Ligjvënësit e krahut të majtë, përfshirë ata nga partitë PS, Livre, PCP dhe Bloco de Esquerda, votuan kundër iniciativës.

Masa ndalon “përdorimin, në hapësirat publike, të veshjeve që synojnë të fshehin ose pengojnë shfaqjen e fytyrës”, siç është rasti me burkën, një veshje që mbulon të gjithë trupin e një gruaje nga koka te këmbët dhe nikabin që mbulon të gjithë fytyrën, përveç syve.

Gjithashtu parandalon aktin e detyrimit të dikujt për të fshehur fytyrën për arsye gjinore ose fetare, thuhet në nismën parlamentare. Përjashtimet përfshijnë rastet kur fshehja e fytyrës është e justifikuar siç duhet për arsye shëndetësore ose për arsye profesionale, artistike ose argëtuese.

Ndalimi gjithashtu nuk zbatohet në aeroplanë ose në ambientet diplomatike dhe konsullore, dhe fytyrat mund të mbulohen edhe në vendet e adhurimit dhe vende të tjera të shenjta. Gjithashtu përjashtohet nga ndalimi fshehja e fytyrës për arsye që lidhen me sigurinë ose për shkak të kushteve klimatike, ose sa herë që kjo rezulton nga një dispozitë ligjore që e lejon atë.

Ligji tani do të debatohet në komisionin parlamentar për Çështjet Kushtetuese, të Drejtat, Liritë dhe Garancitë. Por, presidenti Marcelo Rebelo de Sousa ende duhet ta miratojë projektligjin. Ai mund ta vërë veton ose ta dërgojë atë në Gjykatën Kushtetuese për shqyrtim.

The post Portugalia miraton ligjin që ndalon burkën dhe nikabin në publik appeared first on Albeu.com.

“Jemi në një fazë të re dhe këtë duhet ta kuptojnë shumë mirë të gjithë kompanitë shqiptare ku Shqipëria pasi ka kaluar me sukses porcesin e skanimit të BE me celjen e negociatave ka marrë edhe angazhime të forta lidhur me mjedisin, përgjegjësinë kombëtare e institucionale e individuale në respektimin mbrojtjen dhe përmirësimin e cilësisë së mjedisit.

Dhe ligjet për përgjegjësinë e zgjeruar të prodhuesit dhe menaxhimit të integruar të mbetjeve janë shëmbëlltyrë e fazës së re. Ato janë në zhvillim e sipër nga ana e ministrisë e qeverisë e së shpejti do kalojë parlamentit”, tha Rama.
Rama tha se sipërfaqja e mbrojtur e Shqipërisë, është rritur nga 17 % që ishte kur e morëm këtë detyrë në 22 %.

The post Mbrojtja e mjedisit/ Kryeministri Rama paralajmëron ligj të ri për menaxhim e integruar të mbetjeve appeared first on Albeu.com.

Më 11 prill, për mobilizimin ushtarak votuan 283 ligjvënës në Parlamentin prej 450 anëtarësh, thanë ligjvënësit Yaroslav Zheleznyak dhe Oleksiy Honcharenko.

Një nen për çmobilizim të atyre që aktualisht po shërbejnë në forcat e armatosura është hequr nga ligji dhe kjo lëvizje pritet të shkaktojë zemërim në mesin e trupave ukrainase dhe familjarëve të tyre.

Heqja e nenit për çmobilizim nga ligji u mbështet nga 227 ligjvënës.

Projektligji për mobilizim ishte miratuar në lexim të parë më 7 shkurt.

Më 2 prill, presidenti ukrainas, Volodymyr Zelensky, nënshkroi një ligj duke ulur moshën e mobilizimit nga 27 në 25 vjeç.

Ukraina është në gjendje lufte që nga 24 shkurti i vitit 2022, ditën kur Rusia nisi pushtimin e paprovokuar në shkallë të gjerë të shtetit fqinj.

Ish-komandanti i përgjithshëm i ushtrisë ukrainase, Valeriy Zaluzhniy, deklaroi në shkurt se Ukrainës i duhen 500.000 rekrutë të rinj për të forcuar radhët./REL

The post Miratohet nga parlamenti ukrainas ligji i ri për mobilizim appeared first on Albeu.com.

