Edicioni 2026/27 i Ligës së Parë të Kosovës në futsall do të zhvillohet me 14 skuadra, duke sjellë një format më të gjerë të garës.

Në sezonin e ri do të marrin pjesë edhe shtatë klube të reja, të cilat pritet ta rrisin konkurrencën dhe ta bëjnë kampionatin më rivalizues.

Ekipet që do t’i bashkohen kësaj lige janë Ballkani Futsal, Dukagjini 03, Fushë Kosova 01, Legjendat, Lipjani, Vitia dhe Vëllaznimi.

Përfshirja e këtyre skuadrave tregon se interesimi për futsallin në Kosovë vazhdon të rritet, ndërsa kjo disiplinë po shënon zhvillim të mëtejshëm në vend.

Me pjesëmarrjen e klubeve të reja, sezoni 2026/27 pritet të karakterizohet nga rivalitet më i madh, përballje interesante dhe garë e fortë për objektivat sezonale.

Komisioni i Futsallit i ka përshëndetur klubet e reja, duke u uruar sukses dhe një edicion sa më cilësor.

The post Liga e Parë e Kosovës në futsall zgjerohet me shtatë skuadra të reja appeared first on Albeu.com.

Njoftimi është publikuar në rrjetet sociale zyrtare të klubit, ku vazhdimi i bashkëpunimit me Munishin përshkruhet si ndër veprimet e para në kuadër të projektit të ri të FC Lirisë, i cili mbështetet në stabilitet, besim dhe një vizion afatgjatë.

Sipas klubit, te Munishi ekziston besim i plotë për shkak të punës, përvojës dhe profesionalizmit të tij, ndërsa ai konsiderohet një figurë e rëndësishme në ndërtimin e skuadrës për sezonet që vijnë.

“Së bashku do të punohet për krijimin e një skuadre konkurruese, me identitet të qartë dhe ambicie të mëdha, me synimin për ta rikthyer FC Lirinë aty ku e ka vendin”, thuhet në komunikatën e klubit.

Në përmbyllje të njoftimit, FC Liria i ka uruar Ismet Munishit suksese në vazhdim, duke shprehur besimin se ky bashkëpunim do të prodhojë rezultate pozitive dhe do t’u sjellë gëzim tifozëve bardhezi.

The post FC Liria zyrtarizon vazhdimin me Ismet Munishin, firmos marrëveshje për tre vjet appeared first on Albeu.com.