Raketa “Sejil”, e njohur gjithashtu si “Brimstone”, është një raketë balistike tokë-tokë, e zhvilluar tërësisht nga Organizata e Industrive Hapësinore e Iranit.

E pajisur me lëndë djegëse të ngurtë, Sejil është më e shpejtë për t’u lëshuar krahasuar me raketat me karburant të lëngshëm dhe ka aftësi manovrimi të larta, gjë që e bën të vështirë për t’u kapur nga sistemet konvencionale të mbrojtjes ajrore.

Raketa është 25 metra e gjatë, 1.25 metra në diametër dhe peshon rreth 2.3 ton metrikë. Ajo mund të mbajë koka luftarake deri në 700 kilogramë dhe në teori është e aftë të mbajë ngarkesa bërthamore.

Sipas Iranit, raketa mund të godasë Tel Avivin brenda shtatë minutash nëse lëshohet nga qendra e Iranit.

Një version i përmirësuar, i njohur si Sejil-2, u prezantua më 2009 me ndryshime në dizajn dhe shtesa për udhëzimin e saktë.

Flitet edhe për një version tjetër, Sejil-3, i cili mund të ketë një rreze maksimale prej 4,000 kilometrash – mjaftueshëm për të arritur në Evropë nga Irani.

The post Përshkallëzohet lufta në Lindjen e Mesme? Irani përdor për herë të parë raketa balistike “Sejil” appeared first on Albeu.com.

Përkundrazi, Forca e Mbrojtjes Izraelite (IDF), po vepron edhe në Libanin jugor me qëllim eliminimin e Hezbollahut.

Të enjten në mëngjes, IDF njoftoi se kishte nisur një valë sulmesh në shkallë të gjerë kundër infrastrukturës së regjimit terrorist iranian në të gjithë Teheranin.

Ndërkohë, një ditë më parë SHBA-të dhe Izraeli goditën kryeqytetin iranian dhe qytete të tjera në një breshëri sulmesh ajrore, me Izraelin që shënjestroi udhëheqjen iraniane dhe forcat e sigurisë, madje bombardoi objektet e komandës qendrore dhe selinë e Iranit, ndërsa Teherani nisi valë të përsëritura raketash dhe dronësh kundër Izraelit dhe të gjithë rajonit, përfshirë Kurdistanin irakian.

Forcat Mbrojtëse të Izraelit, po planifikojnë të paktën 1 deri në 2 javë të tjera operacionesh në Iran, duke raportuar se janë hedhur mbi 5,000 bomba.

The post Konflikti në Lindjen e Mesme, IDF nisi një valë të re sulmesh ndaj Teheranit appeared first on Albeu.com.

Zyrtarët e Kievit gjithashtu deklaruan se Ukraina do të ishte e gatshme të dërgonte specialistë dronësh në Lindjen e Mesme për të ndihmuar në neutralizimin e dronëve iranianë, nëse partnerët e saj ndihmojnë për të ndërmjetësuar një armëpushim në luftën me Rusinë.

The post Ukraina tregon gatishmëri për të dërguar ekspertë dronësh drejt Lindjes së Mesme appeared first on Albeu.com.

Mijëra qytetarë janë mbledhur në rrugët e Teheranit, Bagdadit, Bejrutit dhe Sanaas, duke brohoritur slogane kundër Izraelit dhe Shteteve të Bashkuara, mes frikës në rritje për një përshkallëzim të luftës.

Në kryeqytetin iranian, Teheran, demonstruesit valëvitnin flamuj kombëtarë dhe mbanin në duar portrete të komandantëve të vrarë që nga shpërthimi i armiqësive, në skena të transmetuara nga televizioni shtetëror.

Shumë prej tyre brohoritnin slogane duke u zotuar për besnikëri ndaj udhëheqjes së vendit, me një pankartë që shkruante: “Do të sakrifikoj jetën time për udhëheqësin tim”, duke iu referuar Udhëheqësit Suprem të Iranit, Ajatollah Ali Khamenei.

