Sepse drama nuk është vetëm në bregdet. Nuk është vetëm te flamingot, laguna, resortet luksoze apo rrethimet me hekura. Drama është edhe në Tiranë, në zemër të një zone që dikur shitej si qetësi, gjelbërim dhe ajër i pastër, ndërsa sot po kthehet në një kantier të pafund. Liqeni i Thatë nuk po thahet nga mungesa e ujit, por nga teprica e betonit. Po i merret fryma çdo ditë nga kamionët, pluhuri, zhurma, makineritë e rënda dhe lejet që zbresin nga lart si urdhra për të shkatërruar edhe atë pak natyrë që i ka mbetur kryeqytetit.

Banorët nuk po ankohen për një pallat më shumë apo më pak. Ata po ankohen për një mënyrë qeverisjeje. Po ankohen se rrugët bllokohen nga mjetet e tonazhit të rëndë, se fëmijët nuk dalin dot jashtë si më parë, se dritaret nuk hapen dot nga pluhuri, se qetësia për të cilën kanë investuar është zëvendësuar nga zhurma e vinçave. Pra, problemi nuk është thjesht urbanistik. Është shoqëror, ekonomik, mjedisor dhe politik.

Në kodrat me ullishte pranë Liqenit të Thatë, sic meson Albeu.com, ka nisur gdhendja e kodrës për projektin “Centaurea” të kompanisë “Bega-07” Sh.p.k në pronësi të biznesmenit Arben Muçobega.
Bëhet fjalë për një projekt të madh ndërtimi me 15 godina deri në 9 kate, mbi një sipërfaqe rreth 31 mijë metra katrorë truall dhe me afro 94 mijë metra katrorë ndërtim mbi dhe nën tokë. Ky nuk është “zhvillim i integruar me natyrën”, siç e paketojnë zakonisht broshurat e marketingut. Kjo është formula klasike e betonizimit shqiptar: fillimisht e quan zonën të gjelbër, pastaj e reklamon si luks, në fund ia dorëzon betonit.

Këtu qëndron hipokrizia më e madhe. Për çdo projekt të tillë gjendet gjithmonë një fjalor i bukur: “harmoni me natyrën”, “stil jetese i gjelbër”, “peizazh i ri urban”, “standard europian”. Por kur hiqen ullinjtë, kur rrafshohen kodrat, kur shkatërrohet peizazhi dhe kur banorët jetojnë mes pluhurit dhe pa vende parkimi, nuk ka më gjuhë marketingu që ta mbulojë të vërtetën. E vërteta është se Tirana po humbet mushkëritë e saj, lagje pas lagjeje, kodër pas kodre, liqen pas liqeni.

Zvërneci na tronditi sepse pamë dhunën në mënyrë brutale: një qytetar që tërhiqej zvarrë, roje private, gardhe, spray, shtet që shfaqej i pafuqishëm përballë privatit. Por te Liqeni i Thatë dhuna është më e heshtur. Nuk vjen me grushte, por me leje. Nuk tërheq njerëz zvarrë para kamerave, por ua tërheq jetën zvarrë çdo mëngjes mes trafikut, pluhurit dhe zhurmës. Nuk përdor spray me piper, por përdor betonin si armë kundër qytetit.

Dhe pikërisht kjo e bën më të rrezikshme. Sepse kur dhuna është e dukshme, qytetari reagon. Kur dhuna vjen me dokumente, me vendime, me firma, me projekte 3D dhe me reklama luksi, shoqëria shpesh hesht. Kjo heshtje është problemi ynë më i madh. Ne revoltohemi kur shohim një trup të tërhiqet zvarrë, por nuk reagojmë kur një lagje e tërë tërhiqet zvarrë drejt betonit.

Liqeni i Thatë është pasqyra e Tiranës që po ndërtohet pa ide, pa frymë, pa infrastrukturë dhe pa mëshirë për qytetarin. Ndërtohen pallate, por jo shkolla. Shiten apartamente luksoze, por nuk garantohet cilësi jete. Hapet kantieri, por nuk pyetet komuniteti. Rritet çmimi i pronës, por bie vlera e jetesës. Në fund, qytetari mbetet i rrethuar nga mure, ndërsa pushteti mburret me zhvillim.

Prandaj shqiptarët kanë më shumë arsye për të protestuar pasi nuk është vetëm Zvërneci. I njëjti mentalitet që rrethon Zvërnecin me gardhe, rrafshon kodrat me ullishte te Liqeni i Thatë. I njëjti pushtet që flet për turizëm elitar në bregdet, flet për rezidenca të gjelbra mbi beton në Tiranë. I njëjti sistem që sheh natyrën si mall, sheh qytetarin si pengesë.

