Lillestromi siguroi një fitore të pastër 0-3 në transfertë ndaj Aurskog/Finstadbru, në takimin e vlefshëm për raundin kualifikues të Kupës së Norvegjisë.

Kjo sfidë shënoi edhe debutimin e Betim Hasanajt me ekipin norvegjez. Talenti 18-vjeçar u aktivizua si titullar dhe qëndroi në fushë gjatë gjithë 90 minutave, duke lënë përshtypje mjaft të mira. Për të ishte një ditë e veçantë, jo vetëm për shkak të suksesit 3-0 të Lillestromit, por edhe falë paraqitjes së tij bindëse.

Thirrja për ekipin e parë erdhi si vlerësim për paraqitjet e tij pozitive me grupmoshat e klubit, i cili konsiderohet ndër më të mirët në elitën e futbollit norvegjez.

Hasanaj dallohet për forcën fizike dhe ndërhyrjet agresive në duele. Ai është i përshtatshëm për një skemë me katër mbrojtës, mund të luajë si pjesë e një tresheje në qendër të prapavijës, ndërsa gjithashtu mund të kontribuojë përpara mbrojtjes në rolin e mesfushorit difensiv.

The post Debutim mbresëlënës për Betim Hasanajn, mbrojtësi shqiptar bind në fitoren e Lillestromit në Kupë appeared first on Albeu.com.

Egnatia e humbi avantazhin ndaj Lillestromit në Norvegji, në fazën Play-Off të Europa League, edhe pse Eljon Sota e kishte kaluar në epërsi skuadrën shqiptare në minutën e 32-të.

Gjithçka ndryshoi në minutën e 82-të, kur Foss vendosi baraspeshën dhe e dërgoi takimin në kohën shtesë. Në fund, “vikingët” triumfuan 2–1, duke siguruar kualifikimin në grupet e Europa League.

Pas golit të barazimit qëndronte mesfushori shqiptar i Kosovës, Ylldren Ibrahimaj. 30-vjeçari dërgoi një top nga thellësia drejt hyrjes së zonës, ndërsa Foss, i pozicionuar diagonal, e përfundoi aksionin me një goditje të befasishme. Pasimi i Ibrahimajt u duk më shumë si një asist sesa si një tentativë direkte për të goditur portën.

Aksioni i realizuar nga Ibrahimaj ishte pika që ndryshoi rrjedhën e sfidës në favor të Lillestromit, në një moment kur Egnatia po e kontrollonte mirë lojën.

Ylldren Ibrahimaj numëron vetëm një paraqitje me përfaqësuesen e Kosovës. Ai është aktivizuar ndaj Suedisë në një ndeshje miqësore në vitin 2020.

Asisti i Ylldren Ibrahimajt

The post VIDEO/ Ibrahimaj “projekton” golin e barazimit, Foss realizon në këndin e pamundur dhe Egnatia eliminohet nga Europa League appeared first on Albeu.com.

Egnatia u mposht 2-1 nga Lillestrom në Norvegji, duke humbur mundësinë për të avancuar në fazën e ligës së Europa League. Takimi u vendos në minutat e para të kohës shtesë, pas një përmbysjeje dramatike të vendasve.

Rrogozhinasit e nisën përballjen të qetë dhe të organizuar, ndërsa në minutën e 33-të gjetën golin e avantazhit. Sota shënoi pas asistimit të Fernandos, duke i dhënë ekipit shqiptar një epërsi të rëndësishme.

Nën drejtimin e Nevil Dedes, Egnatia administroi avantazhin deri në fund të pjesës së parë, e cila u mbyll 0-1. Kampionët e Shqipërisë vazhduan të përballonin presionin norvegjez edhe pas pushimit dhe për një pjesë të madhe të ndeshjes u dukën pranë kualifikimit.

Lillestrom këmbënguli dhe në minutën e 82-të arriti të rikthejë baraspeshën. Moen Fos përfitoi nga asistimi i Ibrahimajt dhe shënoi për 1-1.

Meqë 90 minutat e rregullta u mbyllën në barazim, ndeshja u zhvendos në kohën shtesë.

Gjatë 30 minutave shtesë, të dyja skuadrat krijuan raste, ndërsa Egnatia pati mundësi për të kaluar sërish në epërsi. Megjithatë, ekipi shqiptar nuk tregoi saktësinë e nevojshme në çastet vendimtare.

Vetëm katër minuta pas fillimit të shtesës, në të 94-tën, Olsen realizoi golin e dytë të Lillestromit. Ky rrjetëzim kompletoi përmbysjen dhe vendosi rezultatin 2-1 në favor të norvegjezëve.

