E ftuar në ‘Goca dhe Gra’ ajo tregoi se shkak i kësaj shkëputje u bë periudha e pas lindjes, ose ndryshe ‘post-partum’, të cilën ajo e ka kaluar me shumë luhatje humori dhe një gjendje emocionale jo shumë të mirë.

“Për shumë gjëra duke nisur që nga shëndeti shpirtëror, ngarkohemi, ardhja në jetë e një fëmije ta ngarkon edhe rutinën. Mu desh një shkëputje dhe besoj që më ka bërë shumë mirë. Njoha disa nga simptomat e post-partum. Unë i kam ndjerë këto simptoma 8 muaj pas lindjes dhe nuk e dija që ishin ato. Kisha lëkundje emocionale dhe isha e mërzitur. Pastaj nga informacionet e kuptova. U konsultova me mjeken dhe më tha të marr kohë për veten.

Kisha një mërzi që nuk e dija se nga më erdhën. Më bezdisnin më shumë gjëra seç duhej. Shenja e parë ishte që nuk duroja dot shumë zhurma, kur mbivendoseshin gjërat.

Kam një partner shumë suportues që ka luajtur një rol shumë të madh, e kam kuptuar që kam bërë zgjedhjen e duhur. Jam shumë me fat për të. U largova nga gjithçka”, tregoi Sara.

Sara është shprehur se partneri i saj, këngëtari i njohur Bardh Idrizi me të cili ajo krijoj një romancë brenda shtëpisë së Big Brother, ka qenë një mbështetje e madhe për të kaluar të gjithë situatën e krijuar pas lindjes së vajzës, Nea.

“Nea ka ndihmuar shumë, është shumë klishe të flasësh për fëmijën por vetëm ideja që ke një palë sy që të shohin të mbush me shpresë dhe thua që unë duhet të jem shembull për të, të jep goxha forcë. Jam përpjekur ta shohë shumë pozitivisisht dhe si një proces transformues në prind.

Edhe për të ka qenë e vështirë. Artistët janë shumë të ndjeshëm i përjetojnë shumë intensivisht. Ka pasur moment që i është dukur pak e vështirë por e ka menaxhuar në një mënyrë të jashtëzakonshme. Jam shumë krenare”, u shpreh Sara.

The post Ish-banorja e BBV3 flet për herë të parë për periudhën së e ‘post-partum’: Kisha lëkundje emocionale appeared first on Albeu.com.

Shfrytëzimi i këtij rasti shkoi deri në ekstrem, ku në një kohë rekord pamjet e nënës së re u shpërndanë në mënyrë të koordinuar thuajse në të gjitha mediet, një pjesë e të cilave refuzuan transmetimin pasi konfirmuan historinë e sajuar nga propaganda qeveritare, duke shfrytëzuar rastin e lindjes së një nëne të re, ende pa mbërritur në Spital.

Syri Tv u interesua pranë spitalit të Traumës dhe Spitalit Mbretëresha Geraldinë për të mësuar më shumë prej rastit, por këto institucione u treguan hermetike, ndërkohë që ministria Albana Koçiu, vijonte propagandën me rastin.

Pas refuzimit nga dy spitale, gazetarët e Syri Tv arritën të flisnin me nënën e re, e cila së bashku me fëmijën gëzojnë shëndet të plotë dhe po marrin kujdesin e duhur nga stafi mjekësor.

E reja ka rrëfyer jashtë kamerave, se ndërsa kishte ndjerë shenjat e para të lindjes ka telefonuar Urgjencën Kombëtare, që ti dërgonin autoambulancë për ti ardhur në ndihmë, por ndihma i është refuzuar.

Zgjidhja e operatorit telefonik të Urgjencës Kombëtare ishte që e reja të ikte me makinën e saj në spital, pasi do të shkonte më shpejtë, duke parashikuar që rrugët kishin trafik të rënduar për shkak se kishte një protestë pesë kilometra larg itinerarit që do të përshkruante autoambulanca.

Urgjenca Kombëtare ndodhet pranë Spitalit të Traumës, ku gjithashtu është edhe një prej stacioneve të qëndrimit të autoambulancave, ndërkohë nëna e re që kërkonte ndihmë banonte në zonën e Fushës së Aviacionit, që në linjë ajrore por edhe rrugore janë në më pak se 1 km, dhe shumë kilometra larg vendit ku mbahej protesta.

Ndërsa propaganda nxitoi që të akuzonte protestën për lindjen në makinë, duket se mosdhënia e ndihmës së parë mjekësore është arsyeja kryesore.

