Një shtetas nga Gjeorgjia u mbyt dje në Liqenin e Ohrit, në afërsi të Pestanit, bëri të ditur sot SPB Ohër.

Njoftimi për një burrë të nxjerrë nga ujërat pranë Pestanit mbërriti në SPB Ohër dje, në orën 14:32. Ekipi i Shërbimeve të Emergjencës Mjekësore ndërhyri duke tentuar ta ringjallte, por pak më vonë konstatoi vdekjen e tij.

Nga të dhënat e bëra publike rezulton se në trupin e viktimës nuk janë vërejtur dëmtime të dukshme.

Veprimet fillestare hetimore identifikuan viktimën si B.D., 46 vjeç, nga Gjeorgjia. Pas inspektimit, me urdhër të prokurorit publik, trupi u dërgua për autopsi.

Ndërkohë, Policia Shtetërore e Ohrit mori këtë mëngjes, në orën 5:45, një tjetër denoncim, këtë herë për zhdukjen e një 15-vjeçareje nga Ohri.

Zhdukja u raportua nga babai i saj 57-vjeçar, N.J., i cili deklaroi se vajza e mitur, K.J., ishte larguar nga banesa dje rreth orës 16:00. Policia Shtetërore e Ohrit njoftoi se po ndërmerren masa për ta gjetur atë.

The post Turisti gjeorgjian humb jetën në Liqenin e Ohrit appeared first on Albeu.com.

Ministria e Punëve të Brendshme e Maqedonisë bëri të ditur se më 28 korrik 2026, rreth orës 19:55, Stacioni Policor për Mbikëqyrje Kufitare në Ohër u njoftua për një rast rreziku në liqen. Dy shtetase, që po përdornin dërrasa SUP, kishin nevojë për ndihmë në një distancë prej afërsisht 1000 metrash nga vija bregdetare, përballë autokampit të qytetit.

Menjëherë pas marrjes së sinjalizimit, efektivët e policisë liqenore u drejtuan me shpejtësi drejt zonës së treguar. Ata arritën të dallonin dy personat që lëkundeshin mbi dërrasa rreth 2000 metra larg tokës, teksa mundoheshin të kontrollonin lundrimin dhe kërkonin ndihmë me britma.

Sipas njoftimit zyrtar, forcat e rendit reaguan pa humbur kohë dhe mundësuan kalimin e sigurt të dy pushueseve në mjetet lundruese të policisë. Pas operacionit, u identifikuan si E.S., 19 vjeçe dhe I.A., 18 vjeçe, të dyja banuese në Ohër. Mosha e tyre e re dhe papërvoja u përballën me një ndryshim të menjëhershëm të motit; era e fuqishme dhe valët e mëdha po i shtynin pa ndalur drejt thellësisë, duke ua bërë të pamundur rikthimin në breg me forcat e tyre.

Pas shpëtimit, vajzat u dërguan shëndoshë e mirë në ambientet e stacionit të policisë liqenore. Në përfundim të komunikimit, MPB-ja, përmes SPB Ohër dhe njësisë liqenore, u bëri thirrje të gjithë banjotësve dhe përdoruesve të mjeteve të tilla si dërrasat SUP apo varkat me pedale, që të tregohen të kujdesshëm. Ata theksuan rëndësinë e moslargimit nga zonat e sigurisë të përcaktuara dhe respektimit rigoroz të rregullave të lundrimit, për të parandaluar incidente të ngjashme.

The post Dy të reja shpëtohen në ujërat e Ohrit pasi era e fortë i largoi nga bregu appeared first on Albeu.com.

Instituti i Shëndetit Publik (IShP) vlerëson se përgjatë bregut të Liqenit të Ohrit gjenden ende shumë hotele, objekte turistike dhe vendbanime që mund të jenë burim i drejtpërdrejtë ose potencial i ndotjes së liqenit. Ky konstatim përfshihet në raportin e fundit të institucionit për cilësinë dhe sigurinë e ujërave sipërfaqësore për larje rekreative.

Edhe pse kolektori grumbullon dhe përpunon ujërat e zeza që vijnë nga Ohri dhe Struga, raporti nënvizon se disa ndërtime të realizuara gjatë viteve të fundit nuk janë lidhur në këtë sistem. Bëhet fjalë për hotele dhe komplekse turistike në hapësirën nga Hoteli “Desaret” deri në Shën Naum, si edhe për objekte në zonën ndërmjet Strugës dhe fshatit Radozhdë.