Egnatia tentoi të reagojë duke hedhur forcat përpara në minutat e fundit, por vendasit e mbrojtën avantazhin deri në sinjalizimin përfundimtar të arbitrit.

Humbja 2-1 i dha fund shpresave të Egnatias për të luajtur në fazën e ligës së Europa League.

Pavarësisht eliminimit, rrugëtimi evropian i kampionëve shqiptarë vazhdon.

Egnatia do të marrë pjesë në fazën e ligës së Ligës së Konferencës, duke fituar një tjetër mundësi për të përfaqësuar Shqipërinë në arenën ndërkombëtare./Telegrafi/

The post Egnatia eliminohet në shtesë nga Lillestrom, por vijon aventurën në Ligën e Konferencës appeared first on Albeu.com.

Egnatia zbret sonte në fushë për ndeshjen e dytë të “play off”-it të Europa League, ku do të përballet me Lillestrom. Takimi do të zhvillohet në “Arasen Stadion” dhe do të nisë në orën 19:00.

Pak përpara kësaj sfide të rëndësishme, e cila lidhet me synimin e madh të rrogozhinasve për të siguruar një vend në grupet e turneut evropian, tre titullarë të ekipit u janë drejtuar tifozëve me mesazhe të veçanta. Kapiteni Albano Aleksi, Eljon Sota dhe Eneo Bitri kanë kërkuar mbështetje të fortë për Egnatian në këtë mbrëmje historike.

Albano Aleksi: “Kjo është një ditë shumë e rëndësishme për ekipin dhe për futbollin shqiptar. Ne nuk luajmë vetëm për veten, por për gjithë Shqipërinë, ndaj shpresojmë që tifozët tanë dhe mbështetësit e skuadrave të tjera të jenë sa më të shumtë në numër. Pas kaq shumë vitesh, synojmë të japim maksimumin dhe të arrijmë në grupet e Europa League.”

Eljon Sota: “I ftojmë të gjithë tifozët shqiptarë të na mbështesin, pasi kjo është një natë e madhe për ne dhe për futbollin shqiptar. Së bashku besojmë se mund të marrim një rezultat pozitiv.”

Eneo Bitri: “Ju presim në stadium për një mbështetje sa më të zjarrtë. Na jepni forcë që t’ia dalim. Forca Egnatia!”

The post Egnatia për historinë në Norvegji, titullarët bëjnë thirrje për mbështetje maksimale appeared first on Albeu.com.

Egnatia do të luajë sonte në Norvegji për të mbyllur me sukses rrugëtimin eliminator në Kupat e Europës. Skuadra rrogozhinase e ka siguruar të paktën pjesëmarrjen në fazën e grupeve të Conference League, por tashmë synon kalimin në Play-Off-in e Europa League përballë Lillestrom.

Takimi i parë, i zhvilluar në “Egnatia Arena”, përfundoi me rezultatin 0-0. Fati i kësaj përballjeje do të përcaktohet në “Arasen Stadion”, ku sfida nis në orën 19:00.

Disa orë para përballjes, klubi i Egnatias publikoi në rrjetet sociale posterin zyrtar të ndeshjes, ku protagonistë janë tre futbollistët që po kalojnë moment të mirë.

Mes tyre është kapiteni Albano Aleksi, i cili në suksesin 5 – 1 ndaj Shamrock dëshmoi se mbetet pika kyçe e repartit të mesfushës.

Në baner shfaqet edhe Ildi Gruda. Sulmuesi lezhjan vjen pas një paraqitjeje të shkëlqyer kundër Shamrock, ku regjistroi një gol dhe një asist, ndërsa është gati të ofrojë sërish nivelin e tij më të mirë.

Trioja plotësohet nga Eljon Sota. Mbrojtësi fierak është motivuar nga eurogoli i realizuar ndaj Tiranës në Superiore dhe, përveçse paraqet siguri në prapavijë, po tregon se di të jetë edhe i rrezikshëm përpara portës kundërshtare.

The post Egnatia kërkon triumfin ndaj Lillestrom me Aleksin, Grudën dhe Sotën në formë të shkëlqyer appeared first on Albeu.com.

Egnatia do të luajë nesër në transfertë ndaj Lillestromit, në takimin e dytë të play-off-it të Europa League. Pas barazimit 0-0 në Rrogozhinë, sfida në Norvegji do të nisë në orën 19:00.

