Një aktivitet ku të pranishëm ishin dhe funksionarë të qeverisë, që u moderua nga ish-ministrja e Sipërmarrjes në Kosovë, zonja Mimoza Kusari-Lila.

Kryetarja e Komisionit të Ҫështjeve Europiane, evidentoi në takim problematikat e raporteve të ndryshme të shfaqura nga progresraporti i BE dhe raportet e tjera ndërkombëtare si Freedom House.

Më pas, ajo shtjelloi punën që duhet të bëjë kuvendi, për të mos lejuar rrëshkitjen e Shqipërisë në një demokraci joliberale.

Ajo vuri në dukje se detyra e kuvendit, nuk është noterizimi i vendimeve dhe kërkesave të qeverisë, por kërkesa e llogarisë.

Nëse një kuvend nuk bën këtë detyrë, sipas deputetes së PD Tabaku, ne nuk mund të kemi një rritje të Lirisë së Medias.

Ajo solli si shembull sulmet që gazetarja Ola Xama, pësoi pasi shkroi një investigim mbi kryebashkiakun Veliaj dhe lidhjen e tij me inceneratorët.

“Në të vërtetë detyra e kuvendit dhe mbi të gjitha e opozitës në atë sallë parlamentare është të mbrojmë median nga sistemi i korruptuar dhe që ka sponsorizuar një kulturë korruptive që sulmon të vërtetën kur ajo del nga media”, u shpreh Tabaku

Postimi i plotë:

Liria e Medias është një nga shtyllat më të rëndësishme të një demokracie institucionale dhe funksionale. Progresraportet e ndryshme dhe ndër vite shoqëruar me raportet e tjera ndërkombëtare, kanë dëshmuar një degradim të trishtë të lirisë së medias.

Parlamenti, nga ana tjetër, përpos se ka mbetur një noter i asaj që njihet si “shtet i kapur” duhet të angazhohet në betejën për të kërkuar llogari dhe për të ndryshuar legjislacionin për të mbrojtur median dhe lirinë e saj.

KKIE ka ndërmarrë disa hapa në shërbim të kësaj qasje për të kërkuar llogari dhe informacion ndaj qeverisë teksa dëgjojmë kryetarin e Bashkisë Tiranë që sulmon drejtëpërdrejtë gazetaren investigative Ola Xama apo gazetarë të tjerë për shkrimet dhe qendrimet e tyre.

Në të vërtetë detyra e kuvendit dhe mbi të gjitha e opozitës në atë sallë parlamentare është të mbrojmë median nga sistemi i korruptuar dhe që ka sponsorizuar një kulturë korruptive që sulmon të vërtetën kur ajo del nga media.

The post Jorida Tabaku: Liria e Medias, një nga shtyllat më të rëndësishme të një demokracie funksionale appeared first on Albeu.com.

Ajo u shpreh se dhuna verbale karshi gazetarëve, mungesa e transparencës dhe kërcënimi nga pushtetarë që mendojnë se janë të paprekshëm, gërryejnë themelet e demokracisë.

“Të drejtat e gazetarëve, si dhe paga dhe trajtimi i tyre janë çështje me të cilat duhet të ishim marrë prej vitesh”, shkroi Tabaku.

Postimi i plotë:

“Prej 12 vitesh liria e medias në Shqipëri ka vijuar rënien, duke shënuar jo rrallë kthim në një kohë që duket e largët në distancë, por jo mentalitet.

Dhuna verbale karshi gazetarëve, mungesa e transparencës, vetëçensurimi i tyre dhe ndër të tjera kërcënimi nga pushtetarë që mendojnë se janë të paprekshëm gërryejnë themelet e një demokracie që është e dobët, por që duhet të forcohet.

Kemi parë në këtë dekadë qeverisje socialiste një sulm të vazhdueshëm asimetrik ndaj medias, shpifje dhe fushata që kanë pasur synim sulmin ndaj gazetarëve që kanë kërkuar të vërtetën dhe kanë investiguar për të zbuluar rastet korruptive.