Sipas IShP-së, banesat private në Saraishte, Kaneo, pranë kishës “Shën Sofia”, përgjatë gjithë vijës bregliqenore, por edhe në fshatrat Trpejcë, Ljubanishtë dhe Radozhdë, në pjesën më të madhe shfrytëzojnë gropa septike. Disa prej tyre pastrohen nga ndërmarrjet komunale, ndërsa në Radozhdë një pjesë e ujërave të zeza përfundon drejtpërdrejt në liqen, duke krijuar ndotje të menjëhershme.

Një tjetër rrezik për ndotje përbëjnë rrjetet e shkarkimit të ujërave atmosferike, ku në raste të caktuara janë lidhur edhe ujërat e zeza të objekteve kolektive dhe të shtëpive private. Në raport përmenden gjithashtu pishinat e hoteleve dhe Pishina e Qytetit si burime të mundshme ndotjeje.

Probleme janë evidentuar edhe te kanalizimi lokal në Shën Naum. Ndonëse sistemi është ndërtuar në vitin 2013, ai nuk operon në mënyrë të plotë, pasi ujërat e zeza trajtohen vetëm përmes thërrmuesve, pa filtra dhe pa klorim përpara se të shkarkohen në liqen.

Nga ana tjetër, testet laboratorike të realizuara në periudhën nga 20 maji deri më 24 qershor 2026 tregojnë se në pjesën dërrmuese të Liqenit të Ohrit uji përmbush normat e përcaktuara me ligj. Sipas parametrave fiziko-kimikë, uji është renditur në klasën I, përveç pikës së matjes në plazhin Grashnicë, ku është konstatuar klasa III.

Në analizat mikrobiologjike, pjesa më e madhe e mostrave ka marrë vlerësimin “Shkëlqyeshëm”. Ndërkaq, cilësia e ujit në plazhin pranë Hotelit “Royal”, në Labino dhe në kanalin Studençishtë është vlerësuar me notën “Mirë”. Mostra e marrë në pikën matëse Grashnicë nuk i ka plotësuar kriteret mikrobiologjike as për kategorinë “Shkëlqyeshëm” dhe as për kategorinë “Mirë”.

The post ISHP ngre alarmin për ndotjen e Liqenit të Ohrit nga ujërat e zeza appeared first on Albeu.com.

Qendra e Trashëgimisë Botërore e UNESCO-s vazhdon të kërkojë përfshirjen e Rajonit të Ohrit në Listën e Trashëgimisë Botërore në Rrezik. Në analizën e saj më të fundit për gjendjen e trashëgimisë kulturore dhe natyrore, organizata thekson se rreziqet ndaj vlerës së jashtëzakonshme universale të këtij rajoni nuk janë larguar ende.

Sipas UNESCO-s, zbatimi i rekomandimeve ka shënuar përparim të kufizuar. Rajoni i Ohrit vijon të jetë i ekspozuar ndaj rreziqeve të mëdha që lidhen me mangësitë në menaxhim, zgjerimin e pakontrolluar urban, objektet e paligjshme, ndotjen dhe shtyrjen e projekteve infrastrukturore me rëndësi. Organizata vëren se, ndonëse ekzistojnë institucione, komisione, strategji dhe plane, mekanizmi mbrojtës nuk funksionon si një sistem i unifikuar dhe nuk ka prodhuar masa të qëndrueshme për ruajtjen e zonës.

UNESCO kërkon që Maqedonia e Veriut dhe Shqipëria të sigurojnë një menaxhim të vërtetë të përbashkët dhe ndërkufitar të Rajonit të Ohrit. Mes çështjeve kryesore që ngrihen është mungesa e një Vlerësimi Strategjik gjithëpërfshirës të Ndikimit në Mjedis, i cili do të duhej të pasqyronte efektet e grumbulluara të projekteve infrastrukturore, turistike dhe urbanistike.

Pa këtë vlerësim, sipas organizatës, nuk mund të përcaktohet saktë niveli i presionit që projektet e planifikuara ose ato që tashmë janë në zbatim ushtrojnë mbi liqenin, vijën bregdetare, habitatet natyrore dhe trashëgiminë kulturore.