Në fund gjërat rrodhën shpejt: Pas një debati shumë të ashpër, por të shkurtër parlamenti në Kroaci miratoi në seancën e fundit të legjislaturës të enjten (14.03.2024) me votat e koalicionit qeverisës një ligj mjaft të kontestuar të kodit penal. Sipas ligjit të ri konsiderohet si vepër penale transferimi i informacioneve nga hetimet policore tek gazetarët dhe ndiqet penalisht sipas ligjit. Kështu whistleblowerët e zbuluar kërcënohen nga disa vite burg.

Shndërrimi i një nxënësi shembullor

Por ky nuk është ndryshimi i vetëm ligjor. Edhe masa të tjera të Andrej Plenkovic dëshmojnë, sipas vëzhguesve, për një transformim të habitshëm të një nxënësi shembullor europian, në lidhje me bashkëpunimin me institucionet europiane në një drejtim të marrë më parë nga politikanë të tjerë autoritarë europianë, si kryeministri hungarez, Viktor Orban.

Kështu Plenkovic megjithë protestat vendosi si Prokuror të Përgjithshëm, njeriun “e tij”, Ivan Turudic, megjithëse ish-gjykatësi me prova kishte bërë dëshmi të gabuara. Ai kishte komunikuar në mirëbesim me persona të përfshirë në afera korrupsioni dhe të paktën ishte takuar dy herë me ish-presidentin e klubit Dinamo Zagreb, të akuzuar për korrupsion, në kohën që kundër zhvilloheshin hetime. Si prokuror i përgjithshëm, Turudic është përgjegjës ndër të tjera edhe për aferat e mëdha të korrupsionit. Turudic u betua në mars, megjithëse në maj do të fillojë nga detyra, betimi i tij u krye në mandatin e Plenkovic dhe para zgjedhjeve. Të gjithë gjykatësit e Gjykatës Kushtetuese e bojkotuan ceremoninë, një hap i pazakontë për marrëdhëniet kroate.

Maja Sever thotë se këtyre i shtohet një numër në rritje i rasteve të presionit ndaj mediave që kërcënohen me heqjen e të ardhurave nga reklamat e institucioneve shtetërore, nëse raportojnë në mënyrë kritike. E gjitha kjo tregon për një përpjekje për “orbanizim” të Kroacisë”, pra të qeverisjes sipas modelit të Viktor Orbanit, thotë Sever. “Bëhet fjalë për destabilizimin e institucioneve demokratike dhe të gjithë shoqërisë.”

Nëse pas këtyre masave vërtet fshihen “qëllime të rrezikshme” si pretendon opozita, ndoshta mund të kuptohet pas zgjedhjeve parlamentare në Kroaci që zhvillohen së shpejti dhe zgjedhjeve të Parlamentit Europian në qershor. Në të kaluarën është spekuluar shpesh se Andrej Plenkovic në të vërtetë nuk interesohet shumë për politikën në Kroaci, po synon një post të lartë në Bruksel.

Mijëra gazetarë nënshkruan një peticion kundër nenit të ri të ligjit, u organizuan protesta kundër qeverisë, në debatet parlamentare u përdor një gjuhë e ashpër dhe fajësime të mëdha. Bëhet fjalë për një “ligj për mbulimin e korrupsionit politik”, ishin të mendimit shumë politikanë të opozitës dhe analistë në mediat kritike të qeverisë. Kryeministri Plenkovic u krahasua herë me Hitlerin, herë me kryeministrin hungarez, Viktor Orban apo presidentin serb, Vucic. Qeveria u akuzua për përpjekje për shtypjen e mendimit të lirë dhe “mbytjen e demokracisë që janë tipare të një regjimi totalitar”, akuza tjetër, “vendi është i pushtuar nga mafia që është në pushtet”. Po krijohet një “ligj i qëllimeve të këqija”, që “fsheh format e ndryshme të mashtrimit të parave publike dhe kriminaliteti, që sundojnë në shoqërinë kroate”. Në media u fol për një “Lex AP”, shkurt për kryeministrin Plenkovic që megjithë kritikat i qëndroi nenit të ri.

