post Skandali me listën e pagave, qeveria firmos marrëveshje për sigurinë kibernetike appeared first on Albeu.com.

Ata janë Eni Qirjako, Andi Agaraj, Klodian Sota dhe Endri Ikonomi.

Specialistja e IT Eni Qirjako e punësuar pranë AKSHI-t ka marrë listën e pagave dhe ia ka kaluar kolegut të saj Andi Agaraj i cili më pas e ka shitur atë te përmbaruesit privatë Klodian Sota dhe Endri Ikonomi.

Mësohet se punonjësja e AKSHI-t i ka kaluar të dhënat në një USB të cilën ia ka dhënë kolegut të saj, i cili i ka shitur në këmbim të përfitimeve financiare.

Të arrestuarit:

Eni Qirjako – Specialiste e IT në drejtorinë e Tatimeve

Andi Agaraj- Specialist i IT në drejtorinë e Tatimeve

Klodian Sota- Përmbarues

Endri Ikonomi- Përmbarues

The post EMRAT/ Skandali me listën e pagave, kush janë të arrestuarit që dyshohet se publikuan të dhënat appeared first on Albeu.com.

Pas këtij skandali, Prokuroria është vënë në lëvizje, për të zbuluar kush dhe si rrodhën të dhënat personale dhe informacioni i të ardhurave të mijëra punonjësve shqiptarë.

Sot, Prokuroria ka marrë në pyetje 14 ekspertë IT në Drejtorinë e Tatimeve dhe Institutin e Sigurimeve Shoqërore, të cilët dyshohet se kanë patur akses në pagat e punonjësve.

Gjithashtu janë marrë në pyetje edhe ekspertë në Agjencinë Kombëtare të Shoqërisë së Informacionit.

Prokuroria gjithashtu po kryen ekspertim edhe te kompjuterët e specialistëve të Tatimeve./albeu.com

The post Nga kush dhe si rrodhi lista e pagave? Hapat e Prokurorisë deri më tani për zbulimin e së vërtetës appeared first on Albeu.com.

“Sapo dëgjova konferencën e shtypit të kryeministrit të Shqipërisë.

Flet sikur të jetë një njeri i thjeshtë i popullit.

Nuk ka kuptuar asgjë. Sot atij i ka rënë shteti; sepse 650 mijë shqiptarë janë dhunuar në pikën më të dobët të ekzistencës së tyre.

Kryeministrit i ka rënë shteti; kurse ai bën  një avokati vulgare, duke thënë se do të përmirësojë sistemin; dhe se kjo ka ndodhur kudo në vende të ndryshme të Perëndimit. Turp! Mbrojtje vulgare.

Duhet të japë dorëheqjen. Nuk ka siguruar jetën ekonomike të qytetarëve të tij; që është sekret i njohur me ligj.

Edi Rama, që nga sot nuk është më kryeministër i shqiptarëve të dhunuar.

Duhet të japë dorëheqjen.

Nën një dhunim të tillë që iu bë shqiptarëve masivisht, përgjegjësi është shefi i qeverisë me të gjithë qeverinë.

Vlera e një kryeministri është garantimi i jetës shoqërore të shqiptarëve. Mosgarantizmi i kësaj jete është krim.

Kurse kryministri flet sikur nuk ka qenë kryeministri i këtij vendi.

Zoti kryeministër! Qenia kryeministër nuk është privilegj, por është përgjegjësi!”, tha Ngjela./albeu.com

The post Skandali me listën e pagave, avokat Ngjela: Shteti ra, Rama nuk është më kryeministër appeared first on Albeu.com.