Qytetarët mbajnë në duar flamuj të Ushtrisë Çlirimtare të Kosovës, të Republikës së Kosovës dhe flamuj të Shqipërisë.

Pjesëmarrësit kërkojnë drejtësi për ish-krerët e UÇK-së që po gjykohen në Hagë, Hashim Thaçi, Kadri Veseli, Jakup Krasniqi dhe Rexhep Selimi.

Pjesë në protestë po merr dhe Presidentja e Kosovës, Vjosa Osmani.

Në shesh janë vendosur edhe fotografitë e katër të akuzuarve, të cilët prej më shumë se pesë vitesh po përballen me proces gjyqësor në Dhomat e Specializuara në Hagë.

The post Nis protesta në Prishtinë, qytetarët kërkojnë drejtësi për ish-krerët e UÇK-së appeared first on Albeu.com.

Me këngë patriotike e thirrjeve për drejtësi, ata janë nisur nga Kosova. Shqiptarë nga Shtetet e Bashkuara dhe vende të ndryshme të Evropës, të dielën do të protestojnë me thirrjen “Liri për çlirimtarët”.
Mërgata shqiptare është bërë bashkë në mbështetje të ish-eprorëve të UÇK-së, në një organizim më 14 shtator – një ditë para se të nis dëgjimi i dëshmitarit të parë të mbrojtjes.

Ramadan Gashi, sekretar i Organizatës së Veteranëve të Luftës së Ushtrisë Çlirimtare të Kosovës (OVL-UÇK), thotë se po planifikojnë të mbërrijnë të dielën në Hagë, pak para fillimit të protestës, e cila do të fillojë në orën 14:00.

The post “Liri për çlirimtarët”/ Mbi 500 veteranë të luftës nisen drejt Holandës, protestë para Gjykatës së Hagës për ish-krerët e UÇk-së appeared first on Albeu.com.

Irini Shehu, u arrestua me 23 prill, pasi ishte vënë nën hetim për përndjekje të punonjësve. Ajo u shkarkua nga detyra, pasi goditi me një mjet të fortë shefin e financës, Shaban Uklala.

Edhe pas shkarkimit nga posti i drejtoreshës së Spitalit Rajonal të Dibrës, Shehu ka vijuar të kërcënojë dhe ngacmojë ish-vartësit e saj.

Vetë Shehu e cilësoi arrestimin si të padrejtë dhe të pabazuar në prova konkrete.

The post U arrestua dy ditë më parë, lirohet nga qelia ish-drejtoresha e spitalit të Dibrës Irini Shehu appeared first on Albeu.com.

Gratë nga brenda dhe jashtë vendit janë bashkuar në fushatën duke sfiduar të ashtuquajturat ligje të reja të vesit dhe virtytit të talebanëve , të cilat përfshijnë ndalimin e grave që të zhveshin fytyrat e tyre, të këndojnë dhe të flasin në publik.

Në një video, një grua në Afganistan këndon me fytyrë dhe trup të mbuluar plotësisht.

“Më vendose vulën e heshtjes në gojën time deri në njoftimin e dytë”, thotë ajo.

“Nuk do të më siguroni bukë dhe ushqim deri në një njoftim tjetër, më keni burgosur brenda shtëpisë për krimin e të qenit grua.”

Tekstet duket se i referohen kufizimeve që talebanët vendosën mbi të drejtat dhe liritë themelore të grave dhe vajzave pak pasi rimorën kontrollin e vendit tre vjet më parë.

Free Afghan Women 🇦🇫

A woman from inside Afghanistan shared a video, she singing her voice in poetry:

"You have silenced my voice until further notice. You have imprisoned me in my home for the crime of being a woman."#WomenRights #Afghanistan #Freedom #UN pic.twitter.com/1BuXg3x46R

— Jahanzeb Wesa (@JahanzebWesa) August 27, 2024

The post VIDEO/ Gratë afgane sfidojnë talebanët duke kënduar për lirinë e tyre appeared first on Albeu.com.