Fatkqesësisht, heshtja disavjecare për ndërtimet pa kriter në Tiranë, na solli skandalin e Zvërnecit. Dhe sot, po protestoni për Zvërnecin, por kthejeni kokën edhe nga Liqeni i Thatë. Sepse aty, në heshtje, po ndodh e njëjta histori: Shqipëria po betonohet me leje, me reklamë dhe me buzëqeshje institucionale. Dhe kur një qytet humbet gjelbërimin, nuk humbet vetëm natyrën. Humbet arsyen, frymën dhe të ardhmen. /albeu.com/

The post KOMENT/ Po protestoni për Zvërnecin, po Liqenin e Thatë e keni parë? appeared first on Albeu.com.

SIpas informacioneve, mësohet se 38-vjeçarja, e identifikuar me inicialet Erelina.. Xh., u gjet e vetme në automjet.

Raportohet se ajo ishte e ulur në sendiljen e pasagjerit, ku edhe u gjet e pajetë.

Dyshohet se 38-vjeçarja i ka dhënë fund jetës.

The post Detaje nga ngjarja e rëndë tek Liqeni i Thatë, 38-vjeçarja ishte e ulur në vendin e pasagjerit, ishte vetëm në makinë dhe… appeared first on Albeu.com.

Gjatë takimit me banorët e zonës, Veliaj tha se deri pak kohë më parë qytetarët i merrnin shërbimet në Farkë, ndërsa sot çdo shërbim jepet në Njësinë Administrative.

“Kjo zonë nuk ka qenë fare si Njësi Administrative, por një ‘apendisit’ i Farkës. Për të shkuar në Farkë, harxhoje kohë për certifikatën, për një dokument, për të transferuar gjendjen civile dhe praktikisht xhepi ishte bërë më i madh se kostumi. Pra, xhepi, ajo që nisi si një kurorë, ose bishti fundor, ku Farka takohet me Selitën, ishte bërë më e madhe se gjithë ish-komuna Farkë. Gjëja e parë që bëmë e shpallëm Njësi Administrative, lagje më vete, që shërbimet të jepen aty, që të gjitha dokumentet të merren aty, që dera e hapur, se ka tërmet apo pandemi, se ka Pashkë, Bajram, se është ditë, apo natë, se është kohë e mirë, se ka përmbytje, ne të kemi njësi administrative që punon për njerëzit, u shërben njerëzve dhe sot krenohet me punën e jashtëzakonshme të Arditës dhe stafit tonë,” u shpreh Veliaj.

Ai theksoi faktin se kjo është zona ku është rritur më shumë se kudo vlera e pronës.

“Kjo është zona ku vlera e pronës është rritur më shumë. Sot prona vlen më shumë. Sot ambientet vlejnë më shumë, sot liqeni vlen më shumë, sot hapësira është më e pastër, çka do të thotë se kur njerëzit duan dhe kur njerëzit dinë, njerëzit munden. Ne deshëm, ne dimë dhe ne mundëm ta kthejmë këtë nga një zonë që kishte degraduar totalisht, në një njësi administrative që sot është bërë model për të 27 njësitë e Tiranës”.

Veliaj veçoi dy prej projekteve më të rëndësishme, atë të Kopshtit Zoologjik, i cili në një vit ka arritur numër rekord vizitorësh, dhe Kopshtin Botanik, i cili do të nisë së shpejti.

“Kemi kapur shifrën e 80 mijë vizitorëve unikë në Kopshtin Zoologjik modern të Tiranës. Kemi liruar të gjitha hapësirat që ishin zënë nga lokalet. Kemi marrë gjithë territorin që dikush tjetër kishte zënë në pjesën fundore. Dikush mund të pyesë, po Kopshti Botanik? Ne jemi sot në Gjykatë të Apelit dhe duhet ta shpjegoj këtë për të gjithë ata qytetarë që pyesin: Prona është e Bashkisë, na ka hedhur Fakulteti në gjyq. Unë e kuptoj, me gishta përpjetë ose me një nga gishtat, por ne s’kemi më kohë për të humbur. Propozimi për Kopshtin Botanik është: Ne do e fitojmë atë gjyq, sepse është tokë e Bashkisë”.

Për sa i përket zvarritjes nëpër gjyqe e bllokimit të projekteve, Veliaj kishte edhe një zotim për mandatin e tretë.

“Nëse më pyesni çfarë do bëj ndryshe mandatin tjetër, unë nuk do të pres më me vite e me muaj sa të binden të gjithë, sepse kam kuptuar se çdo gjë ka një limit. Mandatet janë me limit, jeta është me limit, ashtu siç na mësoi tërmeti dhe pandemia, që kaq është jeta. Ndaj, mandatin tjetër fillojmë menjëherë investimet tek Kopshti Botanik. Do të vazhdojmë pa asnjë vonesë hapjen e tregut agroushqimor. Ne duam që të vazhdojë Unaza e Madhe. Sot kemi mbërritur deri në Farkë të Madhe, loti tjetër është nga Kodra e Priftit në Shesh Tufinë. Nga Tufina ne kalojmë në Paskuqan, te 5 Maji, dhe nga Paskuqani takohemi me Shqiponjën,” u shpreh ai./Albeu.com/

The post Veliaj në Lagjen 13: Kopshti Zoologjik investim modern për Tiranën, i ka rritur vlerën pronës appeared first on Albeu.com.