Nga burime brenda Ministrisë së Shëndetësisë, kemi mësuar se sot me nënën e re ka kërkuar që të zhvillojë një takim dhe regjistrim propagandistik edhe ministrja Albana Koçiu, por kjo kërkesë është refuzuar nga ana e familjarëve që duket se nuk kanë pranuar përdorimin e një prej momenteve më të lumtura të jetës së tyre.

“Më kanë kërkuar që në mëngjes që të të flas për mediat, por i kam refuzuar për shkak se në momentin që unë kisha nevojë për ndihmë as Ambulanca por as policia nuk ishin aty e nuk më dhanë ndihmë”- u shpreh jashtë kamerave nëna e re.

Për hir të transparencës, Syri Tv kontaktoi edhe me urgjencën Kombëtare për të marrë informacion se cila ishte arsyeja që iu refuzua ndihma e parë nënës së re, por deri në këtë moment nuk kemi një përgjigje. /Syri Tv

The post Kishin thirrur Urgjencën, por ndihma i është refuzuar/ Lindi foshnjën në makinë, pasi protesta kishte bllokuar rrugën appeared first on Albeu.com.

24-vjeçari i pafat Osman Enes Basturk, i cili ishte një nga mijëra viktimat e tërmetit të 6 shkurtit, kishte lindur pikërisht në një dytë po kaq të rëndë, në 17 gusht të vitit 1999, ditë në të cilët Turqia ishte goditur një një tjetër tërmet i fortë i cili shkaktoi sërish mijëra viktima.

Djaloshi 24-vjeçar që erdhi në këtë botë në qytetin e Gaziantepit, filloi jetën gjatë një tërmeti dhe e përfundoi përmes një tjetër tërmeti me epiqendër në qytetin e Kahramanmarasit.

Asiye Basturk, nëna e tij, tregoi historinë e jetës së Enesit, i cili humbi jetën pasi një mur ra mbi të, ndërsa përpiqej të mbronte vëllanë nga tërmeti 7.7 ballësh që goditi shtetin turk, raporton t24.com.tr.

“Djali im Osman Enes lindi në Gaziantep gjatë tërmetit Golcuk që ndodhi në vitin 1999. Ai vdiq në tërmetin në Nurdagı në vitin 2023. Ai ishte trim dhe sa mali. Ishte si luan biri im. Malet dhe gurët nuk mund ta rrëzonin djalin tim. Atë e solli në jetë Zoti”, tha ajo.

Nëna vazhdoi rrëfimin për të birin e ndjerë duke thënë se dha jetën duke u munduar ta mbronte vëllanë e tij.

“Osman Enes ishte i fortë, tha se do ta shpëtojë vëllain e tij. Djali im u mundua ta mbronte vëllanë, por nuk mundi ta shpëtojë veten. Djali im i vogël doli nga rrënojat, por ai nuk doli dot”, tha ndër të tjerash Basturk.

The post E pabesueshme! Lindi ditën e tërmetit në 1999, tërmeti i merr jetën në 2023-in, nëna e 24-vjeçarit: U sakrifikua për vëllain appeared first on Albeu.com.

Disa nga karakteristikat e fëmijëve mund t’i përcaktojë dhe muaji i lindjes. Besojeni ose jo, teori të tëra fshihen pas tij.

Sipas një studimi të lindurit në janar janë rreth 12 muaj para shokëve të klasës dhe kanë gjasa të jenë më të mirë në sporte.

Një hulumtim i publikuar në “Sciende Daily” të Australisë ka zbuluar se 33 për qind e bebeve të lindura në janar janë pjesë e Ligës Australiane të Futbollit.

Bashkautori i hulumtimit, Adrian Barnett, për këtë teori thekson: “Nëse jeni të lindur në janar, keni së paku 12 muaj rritje para moshatarëve tuaj të lindur në muajt e mëvonshëm të vitit”.

Një studim tjetër i botuar në Journal of Social Sciences zbulon se një numër disproporcionalisht i lartë i të famshmëve kanë lindur nën shenjën e zodiakut- Ujori, që do të thotë se ata kanë lindur midis 20 janarit dhe 18 shkurtit.

Foshnjat e janarit duket se kanë lindur nën një yll me fat.

The post Studimi: Muaji i lindjes përcakton kush do të bëhet yll sporti appeared first on Albeu.com.

1.Shtatzënia dhe mëmësia mund të ndryshojnë strukturën e trurit të gruas
Këto ndryshime e bëjnë nënën të jetë më e kujdesshme ndaj bebes dhe 100% të dhënë pas tij. Kjo për shkak të ndryshimeve drastike hormonale që ndodhin gjatë shtatzënisë, lindjes dhe pas saj. Si pasojë e këtyre ndryshimeve, truri pëson ndryshime në shumë zona të tij.