“Kjo është e premtja e solidaritetit dhe rezistencës së kombit iranian në të gjithë vendin”, deklaroi një prezantues i televizionit shtetëror, ndërsa tubime të ngjashme u raportuan në qytete duke përfshirë Tabrizin në veriperëndim dhe Shirazin në jug.

Në Irak, mijra ndjekës të klerikut shiit me ndikim Moqtada Sadr u mblodhën në qytetin Sadr të Bagdadit dhe në qytete të tjera në të gjithë vendin.

Duke brohoritur “Jo Izraelit! Jo Amerikës!”, turmat demonstruan në kundërshtim si me Tel Avivin ashtu edhe me Uashingtonin.

Ndërsa Sadr më parë ka kritikuar milicitë irakiane të mbështetura nga Teherani, ai mban ndikim të rëndësishëm midis shumicës shiite të Irakut.

Në liban qindra mbështetës të Hezbollahut u mblodhën në periferitë jugore të Bejrutit, bastionit të grupit. Protestuesit mbanin flamuj Iranian, Hezbollahut dhe Libanit, ndërsa disa shfaqnin imazhe të Ajatollah Khameneit.

The post Protesta masive në Lindjen e Mesme kundër sulmeve izraelite ndaj Iranit appeared first on Albeu.com.

Ai paralajmëron se ky agresion e ka sjellë rajonin në “prag të një lufte me përmasa të panjohura”.

“Të gjithë ata që qëndrojnë në rrugën e de-përshkallëzimit do të mbahen përgjegjës”, tha Borrell në një postim në X.

Komentet e Borrell i bëjnë jehonë frikës në rritje midis politikëbërësve për konfliktin në Lindjen e Mesme, pasi Irani dhe aleatët e tij kërcënojnë të godasin Izraelin.

Kjo vjen si një përgjigje të vrasjes së supozuar të disa liderëve të nivelit të lartë të Hamasit dhe Hezbollahut javën e kaluar.

Deklarata e plotë:

“Tensionet vazhdojnë të përshkallëzohen në Lindjen e Mesme, duke e sjellë atë në prag të një lufte me përmasa të panjohura. Të gjithë duhet të parandalojmë një tjetër katastrofë. Rruga përpara është kryesisht konsensuale: armëpushimi në Gaza, tani. Të gjithë ata që qëndrojnë në rrugën e de-përshkallëzimit do të mbahen përgjegjës.”

The post Agresioni në Lindjen e Mesme, Borrell: Prag lufte me përmasa të panjohura appeared first on Albeu.com.

Sipas letrës së parë nga Sky News, grupi i kombeve përfshin federatat e futbollit të Palestinës, Arabisë Saudite, Katarit, Emirateve të Bashkuara Arabe dhe Jordanisë.

Izraeli i ka bërë thirrje FIFA-s që të mbajë politikën jashtë futbollit dhe të lejojë kombëtaren e tyre të vazhdojë përpjekjet e tyre për t’u kualifikuar në Kampionatin Evropian të verës së ardhshme.

E gjithë kjo ndodh para ndeshjes gjysmëfinale të “play-off”-it që Izraeli do ta luajë kundër Islandës muajin e ardhshëm dhe se në gjysmëfinalen e dytë do të takohen Bosnja dhe Hercegovina dhe Ukraina.

Letra iu dërgua të gjitha 221 federatave kombëtare të futbollit dhe është nënshkruar nga Ali bin Al Hussein, president i Konfederatës së Futbollit të Azisë Perëndimore dhe gjysmëvëllai i mbretit të Jordanisë, Abdullah II.

