Lisbonë Archives - Albeu.com

Tragjedia me 16 viktima në Lisbonë, zbardhet shkaku që çoi në aksidentin fatal të tramvajit

V K — Sun, 07 Sep 2025 05:42:57 +0000

Zyrtarët portugezë kanë konfirmuar se këputja e kabllos lidhëse mes dy vagonëve, ishte shkaku kryesor i aksidentit tragjik të tramvajit “Gloria” në Lisbonë, si pasojë e të cilit humbën jetën 16 persona dhe rreth 20 të tjerë u lënduan.

Sipas raportit të parë, pas vetëm gjashtë metrash udhëtim, kabinat “papritmas humbën fuqinë ekuilibruese të kabllos lidhëse”.

Autoritetet kanë bërë të ditur se sistemi i sigurisë, reagoi menjëherë duke aktivizuar frenat. Megjithatë, këto masa nuk patën efekt: vagoni vazhdoi të përshpejtonte në mënyrë të pakontrolluar dhe doli nga shinat me shpejtësi rreth 60 kilometra për orë, duke u përplasur në një ndërtesë brenda më pak se 50 sekondash.

Hetuesit, sipas raportit preliminar, kanë konstatuar se mekanizmat e tjerë ishin funksionalë. Një inspektim rutinë ishte kryer madje në mëngjesin e ditës së aksidentit, por defekti që solli këputjen e kabllos nuk mund të vërehej pa u çmontuar pajisjet.

“Gloria”, i cili funksionon prej 140 vjetësh dhe është shpallur monument kombëtar, është një prej atraksioneve më të njohura turistike në kryeqytetin portugez.

Ai lidh Sheshin Restauradores me lagjen e njohur Bairro Alto, përmes një udhëtimi që zakonisht zgjat tre minuta.

Sistemi i “Glorias” përbëhet nga dy tramvaje që lëvizin paralelisht dhe tërhiqen nga kabllo çeliku: kështu, Kur njëri zbret, pesha e tij e tërheq tjetrin përpjetë.

Shumica e viktimave ishin turistë të huaj, ndërsa autoritetet portugeze kanë paralajmëruar se hetimet do të vazhdojnë.

The post Tragjedia me 16 viktima në Lisbonë, zbardhet shkaku që çoi në aksidentin fatal të tramvajit appeared first on Albeu.com.

Aksidenti tragjik në Lisbonë/ Ndodh mrekullia, u raportua i vdekur, gjendet i gjallë një person nën tramvaj (VIDEO)

V K — Sat, 06 Sep 2025 09:57:18 +0000

Një ngjarje tronditëse ka goditur Lisbonën, ku një aksident tragjik me tramvaj, shkaktoi humbjen e jetës së 16 personave, ndërsa shumë të tjerë janë plagosur rëndë.

Mes të mbijetuarve është një djalë gjerman 3-vjeçar, i cili u nxor nga rrënojat. Por mrekullia për familjen e 3-vjeçarit është e dyfishtë, pasi babai i tij u shpall fillimisht i vdekur nga aksidenti, është gjetur gjallë.

Mediat lokale, fillimisht kishin raportuar se shtetasi gjerman kishte vdekur para syve të të birit në aksident.

Familja shkoi në morg në Portugali, por nuk mundën ta identifikonin atë.

CNN Portugal, raportoi se; “familja i tregoi një foto të burrit një oficeri policie vendas, i cili i çoi në spitalin São José. Atje u gjet gjallë, por “në gjendje të rëndë”, tha një zëdhënës i policisë portugeze.

3-vjeçari është bashkuar në spital me nënën e tij, e cila ndodhet gjithashtu në gjendje të rëndë.

Sipas agjencisë Lusa, fëmija ka marrë lëndime të lehta dhe po trajtohet në një spital pediatrik në Lisbonë.

Tramvaji Glória, që daton nga shekulli i 19-të, është një nga atraksionet më të njohura për turistët që vizitojnë kryeqytetin portugez, sidomos gjatë sezonit të verës.

Autoritetet po hetojnë shkaqet e aksidentit dhe nuk përjashtohet as ndonjë defekt teknik në sistemin e frenimit.

Mes viktimave janë shtatë burra, tetë gra dhe disa persona ende të paidentifikuar. Sipas raportimeve lokale, të paktën katër nga të vdekurit ishin punonjës të organizmit bamirës më të madh në Portugali, Misericórdia de Lisboa Santa Casa, institucion që administron ndër të tjera edhe lojërat Euromillions.

Ata përdornin rregullisht këtë linjë tramvaji, për të shkuar në zyrat e tyre në qytet.