Theks i posaçëm vihet te projektet e mëdha infrastrukturore, përfshirë ato të lidhura me Korridorin 8. Për to duhet të vlerësohet nëse mund të shkaktojnë pasoja të drejtpërdrejta apo të tërthorta në zonën e mbrojtur. Një ndër shqetësimet më të mëdha mbeten ndërtimet pa leje. Dokumenti thekson se nuk dihet qartë nëse gjatë periudhës raportuese është shembur ndonjë objekt i ngritur në mënyrë të paligjshme.

UNESCO kërkon përsëri një inventar dhe analizë të hollësishme të të gjitha ndërtimeve pa leje, si edhe vlerësimin e ndikimit të tyre në trashëgimi. Objektet që konsiderohen kërcënim duhet të largohen ose t’u reduktohen pasojat negative. Si ilustrim i vështirësive në zbatimin e ligjit përmendet sërish hoteli në Lagadin. Organizata gjithashtu konstaton mungesë përparimi për 19 planet e detajuara urbanistike, për të cilat më herët ishte vlerësuar se mund të dëmtojnë trashëgiminë botërore.

Kërkohet ndërprerja e ndryshimeve të reja urbanistike deri në përfundimin e vlerësimit të plotë strategjik, si dhe përshpejtimi i hartimit të planeve të përgjithshme urbanistike për Ohrin dhe Strugën. Shqetësim i veçantë është ngritur edhe për kompleksin “Gorica 3”, ku UNESCO kërkon ndalimin e punimeve ndërtimore deri në kryerjen e analizave të nevojshme për ndikimin ndaj zonës së mbrojtur. Ujërat e zeza dhe administrimi i mbetjeve vazhdojnë të vlerësohen si çështje serioze.

UNESCO vlerëson se rezultatet në këtë drejtim janë të kufizuara, ndërsa ndotja mbetet rrezik për ekosistemin e Liqenit të Ohrit. Projektet për rehabilitimin dhe zgjerimin e sistemit kolektor janë vonuar, ndërkohë që çështja e ujërave të zeza në Strugë nuk është zgjidhur ende plotësisht.

Maqedonia e Veriut dhe Shqipëria duhet të përshpejtojnë me urgjencë projektet për mbledhjen dhe trajtimin e ujërave të zeza, si edhe të ndërtojnë infrastrukturë të përshtatshme rajonale për menaxhimin e mbetjeve. Organizata paralajmëron po ashtu për vonesa në garantimin e mbrojtjes ligjore të zonave të rëndësishme natyrore. Procedura për shpalljen e Liqenit të Ohrit monument natyre dhe të Kënetës së Studençishtës park natyror ka nisur që nga viti 2021, por përfundimi i saj ende nuk ka afate të përcaktuara qartë.

Projektvendimi do të dalë për votim në sesionin e 48-të të Komitetit të Trashëgimisë Botërore, i cili zhvillohet nga 19 deri më 29 korrik në Busan të Koresë së Jugut. Komiteti ka mundësi ta miratojë, ta ndryshojë ose ta shtyjë sërish votimin për vendimin.

Qeveria e Maqedonisë së Veriut kishte shfaqur më herët bindjen se Ohri do të mbajë statusin aktual. Zëvendëskryeministri dhe ministri i Transportit, Aleksandar Nikolloski, ka deklaruar se pret një rezultat pozitiv, duke kujtuar se një propozim i ngjashëm u shty në vitin 2025 pas ndërhyrjes së shteteve anëtare.(koha.mk)

The post UNESCO kërkon futjen e Rajonit të Ohrit në Listën e Trashëgimisë në Rrezik appeared first on Albeu.com.

Drejtuesi i varkës me vela humbi kontrollin dhe varka rrezikohej të mbytej për shkak të stuhisë që kishte përfshirë liqenin pasditen e 19 gushtit 2023. Nga stuhia varka ishte dëmtuar, duke e bërë të pamundur lundrimin dhe kthimin në breg.

Autoritetet e Ohrit u njoftuan rreth orës 19:00 dhe oficerët e Policisë së Stacionit Policor  të Vëzhgimit Kufitar “Liqeni i Ohrit” dolën menjëherë në terren.

Rreth orës 19:25 kanë gjetur varkën me vela rreth 7000 metra larg bregut të liqenit, në afërsi të kufirit me Republikën e Shqipërisë, informojnë autoritetet maqedonase.

55 vjeçari nga Ohri, i cili drejtonte varkën së bashku me personat e tjerë të transportuar në të, janë shpëtuar dhe shëndoshë e mirë pa lëndime janë transportuar në Stacionin Policor për Mbikëqyrje Kufitare “Liqeni i Ohrit”./Albeu.com/

The post VIDEO/ Varka iu dëmtua nga stuhia dhe u rrezikohej jeta, shpëtohen 5 persona në liqenin e Ohrit appeared first on Albeu.com.