Gjatë performancës së saj përpara daljes finale sonte, përfaqësuesja e Izraelit u fishkëllye nga publiku i gjerë dhe një pjesë e madhe bërtisnin herë pas here: “Liri Palestinës”.

Ende pa filluar madje performanca kishte reagime të forta nga publiku që shkuan në stadium.

Pamjet e paraqitjes së saj në prova po bëjnë xhiron me të madhe në rrjetet sociale.

Israel at Eurovision (from a different angle): pic.twitter.com/uHCFY8uFPD

— ashok kumar 🇵🇸 (@broseph_stalin) May 9, 2024

Së paku tre video prej këndeve të ndryshme janë shpërndarë në internet.

Një bojkot i madh u nis muaj më parë për mos lejimin e Izraelit në Eurovision këtë vit si pasojë e luftës në Gaza.

Protesta të mëdha priten sonte jashtë arenës si shenjë revolte ndaj pjesëmarrjes së Izraelit në festivalin evropian.

https://twitter.com/noztheboss/status/1788306997739180209

Autoritetet kanë shtuar masat e sigurisë në Malmo duke ngritur barriera të larta e duke patrulluar qytetin.

The post “Liri Palestinës” – përfaqësuesja e Izraelit u ngacmua e u fishkëllye nga publiku gjatë provave të Eurovisionit appeared first on Albeu.com.

Një autobus i madh me shumë ukrainas të frikësuar, është kujtimi i fundit që Katarina Larina e ka nga vendi ku u lind e u rrit.

Më 1 prill të vitit 2022, rreth një muaj pasi Rusia nisi pushtimin në shkallë të gjerë të Ukrainës, ajo arriti t’i bashkohej kolonës së refugjatëve që largoheshin për në vende të tjera të Evropës.

Tash e afro dy vjet, ajo po jeton në qytetin Erfurt të Gjermanisë.

Para luftës, Katarina banonte në fshatin Karakurt në rajonin e Odesës në jug të Ukrainës, ku jeton një komunitet i madh me origjinë shqiptare.

Këta shqiptarë besohet se janë shpërngulur në Ukrainë nga zona e Korçës së Shqipërisë dhe zona të tjera të Ballkanit, qindra vite më parë.

Shumica e kanë ruajtur gjuhën dhe traditat shqipe, ndonëse me një dialekt të ndryshëm nga shqipja standarde që përdoret sot.

“Nuk shqiptoj shumë”, paralajmëron Katarina para se të nisë intervistën, duke aluduar se “nuk kupton shumë”.

Kur nisi [lufta], më 24 shkurt… [njerëzit] ishin shumë të trembur. Unë kam këtu [në Gjermani] punën. Unë punoj në piceri, bëjmë gatime dhe vetëm mësoj [gjuhën] gjermane.

Kjo 57-vjeçare tregon se në Gjermani kishte ardhur bashkë me vajzën, 33 vjeçe.

Vajza e saj, megjithatë, u kthye në Ukrainë pas një viti, meqë dëshironte të rrinte pranë burrit të saj, i cili nuk kishte të drejtë të largohej nga Ukraina për shkak të ligjit të luftës.

“Mendohem, mendohem çdo ditë. Kam frikë për atë (për vajzën)”, thotë ajo.

Katarina planifikon të qëndrojë në Gjermani tash për tash deri në përfundim të luftës, ndonëse e merr malli për vendlindjen.

“Zemra më është atje (në Ukrainë)… Këtu është tjetër botë, atje është tjetër botë. (Atje), kam botën më të hapur, këtu më të mbyllur”.

Katarina, tani e 10 muaj është duke mësuar gjuhën gjermane. Ajo ka nisur punën në një piceri në qytetin e saj, ku tregon se kishte takuar edhe dy shqiptarë nga Kosova.

Me ta ajo thotë se bisedon çdo ditë që të arrijë të praktikojë edhe gjuhën shqipe.