2. Mëmësia përmirëson aftësinë e të mësuarit dhe kujtesën
E keni vënë re që mami gjen gjithçka që ti s’e gjen dot nëpër shtëpi? Ka një arsye pse duket sikur mami i di të gjithë! Sipas studimeve është kombinimi i eksperiencës së shtatzënisë, lindjes dhe ndryshimeve hormonale që përmirësojnë aftësinë e nënës së re për të memorizuar dhe për të mësuar më shpejt gjëra të reja.

3. Edhe gjenetika juaj ndryshon
Në 2015-ën, u zbulua se një grua ndërkohë që është shtatzënë qelizat (me një background tjetër gjenetik) e fetusit futen dhe shpërndahen në trupin e gruas. Kjo është një tjetër provë që vërteton se gratë nuk janë më i njëjti person pas lindjes së bebit.

The post Pas lindjes së bebit nuk je më njeriu që ke qenë, zbuloni arsyet appeared first on Albeu.com.

“MPJD njofton të gjithë shtetasit e Republikës së Kosovës, se për kalimin kufitar në Malin e Zi, edhe fëmijët nën moshën 18 vjeçare duhet të jenë të pajisur me një dokument të vlefshëm udhëtimi”, thuhet në njoftim.

Mali i Zi ka pezulluar vendimin e mëparshëm në bazë të të cilit fëmijët nën moshën 18-vjeçare nga Republika e Kosovës, janë lejuar të kalojnë kufirin vetëm me certifikatë të lindjes.

“Vendimi për hyrjen në Malin e Zi të të gjithë shtetasve të Republikës së Kosovës, përfshirë edhe të miturit, vetëm me dokumente të vlefshme udhëtimi, është tashmë në fuqi”, njofton MPDJ./REL/

The post Kufiri Kosovë-Mali i Zi nuk mund të kalohet më vetëm me certifikatën e lindjes appeared first on Albeu.com.

Nëse armiku i armikut tim është miku im, a është armiku i mikut tim edhe armiku im?

Jo domosdoshmërisht. Ose kështu mendon Kina kur bëhet fjalë për luftën e furishme ruso-ukrainase.

Nga njëra anë Kina është partneri strategjik i Rusisë. Nga ana tjetër, Kina është partneri më i madh tregtar i Ukrainës. Prandaj, Pekini po përpiqet me përpikëri të vendosë një ekuilibër në përgjigjet e tij ndaj luftës midis dy miqve të saj.

Kina ka shprehur mirëkuptimin e “shqetësimeve legjitime” të Rusisë për zgjerimin e NATO-s, ndërsa nënvizon se “sovraniteti dhe integriteti territorial i të gjitha vendeve duhet të respektohet”.

Një neutralitet i tillë i kalibruar me kujdes mund të mos jetë ajo që duan realisht palët ndërluftuese, por është e pranueshme për të dyja. Nëse Kina bashkohet me Perëndimin në dënimin e Rusisë, veprimi i saj do të vlerësohet në Uashington dhe në shumicën e kryeqyteteve europiane.

Por ajo do të humbasë partneritetin e Rusisë. Dhe është vetëm çështje kohe para se Amerika të përballet sërish me Kinën.

Politika e administratës së Bidenit ndaj vendit tim përfshin një “konkurrencë ekstreme” që ka filluar pak para luftës.

Natyrisht, konflikti në Ukrainë i ka shkaktuar dëme të jashtëzakonshme interesave kineze, duke përfshirë nismën e saj “Një brez dhe një rrugë” në Europë. Por Pekini simpatizon pretendimin e Moskës se shkaku kryesor i konfliktit është zgjerimi i paepur i NATO-s drejt lindjes pas rënies së Bashkimit Sovjetik.

Të gjithë liderët rusë që nga Mikhail Gorbachev kanë paralajmëruar për pasojat e një zgjerimi të tillë. Rusia mendon se nuk mund t’i lejojë vëllezërit e saj ukrainas të largohen nga Russkiy mir – bota ruse -për t’u bashkuar me një aleancë tjetër.

Nëse NATO-ja i duket Rusisë si përbindëshi i Frankenshtajnit, Vladimir Putin ndoshta beson se duhet ta vrasë krijesën.

E ardhmja e Europës nuk është e vështirë për t’u kuptuar. Lufta gjithëpërfshirëse e Putinit kundër Ukrainës ka dështuar. Pikërisht për këtë, ai do të luftojë derisa të mund të shpallë një lloj “fitoreje”.