Kemi dëgjuar nga gojët e disa politikanëve dhe pushtetarëve të rinj në moshë, por të vjetër në sjellje e mendësi, se si kanë drejtuar fjalët e tyre ndaj gazetarëve duke i etiketuar “vrasës me pagesë” vetëm përse kanë kryer detyrën e tyre si gazetarë.

Media ka qenë e vazhdon të jetë një fushë e kriter në procesin e integrimit, pronësia e medias, ndikimi i pushtetit në kronikat editoriale, censurimi dhe vetëcensurimi. Por, më tepër të drejtat e gazetarëve, si dhe paga dhe trajtimi i tyre janë çështje me të cilat ne duhet të ishim marrë prej vitesh. Ndërkohë vit pas viti ne shohim se si Shqipëria degradon në renditjen për median e lirë e se si politika e pushteti ushtron presion.

Ka shumë lakmues të demokracisë; po një nga shtyllat kryesore është media e lirë. Koha të marrim një tjetër drejtim”, shkruan ajo.

The post Protesta e gazetarëve/ Jorida Tabaku: Prej 12 vitesh liria e medias në Shqipëri ka vijuar rënien appeared first on Albeu.com.

Meta shkruan se kryeministri Edi Rama, është armik i fjalës së lirë dhe pavarësisë së medias.

Ndërsa në lidhje me protestën e organizuar dje nga gazetarët para Kuvendit, Meta shprehet se i inkurajon punonjësit e mediave të vijojnë pa u trembur misionin e tyre, duke  ftuar organizatat prestigjioze botërore të medias të monitorojnë edhe me më shumë vëmendje situatën e kolegëve të tyre në Shqipëri.

Postimi i Metës:
“Shqipëria e fundit në rajon edhe mes vendeve kandidateve për në Bashkimin Europian, sipas Indeksit Botëror të Lirisë së Medias.

Nga vendi i 85-të në vitin 2014, tani renditemi në vend të 99-të, me një klimë më të përkeqësuar për gazetarët.

Asnjë surprizë!

Edi Rama është armik i fjalës së lirë dhe i pavarësisë së medias sepse ai është armiku kryesor i lirisë së çdo qytetari shqiptar, i votës së lirë, pluralizmit politik, demokracisë, shtetit ligjor dhe i barazisë para ligjit.

Duke dënuar me forcë dhunën, censurën, presionet dhe shantazhet gjithmonë në rritje ndaj medias së pavarur dhe kritike me Qeverinë, inkurajoj gazetarët të vijojnë pa u trembur misionin e tyre dhe i ftoj organizatat prestigjioze botërore të medias të monitorojnë edhe me më shumë vëmendje situatën e kolegëve të tyre në Shqipëri.

Pa liri të medias, nuk ka demokraci, llogaridhënie dhe transparencë!”, shkruan Meta.

The post Meta gazetarëve: Vijoni misionin tuaj të patrembur, pa liri të medias, s’ka demokraci appeared first on Albeu.com.

“Është një hap i madh në sigurimin e më shumë mbrojtjes për gazetarët. Është legjislacioni i parë evropian në këtë fushë,” tha ligjvënësja kryesore në dosje, konservatorja gjermane Sabine Verheyen.

e re u prezantua nga Komisioni Evropian në vitin 2022 në përgjigje të kontrollit të zvarritur të shtetit mbi organizatat e medias dhe sulmeve ndaj lirisë së shtypit. Ligji i ri do të ndalojë qeveritë të ndjekin gazetarët për të zbuluar burimet e tyre duke vendosur spyware në telefonat e tyre, megjithëse disa përjashtime do të aplikohen nga kjo ndalim.

Ai gjithashtu do të prezantojë kërkesat e transparencës për pronësinë e mediave dhe reklamat shtetërore, procedurat për të kontrolluar përqendrimin e medias, si dhe një shtresë të re mbrojtjeje për mediat nga vendimet arbitrare të heqjes të marra nga platformat e mëdha online.

