Ministrja në detyrë e Mjedisit dhe Planifikimit Hapësinor, Fitore Pacolli, ka deklaruar se ruajtja e burimeve ujore përbën një nga prioritetet kryesore.

Përmes një reagimi në Facebook, ku publikoi edhe një video nga Liqeni i Radoniqit, Pacolli e përshkroi këtë liqen si një prej burimeve kryesore të ujit të pijshëm.

Ajo theksoi se degradimi i mjedisit dhe ndërtimet e kryera pa përgjegjësi në afërsi të liqeneve e burimeve ujore nuk do të tolerohen.

“Nuk do t’i tolerojmë degradimet dhe ndërtimet e papërgjegjshme përgjatë liqeneve dhe burimeve ujore. Kosova përballet me mungesë të pasurive ujore, ndërsa ndryshimet klimatike po e bëjnë edhe më të pasigurt të ardhmen e tyre. Për këtë arsye, mbrojtja e ujërave është detyrë qytetare, institucionale dhe kombëtare. Pasuritë që kemi sot duhet t’i ruajmë me kujdes, në mënyrë që t’ua lëmë edhe brezave të ardhshëm. Uji është jetë dhe do ta mbrojmë si pasuri kombëtare”, ka shkruar Pacolli.

Disa ditë më parë, ministrja kishte bërë të ditur se një objekt i përdorur si restorant, pranë Liqenit të Radoniqit, do të mbyllej.

Po ashtu, në hapësirat përreth këtij liqeni janë shembur disa objekte të ndërtuara pa leje.

The post Pacolli: Ujërat do të mbrohen, ndërtimet e papërgjegjshme pranë tyre nuk do të lejohen appeared first on Albeu.com.

Ky ka qenë zbulimi i ri, i cili tregoi se si rezultat i një inventari të ri të liqeneve akullnajore zvicerane tregoi se “që nga fundi i Epokës së Vogël të Akullnajave, rreth vitit 1850, rreth 1200 liqene të reja u shfaqën në ish-zonat akullnajore në Alpet Zvicerane”.

Sipas studimit të Instituti Federal Zviceran të Shkencave dhe Teknologjive të Ujit, Universitetit të Cyrihut dhe Zyrës Federale për Mjedisin, rreth 1 mijë nga këto liqene ekzistojnë edhe sot.

Ashtu si në pjesën tjetër të Alpeve, akullnajat në Zvicër po shkrihen. Gjatë vitit të kaluar, ato humbën 2% të masës së tyre, sipas një raporti vjetor nga Akademia Zvicerane e Shkencave.

Edhe nëse përmbushet Marrëveshja e Parisit dhe rritja e temperaturës është e kufizuar në 2ºC, shkrirja pritet të prekë dy të tretat e akullnajave në Alpe, sipas një studimi të Shkollës prestigjioze Politike të Politikenikut të Cyrihut.

Midis 2006 dhe 2016, formimi i liqeneve të reja akullnajore u përshpejtua ndjeshëm, thonë studiuesit. Është “një provë e qartë e ndryshimit të klimës në Alpe”, ata siguruan për këtë periudhë në të cilën u shfaqën 18 liqene të rinj çdo vit dhe zonat ujore u zgjeruan çdo vit me më shumë se 400 m².

Studimi mbi liqenet akullnajore është bërë nga të dhënat e regjistruara nga mesi i shekullit të 19-të.

“Kur akullnajat filluan të shkriheshin, kjo zgjoi kuriozitetin e natyralistëve në atë kohë,” shpjegon Nico Mölg, një studiues postdoktoral.

Autorët e raportit ishin në gjendje të përdorin hartat Dufour të bëra midis 1840 dhe 1870, fotografi ajrore të bëra në 1946 dhe të dhëna nga Swisstopo, Byroja Federale e Topografisë. Përveç ndryshimit të klimës, ky raport është i dobishëm kur bëhet fjalë për sigurinë.

Për secilin nga 1,200 liqenet, shkencëtarët dokumentuan vendndodhjen, lartësinë, dimensionet, si dhe evolucionin e shtrirjes së liqenit dhe derdhjet e mundshme të ujit dhe tokës.

“Në një fazë tjetër, këto të dhëna do të përdoren për të llogaritur individualisht rreziqet e mundshme të secilit liqen, për shembull, rrezikun e zbrazjes së papritur të një liqeni në rast se prishet një nga pjesët që e formojnë atë,” thuhet në deklaratë.

The post Shkrin Akullnajat në Alpet Zvicerane, krijohen 1.000 liqene appeared first on Albeu.com.