Me sa duket kjo do të përfshijë faktin se Ukraina duhet të pranojë se Krimea është pjesë e Rusisë, premtimin e saj për të mos u anëtarësuar në NATO dhe pavarësinë e dy “republikave” të Donetskut dhe Luhanskut.

Sfida e vërtetë është nëse trupat ruse janë në gjendje të kontrollojnë Donbasin pasi ta kenë kanë pushtuar atë.

Ekziston mundësia që lufta të zgjatet dhe diçka e tillë nuk duket e pashmangshme.

Situata ka ngjashmëri me atë në Afganistan gjatë luftës së Rusisë në vitet 1980. Një aleancë e udhëhequr nga Amerika dërgoi armë të pafundme për muxhahidinët të cilët arritën të mposhtin forcat sovjetikë.

Falë krizës, një NATO e “vjetëruar” është ringjallur. Në shkurt, kancelari i Gjermanisë, Olaf Scholz, krijoi një fond të posaçëm prej 100 miliardë eurosh për mbrojtjen dhe njoftoi se vendi i tij do të shpenzonte 2% të PBB-së së tij për mbrojtjen çdo vit.

Ajo do të forcojë aleancën dhe do të forcojë idenë e “autonomisë strategjike” europiane (pak më shumë se një slogan francez deri tani). Ironia është se sa më shumë të rritet popullariteti i NATO-s, aq më e pasigurt do të jetë Europa.

Nëse Finlanda i bashkohet NATO-s, Kremlini ka paralajmëruar se një veprim i tillë do t’i jepte fund “statusit jo-bërthamor të Detit Baltik”. Ky mund të jetë një bllof.

Por kush e di?

Nëse frika më e keqe e NATO-s është se Rusia mund të nisë një sulm bërthamor, atëherë pse të vazhdojmë të nxisim Putinin?

Siguria e Europës, tani si në të kaluarën, mund të arrihet vetëm me bashkëpunimin e Rusisë. Gjatë muajve të fundit, janë shtuar spekulimet se partneriteti “i pakufizuar” i Pekinit dhe Moskës – i shpallur gjatë vizitës së Putinit në Kinë në shkurt për Lojërat Olimpike Dimërore  mund të sjellë formimin e një aleancë ushtarake. Por lufta në Ukrainë ka vërtetuar pa dashje se afrimi i Pekinit dhe Moskës nuk është një aleancë.

Kina nuk i ofroi ndihmë ushtarake Rusisë. Në vend të kësaj, ajo ofroi ndihma humanitare dhe para për Ukrainën dy herë dhe është zotuar se do të  vazhdojë të “luajë një rol konstruktiv”. Një arsye tjetër është se krijimi i një aleance mes dy vendeve lejon një fleksibilit midis dy partnerëve.

Dhe përkundër faktit që Kina dhe Rusia po bëjnë thirrje për një botë shumëpolare, do të ishte më mirë që vendet të mos formonin  një aleancë sepse ata e shohin botën ndryshe. Rusia e Putinit është nostalgjike për kulmin e Perandorisë Sovjetike dhe e sheh veten si viktimë e rendit ndërkombëtar ekzistues.

Në të kundërt, Kina është përfituesi më i madh i rregullave dhe rregulloreve të tregtisë dhe financave globale të bëra nga Perëndimi pas Luftës së Dytë Botërore.

Kina luan një rol të madh në ruajtjen e rendit ekzistues ndërkombëtar. Kjo është arsyeja pse, pavarësisht dallimeve ideologjike dhe madje edhe tensioneve ndonjëherë, Kina ka mbajtur të paktën lidhje të forta ekonomike me Perëndimin. Asnjëra palë nuk dëshiron që diçka e tillë të ndryshojë.

Se si Amerika mund të fokusohet njëkohësisht në dy raste – Indo-Paqësorin dhe luftën në Europë mbetet për t’u parë. Joe Biden kishte shpresuar ta vendoste politikën e Rusisë në një bazë “të qëndrueshme dhe të parashikueshme” në mënyrë që të fokusohej në strategjinë e Amerikës në Indo-Paqësor.

Lufta në Ukrainë padyshim që do të shkëpusë vëmendjen e Amerikës. Pyetja është se për sa kohë Biden do të lejojë që Ukraina ta “shpërqëndrojë”. Në një rajon ku Kina është partneri më i madh tregtar i shumicës së vendeve, edhe aleatët më të mëdhenj të Amerikës nuk do të dëshironin të sakrifikonin marrëdhëniet e tyre me Kinën për të mirën e Amerikës.

