Sekretari i përgjithshëm i Organizatës, Arsenio Dominguez, tha se sulmet vetëm përkeqësojnë frikën, pasigurinë dhe dëshpërimin e marinarëve të bllokuar.

“Sulmet vetëm përkeqësojnë frikën, pasigurinë dhe dëshpërimin nga të cilët tashmë po vuajnë 6,000 njerëz në det që mbeten të bllokuar në anije të paafta për t’u larguar nga Gjiri në mënyrë të sigurt“, tha Arsenio Dominguez, sekretari i përgjithshëm i Organizatës, në një deklaratë.

Gjithashtu, ai u kërkoi zyrtarëve të transportit të shmangin kalimin e anijeve përmes Hormuzit.

The post Konflikti në Lindjen e Mesme, 6 mijë marinarë mbeten të bllokuar në ngushticën e Hormuzit appeared first on Albeu.com.

Sipas deklaratave të CENTCOM, operacioni u zhvillua në orët e para të së mërkurës dhe erdhi si përgjigje e menjëhershme ndaj sulmeve që Irani kreu kundër tre anijeve tregtare që po kalonin në Ngushticën e Hormuzit.

Autoritetet amerikane e cilësuan veprimin iranian si shkelje të armëpushimit dhe një kërcënim për lirinë e lundrimit ndërkombëtar.

Objektivat e goditura përfshinin sisteme të mbrojtjes ajrore, qendra komanduese dhe kontrolli, radarë bregdetarë, kapacitete raketore kundër anijeve, si edhe mbi 60 mjete të vogla detare të Gardës Revolucionare Islamike, të vendosura në dhe pranë Ngushticës së Hormuzit.

Sipas ushtrisë amerikane, qëllimi i operacionit ishte dobësimi i aftësisë së Iranit për të sulmuar transportin tregtar në një nga korridoret më të rëndësishme detare në botë.

Nga ana tjetër, Teherani dënoi sulmet amerikane, duke i cilësuar si shkelje të armëpushimit dhe paralajmëroi se do të japë një përgjigje shkatërruese.

Mediat shtetërore iraniane raportuan gjithashtu se një seri shpërthimesh u dëgjuan në zonën e Ngushticës së Hormuzit.

Përshkallëzimi vjen ndërsa negociatat midis Shteteve të Bashkuara dhe Iranit, janë ende duke vazhduar për një marrëveshje përfundimtare pas konfliktit të muajve të fundit.

Më parë, Departamenti i Thesarit i SHBA-së kishte revokuar gjithashtu një përjashtim të përkohshëm nga sanksionet që i lejonte Iranit të prodhonte, shiste dhe eksportonte naftë bruto deri më 21 gusht, duke rritur më tej presionin ekonomik mbi Teheranin.

BREAKING 🔴

U.S. military:

“U.S. Central Command (CENTCOM) forces completed a new round of offensive strikes against Iran, July 7, hitting over 80 targets with precision munitions as an immediate response to Iran’s latest attacks on commercial vessels transiting the Strait of… pic.twitter.com/9hw6SH0Q5x

— Indian🇮🇳 (@singh31919) July 8, 2026

The post Përshkallëzim i ri i tensioneve në Lindjen e Mesme/ SHBA-të sulmojnë 80 objektiva iraniane, Teherani: U shkel marrëveshja appeared first on Albeu.com.

Sipas një deklarate të publikuar nga zyra e tij, Netanyahu theksoi se objektiv i operacioneve janë të gjitha strukturat që përdoren nga krahu ushtarak i Hezbollahut për të kryer sulme ndaj veriut të Izraelit, përfshirë edhe rrjetin e tuneleve nëntokësore.

“Ky është urdhri, të mos mbetet asgjë në këmbë. Zbatojeni”, është shprehur Netanyahu, sipas deklaratës së publikuar në platformën X.

Kryeministri izraelit u bëri thirrje gjithashtu ushtarakëve që të ndërhyjnë menjëherë sapo të identifikojnë një kërcënim, pa pritur udhëzime të tjera nga komandat.

