Air France planifikon të rifillojë fluturimet nga Parisi drejt Tel Aviv. Fluturimet do të nisin nga 24 janari me tre linja në javë çdo të mërkurë, të enjte dhe të dielë, siç njoftoi kompania ajrore franceze.

Air France kishte pezulluar linjat e saj pas sulmit të Hamasit në Izrael më 7 tetor. Orari i fluturimeve do të jetë shumë më i kufizuar se ai që ekzistonte përpara 7 tetorit.

“Air France siguron se monitoron vazhdimisht zhvillimet gjeopolitike në rajonet që i shërben dhe në të cilat fluturojnë avionët e saj për të garantuar nivelin më të lartë të sigurisë së fluturimit”, thuhej në njoftim.

Grupi gjerman Lufthansa kishte njoftuar se nga fillimi i janarit do të nisë fluturimet drejt Izraelit.

Linjat ajrore të grupit do të ofrojnë nga 8 janari gjithsej 20 fluturime drejt dhe nga Tel Aviv, 30% të orarit normal, siç njoftoi kompania gjermane, e cila përfshin Austrian Airlines dhe Swiss SWISS, më 15 dhjetor.

Shumë linja ajrore të tjera ndaluan fluturimet për në Izrael pas sulmit të paprecedentë nga Hamasi më 7 tetor dhe raketave të lëshuara nga Gaza, kryesisht drejt zonës së Tel Avivit.

Linjat ajrore izraelite vazhduan fluturimet e tyre.

The post Linjat ajrore evropiane rifillojnë fluturimet për në Tel Aviv appeared first on Albeu.com.

Teksa pak ditë më parë një rast ekskluziv u raportua për albeu.com, ku avioni i linjës Wizz Air që ishte nisur nga Dortmundi drejt Tiranës bëri ulje të detyruar në Rinas, të tjera probleme të kësaj natyre po vijojnë të pasojnë këtë linjë.

Një tjetër raportim ka ardhur për albeu.com, ku qytetarët shprehen se për shkak të problemeve të sistemit, ata nuk kanë arritur dot të bëjnë Check-in online dhe janë detyruar që të paguajnë rreth 40 euro në sportele.

Më pas një tjetër fluturim shqetësues u raportua nga qytetarët, ku këtë herë problemi ishte me linjën e fluturimit Tiranë-Bruksel.

Qindra qytetarë shqiptarë përjetuan udhëtim shqetësues me kompaninë e fluturimeve loë cost, Wizz Air.

Fluturimi i linjës Tiranë – Bruksel (Charleroi) u ndërpre në mes për shkaqe ende të panjohura.

Sipas burimeve nga qytetarët, avioni i Wizz Air nuk ishte pranuar të ulej në Belgjikë dhe u detyrua të ulej në Lilë të Francës.

Kjo gjë kishte detyruar pasagjerët që pjesën tjetër të udhëtimit ta vazhdonin me autobus.

Vonesat nëpër aeroporte janë të shumta dhe shumë qytetarëve u anulohen udhëtimet dhe lihen në aeroporte.

Kompania nuk merr asgjë përsipër veç rimbursimit të biletës që në rastin më të mirë ka një çmim prej 60 eurosh.

Pjesën tjetër të udhëtimit, sipas pasagjerit, ata u detyruan ta bëjnë me autobus, raporton Zoom News.

WizzAir raportohet të ketë probleme të tilla edhe në vende të tjera. Mediat hungareze shkruajnë se disa ditë më parë, për të dytën herë në dy javë, Wizz Air ka braktisur 200 pasagjerë në aeroportin Orly të Parisit.

Një ditë më parë Daily Mail raportonte se Wizz Air i la për më shumë se 10 orë pasagjerët në aeroportin Getwick të Londrës dhe se askush nga kompania nuk u dha sqarime udhëtarëve që kishin prerë biletat.

Britanikët që fluturojnë me Wizz Air e kanë akuzuar linjën ajrore për ofrim të një “shërbimi të kobshëm”, shkruan Daily Mail.

Kujtojmë se avionët e kësaj linje u prezantuan me shumë bujë nga kryeministri Edi Rama.

Kjo pritej të sillte një kosto më të lirë për fluturimet e qytetarëve shqiptarë, gjë që po del në të kundërt, pasi sorollatjet e tepërta dhe kostot shtesë gjatë problematikave të linjës, bëjnë që qytetarët të paguajnë shumë më tepër.

Një fluturim që normalisht mund të zgjasë deri në dy orë, me Wizz Air mund të zgjesë me orë të tëra, nisesh dhe nuk dihet ku përfundon.

Pikëpyetja është nëse ja ka vlejtur kjo nismë e qeverisë shqiptare për udhëtimet e qytetarëve shqiptarë./albeu.com/

The post Nisesh dhe nuk di ku përfundon! Wizz Air shkakton kaos me fluturimet, çmimet “e lira” bëhen “makth” për qytetarët appeared first on Albeu.com.