Sipas analizave të firmës SciSports, Newcastle rezulton si klubi më i përshtatshëm për Zhegrovën, me një përputhshmëri prej 83 pikësh nga 100.

Zhegrova ka kërkuar të largohet nga Lille, por skuadra e Ligue 1 deri më tani ka ngurruar të realizojë ndonjë marrëveshje. Napoli ka treguar interes të hershëm për 26-vjeçarin, por përpjekjet e tyre për ta transferuar kanë dështuar.

Tani që ka vetëm një vit kontratë me Lille dhe klubi ka humbur kohët e fundit Jonathan David dhe Angel Gomes si largime falas, presidenti Letang e konfirmoi në konferencën e tij të fundit për shtyp se do të kërkojnë ta shesin Zhegrovën për të mos e humbur falas.

“Edon ka shprehur dëshirën për t’u larguar. Nuk më duket e përshtatshme ta mbajmë me një vit të mbetur në kontratë, sidomos në kontekstin aktual ekonomik të futbollit francez. Po presim largimin e tij”, deklaroi ai.

Interesi më i fortë për Zhegrovën besohet të vijë nga Italia, me Atalantën që gjithashtu konsiderohet një nga pretendentët. Megjithatë, SciSports sugjeron se Newcastle është një opsion i shkëlqyer për të ardhmen e tij, duke u pasuar nga Bayer Leverkusen, Everton, Juventus dhe Napoli.

Newcastle ka nevojë për një sulmues krahut të djathtë në skuadër, pavarësisht performancave pozitive të Jacob Murphy sezonin e kaluar.

Klubi anglez kohët e fundit donte yllin e Nottingham Forest, Anthony Elanga, i cili ishte objektivi kryesor i Newcastle. Megjithatë, Nottingham Forest kërkon 70 milionë euro, një shumë që Newcastle nuk dëshiron ta paguajë.

Me vlerën e transferimit të parashikuar për Zhegrovën në 20.3 milionë euro, ai paraqet një alternativë shumë më të përballueshme në krahasim me Elangën, i cili ka një vlerë prej 49.4 milionë eurosh.

Edon Zhegrova mungoi gjatë gjysmës së dytë të sezonit të kaluar për shkak të dëmtimit, por në 21 paraqitjet e tij arriti të shënojë tetë gola dhe të japë dy asiste.

The post “Po presim largimin e tij” – presidenti i Lille nuk llogarit te Zhegrova, klubi i njohur anglez shfaqet si më ideali për ta vazhduar karrierën appeared first on Albeu.com.

Sipas mediumit francez Le 11, lojtari kosovar është jashtë planeve afatgjata të Lille, veçanërisht pas ardhjes së Marius Broholm në repartin ofensiv.

Zhegrova nuk ka luajtur që nga dhjetori për shkak të një lëndimi në ijë, që ishte i vështirë për t’u diagnostikuar dhe që shkaktoi shqetësim në klub.

Aktualisht, 26-vjeçari po punon individualisht për të rikuperuar plotësisht dhe për t’u përgatitur për sezonin e ri – megjithatë ende nuk dihet ku do ta nisë atë.

Edhe pse vlera e tij në treg ka rënë për shkak të situatës kontraktuale dhe mungesës së garancive për formën fizike, interesimi nuk mungon.

Napoli dhe Atalanta janë dy nga klubet që e kanë në radar në Itali, ndërsa për Zhegrovën është përmendur edhe një transferim i mundshëm në Bundesligë, me RB Leipzigun si një ndër opsionet më të përfolura.

Zhegrova e kishte informuar Lille qysh në shkurt se nuk do ta rinovonte kontratën, duke e bërë të qartë synimin për një ndryshim këtë verë. Ai pati një pjesë të parë të sezonit shumë të mirë, me paraqitje mbresëlënëse edhe në Ligën e Kampionëve.