Netanyahu përjashtoi mundësinë e tërheqjes së forcave izraelite nga zonat që kontrollojnë në jug të Libanit, duke theksuar se prania ushtarake do të vazhdojë derisa Hezbollahu të çarmatoset plotësisht dhe të eliminohet çdo kërcënim ndaj sigurisë së Izraelit.

The post Konflikti në Lindjen e Mesme/ Netanyahu urdhër forcave ushtarake: Të shkatërrohet plotësisht infrastruktura e Hezbollahut në jug të Libanit appeared first on Albeu.com.

Tenisionet në Lindjen e Mesme janë rikthyer, pasi ushtria amerikane ka kryer sulme të mëtejshme kundër objektivave iraniane me urdhër të presidentit Donald Trump.

Komanda Qendrore e SHBA-së tha se ky sulm ishte një përgjigje të drejtpërdrejtë ndaj agresionit të vazhdueshëm iranian.

“Avionët ushtarakë amerikanë shënjestruan infrastrukturën e mbikëqyrjes ushtarake iraniane, sistemet e komunikimit, vendet e mbrojtjes ajrore, objektet e magazinimit të dronëve dhe kapacitetet e vendosjes së minave”, tha CENTCOM në një deklaratë .

Sulmet shtesë vijnë pas një sulmi iranian të enjten kundër një anijeje tregtare pranë Ngushticës së Hormuzit. SHBA-të më pas nisën sulme kundër Iranit rreth Ngushticës së Hormuzit të premten.

“Pas sulmeve të djeshme të SHBA-së në përgjigje të sulmit iranian ndaj M/V Ever Lovely, Iranit iu dha një shans për të respektuar marrëveshjen e armëpushimit, por zgjodhi të mos e bënte kur forcat e tij nisën një dron sulmues njëkahësh që goditi M/T Kiku këtë mëngjes në orën 4:30 të mëngjesit ET”, thuhet në deklaratën e CENTCOM-it.

CNN, shkruan se vala e sulmeve e vështirëson marrëveshjen fillestare SHBA-Iran të nënshkruar këtë muaj, e cila kishte për qëllim zgjerimin e armëpushimit dhe rivendosjen e trafikut përmes Ngushticës së Hormuzit.

Presidenti i SHBA-së, Donald Trump, kërcënoi me më shumë veprime ushtarake nëse sulmet iraniane vazhdojnë.

Trupa e Gardës Revolucionare Islamike të Iranit kundërshtoi, duke thënë se sulmet amerikane shkelën armëpushimin, gjë e cila do të rezultojnë në ndalimin e plotë të të gjitha proceseve diplomatike.

The post Përshkallëzohet situata në Lindjen e Mesme/ Ushtria amerikane kryen sulme kundër objektivave iraniane appeared first on Albeu.com.

Sipas New York Times, duke cituar zyrtarë me njohuri për bisedimet, presidenti amerikan shtrëngoi disa nga kushtet e propozimit të mëparshëm dhe ia dërgoi këtë plan të ri Teheranit.

NYT nuk ishte në gjendje të specifikonte ndryshimet që presidenti republikan bëri në kushtet e një marrëveshjeje.

Megjithatë, sipas Axios, ai dëshiron të forcojë qëndrimin e Uashingtonit për disa çështje që ai i konsideron të rëndësishme, siç është fati i materialeve bërthamore të Republikës Islamike.

Trump ka deklaruar vazhdimisht se Teherani nuk mund të sigurojë armë bërthamore dhe kërkon shkatërrimin e rezervave të uraniumit të pasuruar shumë të Iranit.

Çështja bërthamore është një nga pikat kryesore të ngërçit në negociatat për t’i dhënë fund luftës që filloi më 28 shkurt me sulmin izraelito-amerikan ndaj Republikës Islamike.