Numri i viktimave ka ndryshuar disa herë gjatë ditës. Fillimisht u raportua për 17 të vdekur, por kryeministri i Portugalisë, Luís Montenegro, në një deklaratë për shtyp pasdite, konfirmoi se 16 persona kanë humbur jetën.

“Kjo është një nga tragjeditë më të mëdha njerëzore të historisë sonë të afërt”, u shpreh kryeministri.

The post Aksidenti tragjik në Lisbonë/ Ndodh mrekullia, u raportua i vdekur, gjendet i gjallë një person nën tramvaj (VIDEO) appeared first on Albeu.com.

Aksidenti tragjik me tramvaj në Lisbonë/ Presidenti Begaj: Ngushëllimet e mia më të thella për familjet që kanë pësuar një humbje të tillë

V K — Thu, 04 Sep 2025 11:23:07 +0000

Këtë të enjte, me anë të një postimi në rrjetin social “X”, Presidenti i vendit Bajram Begaj, reagoi për ngjarjen tragjike në Lisbonë, ku në incidentin e një tramvaji mbetën me dhjetëra të vrarë e të plagosur.

Kreu i shtetit përcolli një mesazh ngushëllimi për familjet që kanë humbur të dashurit e tyre, duke u shprehur: “Ngushëllimet e mia më të thella për familjet që kanë pësuar një humbje të tillë”.

“I trishtuar nga incidenti tragjik në Elevador da Gloria në Lisbonë.

Ngushëllimet e mia më të thella për familjet që kanë pësuar një humbje të tillë.

Mendimet e mia janë me të lënduarit, të cilëve u uroj një shërim të shpejtë dhe të plotë”, – shkroi Presidenti Begaj në profilin e tij në platformën “X”.

Saddened by the tragic incident at the Elevador da Glória in Lisbon.

My deepest condolences to the families who have suffered such loss.

My thoughts are with the injured, and I wish them a swift and full recovery.

— Bajram Begaj (@BajramBegajAL) September 4, 2025

The post Aksidenti tragjik me tramvaj në Lisbonë/ Presidenti Begaj: Ngushëllimet e mia më të thella për familjet që kanë pësuar një humbje të tillë appeared first on Albeu.com.

Tramavaji elektrik del nga shinat në Lisbonë, 15 të vdekur dhe dhjetëra të plagosur

M C — Wed, 03 Sep 2025 20:37:57 +0000

Të paktën 15 njerëz humbën jetën dhe rreth 18 u lënduan të mërkurën, kur tramvaji elektrik në Lisbonë, i njohur për turistët, doli nga shinat dhe u përplas, tha për gazetarët një zëdhënës i shërbimit të emergjencës.

Autoritetet nuk i identifikuan viktimat dhe nuk zbuluan kombësitë e tyre, por thanë se mes të vdekurve ka edhe shtetas të huaj.

“Është një ditë tragjike për qytetin tonë… Lisbona është në zi, është një ngjarje tragjike, tragjike”, u shpreh kryebashkiaku i kryeqytetit portugez, Carlos Moedas.

Pamjet nga vendngjarja vagonin e verdhë të tramvajit, që transporton njerëzit lart e poshtë një kodre të pjerrët në Lisbonë, të shkatërruar, ndërsa ekipet e emergjencës po nxirrnin njerëz nga rrënojat.

Presidenti i Portugalisë, Marcelo Rebelo de Sousa, shprehu keqardhje për aksidentin tragjik në një deklaratë, duke shpresuar që autoritetet së shpejti do ta zbulojnë shkakun e përplasjes.

Linja, e hapur në vitin 1885, lidh qendrën e Lisbonës pranë sheshit Restauradores me Bairro Alton.

Ajo është një nga tre linjat që operohet nga kompania publike e transportit urban, Carris, dhe përdoret si nga turistët, ashtu edhe nga banorët vendas.

Portugalia, dhe në veçanti Lisbona, kanë përjetuar një bum turistik gjatë dekadës së fundit, me vizitorë që mbushin qendrën e popullarizuar të qytetit gjatë muajve të verës./Rel

The post Tramavaji elektrik del nga shinat në Lisbonë, 15 të vdekur dhe dhjetëra të plagosur appeared first on Albeu.com.

Ndeshja me dema kthehet në tragjedi në Lisbonë, demi sulmon dhe vret 22-vjeçarin

M C — Tue, 26 Aug 2025 18:11:35 +0000

Një toreadori dhe një spektator humbën jetën pasi u sulmuan brenda arenës në Lisbonë nga një dem. Manuel Maria Trindade ishte në Campo Pequeno dhe vrapoi drejt një demi të madh, që peshonte rreth 700 kilogramë, duke e sfiduar atë të sulmonte.