Tashmë mbetet të shihet se cili klub do të jetë destinacioni i radhës për lojtarin kreativ nga Kosova.

The post Tre klube të njohura vihen pas Edon Zhegrovës pak gjasa të qëndrojë te Lille appeared first on Albeu.com.

Klubi turk po e shikon me ambicie të madhe fazën ofensiv, duke synuar të konfirmojë Victor Osimhen si objektivin kryesor për të forcuar sulmin.

Është një objektiv intrigues, por sfidues, veçanërisht me konkurrencën e fortë nga Premier League, ku edhe Manchester United është i etur t’i bashkohet garës për sulmuesin nigerian.

Sipas shtypit turk, plani rezervë përfshin Jonathan David, një sulmues që do të lirohet nga Lille më 30 qershor, i cili fillimisht ishte në sy të Napolit, por që nuk e ka bindur kurrë plotësisht Antonio Conten dhe për të cilin ende ka konkurrencë nga Juventusi.

The post Galatasaray nuk di ta ndalet në merkato, kërkon sulmuesin e Lille appeared first on Albeu.com.

Pas barazimit 1-1 në Signal Iduna Park, vendësit kaluan në avantazh në minutën e 5-të me Jonathan David.

Megjithatë, gjermanët u nisën menjëherë për të bërë një rikthim.

Penalltia e Emre Can barazoi rezultatin në minutën e 54-të, më pas Beier e përmbysi rezultatin në minutën e 65-të dhe e shtyu skuadrën gjermane drejt çerekfinaleve ku e pret Barcelona.

The post Dortmundi përmbys Lille, në çerekfinale e pret Barça appeared first on Albeu.com.

Sulmuesi i Kombëtares së Kosovës ka pasur një paraqitje të jashtëzakonshme gjatë gjithë vitit 2024 me Lille, duke fituar vendin e tij në mesin e gjigantëve të futbollit si Kylian Mbappé, Marquinhos dhe Achraf Hakimi.

Zhegrova e ndau këtë arritje të rëndësishme me ndjekësit e tij në Instagram, duke postuar një “InstaStory” me mbishkrimin: “Pjesë e Ekipit të Vitit nga L’Equipe”.

Kjo mirënjohje është një nder i madh për Zhegrovën dhe futbollin kosovar, duke e çimentuar statusin e tij në mesin e lojtarëve elitarë të futbollit francez.

The post Ka shkëlqyer me Lille, Zhegrova përzgjidhet në “Skuadrën e Vitit” appeared first on Albeu.com.

Me një gjuajtje fenomenale në hyrje të zonës në minutën e 61-të, Zhegrova vendosi baraspeshën duke çuar peshë zemrat e tifozëve të Lilës.

Një realizim me të vërtetë mbreslënës ai i yllit të Kosovës, i cili është shndërruar në një protagonist absolut te skuadra franceze.

Në duelin e mbrëmjes së sotme, Zhegrova e nisi nga stoli duke zënë vendin e Kabelës së dëmtuar në minutën e 16-të.

Edon, my guy, I never stopped believing in your ability…

Zhegrova stocks TO THE MOON

🎥: @tekkersfoot pic.twitter.com/upjhMbpe3a

— Ben Mattinson (@Ben_Mattinson_) October 23, 2024

The post VIDEO/ Edon Zhegrova i shënon eurogol në Champions Atletikos së Madridit appeared first on Albeu.com.

“Nëse hyn në fushë si viktimë dhe i thua vetes se ndeshja është e humbur, më mirë qëndro në shtëpi. Porn ë të njëjtën kohë duhet të tregohemi edhe realist, do të përballemi me klubin më të madh në botë”

“Jo skuadra më e mirë në botë, klubi më i madh në botë. Gjashtë fitore në Champions League në dhjetë vitet e fundit, është një spektakël. Para ndeshjes në këtë rast gjithçka duket e pabalancuar, por qëndron dhe fakti se ndonjëherë të vegjlit mund të mposhtin të mëdhenjtë”.