I mituri u transportua në spital për ndihmë mjekësore, ku ndodhet jashtë rrezikut për jetën.

Grupi hetimor po punon për sqarimin e rrethanave të ngjarjes.

The post Rrëzohet nga trampolina në liqenin e Ohrit, niset me urgjencë drejt spitalit 16-vjeçari në Pogradec appeared first on Albeu.com.

Por ekosistemi i liqenit kërcënohet nga mijëra tonelata mbetje minerare, të cilat gjenden ende buzë liqenit apo të shpërndara në kodrat përreth tij.

UNESCO e konsideron aktivitetin e shfrytëzimit minerar të papajtueshëm me trashëgiminë botërore dhe i rekomandoi Shqipërisë gjatë një misioni monitorimi në vitin 2020 që të zhvendoste dhe të rehabilitonte në mënyrë urgjente një dampë minerare buzë liqenit si dhe të siguronte mbylljen e përhershme të çdo aktiviteti minerar me ndikim në këtë pasuri.

Dy vjet pas këtij rekomandimi, autoritetet shqiptare vazhdojnë të bëjnë një sy qorr.

Gani Bego, specialist i administratës së zonave të mbrojtura në Pogradec e konsideroi çështjen e mbetjeve minerare një problem të mbartur ndër vite, ndërsa theksoi se katër kompani vazhdojnë të kryejnë aktivitet minerar në vijën e liqenit të Pogradecit.

“Ky aktivitet fatmirësisht vitet e fundit ka pësuar rënie, por ka ende disa subjekte që vazhdojnë aktivitetin. Janë subjekte që shfrytëzojnë në karrierë dhe sigurisht që nga reshjet e shiut, metalet e rënda të këtij aktiviteti përfundojnë lehtësisht në liqen”, tha zoti Bego.

“Ne si Administratë e Zonave të Mbrojtura kemi ushtruar dhe kontrolle, kemi mbajtur aktet e konstatimit në disa subjekte dhe kjo është detyra jonë, të mbajmë aktet e konstatimit”, shtoi ai.

Sipas ekspertit të mjedisit, Arjan Merolli, mbetjet minerare kanë shkaktuar ndotje ekstreme të liqenit, me norma shumë herë më të larta se ato të Bashkimit Europian. Zoti Merolli shton se mbetjet e metaleve të rënda gjenden tashmë në organizmin e tre peshqve më të njohur komercialë të këtij liqeni –koranit, belushkës dhe krapit.

“Në rast se nuk marrim masa me këto mbetje minerare në formë shllamesh, që janë shumë të rrezikshme, do të humbasim me kalimin e kohës kriteret për të cilat ky rajon është shpallur si trashëgimi natyrore botërore. Duke qenë në dimensione shumë të vogla, këto masa e dëmtojnë shumë faunën e liqenit, sepse bëhen ushqim për llojet e ndryshme të peshqve në liqenin e Ohrit”, thotë zoti Merolli.

Bashkia e Pogradecit pretendon se po punon për zbatimin e rekomandimeve të UNESCO-s dhe sipas saj, pjesa më e madhe e mineraleve është pastruar.

“Një ndër problematikat e listuara nga UNESCO është dampa e mineraleve në Gurin e Kuq, një vend-depozitim mineralesh që është prej shumë kohësh atje. Pjesa më e madhe e saj është evaduar dhe pastruar dhe jemi në bashkëpunim me Ministrinë e Energjitikës për të hequr dhe pastruar edhe pjesën tjetër të kësaj mase materialesh”, tha nënkryetari i Bashkisë së Pogradecit, Paskalino Zyko.

Megjithatë, Ministria e Infrastrukturës dhe Energjetikës tha në përgjigje të një kërkese për të drejtë informimi se dampa të tjera në zonën e liqenit janë duke u shfrytëzuar nga dy kompani koncesionare përmes lejeve të shfrytëzimit, që pritet të zgjasin deri në vitin 2026.

“Këto dy leje minerare përcaktojnë se nuk shfrytëzohet mineral në vendburim, por përdoret gjendja e stokut. Lejet e dhëna kanë si objekt shfrytëzimin e dampave, pasi ato kanë mineral hekur-nikeli. Sipas kontratës, detyrimi i kompanive për të pastruar dampat përfundon në momentin që ju përfundon leja e shfrytëzimit”, u përgjigj ministria.