Unë, kur u thashë se jam shqiptare, ata [u çuditën]. “Katarina? Ti shqiptare?”. Unë ju thashë: “Jam shqiptare”… Dhe, unë zura t’i pyes [si u thoni fjalëve], hudër-hudër, qepë-qepë… e të tilla fjalë, dhe ata më thonë: “Shumë mirë, e keni mbajtur gjuhën…”. Unë them: “Mirë”.

Lufta në Ukrainë tashmë ua ka marrë jetën më shumë se 10.000 civilëve, kurse miliona të tjerë janë detyruar të zhvendosen brenda dhe jashtë vendit të tyre.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Edhe rajoni i Odesës, prej nga vjen Katarina, është goditur nga sulmet e vazhdueshme ruse.

Djali më pyet: Nënë, kur do të kthehemi në Ukrainë?

Nelli Syupyur, bashkëvendase e Katarinës, po ashtu me origjinë shqiptare, ka dy vjet që ka krijuar jetë në Gjermani.

Ajo kishte ikur në fillim të luftës në Ukrainë, së bashku me djalin e saj që atëherë ishte tre vjeç.

“Djali ndonjëherë thotë: Mama, kur do të kthehemi në Ukrainë, kur do të shkojmë në Ukrainë, unë dua të shkoj në det”, tregon Syupyur.

Kur iku nga Ukraina, kjo valltare profesioniste, la prapa më shumë se sa karrierën.

Burri i saj, një ushtarak i pensionuar, qëndroi në Ukrainë pasi iu bashkua sërish ushtrisë në vijën e frontit.

Malli dhe frika për sigurinë e burrit në luftë, Nellit i pushoi vetëm në fillim të vitit 2024, kur me leje të veçantë burri i saj arriti të vinte në Gjermani.

“Nëna e tij ishte vetëm (në Ukrainë) dhe ajo ishte shumë plakë dhe e sëmurë. Nuk mund të ecte. Burri mori nënën dhe erdhi në Gjermani”, tregon Syupyur.

Nelli thotë se ai do të kthehet në Ukrainë kur nëna e tij të bëjë më mirë dhe se për këtë është e përgatitur.

“(Takimi) ishte shumë emocional. Djali ia mbante dorën fort. I thoshte: Baba unë nesër do të zgjohem dhe ti nuk do të jesh këtu, do të shkosh në luftë”, rrëfen Nelli.

Sipas saj, bashkëshorti ka disa probleme shëndetësore, por ajo është e lumtur “që është gjallë”.

Kjo 45-vjeçare thotë se ka pasur dëshirë të vizitojë Ukrainën tash e dy vjet, por është frikësuar për sigurinë e saj dhe të djalit.

“Mund të them se unë këtu kuptoj se ne duhet të bëjmë diçka, që të kemi fitore ukrainase, të mbyllet kjo luftë, të mbarojë kjo luftë”.

Nelli tashmë ka rinisur ngadalë karrierën e saj të vallëzimit në Gjermani.

Peng i saj, megjithatë, janë planet që kishte para nisjes së luftës, për të bërë projekte që lidhen me kulturën shqiptare dhe Shqipërinë.

Unë këtu dua të gjej shqiptarë, organizata, kush mund të më ndihmojë, të lidhemi dhe të ngremë pak kulturën e Shqipërisë, të kërcejmë, të bëjmë diçka. Mund të jetë projekt i vogël. Unë [kuptoj] se nuk ka financim për projekt të madh për kulturën shqiptare.

Ajo ka gjetur kontakte me disa familje shqiptare në Gjermani, por thotë se ka dëshirë ta mësojë më shumë shqipen.

“Nuk kam shumë praktikë (për gjuhën). Nuk është lehtë të flasim shqip”, thotë Nelli.

Në të kaluarën ajo kishte jetuar për një kohë të shkurtër në Shqipëri, ku kishte lindur edhe djali i saj, Ervini.

Të shtunën, më 24 shkurt, bëhen dy vjet prejse Rusia e nisi pushtimin e paprovokuar dhe të jashtëligjshëm të Ukrainës.