Papa ra në prangat e policisë pas aksionit të zhvilluar në zonën e Liqenit të Thatë, ku policia në një ambient të marrë me qira sekuestroi, 2 snajpera, 4 kallashnikove, pistoleta me silenciator, kallëpe triroli, paruke si edhe mjete për fshehjen e targave.

27-vjeçari njohur edhe me mbiemrin Beqiri pretendon se nuk ka lidhje me armët dhe se garazhin e ka marrë me qira për një mikun e tij./albeu.com

The post Depo armësh te Liqeni i Thatë, gjykata lë në burg 27-vjeçarin: S’kam asnjë lidhje appeared first on Albeu.com.

Pas këtij aksioni në pranga ra një person, por nuk mbaron me kaq.

Burime nga grupi hetimor, bëjnë me dije se armët e sekuestruara, disa prej të cilave edhe të modifikuara, do përdoreshin për ekzekutimi mafioze.

Hetuesit tregohen mjaft të rezervuar në dhënin e detajeve, pasi hetimet janë ende në vijim, por burime të sigurta i thanë Fax News, se zbulimi i këtyre armëve, mund të zbardhë edhe atentate, apo tentativa vrasjes që kanë ndodhur vitet e fundit. Hetuesit janë duke kryer hetime itensive për identifikimin e personave të tjerë që janë pas këtij aktiviteti, pasi sipas të dhënave i riu, i arrestuar nuk është i vetem i përfshirë në ketë aktivitet kriminal.

Ndërkohë armët janë dërguar ne laboratorin e ekspertizës jo vetëm për të mësuar nëse këto armë janë përdorur në ngjarje kriminale, por edhe për të gjetur shenja gishtërinjsh apo gjurmë ADN-je, të personave të tjerë tek armët e sekuestruara.

Gjithashtu për ekspertizë janë dërguar dhe aparatët celularë dhe laptopi i sekuestruar, me shpresë për të zbardhur aktivitetin kriminal të personave të përfshirë. Arsenali i armëve, u gjet në një garazh të marrë me qira nga 27-vjeccari, Eno Papa Alias Beqiri në zonën e Liqenit të Thatë. Ne cilësinë e provës materiale në këtë ambjent blutë e kryeqytetit gjetën 2 snajpera, 4 arme zjarri kallashnikov, 2 armë zjarri automatike, 4 armë zjarri pistoleta me silenciator, 85 pako me fishekë të kalibrave të ndryshëm, një sasi me krehra armësh, pjesë të ndryshme armësh, shënjestra optike për snajper, tre kallëpe tritoli, sasi lënde e dyshuar eksplozive, 2 palë portotarga elektrike për fshehjen e targave, një automjet, 3 aparate celulare, 2 laptopë, 5 paruke dhe një pasaportë e dyshuar e falsifikuar. Heimet vijojnë për identifikimin dhe arrestimin e personave të tjerë që janë të përfshitë në këtë aktivitet kriminal.

The post DETAJE/ Arsenali i armëve i zbuluar te Liqeni i Thatë, për cfarë do të përdoreshin dhe çfarë mund të zbardhet? appeared first on Albeu.com.

Gazetarja e ABC, Xhensila Kodra, raporton se armët janë gjetur në zonën e Liqenit të Thatë në Tiranë, ndërsa policia ka mundur të arrestojë poseduesin e tyre.

Të njëjtat burime bëjnë të ditur se armët e zjarrit ishin fshehur në garazhin e një pallati 5 katësh që ishte lëshuar me qira.

Bëhet fjalë për pistoleta me silenciator, kallashnikov por edhe snajper.

Kujtojmë se pak ditë më parë në Tiranë u zbuluar një tjetër depo me armë. Në një banesë private, u gjetën pajisje që shpërbenin për të modifikuar armët e zjarrit të cilat dyshohet se ishin porositur nga krimi i organizuar.

The post Aksion te “Liqeni i Thatë”, zbulohet një arsenal armësh appeared first on Albeu.com.

Policia ka arritur të identifikojë një prej autorëve dhe po punon për identifikimin e të dytit. 24-vjeçari B.A është shpallur në kërkim, ndërsa blutë e Tiranës po punojnë për identifikimin e shokut të tij.

“Më datë 20.04.2021 u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit B. A., 24 vjeç, sepse në bashkëpunim me një shtetas tjetër (punohet për identifikimin e tij), tek Liqeni i Thatë, kanë goditur me sende të forta shtetasin M. R”, njoftoi policia.

The post Sherr te Liqeni i Thatë në Tiranë, 2 të rinj godasin me sende të forta një person appeared first on Albeu.com.

Granata mësohet se është gjetur e zhytyr në baltë.

Me datë 18.03.2021, tek Liqeni i thatë, nga forcat xheniere është bërë një shpërthim i kontrolluar i një granate të vjetër të gjendur në baltë. /albeu.com/

The post Gjendet një granatë e vjetër në zonën e Liqenit të Thatë appeared first on Albeu.com.