“Globalisht, ka gjithnjë e më shumë probleme në lidhje me lirinë dhe diversitetin e medias. Mendoj se në Evropë, ne me të vërtetë duhet të tregojmë se media është pjesë e demokracisë sonë bazë,” tha Verheyen.

Gjatë negociatave, Parlamenti kërkoi që të kishte mbrojtje më të forta kundër përdorimit të spyware, por këto përpjekje hasën në kundërshtimin e qeverive të BE-së.

The post Miratohet nga Parlamenti Evropian ligji për Lirinë e Medias appeared first on Albeu.com.

Ne vlerësojmë se nuk është bërë përparim i rëndësishëm në gazetarinë shqiptare gjatë vitit të fundit, në lidhje me përmirësimin e mjedisit për gazetari të pavarur pluralizmit mediatik në Shqipëri. Pra, niveli i lirisë së medias në Shqipëri as nuk është u dobësua dhe as nuk u përmirësua në mënyrë domethënëse vitin që lamë pas. Nga njëra anë, e ashtuquajtura paketa anti-shpifje doli jashtë loje por nga ana tjetër mbeten shqetësime madhore sulmet që vijojnë ndaj gazetarëve, retorika diskretituese nga politikanëtdhe kufizimi i hapësirës për marrjen e informacionit.

DW: Çfarë mund të konsiderohet si rrezik më i madh për gazetarët në Shqipëri? Dhuna policore apo retorika politike?

Jamie Wiseman: Veprimet arbitrare dhe të rënda të oficerëve të policisë paraqesin një kërcënim të madh për lirinë e shtypit. Raporti ynë dokumentoi raste të shumta shqetësuese në të cilat policia sulmoi fizikisht gazetarët që mbulonin protestat, madje një punonjës mediatik përfundoi në spital. edhe shtrimin në spital të një punëtori të mediave. Teksa këto raste të papranueshme janë më seriozet dhe kanë më shumë ndikim tek media, edhe përpjekjet e bëra nga figura të një profili të lartë politik, përfshirë kryeministrin shqiptar, për të diskretituar dhe denigruar gazetarët kritikë, janë gjithashtu çështje shumë serioze dhe të dyja duhet të marrin fund, sëbashku me dërgimin e gazetarëve në “riedukim” dhe ndalimin e tyre për të marrë pjesë në konferenca shtypi. Pasojat profesionale për gazetarët Klevin Muka dhe Ambrozia Meta, kanë qenë serioze.

DW: A keni gjurmuar sulme nga individë apo organizata kriminale kundrejt gazetarëve në Shqipëri?

Jamie Wiseman: Monitorimi i këtyre kërcënimeve është pjesë e monitorimit tonë, por për 2022-shin nuk u regjistruan raste të tilla. Sidoqoftë, kjo mund të ketë ndodhur edhe për faktin se sulmet nga organizatat kriminale bëhen në mënyrë anonime dhe është e vështirë që të kategorizohen e lidhen me kërcënimet ndaj medias.

DW: MFRR merret, përveç gjurmimit të rasteve, edhe me monitorimin dhe reagimin ndaj këtyre sulmeve. Çfarë keni bërë ju në këtë drejtim?

Jamie Wiseman: Pjesë e punës sonë është monitorimi dhe dokumentimi i të gjitha shkeljeve që lidhen me lirinë e shtypit, përfshirë këtu edhe Shqipërinë, duke bashkëpunuar me organizata të besuara vendase. Sidoqoftë, ky është vetëm hapi i parë, dhe shpesh ndiqet me advokim të drejtpërdrejtë në emër të gazetarëve të sulmuar, përfshirë shkresat drejtuar organeve gjyqësore ose politike për të nxitur një hetim të plotë dhe drejtësi që reagon shpejt. Konsorciumi ynë ofroi gjithashtu mbështetje ligjore për gazetarët në Shqipëri në vitin 2022, të cilët po përballen me padi për raportimin në funksion të interesit publik. Ne gjithashtu veprojmë si një urë lidhëse midis organizatave lokale dhe institucioneve europiane. Shumë prej organizatave tona morën pjesë në misionin për lirinë e medias në nëntor 2022 në Shqipëri, si pjesë e platformës së Këshillit të Europës për Sigurinë e Gazetarëve, dhe aty u takuam personalisht me shumë gazetarë dhe advokuam për lirinë e medias me zyrtarë të qeverisë dhe përfshimë në platformën MapMF shumë raste që dokumentuam.