Ndër prioritetet e tjera të presidentit është hapja dhe çminimi i Ngushticës së Hormuzit nga Irani, të cilin ky i fundit e ka mbyllur në mënyrë efektive që nga fillimi i luftës.

Kushtet e reja të Trump në këtë propozim të ri ka të ngjarë t’i zgjasin më tej negociatat. Burime amerikane i thanë AFP-së se kreu i Shtëpisë së Bardhë nuk kishte marrë vendim për të nënshkruar një propozim që ishte në zyrën e tij të premten pas një takimi në Dhomën e Situatave.

Më vonë atë mbrëmje, një zyrtar i Shtëpisë së Bardhë tha se Trump do të nënshkruante një marrëveshje me Iranin vetëm nëse respektohen “vijat e kuqe” që ai ka vendosur.

The post Lufta në Lindjen e Mesme/ Presidenti Trump i dërgon Iranit një propozim të ri për armëpushim! Këtë herë me kushte më të ashpra appeared first on Albeu.com.

Sipas autoriteteve amerikane, shkak për ndryshimin e planit janë bërë kushtet e këqija atmosferike, ndërsa zona përreth kryeqytetit amerikan është përfshirë nga reshje të dendura shiu gjatë ditëve të fundit.

Mbledhja e kabinetit pritet të fokusohet kryesisht te zhvillimet në Iran dhe tensionet në Lindjen e Mesme, në një kohë kur negociatat mes Washingtonit dhe Teheranit nuk po japin rezultatet e pritshme.

Vetëm pak ditë më parë, Trump deklaroi se një marrëveshje me Iranin ishte “shumë pranë”, me synimin për të ulur tensionet në rajon. Por zhvillimet e fundit duket se kanë komplikuar situatën diplomatike.

Të martën, Irani akuzoi SHBA-në për shkelje të armëpushimit, pasi Washingtoni njoftoi për sulme ajrore gjatë natës në jug të Republikës Islamike.

Ndërkohë, bllokimi de facto i Ngushticës së Hormuzit vijon të mbajë të larta çmimet e naftës në tregjet ndërkombëtare.

Ndryshe nga shumë presidentë amerikanë para tij, Trump e përdor rrallë Camp David, vend që historikisht ka shërbyer si qendër për samite dhe negociata të rëndësishme ndërkombëtare.

The post Diskutimet mbi Iranin dhe tensionet në Lindjen e Mesme, Trump ndryshon vendin e mbledhjes së kabinetit appeared first on Albeu.com.

Presidenti amerikan, u shpreh se sulmet e përbashkëta me Izraelin kanë degraduar ndjeshëm aftësitë bërthamore, arsenalin raketor dhe forcën ushtarake të Iranit.

“Po i afrohemi shumë përmbushjes së objektivave tona, ndërsa shqyrtojmë shkurtimin e përpjekjeve tona të mëdha ushtarake në Lindjen e Mesme në lidhje me Regjimin Terrorist të Iranit: (1) Degradimin e plotë të aftësisë së raketave iraniane, lëshuesve dhe gjithçkaje tjetër që lidhet me to. (2) Shkatërrimin e bazës industriale mbrojtëse të Iranit. (3) Eliminimin e Marinës dhe Forcave të tyre Ajrore, duke përfshirë edhe armët kundërajrore. (4) Moslejimin kurrë të Iranit që t’i afrohet aftësisë bërthamore dhe gjithmonë të qenit në një pozicion ku SHBA-të mund të reagojnë shpejt dhe fuqishëm ndaj një situate të tillë, nëse ndodh. (5) Mbrojtjen, në nivelin më të lartë, të aleatëve tanë të Lindjes së Mesme, duke përfshirë Izraelin, Arabinë Saudite, Katarin, Emiratet e Bashkuara Arabe, Bahreinin, Kuvajtin dhe të tjerë”, shkroi Trump.

Duke u ndalur te Ngushtica e Hormuzit, ai tha se do të duhet që të ruhet dhe mbrohet nga vendet e tjera që e përdorin. Nëse na kërkohet, shtoi ai, do t’i ndihmojnë këto vende për ta mbajtur hapur dhe pa rrezik nga Irani.