Trajneri i kampionëve të Shqipërisë, Nevil Dede, foli në prag të kësaj përballjeje dhe u shfaq optimist për mundësinë e fitores. Ai vlerësoi veçanërisht rolin që do të ketë mbështetja e tifozëve në përpjekjen për të arritur objektivin.

Si e vlerësoni ndeshjen e parë?

Ishte një përballje e fortë. Lillestromi pati një nisje të mirë deri nga mesi i pjesës së parë, por më pas ne arritëm ta barazonim lojën. Duke parë mënyrën se si u zhvillua ndeshja dhe rastet që krijuam, duhet të kishim dalë fitues.

Çfarë prisni nga ndeshja e nesërme?

Do të kemi mbështetjen e tifozëve, e cila do të na ndihmojë të paraqitemi mirë dhe të realizojmë objektivin tonë. Besoj se Lillestromi do ta nisë me intensitet, duke u mbështetur te avantazhi i faktorit fushë. Mendoj se pas minutës së 30-të loja do të ekuilibrohet. Të dyja skuadrat do të jenë në kushte të barabarta dhe ne do të luajmë vetëm për fitoren. Ne besojmë se mund të fitojmë.

Si ju duket gjendja e fushës?

Ne vijmë nga një vend mesdhetar, ku ka shumë diell, dhe klima nuk e favorizon krijimin e një bari kaq të mirë sa ky këtu. Nuk pretendoj të krahasohemi me stadiumet dhe fushat e Norvegjisë, por edhe fusha jonë në Rrogozhinë është shumë e mirë.

Cili është faktori kryesor që mund t’ju ndihmojë të fitoni?

Entuziazmi dhe energjia që do të marrim nga tifozët.

The post Nevil Dede para duelit me Lillestrom: Mbështetja e tifozëve është vendimtare, Egnatia synon vetëm fitoren në Europa League appeared first on Albeu.com.

Egnatia do të përballet nesër në Norvegji me Lillestromin, në takimin e kthimit të fazës “play-off” që përcakton kualifikimin në grupet e Europa League. Sfida do të nisë në orën 19:00.

Trajneri Nevil Dede nuk do të ketë në dispozicion dy futbollistët e krahut, Guillem Jaime dhe Andrey Yago. Të dy janë lënë jashtë listës për këtë ndeshje për shkak të dëmtimeve.

Këto mungesa të rëndësishme e detyrojnë teknikun të kërkojë zgjidhje të tjera për formacionin titullar. Geralb Smajli shihet si alternativa për krahun e djathtë, ndërsa në të majtin pritet të zgjidhet njëri mes Edison Ndrecës dhe Zamiq Aliyev.

Skuadra nga Rrogozhina është më e vendosur se kurrë për të fituar dhe do të japë maksimumin në transfertën norvegjeze, me synimin për të siguruar një kualifikim historik në grupet e këtij kompeticioni. Edhe në skenarin më të keq, atë të eliminimit, Egnatia do të luante sezonin e ardhshëm në grupet e Conference League. Megjithatë, përpara se të mendohet kjo mundësi, rrogozhinasit do të kërkojnë t’i shfrytëzojnë deri në fund shanset e tyre në Norvegji.

The post Egnatia sfidon Lillestromin në Norvegji, Nevil Dede detyrohet të ndryshojë formacionin pas dy mungesave të rëndësishme appeared first on Albeu.com.

Egnatia do të luajë nesër ndeshjen më të rëndësishme të deritanishme në përpjekjen për të siguruar një vend në grupet e Europa League. Kampionët e Shqipërisë do të përballen me Lillestrom në “Arasen Stadion”, në një takim që do të startojë në orën 19:00 dhe që përfaqëson aktin e dytë të kësaj përballjeje.

Sa i përket paraqitjeve sportive, skuadra rrogozhinase ka treguar se e meriton respektin e fituar ndaj çdo kundërshtari, përfshirë edhe ekipin norvegjez. Në takimin e zhvilluar në “Rrogozhinë”, Egnatia nuk arriti të shënonte, ndonëse krijoi mundësi të vlefshme. Megjithatë, ekipi i drejtuar nga Nevil Dede nuk u tërhoq dhe nuk u duk inferior, ndërsa në disa momente arriti ta vinte seriozisht në vështirësi Lillestrom. Me rezultatin 0-0, ndeshja e kthimit mbetet tërësisht e hapur dhe çdo skenar është i mundur.