DW: A keni marrë ankesa nga gazetarët shqiptarë dhe cilat janë problemet me të cilat ata ndeshen më shpesh?

Jamie Wiseman: Shumë nga shqetësimet e ngritura në platformën tonë janë regjistruar fillimisht nga vetë ankesat e gazetarëve. Çdo profesionist i medias i cili ndihet i sulmuar apo kërcënuar mund të dorëzojë ankesën në platformën tonë ReportIt link, dhe më pas organizatat eksperte verifikojnë informacionin dhe kontaktojnë gazetarët denoncues para se rasti i tyre të përfshihet në platformën MapMF. Ky mjet teknologjik ka qenë jetik për mbledhjen e të dhënave nga shumë shtete, përfshirë Shqipërinë, dhe ne inkurajojmë gazetarët dhe mediat e tyre për të përdorur këtë burim për raportimin e ankesave apo kërcënimeve që ata marrin për shkak të detyrës.

DW: Si mund ta përshkruani situatën e lirisë së media në Shqipëri, krahasuar me vendet e tjera kandidate apo anëtare në Bashkimin Europian?

Jamie Wiseman: Panorama për lirinë e shtypit dhe medias në Shqipëri mbetet sfiduese. Klima për një shtyp të lirë dhe të pavarur nuk shënoi përmirësime në vitin 2022. Po e ripërsëris: çështje serioze mbeten sulmet ndaj gazetarëve, retorika diskretituese e politikanëve, paditë shqetësuese dhe kufizimi i hapësirës për marrje informacioni. Një çështje që nuk është adresuar në këtë raport, por që çon në vetë-censurën e vazhdueshme brenda komunitetit gazetaresk dhe që kufizon cilësinë e raportimit investigativ, është kapja e hallkave të rëndësishme mediatike nga interesat e biznesit. Këta pronarë, shumë prej të cilëve zotërojnë biznese që kryqëzohen me industritë e rregulluara nga shteti dhe që përftojnë tendera publikë, e përdorin sistematikisht median e tyre për t’i shërbyer biznesit të tyre ose agjendave politike, dhe jo interesit publik. Kjo minon pluralizmin e mediave, dëmton integritetin e mediave dhe dëmton ekosistemin e përgjithshëm të mediave. Kjo është një çështje që ekziston në shumë vende kandidate, dhe në të vërtetë edhe në shtetet anëtare të BE -së, por ajo mbetet veçanërisht akute në Shqipëri. Nëse flasim për zhvillime pozitive, ka shumë media të pavarura dhe të jashtëzakonshme, që mbajnë gjallë interesin publik me anë të një gazetarie për qytetarët dhe demokracinë. Këto media kanë nevojë për sa më shumë mbështetje, në mënyrë që të jenë të lira nga ndikimi politik, ekonomik dhe presionet rregullatore./dw

The post DW: Kufizimi i hapësirave për marrjen e informacionit mbetet sfidë madhore në Shqipëri appeared first on Albeu.com.

“Jam e kënaqur që qeveria #Shqipëri tërhoqi nga axhenda parlamentare projektligjet e diskutueshme për median, të njohur si paketa “anti-shpifje”. I gjithë legjislacioni në lidhje me median duhet të garantojë #lirinë e medias, në përputhje me angazhimet e #OSBE-së dhe standardet e tjera ndërkombëtare”-thuhet në reagimin e bërë nga Teresa Ribiero.

I am pleased that the #Albania government withdrew the controversial draft media laws, known as the “anti-defamation” package, from parliamentary agenda. All media related legislation must guarantee #mediafreedom, in line with #OSCE commitments & other international standards.