Demi lëvizi me shpejtësi të lartë drejt 22-vjeçarit Manuel Maria Trindade. I riu u përpoq t’i kapte brirët e kafshës për ta kontrolluar, por brenda sekondave kafsha e ngriti në ajër dhe e hodhi për muri.

Spektatorët në një arenë me 6,848 vende bërtitën nga tmerri ndërsa Trindade shtrihej pa ndjenja në tokë. Demi u ndalua përfundimisht nga toreadorë të tjerë që i tërhoqën bishtin dhe ngritën pelerina shumëngjyrëshe para syve të tij.

Sipas faqes portugeze të internetit Zap, një spektator 73-vjeçar që po shikonte u rrëzua dhe gjithashtu vdiq, ndoshta nga tensioni dhe tronditja e momentit. Ekipet e shpëtimit nxituan menjëherë për t’i dhënë ndihmën e parë të riut në arenë. 22-vjeçari u dërgua në spital ku ra në koma por vdiq brenda 24 orëve për shkak të dëmtimit të pakthyeshëm të trurit.

The post Ndeshja me dema kthehet në tragjedi në Lisbonë, demi sulmon dhe vret 22-vjeçarin appeared first on Albeu.com.

Tërmeti që ndryshoi kursin e historisë

Xh — Fri, 20 Jan 2023 20:16:46 +0000

Tërmeti i Lisbonës i vitit 1755 pati një ndikim kaq të thellë në botë, saqë ndikimin e tij e ndjejmë edhe sot. Përveç shkatërrimit të një prej qyteteve më të rëndësishme të shekullit të 18-të, ajo tronditi edhe mendimin e kohës.

Shumë besonin se tërmeti ishte një ndëshkim nga Zoti. Të tjerë pyesnin veten nëse shkenca ishte një mënyrë më e mirë për të kuptuar universin dhe si funksionon ai.

Tani ne i lidhim këta mendimtarë me Epokën e Iluminizmit, një periudhë e historisë që çoi në Revolucionin Francez dhe Luftën Amerikane për Pavarësi.

Çfarë ndodhi në Lisbonë

Pak para orës 10 të mëngjesit të 1 Nëntorit 1755—Dita e të Gjithë Shenjtorëve—një vijë thyerjeje 200 milje ose më shumë larg bregut Iberik u ça, duke lëshuar energjinë ekuivalente të 32,000 bombave atomike të Hiroshimës.

Aq i fuqishëm ishte tërmeti sa efektet e tij u ndjenë nga Azores deri në Suedi. Lisbona e pësoi më të keqen. Gjatë minutave të ardhshme – dhe ardhja e dy lëkundjeve të tjera – [tërmeti] do të gjunjëzonte një nga qytetet më të mëdha të Evropës. Mendohet se është matur deri në 9.2 të shkallës Rihter.

Qyteti u shkatërrua. Dhjetë mijë njerëz mbetën të vdekur nën rrënojat e kishave, shtëpive dhe tregjeve. Më pas goditi cunami. Oqeani Atlantik prodhon rrallë cunami, kështu që njerëzit e Lisbonës do të kishin qenë po aq të papërgatitur për valën e baticës sa ishin për tërmetin.

Qindra të mbijetuar të tërmetit të Lisbonës dolën nga rrënojat vetëm për t’u tërhequr në lumin Tagus dhe për t’u thithur në Oqeanin Atlantik. Kjo ishte vetëm 30 minuta pas tërmetit.

Pastaj erdhën zjarret. Nuk kishte energji elektrike në 1755, por kishte shumë qirinj dhe të gjithë u ndezën për të festuar Ditën e Gjithë Shenjtorëve. Po kështu, sobat dhe vatrat ishin ndezur me zjarre të forta për të festuar festën.

Kur goditi tërmeti për herë të parë, ata qirinj dhe soba u rrëzuan përtokë, duke shkaktuar qindra zjarre të vogla në të gjithë qytetin.

Me gjithë qytetin tani në ndezje, jo vetëm që zjarret u përhapën, por ato u bashkuan për të krijuar një stuhi zjarri të mirëfilltë që ishte aq e fuqishme në etjen e saj për oksigjen, saqë mund t’i asfiksonte njerëzit 100 metra larg zjarrit – përpara se t’i digjte.

Mijëra njerëz të bllokuar në rrënoja – njerëz që sapo i kishin mbijetuar tërmetit më të keq në historinë evropiane dhe që më pas i mbijetuan një cunami të rrallë dhe të tmerrshëm – u dogjën të gjallë.