Përfitimet financiare janë një tjetër motiv i madh për kampionët e Shqipërisë. Deri tani, klubi ka arkëtuar rreth 3,17 milionë euro, ndërsa kalimi i turit do ta çonte shumën totale në 4,31 milionë euro. Bëhet fjalë për një bilanc rekord për një skuadër të ndërtuar me synimin për të fituar dhe për të avancuar sa më larg në çdo kompeticion ku merr pjesë.

Megjithëse ndeshjet në transfertë mbartin gjithmonë vështirësi, veçanërisht kur merret në konsideratë kundërshtari dhe avantazhi i faktorit fushë, Egnatia ka treguar se është e gatshme të rrezikojë. Pa guxim dhe pa provuar, nuk mund të arrihet kualifikimi e aq më pak të shkruhet historia me “gërma të arta” në futbollin europian. Me Nevil Deden në stol, rrogozhinasit kanë zhvilluar ndeshje të guximshme, duke ekspozuar edhe veten ndaj rrezikut për të pësuar. Megjithatë, ajo që është parë deri tani tregon se Egnatia ndodhet vetëm një hap larg një vendi në librat e historisë.

The post Egnatia përballë sfidës vendimtare në Norvegji: Europa League dhe historia në horizont (AXHENDA) appeared first on Albeu.com.

Egnatia bëri një paraqitje dinjitoze përballë Lillestromit në Rrogozhinë, në takimin e vlefshëm për fazën Play-Off të Europa League, por skuadra e Nevil Dedes nuk arriti të merrte më shumë se barazimi 0-0.

Kampionët e Superiores këmbëngulën më tepër për të gjetur golin dhe regjistruan epërsi 4-2 në goditjet në kuadrat, megjithatë u mungoi saktësia e nevojshme për të mposhtur portën kundërshtare.

Pas përfundimit të përballjes, Egnatia reagoi përmes rrjeteve sociale me mesazhin: “Një ndeshje e luftuar deri në fund. Tashmë hedhim sytë nga java tjetër dhe sfida e radhës”. Ndeshja e kthimit, Lillestrom-Egnatia, do të zhvillohet më 27 gusht, në orën 19:00.

The post Egnatia ndalet në një barazim pa gola ndaj Lillestromit dhe reagon pas sfidës appeared first on Albeu.com.

Egnatia e mbylli në barazim pa gola, 0-0, ndeshjen e parë të “play-off”-it të Europa League kundër Lillestromit. Përballja u zhvillua në stadiumin e Rrogozhinës, ndërsa pas sfidës trajneri i skuadrës shqiptare, Nevil Dede, analizoi paraqitjen e ekipit.

Dede pranoi se skuadra e tij tregoi naivitet në disa momente, veçanërisht në fazën sulmuese, ku mungoi interpretimi i duhur i situatave. Sipas tij, lojtarët menduan se mund ta kalonin kundërshtarin përmes pasimeve në vijën e parë, por nuk ia dolën ta realizonin këtë. Ai vlerësoi gjithashtu nervozizmin e ekipit dhe përmendi përpjekjet e Dajsinanit për të gjetur zgjidhje, duke theksuar se futbollistët meritojnë komplimente dhe se e kanë bërë krenar.

“Mendoj që u treguam naivë. Në sulm na mungoi një sy i mprehtë për të dalluar gabimet dhe për t’i korrigjuar. Për mua ishte diçka bazike, një çështje interpretimi ose keqkuptimi nga djemtë. Ata besonin se mund ta kalonin kundërshtarin me pasim në vijën e parë, por nuk ia dolëm. Vuajtëm edhe sepse ishim nervozë. Shihja Dajsinanin që përpiqej të gjente zgjidhje. Megjithatë, këta djem meritojnë komplimente, sepse na kanë bërë krenarë”, u shpreh trajneri.

Duke folur për mungesën e dendësisë në momentin e përfundimit të aksioneve, ai tha se Egnatia e orientoi lojën kryesisht nga krahu i majtë, ndërsa Albanese mbeti shpesh i lirë në krahun tjetër pa u shërbyer siç duhej. Dede shtoi se shpejtësia e Grudës mund të kishte sjellë një zgjidhje, ndërsa alternativa tjetër ishte përdorimi i fundores.

“Mendoj se e shtymë shumë lojën nga e majta, edhe pse kishim një mundësi tjetër. Albanese ishte vazhdimisht bosh, por në pjesën e parë nuk e gjetëm asnjëherë. Shpejtësia e Grudës mund të na ndihmonte, ndërsa zgjedhja e dytë ishte të shfrytëzonim fundoren. Djemtë u përpoqën shumë dhe mendoj se ndeshja meriton komplimente. Natyrisht, ne trajnerët gjejmë gjithmonë gjëra që nuk shkojnë”, deklaroi Dede.