— OSCE media freedom (@OSCE_RFoM) October 24, 2022

The post Qeveria tërhiqet nga paketa “anti-shpifje”, OSBE: Shqipëria të garantojë lirinë e medias appeared first on Albeu.com.

Përmes një postimi në faqen e tij në Facebook, Meta është shprehur se gazetarët duhet të unifikohën në qëndrime dhe të tregojnë hapur dhunën dhe presionet e qeverisë.

Meta duke cituar artikullin e “Frankfurter Allgemeine Zeitung”, ka shtuar se dëmi i shkaktuar është i njëjtë me dëmin e shkaktuar nga propaganda naziste, pedofilia apo terrorizmi.

Postimi i plotë i Metës:

Liria e medias është tregues për gjendjen e demokracisë, kusht i pazëvendësueshëm për respektimin e të drejtave të njeriut dhe përshpejtimin e integrimit europian.

Shqetësimet serioze me të cilat përballet sot media në Shqipëri, të ngritura me profesionalizëm nga gazeta e madhe gjermane “Frankfurter Allgemeine Zeitung” janë një këmbanë e fortë alarmi, që i fton të gjithë gazetarët të reflektojnë për mbrojtjen e të drejtave të tyre që dhunohen dhe shkelen nga çdo nga armiku i fjalës së lirë, Edi Rama.

Duke ndarë disa nga konstatimet më serioze në artikullin e FAZ, i ftoj të gjithë gazetarët e pavarur dhe kurajozë, që pa humbur kohë të unifikohen në qëndrime, të denoncojnë hapur dhunën, shantazhin e presionet, gjuhën e urrejtjes e frikësimit, por dhe kushtet e papërshtatshme të punës. Ndryshimi është në dorën tuaj! Beteja pakompromis për rivendosjen e lirisë dhe pavarësisë së medias, për dinjitetin profesional dhe njerëzor, nuk do ndalet deri ditën kur edhe gazetari i fundit të çlirohet nga presioni i Qeverisë dhe autocensura!

? Konstatimet e shkëputura nga artikulli i “Frankfurter Allgemeine Zeitung”: https://zeitung.faz.net/…/ëo…/798295.html…

Në renditjen aktuale të Reporterëve pa Kufij, vendi renditet i 103-ti nga 180 shtete – renditja më e keqe në Ballkanin Perëndimor. Kryeministri Edi Rama është përgjegjës për renditjen e ulët. Rama i ka denoncuar gazetarët para kamerave si kosha plehrash, parazitë, derra dhe prostituta. Dëmi i shkaktuar ishte i ngjashëm me atë të shkaktuar nga propaganda naziste, pedofilia ose terrorizmi. Për t’iu afruar këtyre synimeve Rama dhe ministrat e tij përdorin edhe mjete ligjore. Gazetarët e pabindur paditen rregullisht për shpifje në Shqipëri duke u kërcënuar me gjoba dhe sanksione penale. Kryeministri shqiptar gjithashtu kufizon rrjedhën e informacionit për gazetarët e pavarur me të gjitha llojet e rregulloreve dhe ligjeve. Më e njohura është e ashtuquajtura paketë anti-shpifje. Kritikët kanë frikë se Rama dëshiron ta kthejë AMA-n në një agjenci censurimi./albeu.com/

The post Liria e medias, Meta ndan konstatimet e FAZ: Rama përdor mjetet ligjore për të nënshtruar gazetarët (FOTO LAJM) appeared first on Albeu.com.

Aleksey Zhuravlyov, një anëtar i parlamentit rus dhe një aleat i presidentit rus Vladimir Putin, së fundmi kërcënoi se do të vriste një gazetar gjerman që mbulonte luftën midis Rusisë dhe Ukrainës.

Gjatë një paraqitjeje në programin rus të lajmeve 60 minuta, Zhuravlyov, lideri i partisë pro-Putin Rodina, kërcënoi Björn Stritzel, një reporter i agjencisë gjermane të lajmeve BILD, i cili po mbulon luftën nga Ukraina.