The post Lille-Real, Genesio: Ndonjëherë të vegjlit mundin të mëdhenjtë appeared first on Albeu.com.

Me golin e tij, ylli kosovar ia mundësoi Lille kualifikimin në fazën e grupeve të garës më prestigjioze evropiane.

Lille u mposht sonte 2:1 në udhëtim ndaj Slavia Pragës, por që u kualifikua tutje pas fitores 2:0 në ndeshjen e parë.

E para një jave, Edon Zhegrova kishte shënuar një gol, e njëjtë bëri edhe sonte.

Ylli kosovar e barazoi rezultatin në minutën e 77-të me një gol të bukur nga distanca.

Vendasit shënuan për 2:1 në minutën e 84-të, por që nuk ishte e mjaftueshme për t’i siguruar të paktën vazhdimet.

Kësisoj, Edon Zhegrovën do ta shohim në skenën më të madhe të futbollit evropian me skuadrën e tij, Lille.

The post Zhegrova hero i Lille, e dërgon në Ligën e Kampionëve appeared first on Albeu.com.

Pavarësisht se gjithçka po shkonte mirë, një ngjarje e ditëve të fundit ka detyruar “fantazistin” të marrë këtë vendim.

Bentaleb pësoi atak në zemër gjatë një turneu minifutbolli me miqtë më 18 qershor. Pasi u trajtua në vendngjarje me një defibrilator, u transportua me urgjencë në spitalin e Lilës, aty ku iu nënshtrua një operacioni të mërkurën.

Tashmë futbollistit i është vendosur një stimulues i brendshëm dhe, sipas raportimeve më të fundit të prestigjiozes franceze “RMC Sport”, 29-vjeçari duhet të mbyllë përfundimisht hesapet me futbollin e luajtur, duke marrë këtu parasysh edhe rrezikun e përsëritjes së atakut kardiak.

Lojtari ka një kontratë me Lille deri në vitin 2026 dhe në ditët në vijim palët do të arrijnë një marrëveshje për ta ndërprerë atë.

Kujtojmë se gjatë karrierës së tij, Bentaleb ka veshur fanella të skuadrave të mëdha, si Tottenham, Schalke 04, Newcastle dhe Angers, ndërsa me Kombëtaren algjeriane ka zhvilluar në total 54 paraqitje.

The post Pësoi atak kardiak gjatë një miniturneu, futbollisti i Lille detyrohet të lërë futbollin appeared first on Albeu.com.

Bianconerët po planifikojnë të rivitalizojnë skuadrën e tyre në muajt e ardhshëm për t’i ofruar trajnerit të tyre të ri përforcimet e nevojshme për të ndihmuar në mbylljen e diferencës me Interin dhe Milanin, të vetëdijshëm se nevojitet një hap përpara për rikthimit të tyre në Ligën e Kampionëve dhe Kupën e Botës për Klube.

Dyshime të pafundme rrethojnë të ardhmen e Federico Chiesas dhe Juventusi nuk dëshiron të kapen në befasi, kështu që drejtori sportiv Cristiano Giuntoli është në kërkim të një sulmues anësor të ri për të forcuar vijën e sulmit të Mottas.

Sipas gazetës Tuttosport, Zhegrova po kërkon të largohet nga Lille këtë verë dhe së fundmi ka ndërruar agjentin e tij, duke e vendosur Hasan Cetinkayan, dikush që Giuntoli e njeh mirë pas shitjes së Denis Zakarias te Monaco verën e kaluar.

25-vjeçari ka tërhequr vëmendjen e Juventusit dhe çmimi i tij prej 15 milionë euro e bën atë një opsion tërheqës për Giuntolin, i cili po mendon të bëjë një hap përpara për yllin kosovar në javët e ardhshme. /Telegrafi/

The post Edon Zhegrova në radarin e gjigantit italian appeared first on Albeu.com.