Presidenti i Ukrainës, Volodymyr Zelensky, së fundmi i ka bërë thirrje Kongresit amerikan ta kalojë një pako prej 60 miliardë dollarësh ndihmë për vendin e tij, për t’u mbrojtur kundër forcave pushtuese të Rusisë, duke thënë se “kjo është alternativë më e lirë sesa pasojat e një fitoreje ruse”./REL

The post “Zemrën e kam atje”, refugjatet shqiptare nga Ukraina ëndërrojnë lirinë appeared first on Albeu.com.

“Përvjetorët na i përtërijnë plagët e luftës. Plagët e krimeve që nuk vjetrohen. Republika e Kosovës nuk i harron e as nuk i falë krimet e kryera nga Serbia. Më 27, 28 dhe 29 janar të vitit 1999, forcat e armatosura serbe i vranë 30 shqiptarë në Rogovë të Hasit, Goden e Bishtazhin të Gjakovës. Në këtë 25 vjetor i përkujtojmë luftëtarët dhe civilët e rënë për liri, që me sakrificën e tyre e shtruan rrugën deri te ҫlirimi i Kosovës nga Serbia okupatore. Atë botë ranë duke luftuar 21 ushtarë të Ushtrisë Çlirimtare të Kosovës dhe nëntë civilë shqiptarë. Të monumentalizuar në historinë e re të Kosovës, një çerek shekulli më pas i kujtojmë me emrat e tyre të rënët në ato ditë janari: Agim Zeneli, Agron Rama, Agush Gjocaj, Bahtjar Morina, Daut Kelmendi, Emrush Çetaj, Gëzim Ademaj, Gaspër Karaqi, Hamdi Berisha, Haxhi Kleçka, Ilir Merturi, Kasim Shala, Luan Smajli, Memë Lleshi, Naim Dreshaj, Naim Gashi, Prend Lleshi, Sahit Krasniqi, Sejdi Rama, Valon Gashi, Vesel Avdyli, Rrustem Morina, Selman Morina, Muhamet Morina, Nusret Morina, Xhevdet Berisha, Ibrahim Kryeziu, Adem Shala, Zyber Shala dhe Rifat Shala.

Lavdi dëshmorëve dhe martirëve! I përjetshëm qoftë kujtimi për ta!”, shkruan Kurti.

The post Kurti: Kosova nuk do t’i harrojë kurrë të rënët për liri, që u masakruan nga Serbia! appeared first on Albeu.com.

Charles McGonigal, 54 vjeç, u lirua nga gjykata federale e Manhatanit pasi pagoi një garanci prej 500,000 dollarësh, pas arrestimit të tij të shtunën për akuzat e paraqitura.

Një nga aktakuzat, e ngritur në Manhattan, akuzon McGonigal për shkelje të ligjeve të sanksioneve të SHBA-së duke punuar për Oleg Deripaska, një mik miliarder i Vladimir Putin, pas tërheqjes së tij në 2018 nga FBI.

Akuzat e tjera, të ngritura në Uashington, pretendojnë se McGonigal ka marrë 225,000 dollarë ryshfet në para nga një ish-agjent i paidentifikuar i inteligjencës shqiptare, ndërsa drejtonte degën e kundërzbulimit në zyrën e FBI-së në Nju Jork.

McGonigal, i cili doli në pension në vitin 2018, luajti një rol në hetimet e ndjeshme dhe të profilit të lartë, duke përfshirë hetimin e Robert Mueller mbi lidhjet e supozuara të Rusisë me fushatën presidenciale të Donald Trump në 2016.

Në aktakuzë thuhet se McGonigal shoqërohej nga ish-spiuni i paidentifikuar kur ai u takua fshehurazi me kryeministrin shqiptar Edi Rama në shtator 2017, ku i ofroi Ramës këshilla për licencat fitimprurëse të shpimit të naftës, thuhet në aktakuzë.

Ndërsa largohej nga gjykata, avokati i McGonigal, Seth DuCharme, u tha gazetarëve se klienti i tij “ka pasur një karrierë të gjatë dhe të shquar me FBI-në”.