Një video e komenteve të tij u postua në Tëitter të shtunën nga gazetarja Julia Davis, e cila monitoron propagandën ruse.

“Nuk më intereson, dua t’i them këtij nazisti: K****, do të vijmë të gjithë t’ju vrasim të gjithëve”, tha ai.

Megjithatë, komentet e tij u hodhën poshtë nga prezantuesi i televizionit shtetëror rus, Yevgeny Popov, i cili ‘e qortoi’ atë për kërcënimin e njerëzve.

“Këta janë gazetarë. Këta janë propagandistë, por të mos jemi të tillë. Të mos vrasim askënd”, tha ai.

Prapëseprapë, Zhuravlyov tha se ai mund të “mbante më pak” kërcënimin e gazetarëve me vdekje, edhe pse konsiderohet shkelje e ligjit ndërkombëtar humanitar të synosh dhe vrasësh gazetarët, të cilët zakonisht konsiderohen civilë.

Kujtojmë se Rusia është përballur me akuza të shumta nga organizata ndërkombëtare për krime lufte në Ukrainë, përfshi edhe vrasjen e civilëve.

Meanwhile in Russia: another normal day on Kremlin-controlled state television.

Appearing on 60 Minutes, State Duma Member Aleksey Zhuravlyov is threatening @BILD reporter in Ukraine @bjoernstritzel and other German journalists: “B***, all of us will come and kill all of you!” pic.twitter.com/XyCFxE4T87

— Julia Davis (@JuliaDavisNews) August 6, 2022

The post Deputeti rus kërcënon LIVE gazetarin gjerman: Do vi të të vras (VIDEO) appeared first on Albeu.com.

Në njoftimin e 15 korrikut, thuhet se kjo po bëhet si pjesë e paketës së tij të rregullt të vendimeve për “shkeljet” që rrezikojnë të drejtat, liritë themelore ose sundimin e ligjit midis shteteve anëtare.

Kryeministri hungarez, Viktor Orban, ka luftuar me Brukselin për një sërë çështjesh, që nga perceptimi i kthimit demokratik dhe të të drejtave, deri te sanksionet kundër Rusisë për pushtimin e Ukrainës, zgjerimi dhe çështje të tjera të brendshme të BE-së.Çështja LGBT ka qenë një burim i veçantë acarimi. Qeveria e Orban miratoi ndryshime ligjore në qershor 2021 që tërhoqën kritika të ashpra nga Komisioni Evropian, Komisioni i Venecias i Këshillit të Evropës dhe anëtarët e komunitetit LGBT, të cilët thonë se stigmatizojnë pakicat seksuale dhe mbytin diskursin mbi orientimin seksual.

Orban ka hedhur poshtë vazhdimisht akuzat për diskriminim dhe tha se legjislacioni lejon kontrollin prindëror për atë se çfarë lloj edukimi seksual marrin fëmijët në shkollë./REL

The post BE padit Hungarinë për ligjet LGBT, lirinë e medias dhe çmimin e gazit appeared first on Albeu.com.

Numri i gazetarëve të burgosur në mbarë botën nga qeveritë që kërkojnë të shtypin raportimet kritike arriti nivelin më të lartë ndonjëherë në vitin 2021, thuhet në raportin vjetor të hartuar nga Komiteti për Mbrojtjen e Gazetarëve, CPJ.

Deri më 1 dhjetor, thotë raporti i përpiluar nga CPJ, 293 gazetarë ishin burgosur në 37 vende të ndryshme, nga 280 një vit më parë. Kina mban vendin e parë në botë, duke mbajtur të burgosur 50 gazetarë. Vende të tjera që burgosën një numër të madh gazetarësh përfshinin Mianmarin, Egjiptin, Vietnamin dhe Bjellorusinë.

Gypsy Guillén Kaiser, e Komitetit për Mbrojtjen e Gazetarëve shkurtimisht CPJ, i tha Zërit të Amerikës se vendet që burgosin gazetarët ndajnë gjëra të përbashkëta.

