Lija e dhenve Archives - Albeu.com

RMV/ Në muajin mars është rritur numri i të infektuarve nga lija e dhenve

D Marku — Mon, 22 Apr 2024 10:54:03 +0000

Raporti i Institutit të Shëndetit Publik ne Maqedonine e Veriut për muajin mars tregon një rritje të ndjeshme të numrit të pacientëve me sëmundje akute infektive krahasuar me muajin shkurt. Numri i përgjithshëm i të sëmurëve është 1431, duke shënuar një rritje prej 27% krahasuar me muajin e mëparshëm. Liha e deleve ka qenë sëmundja akute më e shpeshtë, me 825 raste të regjistruara, që përbëjnë 57.7% të numrit total të të sëmurëve për këtë muaj.

Kolla renditet e dyta për sa i përket numrit të sëmundjeve të raportuara. Në grupin e infeksioneve seksualisht dhe të transmetueshme me gjak – pa HIV/AIDS, janë regjistruar 19 të sëmurë. Këtu përfshihen raste të sifilizit, hepatitit B viral, hepatitit C viral dhe infeksionit me klamidia.

Në lidhje me HIV-in, janë raportuar 4 raste të konfirmuara gjatë muajit mars, ndërsa për SIDA-n janë raportuar 2 raste. Të gjithë pacientët i përkasin grupmoshës 20 deri në 44 vjeç.

Ka pasur edhe disa raste të tjera, si rastet e hepatitit B viral, të cilat nuk janë vaksinuar kundër kësaj sëmundjeje dhe infeksionit pneumokokal me diagnozë meningjiti pneumokokal, të cilët për shkak të moshës nuk janë nënshtrohur imunizimit sipas Kalendarit të Imunizimit të Detyrueshëm në RMV.

Gjithashtu, janë raportuar raste me shytat infektive tek një person mbi 60 vjeç, i pavaksinuar, dhe tek një fëmijë i grupmoshës 5 deri në 9 vjeç, i cili është vaksinuar.

Në fund, janë regjistruar edhe raste me zgjebe te një shtetas i huaj nga Turqia dhe mononukleozë infektive tek një shtetas i huaj nga Kosova.

Kjo analizë përmbledh pjesën kryesore të raportit të ISHP-së për muajin mars, duke identifikuar sëmundjet më të shpeshta dhe rastet më të rënda për t’u monitoruar dhe trajtuar në periudhën aktuale.

The post RMV/ Në muajin mars është rritur numri i të infektuarve nga lija e dhenve appeared first on Albeu.com.

Kujdes! Këto janë sëmundjet më të shpeshta gjatë verës

E B — Fri, 23 Jun 2023 18:38:07 +0000

Vera tashmë ka nisur me temperatura të larta të cilat mund të shkaktojnë probleme të ndryshme shëndetësore ndaj mjekët sugjerojnë shmangien e orëve të pikut.

Ja disa nga sëmundjet më të zakonshme në stinën e nxehtë:

1. Goditja nga i nxehti

• Goditja nga i nxehti ose hipertermia ndodh si pasojë e ekspozimit të zgjatur ndaj temperaturave të larta. Simptomat e goditjes nga i nxehti përfshijnë: temperaturë mbi 39ᵒC, lëkurë e kuqe e thatë, të përzjera, alternime të koshiencës, të dridhura të forta të trupit, dhimbje koke.

2. Helmimi nga ushqimi

• Helmimi nga ushqimi ndodh nga konsumimi i ushqimit ose ujit të kontaminuar. Moti i ngrohtë dhe i lagësht ofron një mjedis pjellor për rritjen e baktereve të cilat pas hyrjes në trupin e njeriut shkaktojnë dhimbje stomaku, të përziera, diarre ose të vjella.

3. Dehidratim

• Një nga problemet më të shpeshta në verë për shkak të djersitjes së shtuar. Kujdes, humbja e lëngjeve duhet të zëvendësohet për funksionimin normal të trupit.

4. Lija e dhenve

• Një nga sëmundjet më të shpeshta të verës. Simptomat e zakonshme përfshijnë flluska, kruajtje të lëkurës, skuqje, temperaturë të lartë, humbje të oreksit dhe dhimbje koke.

5. Tifoja

• Transmetohet nga uji përmes rrugëve orofekale. Simptomat më të zakonshme përfshijnë temperaturë të lartë, lodhje, dobësi, dhimbje barku, dhimbje koke dhe humbje oreksi.

6. Djegia nga dielli

• Shkaktohen nga rrezet ultraviolet (UV) të diellit që dëmtojnë qelizat e lëkurës. Ekspozimi i tepërt ndaj rrezatimit të dëmshëm UV mund të çojë në skuqje të dhimbshme në lëkurë.

7. Skuqje nga nxehtësia

• Ka ngjyrë të kuqe ose rozë që shfaqet në zonat e trupit që janë të mbuluara me veshje dhe është më e zakonshme tek fëmijët. Ndodh kur kanalet e djersës bllokohen dhe fryhen, dhe shfaqet si pika ose puçrra të vogla në lëkurë. Shpesh shkakton siklet dhe kruajtje.

The post Kujdes! Këto janë sëmundjet më të shpeshta gjatë verës appeared first on Albeu.com.

Lija e majmunëve vs lija e dhenve: Dallimet dhe ngjashmëritë

E S — Thu, 02 Jun 2022 13:01:57 +0000

Sipas OBSH-së, tabloja klinike e lisë së majmunëve është e ngjashme me atë të lisë së dhenve, e cila në thelb është një infeksion kongjenital që është eliminuar. Në veçanti, lija e dhenve transmetohej më lehtë dhe në shumicën e rasteve ishte fatale, pasi rreth 30% e pacientëve vdiqën.

Rasti i fundit i lisë së dhenve u raportua në vitin 1977 dhe në vitin 1980 lija u deklarua se ishte zhdukur në mbarë botën pas një fushate vaksinimi dhe kufizimesh globale. Kanë kaluar 40 vite ose më shumë që kur të gjitha vendet e kanë ndërprerë vaksinimin kundër lisë.

Lija e majmunëve është zbuluar në vitin 1958

Nga ana tjetër, virusi i lisë së majmunëve i përket virusit Orthopoxvirus në familjen Poxviridae. Orthopoxvirus përfshin gjithashtu virusin variola (i cili shkakton linë e dhenve). Virusi i lisë së majmunëve u zbulua për herë të parë në vitin 1958 te majmunët dhe për herë të parë te njerëzit në vitin 1970 në Kongo.

Që atëherë, janë raportuar shpërthime lokale në vendet e Afrikës Perëndimore dhe Qendrore, me shpërthimin e fundit Nigeri me mbi 500 raste të konfirmuara dhe të dyshuara, raporton abcnews.al.

Përpara shpërthimit aktual, në Europë dhe konkretisht në Mbretërinë e Bashkuar u identifikuan që nga viti 2018, vetëm 7 raste të lidhura në vendet kur lija e majmunëve është endemike.

Sipas OBSH-së, vaksina kundër lisë së dhenve ka mbrojtur gjithashtu popullsinë nga lija e majmunëve në Afrikën Perëndimore dhe Qendrore, duke i bërë popullatat e pavaksinuara tani më të prekshme ndaj infeksionit me virusin e lisë së majmunëve.

The post Lija e majmunëve vs lija e dhenve: Dallimet dhe ngjashmëritë appeared first on Albeu.com.