“Ne, Federatat e Futbollit të Azisë Perëndimore, duke përfshirë të gjithë anëtarët tanë, i bëjmë thirrje FIFA-s, konfederatave të futbollit dhe shoqatave anëtare që të bashkohen me ne për të mbajtur një qëndrim të vendosur kundër krimeve të kryera në Palestinë dhe krimeve të luftës në Gaza, duke dënuar vrasjen e civilëve të pafajshëm, duke përfshirë lojtarët, trajnerët, gjyqtarët dhe zyrtarët, duke shkatërruar infrastrukturën e futbollit dhe duke marrë një front të bashkuar në izolimin e Federatës së Futbollit të Izraelit nga të gjitha aktivitetet e lidhura me futbollin derisa këto akte agresioni të pushojnë”, thuhet në letër.

Megjithatë, Federata e Futbollit të Izraelit tha se pret që FIFA të mos përziej politikën me sport.

“Unë besoj se FIFA nuk do të ndërhyjë me politikën në futboll. Ne jemi kundër ndërhyrjes së politikanëve në futboll dhe kundër ndërhyrjes në çështjet politike në sport në përgjithësi. Kështu që ne përqendrohemi vetëm në çështjet e futbollit dhe ëndrra jonë është të kualifikohemi në Kampionatin Evropian 2024 dhe mezi pres paqen në botë”, thuhet në reagimin e Federatës së Futbollit të Izraelit. /Telegrafi/

The post Plotë 12 federata nga Lindja e Mesme kërkojnë pezullimin e Izraelit nga aktivitetet e futbollit appeared first on Albeu.com.

Uashingtoni ndërmori këtë hap si kundërpërgjigje ndaj sulmit ndaj një baze ushtarake në Jordani, ku si pasojë u vranë 3 ushtarë amerikanë dhe u plagosën rreth 40 të tjerë.

SHBA goditi me dhjetra objektiva në Irak dhe Siri që përdoren nga grupet e mbështetura nga Irani dhe Garda Revolucionare iraniane.

Në një intervistë për ‘Associated Press’ në Bagdad, Husein al-Mosawi, dënoi fillimisht sulmet amerikane, duke thënë se Uashingtoni “duhet të kuptojë se çdo veprim shkakton një reagim”.

Por më pas ai zgjodhi një ton më pajtues, duke thënë se: “ne nuk dëshirojmë të përshkallëzojmë apo zgjerojmë tensionet rajonale”.

Media shtetërore siriane njoftoi për viktima si pasojë e sulmeve, por nuk dha ndonjë shifër.

Rami Abdurrahman, i cili drejton Vëzhguesin Sirian për të Drejtat e Njeriut me bazë në Britani, tha se 23 persona, të gjithë luftëtarë të këtyre grupeve, ishin vrarë.

Zëdhënësi i qeverisë irakiane Bassim al-Awadi tha në një deklaratë të shtunën se si pasojë e sulmeve në Irak pranë kufirit me Sirinë ishin vrarë 16 persona, mes tyre edhe civilë.

Po sipas tij ishin shkaktuar “dëme të konsiderueshme” materiale mes tyre edhe objekte banimi.

Një zyrtar amerikan tha të shtunën se nga një vlerësim fillestar i dëmeve Shtetet e Bashkuara kishin goditur secilin nga objektivat që kishte planifikuar, përveç disa “shënjestrave dinamike”, në lëvizje, të cilat ishin shfaqir ndërsa nisi misioni. Zyrtari, i cili foli në kushte anonimiteti, nuk dha informacione mbi viktima të mundshëm si pasojë e sulmeve.

Shtetet e Bashkuara kanë fajësuar Rezistencën Islamike në Irak, një koalicion milicish që mbështetet nga Irani lidhur me sulmin në Jordani javën e kaluar.

Irani, ndërkohë është përpjekur të distancohet nga sulmi, duke thënë se milicitë veprojnë pa marrë urdhra prej Teheranit.

The post Zyrtari amerikan: SHBA mund të godasë më shumë objektiva në Lindjen e Mesme appeared first on Albeu.com.

Takimi i Erdoganit dhe Raisit u zhvillua tri muaj pas nisjes së luftës midis Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – në Gazë.