Kufizim i lirisë së mendimit

Kroacia prej vitesh tronditet nga skandale të shumta. Plenkovicit në tetë vitet e fundit i është dashur të ndërrojë rreth 30 ministra, një pjesë të madhe për shkak të përfshirjes në skandale të ndryshme. Shumica u zbuluan nga mediat, pasi whistlblower dhanë në media informacione të ndryshme si përmbajtje të një SMS-je apo E-maileve privatë. Maja Sever, presidente e Shoqëtës së Gazetarëve të Kroacisë dhe Federatës së Gazetarëve Europiane, EJF është e mendimit se pikërisht këto janë shkak i nenit të ri të kodit penal. “Kjo është bërë për Plenkovic shumë e rrezikshme. Prandaj ai përpiqet të ndalë këtë”, thotë ajo për DW.

“Ky ashpërsim i ligjit bën një kriminalizim të gazetarëve si autorë apo bashkëautorë të një vepre penale”, kritikon Sever. Përmes ligjit të ri në Kroaci kufizohet liria e mendimit. “Nëse bëhet fjalë për një vepër penale, policia ka në dorë masa të tjera kundër gazetarëve se ndryshe, ajo mund të kontrollojë celularët e tyre, laptopët apo dhomat redaksionale” për të gjetur burimin e informacionit. Ky është sulm kundër raportimit të lirë”, paralajmëron Sever.

Qeveria i hedh poshtë akuzat. Qëllimi i ashpërsimit të ligjit është vetëm “të sigurohet prezumimi i pafajësisë” dhe “të mbrohen të drejtat e personalitetit të njeriut, kundër të cilit zhvillohen hetimet”, deklaroi ministri i Drejtësisë, Ivan Malenica.

Edhe Këshilli i Europës ka shprehur shqetësimin për zhvillimin e situatës së mediave në Kroaci. Në një raport vjetor të publikuar mbi lirinë e medias, Kroacia përmendet në disa vende. Në lidhje me Lex AP thuhet se “kritikët paralajmërojnë që ky ligj i jep fund gazetarisë së pavarur në Kroaci dhe mund të përcaktojë një epokë të re të mediave të kontrolluara nga shteti. Kjo është në kundërshtim me standartet europiane.”

The post Ligji i ri në Kroaci/ Konsiderohet vepër penale transferimi i informacioneve nga hetimet policore tek gazetarët appeared first on Albeu.com.

Masa do të zbatohet për këdo që shpallet fajtor për “diskreditim” të forcave të armatosura, thirrje për sanksione kundër Rusisë ose nxitje të aktiviteteve ekstremiste

Projektligji kaloi të parin nga tre leximet me 395 vota pro dhe tre kundër. Kështu shteti do të jetë në gjendje të konfiskojë pronat nga rusët që janë larguar nga vendi dhe janë kritikë ndaj luftës në Ukrainë, por që ende mbështeten në të ardhurat nga qiraja nga pronat e tyre, shtëpitë dhe apartamentet në Rusi.

Që nga pushtimi ushtarak i Ukrainës në shkurt 2022, Rusia ka shtrënguar masat për të shtypur çdo formë të mospajtimit politik.

Sipas ligjeve të miratuara në mars, diskreditimi i forcave të armatosura ose ‘përhapja e informacionit të rremë’ për ushtrinë dënohet me burgim.

The post Rusia me ligj të ri, do të marrë pronat e rusëve që kritikojnë luftën në Ukrainë appeared first on Albeu.com.

Shtëpia më e madhe e futbollit evropian ka informuar klubet dhe kombëtaret që ta nënshkruajnë këtë peticion, në të cilin përfshihen të gjitha procedurat që duhet ndjekur në raste të lëndimeve në kokë.

“Tronditja në kokë është një lëndim serioz i cili duhet të menaxhohet dhe të trajtohet në mënyrën më të mirë. Shëndeti dhe siguria e çdo lojtari që merr pjesë në nivel klubi dhe kombëtareje është pjesë serioze për UEFA, por gjithashtu në asociacionet e tjera përgjatë kontinentit”, shkruante në komunikatën e UEFA-s.