“Kjo është padyshim një ditë shqetësuese për zotin McGonigal dhe familjen e tij, por ne do t’i shqyrtojmë provat, do t’i shqyrtojmë nga afër dhe kemi shumë besim te z. McGonigal,” tha DuCharme.

McGonigal punoi për FBI-në nga viti 1996 deri në daljen në pension të tij në 2018, dhe nga viti 2016 deri sa u largua nga byroja, ai ishte agjenti special i ngarkuar me Divizionin e Kundërzbulimit të FBI-së në zyrën në terren të Nju Jorkut.

Përveçse mori pjesë në hetime të profilit të lartë, duke përfshirë hetimin e Robert Mueller për lidhjet e supozuara të Rusisë me fushatën presidenciale të Donald Trump në vitin 2016, ai gjithashtu drejtoi një ekip të FBI-së që hetoi pse informatorët e CIA-s në Kinë po arrestoheshin dhe vriteshin — një hetim që çoi për arrestimin dhe dënimin e agjentit të dyfishtë kinez Jerry Chun Shing Lee.

McGonigal, i cili kishte mbikëqyrur dhe marrë pjesë në hetimet e oligarkëve rusë, duke përfshirë Deripaska, punoi për të hequr sanksionet e Deripaska në 2019 dhe mori para prej tij në 2021 për të hetuar një oligark rival, tha Departamenti i Drejtësisë.

Pasi u tërhoq nga FBI, sipas aktakuzës, McGonigal shkoi në punë në vitin 2019 si konsulent dhe hetues për një firmë juridike ndërkombëtare që kërkon të anulojë sanksionet e Deripaska, një proces i njohur si “heqja nga lista.

Në vitin 2021, sipas aktakuzës, agjenti i Deripaskës angazhoi McGonigal dhe Shestakov për të gërmuar papastërti mbi një oligark rival, të cilin Deripaska po luftonte për kontrollin e një korporate të madhe ruse, në këmbim të 51,280 dollarëve paraprakisht dhe 41,790 dollarëve në muaj të paguar nëpërmjet një ruse. bankë në një kompani të Nju Xhersit në pronësi të mikut të McGonigal. McGonigal e mbajti mikun e tij në errësirë ​​për natyrën e vërtetë të pagesave, thonë prokurorët.

McGonigal akuzohet gjithashtu se ka fshehur nga FBI detajet kryesore të një udhëtimi të vitit 2017 në Shqipëri me ish-zyrtarin e inteligjencës shqiptare, i cili dyshohet se i ka dhënë të paktën 225,000 dollarë në tre pagesa të veçanta në para.

Pasi arriti atje, sipas Departamentit të Drejtësisë, McGonigal u takua me kryeministrin e Shqipërisë dhe kërkoi kujdes në dhënien e licencave të shpimit të fushës së naftës në vend për kompanitë ruse, ndërsa kontaktet shqiptare të McGonigal-it kishin një interes financiar në ato vendime./Albeu.com/

The post Nga takimet e fshehta me Ramën te ryshfeti 225 mijë dollarë, ish-agjenti i FBI-së merr lirinë me kusht appeared first on Albeu.com.

Më 22 Prill, ish-ministri i Brendshëm, Saimir Tahiri bëri kërkesë në Gjykatën e Posaçme për pezullimin e dënimit me burg. Në një kërkesë të ndarë në 2 faqe, Tahiri pretendoi se vendimi i Gjykatës së Posaçëm të Apelit është marrë në kundërshtim me ligjin dhe në kundërshti me interesat e tij. Ish-ministri shkruante se në burgun e Fierit, ku edhe vuan dënimin, është i rrezikuar nga subjektet e krimit.

Në Gjykatën e Lartë po shqyrtohet edhe një tjetër kërkesë e Tahirit. Ish-ministri kërkon pafajësi në GJL, pasi Apeli e dënoi me 5 vite burg për shpërdorim detyre. Ai përfitoi nga gjykimi i shkurtuar dhe përfundimisht u dënuar me 3.4 vite burg.