Trajneri i Egnatias theksoi se skuadra kishte punuar për rreth 5 ditë për këtë përballje dhe se rezultati e la të hapur kualifikimin. Ai shprehu keqardhje që lojtarët nuk u shpërblyen me gol, por nënvizoi se ekipi mbetet në garë për gjithçka.

“Kemi gati 5 ditë që punojmë për këtë kundërshtar. Nuk i njoh të gjitha cilësitë e lojtarëve të Lillestromit, por flas bazuar në informacionin që kam marrë. Më vjen keq që djemtë nuk u shpërblyen sot me një gol, por mendoj se gjithçka është ende e hapur. Ne jemi në lojë për gjithçka. Duhet të kuptonim mënyrën se si preson kundërshtari dhe faktin që ai mbulonte Albanesen. Në fund, më e rëndësishmja është që djemtë të kuptojnë se jemi në arenën e të mëdhenjve dhe duhet të sillemi si të tillë”, tha ai.

Dede beson se Egnatia e ka kapacitetin për të përballuar sfida të tilla, edhe pse shpërdoroi disa mundësi të thjeshta. Ai shtoi se në fund të ndeshjes skuadra duhej të ishte më e saktë dhe të krijonte situata dy kundër një në krah.

“E kemi kapacitetin për këtë. Kemi humbur disa raste të thjeshta dhe kundërshtari u përpoq ta menaxhonte ndeshjen. Në fund duhet të bënim më mirë dhe të krijonim situata dy kundër një në krah. Lillestromi ishte 90 minuta lart fizikisht, pasi ndodhet në javën e 25-të të kampionatit. Ne luajmë me Tiranën të dielën, ndërsa ata e kanë shtyrë ndeshjen. Kjo tregon se sa shumë e kanë vlerësuar këtë përballje. Tani do të mendojmë për Tiranën dhe më pas do të rikthehemi te ata. Kjo është pozitive dhe merita u shkon djemve dhe stafit”, theksoi trajneri.

I pyetur për humbjet e shumta të topit dhe tranzicionet me pasime shkarkuese, Dede ia atribuoi një pjesë të këtij problemi konsumit fizik. Ai tha se Egnatia e kishte ndeshjen nën kontroll dhe se në një interval prej 5 ose 6 minutash në pjesën e parë krijoi raste, ndërsa i dha meritë edhe kundërshtarit.

“Mendoj se kjo ndodhi për shkak të konsumit të madh. Ndeshjen e kishim në kontroll. Në 5 ose 6 minuta të pjesës së parë krijuam raste. Duhet t’i japim meritë edhe kundërshtarit, pasi nuk mund të themi se kemi gabuar vetëm sepse nuk arritëm ta mundnim”, u shpreh Dede.

Për presionin që mund të sjellë pjesëmarrja në Europa League, trajneri tha se vështirësia e kundërshtarit ndikon në këtë aspekt, por lojtarët janë të përgatitur psikologjikisht. Ai sqaroi edhe zgjedhjet në formacion, duke bërë të ditur se Yago u aktivizua në të majtë, ndërsa Smajli luajti në vend të Jaime.

“Vështirësia e kundërshtarit e sjell edhe këtë presion. Nga ana psikologjike, këta lojtarë janë gati, por duhet të kuptojmë se duhet të jemi në arenën e të mëdhenjve. Jaime ka 3 javë pushim, sepse duhet t’i nënshtrohet një trajtimi në gju. Ai ka shkuar në Spanjë dhe nuk mund ta konsumonim më shumë”, shpjegoi ai.

Sa i përket kampionatit dhe ndeshjes së së dielës me Tiranën, Dede tha se do ta ndjekë për të parë kundërshtarët dhe për kënaqësi. Ai parashikoi një sezon të bukur, por më dinamik se ai i kaluar, ndërsa nënvizoi se Egnatia do t’i qëndrojë profilit të klubit.

“Do ta ndjek nesër për kënaqësi dhe për të parë kundërshtarët. Do të jetë një kampionat i bukur, por më dinamik se sezonin e shkuar. Ne jemi një klub që, siç e kuptoni të gjithë, e ka profilin e ulët. Unë do t’i përshtatem logjikës së klubit”, përfundoi Dede.

The post Dede pas barazimit me Lillestrom: Egnatia duhet të sillet si një ekip i arenës së të mëdhenjve appeared first on Albeu.com.