“Edhe pse studimet tregojnë një numër të vogël incidentesh në futboll, të gjithë duhet ta dinë si të reagojnë dhe çfarë të bëjnë në raste tronditjesh në kokë. Duke e nënshkruar këtë peticion, klubet dhe kombëtaret do të demonstrojnë përkrahjen e tyre drejt aktiviteteve mbi tronditje të kokës nga UEFA, dhe të marrin një hap para drejt mbrojtjes së lojtarëve të tyre”, thuhet më tej në UEFA./h.ll/albeu.com

The post UEFA me ligj të ri për të cilin do të përfitojnë më së shumti lojtarët appeared first on Albeu.com.

Ligjet e reja të miratuara të premten janë një përgjigje pas shpërthimit të punës nga shtëpia si rezultat i pandemisë së COVID-19 – tha Partia Socialiste në fuqi në Portugali.

Sipas rregullave të reja, punëdhënësit mund të përballen me ndëshkime nëse kontaktojnë punonjësit jashtë orarit të punës. Kompanitë duhet edhe të ndihmojnë në pagesat e shpenzimeve për të mbështetur punën nga shtëpia, si për shembull faturat më të larta të energjisë elektrike dhe internetit.

Por amendamentet në ligjet e punës në Portugali kanë disa kufizime – ato nuk do të zbatohen te kompani me më pak dhe dhjetë punonjës.

Çfarë do të ndryshojë?

Kompanitë tani mund të përballen me gjoba nëse kontaktojnë punonjësit jashtë orarit normal të punës – sipas rregullave të reja. Megjithatë, propozimi që përfshin të ashtuquajturën “të drejtën për të shkëputur” (right to disconnect) – e drejta ligjore për të mbyllur mesazhet dhe pajisjet e lidhura me punën jashtë orarit të punës – u refuzua nga deputetët portugezë.

Kompanitë duhet të kontribuojnë edhe në shpenzimet që punonjësit kanë bërë si rezultat i të punuarit nga shtëpia. Këtu mund të përfshihen faturat për energjinë elektrike ose internetin, por jo uji. Punëdhënësit mund t’i shkruajnë këto kosto si shpenzime biznesi.

Rregullat e reja janë edhe një lajm i mirë për prindërit me fëmijë të vegjël. Ata tashmë kanë të drejtën të punojnë nga shtëpia pa pasur nevojë ta rregullojnë atë paraprakisht me punëdhënësin, deri sa fëmija të mbushë 8 vjeç.
Në këto rregulla për punën në distancë përfshihen edhe masa për të luftuar vetminë, me kompanitë që duhet të organizojnë takime ballë për ballë të paktën çdo dy muaj.

“Një ndryshim i lojës”

Portugalia ishte shteti i parë europian që ndryshoi rregullat për punën në distancë, si rezultat i drejtpërdrejtë i pandemisë në janar të këtij viti. Rregullat e përkohshme e kanë bërë punën në distancë një opsion të detyrueshëm – me pak përjashtime – dhe i kanë detyruar punëdhënësit të siguronin mjetet e nevojshme për kryerjen e punës në shtëpi.

Por ndërkohë që puna në distancë gjatë pandemisë solli elasticitet të ri për shumë njerëz, çështje si aksesi i pabarabartë në pajisjet IT nxorën në pah nevojën e ndërhyrjes së qeverisë – tha ministrja portugeze e Punës dhe Sigurisë Sociale, Ana Mendes Godinho në konferencën Web Summit në Lisbonë javën e kaluar.

“Pandemia përshpejtoi nevojën për të rregulluar atë çfarë duhet të rregullohet”, tha ajo. “Puna në distancë mund të jetë ‘një ndryshim i lojës’ nëse përfitojmë nga avantazhet dhe zvogëlojmë disavantazhet”.

Krijimi i një kulture të shëndetshme të punës në distancë mund të sjellë përfitime të tjera në Portugali, tha znj. Mendes Godinho, nën formën e punonjësve të huaj në distancë që kërkojnë një ndryshim të skenarit.

“Ne e konsiderojmë Portugalinë një nga vendet më të mira në botë për këta nomadë dixhitalë dhe punonjësit në distancë që zgjedhin të jetojnë – dëshirojmë t’i tërheqim ata në Portugali” – tha ministrja në konferencën Web Summit./monitor/

The post Ligji i ri: Nëse shefi të nis një mesazh pas orarit të punës, ndëshkohet appeared first on Albeu.com.