The post Saimir Tahiri kërkoi lirinë, Gjykata e Lartë merr vendimin për ish-ministrin appeared first on Albeu.com.

Kujtojmë se po zgjidhim hall, por në fakt, jemi duke shkuar drejt humnerës, komenton aktivisti Andy Gheorghiu kur flet për marrëveshjen që pritet të nënshkruhet midis SHBA-ve dhe BE-së për gazin e lëngshëm.

Presidenti amerikan Joe Biden dhe presidentja e Komisionit të BE-së Ursula von der Leyen e njoftuan këtë për të reduktuar varësinë e Bashkimit Evropian nga energjia ruse. Këtë vit, në brigjet e Evropës, do të mbërrijë një shtesë prej 15 miliardë metra kub gazi natyror të lëngshëm, i nxjerrë kryesisht nga platformat e thyerjes hidraulike që në Shtetet e Bashkuara të Amerikës janë shtuar si kërpudhat pas shiut. Kjo është vetëm rreth një e treta e gazit që vetëm Gjermania do të marrë nga Rusia në vitin 2022. Por aktivistët janë të shqetësuar se zëvendësimi i gazit të Rusisë me gazin e lëngshëm të Amerikës do të rrezikojë më shumë objektivat klimatike sesa do të garantojë sigurinë energjetike të Evropës.

“Kjo marrëveshje e fut BE-në dhe SHBA-në në një rrugë të gabuar dhe të rrezikshme, sepse ajo nxit ndërtimin e një infrastrukture të re për importimin e gazit fosil në Evropë,” paralajmëron Murray Worthy, drejtor i fushatës së gazit në organizatën mjedisore, Global Witness. “Ndërtimi i terminaleve të reja do të nënkuptonte rregullimin e importit të gazit fosil për vitet në vijim – përtej momentit, në të cilin BE-ja duhet të heqë përfundimisht këtë lëndë djegëse që dëmton klimën.”
Ekziston gjithashtu shqetësim në rritje për ndikimin e menjëhershëm klimatik të gazit të lëngshëm natyror, që nxirret nga thyerja hidraulike e depozitave të argjilës në thellësi të nëntokës. Edhe pse fracking-u është i ndaluar në pjesën më të madhe të Evropës për shkak se kimikatet e përdorura për nxjerrjen e tij ndotin ujërat nëntokësorë, BE-ja është e lumtur të marrë gazin fracking nga SHBA.

Rrjedhjet e metanit që dëmtojnë klimën

Aktivistët thonë se shtytja për të pompuar gazin e copëtuar ka implikime serioze klimatike, kryesisht për shkak të eimisioneve të lartë në metan. Gheorghiu thotë se, e parë në një periudhë 20 vjeçare, ndikimi i metanit në ngrohjen globale është rreth 85 herë më i lartë se ndikimi i CO2. Pavarësisht nga kjo, në të dyja anët e Atlantikut është bërë shumë pak për të luftuar rrjedhjet e metanit.

Marrëveshja e re e gazit ndërmjet BE-së dhe SHBA-së e lidh qëllimin e diversifikimit të furnizimit me “qëllimet klimatike”. Marrëveshja synon të “zvogëlojë intensitetin e gazit serrë në të gjithë infrastrukturën e re të gazit të lëngshëm dhe tubacioneve shoqëruese, duke përfshirë përdorimin e energjisë së pastër në terren, reduktimin e rrjedhjeve të metanit dhe ndërtimin e infrastrukturës së pastër dhe të rinovueshme të përshtatshme për hidrogjen”, thuhet në njoftim.
Por nëse gazi rus thjesht do të zëvendësohet në periudhën afatshkurtër dhe afatmesme, gazi natyror ka të ngjarë të mbetet burimi i dytë më i madh i emisioneve të CO2 në BE pas qymyrit.

