Mësohet se një 19-vjeçare franceze ka kërkuar ndihmë mjekësore në muajn e shtatë të shtazënisë.

Në momentin kur ambulanca ka marrë të renë për ta transportuar drejt maternitetit, ajo e ka sjellë foshnjën në jetë brenda ambulancës.

Mësohet se foshnja është dërguar drejt Tiranës për shkak të lindjes të parakohshme, megjithatë nga informacionet thuhet se nënë e bijë gëzojnë shëndet të plotë.

The post Korçë/ 19-vjeçarja franceze lind foshnjën e saj në ambulancë appeared first on Albeu.com.

Adiah dhe Adrial Nadarajah kanë lindur 126 ditë, duke kapërcyer rekordin e mëparshëm prej 125 ditësh, të vendosur në vitin 2018 nga binjakët në shtetin amerikan të Ioëa-s.

Nëse fëmijët do të kishin lindur edhe një orë më herët se 22 javë, spitali nuk do të kishte tentuar për të shpëtuar jetën, thotë Guinness.

Një shtatzëni e plotë është zakonisht 40 javë.

Mamaja Shakina Rajendram tha se kur ajo filloi lindjen në vetëm 21 javë dhe pesë ditë, mjekët i thanë asaj se foshnjat “nuk ishin të qëndrueshme” dhe kishin “0% shans për të mbijetuar”.

Ishte shtatzënia e saj e dytë, pasi humbi të parën vetëm disa muaj më parë në të njëjtin spital pranë shtëpisë së tyre në Ontario.

Babai Kevin Nadarajah tregoi se spitali u tha atyre se nuk do të ishin në gjendje të ndihmonin me një shtatzëni kaq të hershme.

Shumica e spitaleve nuk përpiqen të shpëtojnë fëmijët e lindur para javës 24 deri në 26.

Por për fat, çifti mundi të transferohej në spitalin Mount Sinai në Toronto, i cili ka një njësi të specializuar të kujdesit intensiv neonatal.

Në ditën e dytë të lindjes së zonjës Rajendram, 21 javë dhe gjashtë ditë pas shtatzënisë, asaj iu tha se nëse fëmijët do të lindnin edhe disa minuta para javës së 22-të, ata do të liheshin të vdisnin.

Pavarësisht gjakderdhjes së madhe, ajo tha se u përpoq të bënte më të mirën për t’i “mbajtur foshnjat brenda” për disa orë të tjera.

Më pak se dy orë pasi hynë në javën e 22-të, fëmijët lindën.

Adiah dhe Adrian tani janë një vjeç, pavarësisht nga problemet serioze mjekësore që patën.

“Ne i pamë foshnjat pothuajse të vdisnin para syve tanë shumë herë,” tha zonja Rajendram.

Ndërkohë që ende po ndiqen nga afër nga mjekët, vëllezërit e motrat po “ia dalin shumë mirë”.

Foshnja më e lindur para kohe ishte Curtis Means nga Alabama, e cila lindi në 21 javë dhe një ditë./Albeu.com.

The post Lindën 18 javë para kohe, binjakët hyjnë në librin Guinness appeared first on Albeu.com.

Ajri i ndotur është i dëmshëm për të gjithë, po në veçanti për gratë shtatzëna ka efekte negative për arsye se ato do të krijojnë një jetë të re, thotë mjekja Aida Kumnova.

Ajri i ndotur mund të sjellë dëme në placentë e cila bënë bartjen e gjakut prej nënës deri te fryti, dhe ato dëmtime do të lënë pasoja edhe në zhvillimin e frytit.

Gratë shtatzëna të cilat ekspozohen në tym apo në ambiente me kemikalie si dhe në ambiente me asbest, janë shumë të dëmshme për zhvillimin e një shtatzënie të shëndetshme. Mjekja-gjinekologe, thotë se gratë shtatzëna duhet të jenë të mbrojtura dhe ta zgjedhin ambientin e tyre ku jetojnë, dhe në atë mënyrë ta kenë një shtatzëni të suksesshme. Ndotja e ambientit ka efekte negative tek një shtatzëni në një ambient të ndotur siç është pesha e ulët trupore për beben, thotë Kumnova.

Është vërtetuar edhe në mënyrë shkencore që edhe gratë të cilat tymosin duhan, lindin foshnje me peshë më të vogël trupore dhe me një vitalitet më të ulët pas lindjes së tyre, për shkak të pirjes së duhanit. Dr. Kumnova, tha se e njëjta gjë ndodh edhe nëse jetojnë në një ambient ku ndotja e ajrit është me vlera më të larta se sa normat të cilat janë të tolerueshme.

Problemi tjetër sipas gjinekologes janë edhe vdekjet inauterine të frytit nga efektet mjedisore dhe është vërtetuar se nënat të cilat jetojnë në ambiente që kanë intoksikim më të madh të ajrit ato mund të kenë vdekje inauterine të frytit dhe gjithashtu mund të kenë lindje të parakohshme.

Gratë të cilat jetojnë në ambient me ajër të pastër lindjet i çojnë deri në terminin e fundit, ndërsa mundësia e lindjes së parakohshme është shumë më e madhe te gratë që jetojnë në ambiente të ndotura, thotë mjekja. Lindja e parakohshme ka shumë pasoja të cilat mund te fryti, siç janë: papjekuria e mushkërive, fëmijët të cilët nuk lindin në kohë do të lindin me papjekuri dhe se detyrimisht ata vendosen në inkubator me respirator dhe u japim medikamente në sasi më të madhe në mënyrë që t’i mbrojmë. Sipas gjinekologes, fëmijët që vendosën në inkubator e kanë koston shumë të lartë si dhe nevojitet kujdes intensiv dhe për këtë arsye do të ketë pasoja te fryti.

Gjinekologia Kumnova rekomandon që në ambiente të ndotura të përdoret një mbulesë në fytyrë siç janë maskat në mënyrë që të reduktohet numri i ndotësve të ajrit i cili hyn në organizmin e shtatzënës. Ajo thotë se mund të përdoren pajisje për filtrimin e ajrit në ambientin shtëpiak në të cilin është duke jetuar shtatzëna.

The post Lindje të parakohshme dhe foshnje me peshë të vogël, mjekja zbulon faktorin që i shkakton appeared first on Albeu.com.