Turqia, që mbështet zgjidhjen me dy shtete për konfliktin e gjatë izraelito-palestinez, ka kritikuar ashpër Izraelin për ofensivën e tij në Gazë, ka bërë thirrje për një armëpushim të menjëhershëm dhe ka mbështetur hapa ligjorë që Izraeli të ndiqet penalisht për gjenocid.

Për dallim nga aleatët e tij perëndimorë dhe disa shtete arabe, Turqia – që është anëtare e NATO-s – nuk e konsideron Hamasin grup terrorist. Ky grup radikal palestinez kreu sulme në jug të Izraelit më 7 tetor, gjë që nxiti kundërpërgjigjen ushtarake të Izraelit në Gazë.

Irani udhëheq të ashtuquajturin “Bosht të rezistencës”, një koalicion ku bëjnë pjesë Hamasi dhe grupe të tjera të armatosura myslimane shiite në rajon, grupe që janë përleshur me Izraelin dhe aleatët e tij perëndimorë. Teherani po ashtu ka shprehur mbështetje për Hamasin.

Duke folur në konferencën për media pas takimit me Raisin në Ankara, Erdogani tha se dy udhëheqësit kanë diskutuar për dhënien fund të sulmeve “jonjerëzore” të Izraelit në Gazë dhe për nevojën e ndërmarrjes së hapave drejt një paqeje të drejtë dhe afatgjatë në rajon.

“Ne u pajtuam për rëndësinë e frenimit nga hapat që do të mund të kërcënonin edhe më shumë sigurinë dhe stabilitetin e rajonit”, tha ai, duke shtuar se dy shtetet po ashtu janë pajuar që të vazhdojnë bashkëpunimin ndaj kërcënimeve ndërkufitare të militantëve.

Pavarësisht kritikave të ashpra, Ankaraja mban lidhje tregtare me Izraelin, duke nxitur kritika brenda shtetit, por edhe në Iran.

Raisi e akuzoi SHBA-në se po mbështet ato që i cilësoi si krime të Izraelit kundër palestinezëve në Gazë dhe përsëriti thirrjen e Teheranit për shtetet myslimane që të ndërpresin raportet ekonomike dhe politike me Izraelin.

“Ajo çfarë po ndodh në Palestinë dhe Gazë është krim kundër njerëzimit… dhe SHBA-ja e Perëndimi po mbështesin këto krime. Ndërprerja e raporteve ekonomike dhe politike me këtë regjim sigurisht që do të kishte ndikim te regjimi Zionist [referencë për shtetin e Izraelit] që t’i japë fund këtyre krimeve”.

Turqia dhe Irani kanë raporte të ndërlikuara dhe nuk pajtohen për shumë çështje, kryesisht për luftën civile në Siri.

Atje, Ankaraja ka mbështetur rebelët që synojnë të largojnë nga pushteti presidentin Bashar al-Assad dhe ka kryer disa inkursione në veri të Sirisë kundër militantëve, ndërkaq Teherani mbështet Qeverinë siriane të Assadit. Turqia së fundi ka ndërmarrë hapa për të përmirësuar raportet me Damaskun.

Vizita e Raisit në Turqi ishte shtyrë dy herë, pasi ai fillimisht ishte paraparë që ai të qëndronte në Ankara në nëntor të vitit 2023.

The post Turqia dhe Irani pajtohen për shmangien e përshkallëzimit të tensioneve në Lindjen e Mesme appeared first on Albeu.com.

Irani tha se pesë anëtarë të Gardës së tij Revolucionare u vranë në një sulm me raketa në një ndërtesë në Damask, për të cilin e fajësoi Izraelin dhe burime të sigurisë në Liban thanë se një sulm izraelit atje shkaktoi vrasjen e një anëtari të Hezbollahut.

Më vonë të shtunën, një zyrtar amerikan tha se nga një sulm me raketë u plagos një anëtar i personelit ushtarak në një bazë amerikane në Irak, një vend në të cilin grupet e mbështetura nga Irani më parë kanë luftuar kundër forcave amerikane.