Gaz i ndotur nga Teksasi

Në anën tjetër të Atlantikut, sipas Gheorghiut, rregulloret jokonsistente i kanë kthyer disa shtete të SHBA-ve në një “wild west” për industrinë e gazit të lëngshëm. Në Teksas, për shembull, ku ka me dhjetëra mijëra puse nga Permiani e deri në Nju Meksiko, ndezja e metanit, i cili prodhon emetime të larta në CO2, nuk rregullohet fare. Prandaj, gazi nga Teksasi është ndër “gazet më të ndotura” në botë.

Një studim i vitit 2019 ia atribuon rritjen e emetimeve globale të metanit atmosferik bumit të platformave fracking në Shtetet e Bashkuara. Ai vjen në përfundimin se shfrytëzimi i gazit argjilor në Amerikën e Veriut mund të jetë përgjegjës për “më shumë se gjysmën e të gjitha emetimeve të shtuara në botë nga lëndët djegëse fosile” gjatë dekadës së fundit.

LNG-ja e importuar nga Bashkimi Evropian përdoret gjithashtu si lëndë e parë për plastikë dhe plehra, shton Gheorghi. Meqenëse kontratat e importit lidhen shpesh me afate deri në 20 vjeçare, disponueshmëria e karburanteve fosile përbën gjithashtu një pengesë të madhe për dekarbonizimin e kësaj industrie me emetime intensive, tha aktivisti.

Objektivi 1.5 gradë i kërcënuar nga eksportet e LNG

Sipas studiuesve Amanda Levin dhe Christina Swanson nga Këshilli i Mbrojtjes së Burimeve Natyrore të SHBA-ve, përpjekjet e SHBA-ve për të rritur prodhimin dhe eksportet e LNG-së mund të prishin çdo shans për të kufizuar ngrohjen globale në 1.5 gradë Celsius (në krahasim me epokën para-industriale).

Eksporti “në rritje të shpejtë” i LNG-së si një “urë” drejt tranzicionit të energjisë së pastër – emetimet e gazit janë rreth 50 për qind më të ulëta se qymyri – “forcohet varësia nga karburantet fosile, duke e bërë edhe më të vështirë kalimin drejt energjisë me pak karbon”, shpjegojnë Levin dhe Swanson në një studim.

Ndikimi i LNG-së në klimë do të dyfishohej nëse nxjerrja, transporti, lëngëzimi dhe rigazifikimi do t’i shtoheshin emetimeve të gazrave serrë nga djegia e gazit, thonë shkencëtarët.

130 deri në 213 milionë tonët e gazra serrë shtesë në SHBA, të shkaktuara si rezultat i trefishimit të eksporteve në vitet 2020 deri 2030, do të përkonin me shtimin e deri në 45 milionë makinave me lëndë djegëse fosile në vit. Kjo do ta zhbënte reduktimin prej 1% të emisioneve të gazrave serrë, të arritur në dekadën e fundit, thonë autorët.

Aktivistët e klimës e shohin energjinë nga lëndët djegëse fosile si një nga shkaqet kryesore të luftës dhe kërkojnë zëvendësimin sa më të shpejtë nga energjitë e rinovueshme. “Rritja e investimeve dhe varësia nga lëndët djegëse fosile është muzikë për veshët e despotëve dhe luftënxitësve anembanë botës, të cilët e kanë kuptuar se ky është një sistem energjie nga i cili mund të përfitojnë,” paralajmëron Murray Worthy nga Global Witness.

“Nëse Europa vërtet dëshiron të heqë gazin rus, e vetmja mundësi reale që ka, është të largohet plotësisht nga gazi.” “Ne kemi një mundësi unike historike dhe një detyrim për të ndryshuar rrënjësisht mënyrën se si ne gjenerojmë dhe konsumojmë energji,” thotë aktivisti i klimës Andy Gheorghiu. “Por zgjidhja që kanë paraqitur qeveritë tona transatlantike nuk është asgjë më shumë se biznesi i zakonshëm.”/DW

The post Gazi i lëngshëm amerikan për Evropën, “liri” apo “vetëvrasje” klimatike? appeared first on Albeu.com.