Stuhia e zjarrit shpërtheu për një javë dhe zjarret më të vogla vazhduan për javë të tëra më pas. Në total, deri në 40,000 njerëz u vranë në atë që një ditë më parë ishte qyteti më i pasur në Evropë./Albeu.com/

The post Tërmeti që ndryshoi kursin e historisë appeared first on Albeu.com.

Nuk ka qetësi për CR7: I bllokojnë Rolls-Royce në Lisbonë, ja arsyea

admin — Fri, 08 Jul 2022 20:59:28 +0000

Dhe gjërat mund të kishin shkuar ndryshe nëse Ronaldo do të ishte në Mançester.

Rolls Royce i Cristiano Ronaldos prej 600 mijë funtesh është bllokuar në Lisbonë, raporton Daily Star.

37-vjeçari aktualisht është jashtë stërvitjeve para-sezonale nën drejtimin e trajnerit të ri të Djajve të Kuq, Erik ten Hag për arsye familjare.

Është raportuar gjerësisht se pesë herë fituesi i Topit të Artë i ka thënë klubit se dëshiron të largohet nga Old Trafford këtë verë pasi mendon se mund të kontribuojë ende në një ekip të Ligës së Kampionëve.

Dhe kështu vera e vështirë e Ronaldos sapo u përkeqësua pasi luksozi i tij Rolls Royce Ghost u mbyll në kryeqytetin portugez të Lisbonës. Dhe ky nuk është incidenti i parë me makinat e Ronaldos. Këtë verë ndërsa portugezi ishte duke pushuar me familjen e tij në Mallorca, Bugatti i tij prej 1.7 milionë funtesh u përplas në murin e shtëpisë nga një prej truprojave të sigurisë së Ronaldos ishte duke lëvizur. /albeu.com/

Cristiano Ronaldo’s £600k Rolls Royce clamped as #MUFC star hunts movehttps://t.co/lxfzgYzNTA pic.twitter.com/yuowrjoWWW

— Daily Star Sport (@DailyStar_Sport) July 7, 2022

The post Nuk ka qetësi për CR7: I bllokojnë Rolls-Royce në Lisbonë, ja arsyea appeared first on Albeu.com.

E BUJSHME/ Ka blerë shtëpi në Lisbonë dhe Sporting luan në Champions, CR7 ka vendosur për të ardhmen (FOTO LAJM)

admin — Thu, 13 May 2021 20:15:11 +0000

Kthimi i Cristiano Ronaldos në Portugali është një realitet. Sulmuesi është i vendosur të largohet nga Italia dhe pasi dëshira e tij për t’u kthyer në Real Madrid nuk mund të bëhet realitet, ai ka në tryezë propozimin për t’u kthyer te Sporting de Portugal, klubi i tij i fëmijërisë.

Ekipi i Lisbonës është shpallur kampion dhe do të luajë në Ligën e Kampionëve vitin e ardhshëm, një turne që Juventusi nuk e ka të garantuar për momentin.

Cristiano është qendra e kritikave që nga eliminimi në Ligën e Kampionëve kundër Portos dhe dëshiron të prishë marrëveshjen që mbetet nga kontrata e tij me torinezët.

Në festën e ligës së Sporting, Dolores Aveiro, nëna e Cristiano, shkoi më tej me një premtim publik: “Unë do të shkoj në Itali për të biseduar me të. Vitin tjetër ai do të luajë në Alvalade, te Sporting, unë do ta bind atë”.

Këto fjalë tingëlluese për kamerat e ‘Tvi24’ nuk kanë bërë asgjë tjetër veçse rrisin shpresat e tifozëve të Lisbonës para kthimit të portugezit në klub nga u largua në 2003 për te Manchester United.

Cristiano Ronaldo është i gatshëm të heqë dorë pothuajse nga e gjithë pagat e tij. Portugezi fiton më shumë se 30 milion euro neto te Juventus, por është e qartë se në këtë fazë të fundit të karrierës së tij paratë janë dytësore.

Cristiano Ronaldo tashmë po përgatit kthimin e tij në Portugali me të gjithë familjen e tij. Ai u largua si fëmijë dhe tani kthehet si prind.

Portugezi së fundmi ka blerë një apartament luksoz në Lisbonë, me vlerë më shumë se shtatë milion euro.

Shtëpia, të cilën ai do të ndajë me Georgina Rodríguez dhe fëmijët, ndodhet në katin e 13-të të Rua Castilho në Lisbonë, brenda ndërtesës Castilho 203.

The post E BUJSHME/ Ka blerë shtëpi në Lisbonë dhe Sporting luan në Champions, CR7 ka vendosur për të ardhmen (FOTO LAJM) appeared first on Albeu.com.