A është lufta Rusi-Ukrainë një pikë kthese që paralajmëron ndryshimin e rendit global?

Kur kryeministri i Kinës Zhou Enlai u pyet se çfarë mendonte për Revolucionin Francez të vitit 1789, tha se ishte shumë herët për të dhënë një deklaratë. Por ndoshta nuk është shumë herët të thuhet se lufta në Ukrainë do të përshpejtojë zhvendosjen gjeopolitike dhe ekonomike nga Perëndimi në Lindje.

Qëndrimi i Kinës ka rëndësi edhe më të madhe, dhe ajo duhet të shërbejë si një stabilizues.

Koloneli i lartë Zhou Bo është një oficer në pension i Ushtrisë Çlirimtare Popullore dhe një anëtar i lartë në Qendrën për Sigurinë dhe Strategjinë Ndërkombëtare në Universitetin Tsinghua, Pekin dhe një ekspert i Forumit të Kinës.

/abcnews.al

The post “Lufta në Ukrainë do të përshpejtojë zhvendosjen e gjeopolitikës nga Perëndimi në Lindje” appeared first on Albeu.com.

Aktori dhe regjisori i njohur i skenës shqiptare, ndërroi jetë në 28 mars të vitit 2010 në moshën 59 vjeçare. Agim Qirjaqi vuante prej kohësh nga një sëmundje e rëndë ku mjekët kishin konstatuar se aktori vuante edhe nga tumori në kocka, ndërsa edhe veshkat i ishin rënduar së tepërmi nga azotemia. Ai u lind në Kolonjë në vitin 1950 dhe kreu studimet në Akademinë e Arteve në Tiranë. Shumë shpejt u bë i njohur nëpërmjet filmave “Rrugë të bardha” i Viktor Gjikës, “Lulëkuqet mbi mure” i Dhimitër Anagnostit, etj. Me këtë të fundit fitoi çmimin e parë në Festivalin II të Filmit, në vitin 1977. Punoi si regjisor në TVSH, ku realizoi shumë telefilma, mes të cilëve edhe filmin artistik “Dorina” (1980). Gjatë kësaj kohe vazhdoi të punojë intensivisht në filma, duke qenë i preferuar nga shumica e regjisorëve shqiptarë. Agim Qirjaqi ka dhënë mësim mjeshtrinë e aktorit, në Akademinë e Arteve, përvojë të cilën e vazhdoi edhe pas rikthimit në Teatrin Kombëtar, në 1981. Në  periudhën 2002-2003 ka qenë drejtor i Teatrit Kombëtar.

The post Si sot 72 vite më parë lindi aktori i njohur, e gjeni dot se për cilin bëhet fjalë (FOTO LAJM) appeared first on Albeu.com.

Madje, ai organizoi edhe një “baby shower”, tipike për të festuar ardhjen në jetë të një fëmijë.

Megjithatë, pritjes i ka ardhur fundi, sepse reperi ka publikuar sot albumin e tij, sigurisht duke vazhduar me idenë e “bebit”. Ai ka publikuar foto e video nga salla e lindjes, dhe krahas njërës prej tyre ka shkruar “Montero erdhi”, referuar albumit.

 

View this post on Instagram

 

A post shared by MONTERO (@lilnasx)

Kjo është pa dyshim një nga mënyrat më të guximshme, e njëkohësisht kreative, për të promovuar një projekt të ri.

Reperi ka treguar për “People” se “frymëzimin” për këto foto e mori fillimisht nga një varg i Megan Thee Stallion në këngën e saj të re “Dolla Sign Slime”.

The post U “kryqëzua” nga rrjeti, reperi nuk ndalet dhe tregon procesin e “lindjes” (VIDEO) appeared first on Albeu.com.

“Sa e fortë je, me dy fëmijë dhe ju tiktheve punës”, shkruajnë disa prej ndjekësve.

E nga ana tjetër Eni shprehet: “Fëmijët janë bekim, jo pengesë. Frymëzimi dhe forca, vjen prej tyre. Faleminderit të gjithëve për mbështetjen”.

Eni e ka ndarë mendjen ta gjejë balancën mes punës dhe rritjes së fëmijëve, ndaj para e pret një sezon i gjatë pune, por të paktën ka mbështetje të madhe nga publiku.

The post Dy muaj pas lindjes, Eni Vasili kthehet në ekran dhe ka gjithë mbështetjen e ndjkëseve (FOTO LAJM) appeared first on Albeu.com.