Eksperti i mjedisit, Arjan Merolli thotë se e ka ndjekur nga afër procesin dhe ka vërejtur shkelje të tjera mjedisore.

“Ajo që është më shumë shqetësuese është që heqja e mineralit nuk ka respektuar asnjë nga nga ato rregulla që të ketë garanci që asnjë nga ato sasi të mineralit të hekur-nikelit mos kalojë përmes shirave apo faktorëve të tjerë atmosferikë në liqen. Përkundrazi, është muri rrethues i saj dhe nëpërmjet mjeteve të ngarkimit është hequr minerali pa respektuar asnjë nga ato rregulla”, përfundoi ai./voa

The post VOA: Ndotja minerare rrezikon statusin e UNESCO-s për liqenin e Ohrit appeared first on Albeu.com.

Përmes një postimi në Twitter, NASA thekson se këta liqene janë të vjetër të paktën 1 milion vite dhe tregon edhe thellësinë dhe vendndodhjen e tyre.

“Liqeni i Ohrit dhe Liqeni i Prespës, dy nga liqenet më të vjetër të Evropës, shtrihen në male përgjatë kufijve të Maqedonisë së Veriut, Shqipërisë dhe Greqisë.

Liqenet kanë ekzistuar për të paktën 1 milion vjet, ndoshta edhe më gjatë. Ohri ka një thellësi mesatare prej 155 m, ndërsa Prespa 14 metra, thuhet në njoftimin e NASA-s./albeu.com/

Lake Ohrid and Lake Prespa, two of Europe’s oldest lakes, lie in mountains along the borders of North Macedonia, Albania, and Greece. The lakes have persisted for at least 1 million years, possibly longer. Ohrid has a mean depth of 155m to Prespa’s 14m. https://t.co/Cp95gCKVGv pic.twitter.com/JsTkPVS3Hd

— NASA Earth (@NASAEarth) September 17, 2022

The post “Të paktën 1 milion vite të vjetër”, NASA evidenton veçoritë e liqeneve të Ohrit dhe Prespës në Shqipëri (FOTO LAJM) appeared first on Albeu.com.

Një vendbanim antik në brigjet e Liqenit të Ohrit është mijëra vite më i vjetër nga sa mendohej më parë. Zbulimi është bërë nga një grup studiuesish zviceranë, të cilët kanë kryer datimin me radiokarbon të 800 shtyllave të drurit, të gjetura në fund të liqenit. Ata kanë arritur të hedhin poshtë pretendimet e mëparshme se ky vendbanim datonte në datonte në 1.000 pes.Vendbanimi që ndodhet mes Shqipërisë dhe Maqedonisë së Veriut tashmë është provuar se ka qenë i banuar nga mesi i Mijëvjeçarit të 5-të deri në Epokën e Bronzit (Mijëvjeçari i 2-të).Sipas Studiuesve nga Universiteti i Bernës, datimi u bë i mundur për shkak se druri ishte i privuar nga oksigjeni nën ujë, duke i rezistuar algave apo erozionit bakterial. Nivele të tilla të ruajtjes janë gjetur më parë vetëm në rajonet alpine.

Pranë drurëve që u morën për analizë, u gjetën edhe bimë të kultivuara.Në një njoftim për shtyp, Universiteti thotë se zbulimi është me rëndësi të veçantë pasi kjo zonë ka luajtur një rol kyç në përhapjen e bujqësisë. “Fermerët e parë në Europë jetuan këtu”, thonë studiuesit.

“Mbarështuesit e hershëm të bagëtisë dhe fermerët nga Anadolli arritën së pari në rajonin e Egjeut, veçanërisht në Greqinë veriore, dhe më pas në Evropën Qendrore përmes Italisë jugore dhe Ballkanit më shumë se 8,000 vjet më parë.”.Studiuesit, të cilët e kryen kërkimin e tyre si pjesë e programit EXPLO të Këshillit Evropian të Kërkimit “Eksplorimi i dinamikës dhe shkaqeve të ndryshimit të përdorimit të tokës parahistorike në djepin e bujqësisë evropiane”, tani shpresojnë që zonës t’i jepet statusi i mbrojtjes kulturore./albeu.com

The post Zvicerianët zbulojnë se Liqeni i Ohrit ka qenë i banuar 5 mijë vjet para erës së re appeared first on Albeu.com.