Beqaj e cilëson përfundimin e paraburgimit si mbylljen e një mase të pajustifikuar. Duke iu referuar lajmeve të një dite më parë për lirimin e tij nga burgu, ai sqaron se nuk ka qenë asnjë ditë i burgosur në kuptimin juridik, pasi ky përcaktim vlen për një person të dënuar me vendim gjykate të formës së prerë.

Sipas ish-ministrit, ai ka kaluar 25 muaj në paraburgim për llogari të një hetimi të SPAK-ut dhe prej 16 muajsh ka statusin e të pandehurit.

Megjithatë, deri tani ndaj tij nuk është dhënë asnjë dënim, madje as nga gjykata e shkallës së parë.

Ai shpjegon se gjykata konstatoi dje se vazhdimi i paraburgimit nuk kishte më bazë në dispozitat e procedurës penale. Afatet e parashikuara nga ligji kishin përfunduar dhe, për këtë arsye, vendimi i paraburgimit i datës 03.07.2024 nuk kishte më vlefshmëri.

Beqaj shton se një përfundim i tillë u pranua gjatë procesit edhe nga përfaqësuesi i organit të akuzës.

Vendimit të djeshëm, sipas tij, i parapriu një tjetër vendimmarrje e gjyqtarit të seancës paraprake, e marrë pak ditë më herët. Në arsyetimin përkatës ishte vlerësuar se provat dhe argumentet e paraqitura nga organi i akuzës nuk mjaftonin për vazhdimin e gjykimit.

Beqaj pretendon se, konkretisht, 15 muajt e fundit të paraburgimit kanë qenë të padrejtë. Ai thotë se akuzohet në cilësinë e funksionarit të lartë në kundërshtim me Kushtetutën, Kodin e Procedurës Penale, jurisprudencën e GJKKO-së dhe tri vendime gjyqësore të dhëna posaçërisht për çështjen e tij.

Në reagim, ish-ministri kujton se ka ushtruar detyrën e ministrit të Shëndetësisë për tre vjet e gjysmë, ndërsa për dy vjet ka drejtuar SASPAC-un si drejtor i Përgjithshëm.

Aktualisht, ndaj tij po zhvillohen njëkohësisht tri procedime penale në SPAK. Sipas Beqajt, kohëzgjatja e hetimeve, e përllogaritur së bashku, arrin në 16 vjet, përkatësisht 6,5 + 6,5 + 3. Pavarësisht kësaj, ai thekson se nuk ka marrë ende asnjë dënim, përfshirë edhe në shkallën e parë.

Ai pohon gjithashtu se gjatë gjithë hetimeve nuk është zbuluar asnjë qindarkë apo cent që të dëshmojë një shtim të paligjshëm të pasurisë së tij, të ardhur si rezultat i veprimeve ose mosveprimeve të lidhura me funksionet shtetërore që ka mbajtur.

Pas kalimit në “arrest shtëpie”, Beqaj shprehet i lumtur që është pranë familjes. Ai thotë se, duke nisur nga shtatori, do të mund të marrë pjesë në proceset penale pa qëndruar në kafazin e sigurisë dhe do të ketë mundësi të përdorë versionin elektronik të fashikujve hetimorë.

Sipas tij, këto janë të drejta që burojnë nga Konventa Evropiane, Kushtetuta dhe legjislacioni procedural penal, por që i janë mohuar në mënyrë të paligjshme nga gjykatat, organi i akuzës dhe administrata e burgjeve.

Beqaj u bën thirrje të gjithë atyre që kanë mundësi të vijojnë betejën për këto kauza, pasi, siç shprehet ai, ato ndihmojnë garantimin e procesit të rregullt ligjor dhe barazisë së armëve.

Ish-ministri përmend në reagim edhe doktor Berishën, duke thënë se kishte mësuar se një ditë më parë ai i kishte dërguar selam.

Beqaj deklaron se nuk do t’i përgjigjet tani, pasi në vjeshtë do t’i japë mundësinë të flasë edhe më shumë, kur të paraqitet si dëshmitar në procesin për koncesionin e instrumenteve kirurgjikale.

Në mbyllje të mesazhit, Beqaj uron pushime të mbara dhe njofton se do të rishihen në shtator. Ndërkohë, ai vazhdon të jetë nën hetim nga SPAK-u, ndërsa masa e re e sigurisë e detyron të qëndrojë në banesë deri në një vendim tjetër të autoriteteve gjyqësore.

The post Ilir Beqaj pas lirimit nga paraburgimi: Afatet kishin përfunduar, më janë shkelur të drejtat appeared first on Albeu.com.

Asaj iu gjetën 5 vazo me rrënjë kanabis sativa në ballkonin e shtëpisë.

Pas lirimit nga burgu, sot bëri postimin e parë.

Në “Instastory” postoi një zemër të kuqe dhe një mesazh falenderimi.

“Jam shumë mirënjohëse dhe e bekuar për të gjithë suportin, komentet pozitive dhe dashurinë që kam marrë gjatë ditëve të vështira që kalova”, shkruan gjithashtu Enca.

The post “Kalova ditë të vështira”, Enca reagon për herë të parë pas lirimit nga burgu appeared first on Albeu.com.

Michael Spavor dhe Michael Kovrig u akuzuan për spiunazh në vitin 2018, menjëherë pasi policia kanadeze, me një urdhër amrikan, arrestoi drejtuesen ekzekutive të teknologjisë kineze

Ekzekutivja e Huawei, Meng Wanzhou, u largua nga Kanadaja të premten pas një marrëveshje me prokurorët amerikanë.

Ndalimet kanë shkaktuar tensione diplomatike me vite.

Kritikët akuzuan Kinën për ndalimin e kanadezëve në shenjë hakmarrje për arrestimin e zonjës Meng, për t’i përdorur si pjesë të negociatave politike. Pekini e mohoi me forcë këtë.

Meng Wenzhou u prit në Kinë me lavdërime dhe falenderime. Gjithashtu kompania Huawei e priti me një festë.

Sapo u sigurua liria e saj, Kina liroi edhe dy kanadezët që u ndaluan disa ditë pas arrestimit të saj.

Nëse është një marrëveshje apo një efekt domino nuk është e qartë, por vetëm javë më parë qeveria kineze këmbënguli përsëri që të dy rastet nuk ishin të lidhura me njëra-tjetrën./albeu.com

The post Pas lirimt të drejtuses së lartë të Huawei, lihen të lirë dhe dy kanadezët e arrestuar appeared first on Albeu.com.