“Ka patur një rënie të demokracisë dhe parimeve demokratike në shkallë globale në pothuajse çdo fushë, jo vetëm në lirinë e shtypit. Në veçanti, qeveritë autoritare po i portretizojnë gazetarët si gënjeshtarë dhe kriminelë. Kjo qasje i shërben polarizimit politik që po pllakos botën dhe është gjithashtu një komponent kritik në erozionin e besimit tek media e lirë dhe e pavarur në mbarë botën.”

Zonja Kaiser tha se regjimet autoritare kanë punuar për të miratuar ligje të reja që i mundësojnë ata të vënë në shënjestër gazetarët. I tillë ishte shtimi i seksioni 505A në kodin penal të Mianmarit që ndalon veprime të paqarta si “shkaktimi i frikës”.

Raporti nga CPJ ka për qëllim të ofrojë një portret kohor, duke treguar se sa gazetarë ishin në burg në orën 12:01 të mëngjesit të 1 dhjetorit. Raporti nuk përfshin gazetarët që ishin në burg për një pjesë të vitit 2021, por u liruan përpara publikimit.

Samiti i Demokracisë

Raporti i Komitetit për Mbrojtjen e Gazetarëve, CPJ, u publikua një ditë para se Shtëpia e Bardhë të niste takimin e parë të nivelit të lartë për demokracinë. Në këtë takim virtual po marrin pjesë më shumë se 100 vende, mes tyre nga ato që janë, gjoja, të përkushtuara ndaj parimeve të demokracisë.

Megjithatë shtatë nga vendet pjesmarrëse, sipas listës së Departamentit të Shtetit, aktualisht mbajnë të paktën një gazetar të burgosur, thuhet në raportin e CPJ. Ato janë: Brazili, Republika Demokratike e Kongos, India, Iraku, Izraeli, Nigeria dhe Filipinet.

“Është i rëndësishëm angazhimi në dialog me vendet që kryejn veprime represive”, tha zonja Kaiser. Megjithatë, ajo vuri në dukje se një nga çështjet kryesore që administrata e Presidentit Biden pret të trajtojë në samit është qëndrueshmëria e medias të lirë dhe të pavarur. Kjo i vë shtatë vendet e mësipërme në konflikt të drejtpërdrejtë me një nga objektivat kryesore të samitit.

“Nëse gazetarët nuk janë në gjendje të raportojnë lirisht dhe në mënyrë të pavarur, qëndrueshmëria e medias nuk është një qëllim i arritshëm”, tha zonja Kaiser.

Ndryshime të dukshme

Për herë të parë gazetarët me bazë në Hong Kong janë në listë, pas vendosjes së ligjit të ri të sigurisë kombëtare të Kinës në përgjigje të protestave pro-demokracisë vitin e kaluar.

Mes 50 gazetarëve të burgosur në Kinë përfshihen edhe 8 nga Hong Kongu, mes tyre Jimmy Lai, themelues i gazetës “Apple Daily” dhe “Next Digital”. Zoti Lai fitoi Çmimin e Lirisë së Shtypit Gwen Ifill të Komitetit për Mbrojtjen e Gazetarëve për vitin 2021.

Të martën, Reporterët pa Kufij (RSF), publikoi vlerësimin e vet për numrin e gazetarëve kinezë të burgosur aktualisht nga Pekini, duke nënvizuar një numrër shumë më të lartë, 127 gazetarë. Një faktor që kontribuon tek ndryshimi i shifrave është se RSF i numëron edhe gazetarët joprofesionistë në mesin e të burgosurve.

Sipas raporit nga CPJ, nga një gazetar të burgosur një vit më parë Mianmari këtë vit ka burgosur 26 gazetarë. Rritja e papritur erdhi pasi junta ushtarake çmontoi qeverinë e zgjedhur në mënyrë demokratike./VOA/

The post Numër rekord gazetarësh të burgosur në mbarë botën! Kina mban vendin e parë appeared first on Albeu.com.