“Ngushtica e Hormuzit do të duhet të ruhet dhe të mbikëqyret nga kombe të tjera që e përdorin atë – Shtetet e Bashkuara nuk e bëjnë! Nëse na kërkohet, ne do t’i ndihmojmë këto vende në përpjekjet e tyre për Hormuzin, por kjo nuk duhet të jetë e nevojshme pasi kërcënimi i Iranit të zhduket. Është e rëndësishme të theksohet se do të jetë një Operacion Ushtarak i lehtë për ta”, shtoi ai.

The post Presidenti Trump: Po shqyrtojmë kufizimin e operacionit ushtarak në Iran, ngushtica e Hormuzit duhet të ruhet nga vendet e tjera appeared first on Albeu.com.

Ai theksoi se; “vala e pasojave globale sapo ka nisur dhe do të godasë të gjithë, pavarësisht pasurisë, fesë apo racës”.

Kreu i diplomacisë iraniane, shoqëroi deklaratën e tij me një kopje të letrës së dorëheqjes së një zyrtari amerikan të angazhuar në luftën kundër terrorizmit, i cili ka protestuar ndaj zhvillimeve të fundit në konflikt.

Araghchi shprehu gjithashtu kënaqësi për reagimet ndërkombëtare kundër përshkallëzimit të luftës, duke theksuar se gjithnjë e më shumë zëra, përfshirë zyrtarë evropianë dhe amerikanë, po e konsiderojnë të padrejtë një përballje ushtarake ndaj Iranit.

“Gjithnjë e më shumë zëra, përfshirë nga Evropa dhe Shtetet e Bashkuara po shprehen hapur se lufta kundër Iranit është e padrejtë. Më shumë anëtarë të komunitetit ndërkombëtar duhet të mbajnë të njëjtin qëndrim”, u shpreh ai.

The post Ministri i Jashtëm iranian paralajmëron: Lufta do të ketë pasoja globale, pavarësisht pasurisë, fesë apo racës, do goditen të gjithë appeared first on Albeu.com.

Shpërthime u raportuan në qytetin veriperëndimor të Tabrizit, ndërsa sulme të mëparshme u raportuan në qytetin Karaj, në perëndim të Teheranit, dhe në qytetin jugor të Shirazit.

“Izraeli po kryen një valë sulmesh ajrore në shkallë të gjerë kundër infrastrukturës së regjimit terrorist iranian në Teheran”, tha ushtria në një postim në Telegramit, duke shtuar më vonë se kishte filluar “një valë të re sulmesh kundër infrastrukturës terroriste të Hezbollahut në Bejrut”.

The post Lufta në Lindjen e Mesme/ Izraeli njofton një valë sulmesh kundër Teheranit appeared first on Albeu.com.

Në njoftimin e saj, ambasada këshillon që qytetarët amerikanë të regjistrohen në programin Smart Traveler Enrollment Program (STEP), përmes faqes zyrtare step.state.gov, në mënyrë që të marrin përditësime dhe njoftime sigurie drejtpërdrejt nga përfaqësia diplomatike e ambasadave amerikane.

Sipas ambasadës, regjistrimi në këtë program ndihmon shtetasit amerikanë të marrin informacione të rëndësishme në kohë reale dhe e bën më të lehtë për ambasadën që të kontaktojë qytetarët e saj në rast emergjencash ose situatash të papritura.

MESAZHI

Qëndroni të informuar. Qëndroni të lidhur. Qëndroni të sigurt.

Shtetasit amerikanë duhet të regjistrohen në Smart Traveler Enrollment Program në step.state.gov për të marrë përditësime dhe njoftime sigurie direkt nga Ambasada e Shteteve të Bashkuara.

The post Konflikti në Lindjen e Mesme, Ambasada Amerikane në Tiranë mesazh për shtetasit e saj: Qëndroni të sigurt appeared first on Albeu.com.