Konflikti në Rripin e Gazës filloi më 7 tetor pasi Hamasi kreu një sulm në Izrael, duke vrarë mbi 1200 njerëz dhe duke rrëmbyer më shumë 250 të tjerë.

Hamasi është pjesë e “Boshtit të Rezistencës”, një aleancë rajonale ku përfshihet edhe grupi Hezbollah nga Libani, qeveria siriane e Presidentit Bashar al-Assad, grupe shiite në Irak dhe grupi Houthi, që kontrollon shumicën e territorit në Jemen.

Bombardimet intensive të Izraelit në Rripin e Gazës që nga 7 tetori, të cilat sipas zyrtarëve të shëndetësisë së drejtuar nga Hamasi kanë shkaktuar vrasjen e të paktën 25 mijë palestinezëve, shkaktuan shumë shpejt fillimin e përleshjeve ndërkufitare mes Izraelit dhe Hezbullahut.

Gjatë tre muajve të fundit Izraeli vazhdimisht ka vënë në shënjestër objektiva iraniane në Siri, ndërsa grupet e mbështetura nga Irani në Siri dhe Irak kanë hapur zjarr ndaj forcave amerikane në ato vende.

Përveç Rripit të Gazës, skenë e luftimeve me pasoja më të gjera ndërkombëtare ka qenë edhe Deti i Kuq, ku rebelët e grupit Houthi, që Shtetet e Bashkuara këtë javë e rikthyen në listën e organizatave terroriste, kanë sulmuar me raketa anijet e transportit të mallrave. Sulmet i kanë dhënë një goditje tregtisë globale, duke detyruar kompanitë e eksportit të mallrave të shmangin rrugën e rëndësishme detare në Detin e Kuq.

Shtetet e Bashkuara dhe Britania kanë sulmuar objektiva të rebelëve Houthi në Jemen javën e fundit.

Burime rajonale dhe iraniane thonë se Irani dhe Hezbollahu kanë personel në Jemen, që po ndihmon në sulmet ndaj anijeve të mallrave, megjithëse zyrtarët e grupit Houthi e kanë mohuar këtë.

The post Sulmet me raketa në disa vende të Lindjes së Mesme rrisin rrezikun për përshkallëzimin e konfliktit appeared first on Albeu.com.

Në anijen “Vulcano”, e cila është e pajisur me dhoma operimi, janë edhe 30 pjesëtarë të stafit mjekësor.

Ajo fillimisht do të niset drejt Qipros, ka thënë ministria, por nuk ka treguar sa afër Gazës do të jetë.

Ministri italian i Mbrojtjes Guido Crosetto, ka thënë se pas disa ditësh do t’i nisin përgatitjet edhe për një spital fushor ushtarak, duke e konkretizuar “ndihmën tonë humanitare për Rripin e Gazës”.

Ai ka thënë për mediat italiane se beson që “një iniciativë e tillë do të mirëpritet nga Izraeli, po aq sa prej palestinezëve”.

“Askush nuk do të mund të thotë asgjë për një akt humanitar”.

Ministria ka thënë se është e gatshme të dërgojë më shumë staf mjekësor kur të funksionalizohen spitalet, përfshirë dy anesteziologë, dy kirurgë dhe tetë infermierë.

Rripi i Gazës është duke u bombarduar prej ushtrisë izraelite qysh prej sulmeve të Hamasit në tokën e tij, më 7 tetor.

Militantët e Hamasit e kanë sulmuar jugun e Izraelit, duke i vrarë mbi 1.400 njerëz, kryesisht civilë, dhe duke i marrë mbi 240 pengje.

Duke u zotuar se do ta shkatërrojë Hamasin, Izraeli është hakmarrë me bombardime të vazhdueshme dhe ofensivë tokësore, të cilat, sipas autoriteteve palestinezëve, i kanë vrarë mbi 10.500 njerëz, shumica prej tyre fëmijë.

The post Italia nis anije spitalore në Lindjen e Mesme për t’i ndihmuar palestinezët appeared first on Albeu.com.